برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاربعاء 21 نوفمبر 2012 يوتيوب كاملة
بلدنا بالمصري: اللي يهاتي يهاتي والقافلة تسير
بنمسي عليكوا وحلقة جديدة من بلدنا بالمصري.. هنختمها بمواقف الاحزاب والقوى الساسية من اللي احنا فيه، من النقيض للنقيض.. من انها ثورة مضادة وجزء من موجة فوضى مخططة، دة من وجهة نظر قيادات بارزة في جماعة الاخوان المسلمين وحزبها الحرية والعدالة، للنقيض التاني وهو ان اللي احنا فيه دة نتيجة حتمية لعدم القصاص العادل ومحاسبة المسؤولين عن كل الدم اللي دفعناه طول السنتين اللي فاتوا.. المواقف كلها هتكون ممثلة.. لكن السؤال الاهم اللي هيوجه ليهم هو المواقف ديه هتقف عن حد الكلام وبيانات الادانة ولا هتترجم لفعل؟! يعني اللي شايفين انها ثورة مضادة ومخطط للفوضى وهم اللي في السلطة هيعملوا ايه اولاً عشان يثبتوا انها ثورة مضادة وثانياً عشان يخلصونا منها ومن الفوضى المخططة على حد قولهم.. ومن ناحية تانية اللي شايفين ان غياب العدالة والوضع اللي فضل على ما هو عليه بعبله هم السبب في اللي احنا فيه، هيعملوا ايه عشان يضغطوا على اللي في السلطة عشان يصلحوا الاحوال ويعدلوا المايلة، ولا هيفضلوا يهاتوا كدة وخلاص .. وزي زمان اللي يهاتي يهاتي والقافلة تسير حتى لو السير في عكس اتجاه سكة السلامة على طول الخط؟!! كل ديه اسئلة هنطرحها على ضيوفنا النهاردة من قيادات جماعة الاخوان المسلمين وحزب الحرية والعدالة ومن قيادات حزب مصر القوية والتيار الشعبي
بلدنا بالمصري: آدي الداخلية وآدي السلاح وآدي الضرب
شهدت الليلة الماضية مناوشات بين المتظاهرين وقوات الأمن في شارعي محمد محمود والقصر العيني ليترتفع عدد المصابين
ورغم ما ذكرته وزارة الصحة عن عدم وجود حالات وفيات .. الا أن حركت 6 أبريل أعلنت عن وفاة جابر صلاح أحد أعضائها
ريم ماجد: كلمتين لوزير الداخلية اللي رجع لقديمه
أكيد كلام وزير الداخلية كلام شرحه يطول .. بس أنا عايزة أقول كلمتين .. أيام الثورة كانت مصر مش ميدان التحرير .. زي النهاردة هيا مش محمد محمود .. مصر أكيد أكبر من كدة
بلدنا بالمصري - وزير الداخلية: مصر مش محمد محمود
لكن بعد اخر اخبار بلدنا اللي هنبداها بالمؤتمر الصحفي لوزير الداخلية اللي اكد فيه على احترامها لحقوق الانسان والتزامها باقصى درجات ضبط النفس وقدرتها على التمييز بين المندسين المخربين وبين المتظاهرين واصرارها على استكمال رسالتها.. وفكرنا ان مصر اكبر بكتير من شارع يوسف الجندي ومحمد محمود القصر العيني وميدان التحرير فمش معقول ان كل القنوات الفضائية تبقى هناك وسايبة مصر كلها!!!
بلدنا: وزارة الداخلية .. هذا المبنى الميتافيزيقي
كلام وزير الداخلية كلام شرحه يطول، بس بعد ما نروح لمحيط وزارة الداخلية، اللي بقى اوسع من المحيط الهادي.. بس قبل ما نروح نشوف بعينينا اللي حصل واللي بيحصل في هذا المحيط الطويل العريض.. عايزة اقرالكو سريعاً كلمتين منتشرين النهاردة بقوة على مواقع التواصل الاجتماعي على اعتبار انهم ابلغ تعبير عن موقع وزارة الداخلية ومحيطها اللي مش راسيين على بر وبيبرتعوا في شوارع وسط البلد على كيف كيفهم بغض النظر عن التاريخ والجغرافيا وطبيعة الاشياء.. الكلمتين كتبتهم سارة السرجاني عن وزارة الداخلية هذا المبنى الميتافيزيقي
بلدنا بالمصري: الوضع على الأرض في اشتباكات الميدان
فخلونا برده وكالعادة نبدا من على الارض من مراسلنا محمد الخولي من شارع القصر العيني
محفوظ: وزير الداخلية زف بشرى بعودة الأمن الوطني من جديد
معنا على الهاتف - العقيد د. محمد محفوظ - المنسق العام للإئتلاف ضباط لكن شرفاء .. حول بيان الوزير
ريم ماجد: وزير الداخلية وعينينا اللي شايفين بيها
طيب دلوقتي.. احنا شوفنا بعنينا وبوضوح يسد عين الشمس افراد من الامن المركزي فوق سطوح المباني ومن شبابيك مدرسة الليسيه.. اللي شفناه بعينينا دة وهنشوفه تاني اهوه، اجزاء منه احنا اللي مصورينها يعني مراسلينا اللي مصورينها، واجزاء اللي مصورها مراسل وكالة اوناالاخبارية واجزاء مرفوعة على عدد من الصفحات ومواقع التواصل الاجتماعي.. غير شوية صور مصورينها مواطنين عاديين من اللي ساكنين في قلب الاحداث.. طيب واحنا شايفين كل دة بعينينا، نسمع بودانا وزير الداخلية عن عناصر مدربة وراها جهات مدربة، وبعدين يرجع يتكلم عن اطفال مغرر بيهم.. فماىنبقاش عارفين هي عناصر مطربة ولا شوية اطفال لا حول ليها ولا قوة.. وفي نفس الوقت تقع نفس عينينا اللي احنا شايفين بيها ديه، تصريحات لمدير الامن العام منسوبة ليه على شبكة اخبار مصر
طيب حاضر.. ما هو يا اما نشك في قوانا العقلية ونعتبر اللي احنا شايفينه دة مجرد هلاوس بصرية تحت تاثير كرب ما بعد الصدمات اللي نازلة ترف على دماغنا.. او ناخدها من قاصرها ونكدب عينينا ونصدق قيادات الداخلية ونبصم بالعشرة ان تاني وبرده فيه طرف تالت هو اللي نازل فينا ضرب احنا والداخلية في ساعة واحدة وان الطرف التالت دة بيعمل لصالح جماعة وفئة بعينها مدربة وعناصرها مدربة بس الداخلية لسة مش عارفة هم مين او عارفة بس مخبية علينا!!!
بلدنا بالمصري: دم جابر في رقبة الرئيس اللي انتخبه
اقصى درجات ضبط النفس اللي تحلت بيها قوات الامن، كانت نتيجتها ان فيه واحد اسمه جابر عنده ١٩ سنة يا مات يا بين الحياة والموت .. جابر ماكانش مندس لانه قبل ما ينزل اعلن انه نازل عشان حق اللي راحوا.. ولا هو عنصر مدرب بدليل انه مات او بيموت.. مواطن صالح راح ادلى بصوته في الانتخابات وانتخب رئيس الجمهورية لسبببين الاول انه كان عنده امل يجيب حق اللي راحوا والتاني لانه لو قرر في يوم يعارضه او ينزل يتظاهر في عهده مش هيقتله زي العسكر ما عملوا.. النهاردة ابو جابر بيقولها بعلو صوته: دم جابر في رقبة اللي انتخبه واداله صوته عن طيب خاطر
جابر النهاردة موجود على حيطان محمود صورة في وسط جرافيتي الشهدا على الحيطان.
بلدنا: محمود و ٧ طلقات في جسمه بين الحياة والموت
احترام حقوق الانسان واقصى درجات ضبط النفس والرسالة اللي الداخلية مصرة تستكملها، كانت نتيجتها ان فيه ولد اسمه محمود السعيد ، موجود من امبارح في مستسفى القصر العيني الفرنساوي بعد اصابته باكتر من طلقة، في مناطق متفرقة من جسمه منها البطن والكبد والطحال.. محمود مش من الاطفال المغرر بيها، بشهاة والده اللي قال لنا احنا امبارح، انه امبارح بس اكتشف ان الولاد الصغيرين دول هم اللي عندهم حق وهم اللي كانوا طول الوقت شايفين اللي احنا مش شايفينه.. والد احمد والدكتور احمد فاروق المتحدث باسم اطباء التحرير اكدوا لنا امبارح ان الطلقات اللي صابت محمود باقصى رجات ضبط النفس، طلقات حية بس كانوا منتظرين التقرير الطبي.. لكن الاهم من التقرير الطبي اننا نطمن على محود الاول
يا وزير الداخلية ، أبني أشجع منك .. بطلوا كدب
معنا على الهاتف أ/ محمد سعيد - والد محمود المصاب بطلق ناري في أحداث محمد محمود
بلدنا بالمصري: المصابون في اشتباكات محمد محمود
حول المصابون في اشتباكات محمد محمود و بيان وزارة الصحة معنا على الهاتف
د. أحمد فاروق - المتحدث بأسم أطباء التحرير
ريم ماجد: لا أخلاقي ولاقانوني يا وزارة الداخلية
اما بالنسبة للمعتقلين، فوزارة الداخلية بتتكلم عن ١١٨ تم القبض عليهم ومصورة عدد منهم وباعتة لنا الفيديو اللي حضراتكوا شايفينه دة لعرضه على الراي العام
بلدنا بالمصري: وعجبي .. مين اللي حرق قناة الجزيرة
النهاردة كمان وعشان تكمل، كان الاعتداء على ستوديو قناة الجزيرة مباشر في ميدان التحرير وحرقه بزجاجات المولوتوف من غير اي اصابات او خساير في الارواح.. واياً كان مين اللي حرقوا ستوديو قناة الجزيرة فديه جريمة بكل المقاييس ومش مقبولة.. والجريمة مش بس في حق قناة الحزيرة ولا بس في حرية الراي والتعبير، لا ديه كمان في حق القضية اللي الناس في الشارع بتموت عشانها.. ولو فيه اي رسالة من ورا الاعتداء دة النهاردة فهي ببساطة ومش محتاجة فتاكة يعني، هي التاكيد على قولة ان كل الناس اللي بيسح دمها في الشارع دول بلطجية وماجورين ومسجلين خطر وعناصر مدربة.. لحد دلوقتي ماحدش يعرف مين اللي عملها ومين اللي وراها لكن مين المستفيد هو دة السؤال اللي لازم نساله؟! وسبحان الله، يعني قناة الجزيرة نفسها سمتهم "مجهولون" وحتى بيان وزارة الداخلية سماهم مثيري الشغب.. دة بيان وزارة الداخلية عن الاعتداء على قناة الجزيرة اهو
لكن المجهولين في عرف قناة الجزيرة المعتدى عليها.. ومثيري الشغب حتى في عرف الداخلية اتحولوا بقدرة قادر في عرف بعض وسائل الاعلام والمواقع الاخبارية ل "مجموعة من المتظاهرين" .. وعجبي
بلدنا بالمصري: فيديو الداخلية عن أحداث محمد محمود
اما بالنسبة للمعتقلين، فوزارة الداخلية بتتكلم عن ١١٨ تم القبض عليهم ومصورة عدد منهم وباعتة لنا الفيديو اللي حضراتكوا شايفينه دة لعرضه على الراي العام
بلدنا : حرق مقر قناة الجزيرة بالقاهرة بالمولوتوف
الاعتداء على ستوديو قناة الجزيرة مباشر في ميدان التحرير وحرقه بزجاجات المولوتوف من غير اي اصابات او خساير في الارواح..
بلدنا بالمصري: منظمات تستنكر حرق مقر الجزيرة
منظمات وبيانات تستنكر حرق مقر الجزيرة وكانت كالأتي
بلدنا بالمصري: أم الأربع ملايكة .. احنا آسفين
حصل سوء تفاهم مننا ومن وسائل الإعلام أن والدة الشهداء الأربعة بالعباسية .. تفاصيل أكتر هنعرفها من
أ/ حمادة أنور - والد الأطفال الأربعة
بلدنا بالمصري: بلدوزرات قافلة جامعة النيل في وش الطلبة
نرجع لجامعة النيل .. من بيان وزارة التعليم وبيان جامعة النيل أن هناك تحركات غريبة في جامعة النيل
تفاصيل أكتر هنعرفها من
أ/ شريف فؤاد المتحدث باسم مدينة زويل
اللي بيجرى، فوضى مخططة ولا غياب عدل .. في بلدنا بالمصري
تعددت التفسيرات والتحليلات والمواقف والحدث واحد: اللي بيحصل من احداث، يجوز او حتى يمكن ان الاوان نسميها محمد محمود تلاتة وربنا يجعل التالتة تابتة.. ومع ان رفض اللي بيحصل واحد الا ان اسباب الرفض راحت من النقيض للنقيض: من ان اللي بيحصل دة ثورة مضادة ومخطط لفوضى مدبرة ، وما بين انه اعادة انتاج لكل ممارسات النظام القديم وحكم العسكر ونتيجة حتمية لان الحق ضايع والعدالة غايبة.. وكل راي وموقف حجته معاه.. لكن السؤال طب واخرتها وهتعملوا ايه يا اهل الله ياللي في السلطة او في الاحزاب والقوى السياسية
ليست هناك تعليقات:
إرسال تعليق