برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاثنين 19 نوفمبر 2012 يوتيوب كاملة
بلدنا - عبد الراضي: المولوتوف ليس من قبل المتظاهرين
معنا على الهاتف أ/ هاني عبد الراضي - عضو المكتب التنفيذي بإتحاد الشباب الإشتراكي حول اشتباكات الأمن والمتظاهرين في ذكرى محمد محمود
بلدنا: اشتباكات الأمن والمتظاهرين في ذكرى محمد محمود
وبما انها ماجاتش على قد اسم الشارع فخلونا وبماان ما اشبه الليلة بالبارحة وربنا يجيب بقية العواقب سليمة فخلونا نبدا من شارع عيون الحرية نطمن على المتظاهرين خاصة وان الاخبار اللي جاية لنا من هناك ما تطمنش
ريم ماجد: تبقى مجتش على اسم الشارع
بنمسي على حضراتكوا وحلقة جديدة من بلدنا بالمصري.. زي النهاردة وزي دلوقتي السنة اللي فاتت كان مالك مصطفى فقد عينه اليمين واحمد حرارة فقد عينيه الاتنين: اليمين يوم ٢٨ يناير والشمال زي النهاردة، كنا على وشك ندفع شهيد والمصابين بالعشرات وميدان التحرير كل مادى ما بتزيد فيه الاعداد بعد ما اعتدت الشرطة الصبح على المصابين واهالي الشهدا وفضت اعتصامهم بالقوة، وبعد ما بقت الاشتباكات على اشدها ما بين قوات الامن المسلحة وما بين المتظاهرين العزل الا من طوب الارض.. فبدات مواجع الايام الستة في شارع عيون الحرية (محمد سابقاً) النهاردة مش هيكون لنا سيرة غيرة سيرة ذكرى الايام الستة في شارع عيون الحرية (شارع محمد محمود ) سابقاً.. شارع عيون الحرية ومع انه اسم على مسمى ، ومع ان عيون الحرية لولاها ما كانوا اللي في السلطة بقوا في السلطة، ولولاها ما كان بقى فيه سلطة مدنية اصلاً ويمكن كان زماننا لحد النهاردة تحت سلطة حكم العسكر، الا ان المدنيين اللي في السلطة اللي اتدفع في كراسيهم دم كتير لسة مش هاين عليهم يغيروا اسم الشارع، فبالنسبة لهم شارع عيون الحرية لساه شارع محمد محمود.. لكن يمكن اذا عرف السبب بطل العجب او بمعنى اصح الاسباب: اولاً ان الجماعة اللي في السلطة ماكانتش في محمد محمود، سابت الميدان من يوم ١٨ نوفمبر بعد العصر وما عتبتوش تاني ابداً في الايام الستة ولا حتى بعد الاعتداء على المصابين واهالي الشهدا.. ولا حتى وحباب العينين بتروح واحدة ورا التانية.. ولا حتى بعد ما بات الشهيد في كوم الزبالة.. بالعكس بالنسبة لها اللي في محمد محمود دول كانوا صيع وبلطجية وفوضويين وعايزين ياجلوا الانتخابات ويستاهلوا كل اللي يجرالهم فيموتوا بالرصاص الحي او بغيظهم ما تفرقش.. وبالتالي شارع عيون الحرية ايه وبتاع ايه؟!!! ثانياً: ان رئيس الحكومة اللي الجماعة قرروا انها حكومة الثورة واللي عينه الرئيس المنتخب اللي قررت الجماعة انه رئيس الثورة رايه اللي اعلنه كدة وبالفم المليان وعلى عينك تاجر ، وهنسمعه بعد شوية صوت وصورة رايه ان بتوع محمد محمود واحد واتنين كانوا باللفظ: ماجورين!!!! يبقى شارع عيون الحرية ايه وبتاع ايه؟!!! القصد.. هي اصلها ماجاتش على اسم الشارع.. لما تبقى المطالب النهاردة في الشارع بعد سنة على احداث محمد محمود وبعد اكتر من سنة ونص على الثورة، لساها القصاص العادل لدم الشهدا والعدالة الانتقالية وتطهير وزارة الداخلية والعيش والحرية والعدالة الاجتماعية والكرامة الانسانية.. تبقى ماجاتش على اسم الشارع..
بلدنا بالمصري - غانم: غاز قوات الأمن هذة المرة مختلف
معنا على الهاتف أ/ رامي غانم - عضو المكتب السياسي بالجبهة القومية للعدالة الديمقراطية حول اشتباكات الأمن والمتظاهرين في ذكرى محمد محمود
بلدنا بالمصري - أحمد فاروق: غاز الأمن الجديد يسبب هلوسة
معنا على الهاتف د. أحمد فاروق - المتحدث باسم أطباء التحرير حول اشتباكات الأمن والمتظاهرين في ذكرى محمد محمود
بلدنا بالمصري: الذكرى السنوية الأولى لأبطال محمد محمود
في نفس الوقت اللي كانت بتتجمع فيه المسيرات لاخر مطافها في شارع عيون الحرية، اعلنت مجموعة كبيرة من الحزاب والقوى والحكات السياسية والثورية عن مطالبها اللي هتحشد عليها وهتخرج بيها يوم الجمعة ٢٣ في ميدان التحرير وميادين التحرير في مصر احياءاً للذكرى السنوية الاولى لابطال الايام الستة واولها بعد القصاص العادل لدم الشهدا، تطهير وزارة الداخلية بقة..
بلدنا - قوى سياسية: حاكموهم .. والعار على المتخاذلين
اعلنت مجموعة كبيرة من الحزاب والقوى والحكات السياسية والثورية عن بيانهم واللي إختتموه بـ
حاكموهم .. والعار على المتخاذلين
بلدنا بالمصري: مين دول اللي في شارع عيون الحرية
طيب.. خلونا بقة نشوف كدة من صباحية ربنا مين دول اللي في شارع عيون الحرية النهاردة وجم منين وعايزين ايه؟
بلدنا بالمصري: رواية أهالي القرصاية لاعتداء الجيش
هنسيب مؤقتاً شارع عيون الحرية وهنرجع له تاني وهنفضل في حضرته لحد اخر الحلقة.. بعد اخر اخبار بلدنا هنسيبكم مع محاولة وثائقية متواضعة من فريق بلدنا بالمصري لاحياء ذكرى مواجع الايام الستة يوم بيوم ولحظة بلحظة
لكن على ما يئون اوانها خلونا نروح لحد جزيرة القرصاية، امبارح عرضنا رواية القوات المسلحة على لسان المتحدث العسكري، لكن اهالي الجزيرة كمان عندهم روايتهم .. هنسمعها اولاً زي ما حكوها لمجموعة مصرين
بلدنا بالمصري: أهالي القرصاية يروون انتهاكات الجيش
ديه الرواية اللي حكوها لمصرين، لكن احنا كمان رحنا لحد عندهم وديه روايتهم زي ما حكوهالنا بعد جلسة عرفية مع قيادات امنية ومفاوضات مع قيادات عسكرية
بلدنا: بيان الداخلية حول اشتباكات شارع يوسف الجندي
تأجيل الجلسة العرفية بين أهالي القرصاية وقيادات أمنية
حول الجلسة العرفية بين أهالي القرصاية وقيادات أمنية
معنا على الهاتف
أ/ محمد عبلة - الفنان التشكيلي
بلدنا بالمصري: اشتباكات الجيش والشرطة في التجمع الخامس
بس على ما يبدو ان الاشتباكات ماهياش بس بين الجيش والاهالي، اللي هي اصلاً للاسف الشديد لكن النهاردة الاشتباكات وللاسف الشديد برده، ما بين الجيش والشرطة.. حسب الاخبار الواردة ان خناقة ما بين ظابط شرطة في قسم القاهرة الجديدة في التجمع الخامس وظابط في سلاح المشاة اتطورت لهجوم كتيبة مشاه على القسم.. والمفروض ان فيه محاولات بتجرى حالياً من قيادات امنية وقيادات عسكرية لتهدئة الطرفين وخاصةً ظباط الجيش اللي حاصروا القسم.. فيه اخبار بتتكلم عن اصابات وصلت ل٨ على الاقل ما بين صفوف الجيش والشرطة.. واخبار تانية بتتكلم عن احالة ظباط الجيش للنيابة العسكرية وعن قرار من وزير الداخلية باحالة المامور ورئيس المباحث وكل ظباط وافراد القسم لتفتيش وزارة الداخلية للتحقيق معاهم.. ولسة منتظرين اي بيانات رسمية تصدر من الداخلية او من القوات المسلحة بتفاصيل الواقعة وتداعياتها
بلدنا: فيديو الداخلية عن اشتباكات محمد محمود اليوم
هنشوف فيديو الداخلية عن اشتباكات محمد محمود اليوم .. وهو من غير صوت
بلدنا بالمصري: الرئيس مرسي فوض وزير الدفاع في إيه
فيه عدد اتنين قرار جمهوري صدروا واتنشروا في الجريدة الرسمية يوم السبت، لازم نقف عندهم وقفة ونحاول نفهم..الاول بتفويض وزير الدفاع في بعض اختصاصات رئيس الجمهورية المنصوص عليها في قانون التعبئة العامة.. والتاني بتفويض وزير الدفاع في بعض اختصاصات رئيسالجمهورية المنصوص عليها في قانون القضاء العسكري
بلدنا بالمصري - سلطان: 24 حالة بالمنيرة و3 بالقصر العيني
معنا على الهاتف د. محمد سلطان - رئيس هيئة الإسعاف لعمل حصر للمصابين حتى الأن
بلدنا بالمصري: ملثمون في اشتباكات محمد محمود
حول أخر مستجدات الوضع في شارع محمد محمود .. معنا مراسلنا محمد الخولي من هناك
بلدنا بالمصري: زي زمان، رحلوا ١٩ مصري من الكويت
التاريخ بيعيد نفسه تقريباً بالمللي.. النهاردة رجع ١٩ مصري بينتموا لحزب الدستور وللتيار الشعبي تم ترحيلهم من الكويت..
عيون الحرية (محمد محمود سابقاً) .. وثائقي بلدنا بالمصري
يسبق سلامنا كلامنا يفوت عالسامعين معنى.. والقصد والمعنى انه ياويل اللي ناسي من يوم الذكرى.. ذكرى اللي صار واللي كان زي النهاردة من سنة فاتت.. ذكرى مواجع الايام الستة.. ذكرى حباب العنين اللي راحت ونور العيون اللي اتطفى.. ذكرى دم القلب اللي اتدفع غالي اوي.. ذكرى المجد للالتراس وبتوع الموتسيكلات.. ذكرى الشهيد في كوم الزبالة وهو اللي يامحلاه، عند ربه حي يرزق معزز مكرم.. ذكرى اللي امن بالميدان ودفع التمن وذكرى اللي كفر بيه وقبض التمن.. ذكرى اللي اشترى وذكرى اللي باع..ذكرى اللي صان وذكرى اللي فرط.. ذكرى اللي غدر وذكرى الحر اللي وعده كان دين عليه.. ذكرى اللي قال: هو ايه اللي وداهم هناك.. ذكرى قولة: موتوا بغيظكم وزينة الشباب بتموت بالرصاص الحي .. ذكرى قولة: جدع يا باشا مع ان الاصل ان الجدع جدع والجبان جبان.. وياويل الجبان واللي فرط واللي غدر واللي باع.. وهنياله اللي امن واللي اشترى واللي صان مهما كان التمن ومهما كان الزمن طويل .. فذكر .. يوم بيوم ولحظة بلحظة
ليست هناك تعليقات:
إرسال تعليق