نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 1 نوفمبر 2012 من قناة ONTV يوتيوب كاملة
من جديد: الحكومة تتراجع عن تطبيق قرار غلق المحال
السلام والتحية على حضراتكو واهلا بيكو معانا ... مابين قرار إغلاق المحالات التجارية في العاشرة مساء وبدء توزيع اسطوانات البوتاجاز ببطاقات التموين وقررات أخرى للحكومة هنعرضها على حضراتكو في أخبارنا النهاردة بيقف المصرين في حالة ارتباك وقلق ... وإحنا هنا مش بنهاجم القرارات الجديدة دي ولا بنقول أنها غلط بنسبة 100 % احنا بنقول ان حالة التوتر والقلق دي نتيجة سرعة القرارات اللي بتتخذها الحكومة من غير ما تمهد ليها ومن الواضح انها ايضا من غير دراسة جدية حولين تطبيق هذه القرارات .. والدليل ان الحكومة ابتدت تجيب لورا وتتراجع في كلامها فيما يتعلق باغلاق المحلات وبعد ما كان تم إقرار يوم السبت لبدء تنفيذ القرار لكنها تراجعت وقالت ان القرار حيتنفذ لم تصدر اللايحة التنفيذية بتاعته .. اعتراضات شديدة على قرار إغلاق المحلات التجارية واعلان البعض عن تنظيم مسيرات ضد القرار.. يا ترى مقهى البورصة وهو من المناطق اللي كانت حتتأثر بقوة من قرار الإغلاق شايفة الموضوع ازاي ده اللي حنعرفه من زميلنا أمير حسام المتواجد في منطقة وسط البلد
من جديد: هل هناك علاقة بين إغلاق المحال وإرتفاع الأسعار
غير ردود الأفعال ديه النهاردة تقدمت جمعية مواطنون ضد الغلاء بأول طعن قدام محكمة القضاء الإداري عشان إلغاء قرار إغلاق المحلات .. هل فيه علاقة ما بين إغلاق المحلات وارتفاع الأسعار ده اللي حنعرفه من محمود العسقلاني مؤسس حركة مواطنون ضد الغلاء
من جديد: أول تجربة توزيع اسطوانات البوتجاز بالبطاقة
محافظة الجيزة أعلنت عن نجاح أول تجربة توزيع اسطوانات البوتاجاز المنزلية على البطاقات التمونية ... التجربة دي ابتدت النهاردة في مركز أوسيم والصف .. وتم توزيع الأسطوانة بمبلغ 4 جنيه فقط من المستودع ... وسط حالة ارتباك ما بين الأسر اللي لم تحصل على البطاقات عشان نشوف التجربة كانت عاملة ازاي تعالوا نشوف التقرير الل جاي.
من جديد: وزير الأوقاف يقرر منع خطب الجمعة في الزوايا
من ضمن القرارات الجديدة الللي اتخذتها الحكومة قرارات صادرة من وزير الأوقاف الدكتور طلعت عفيفي بتنص على قصر خطب الجمعة على المساجد ومنعها في الزوايا وقصر مكبرت الصوت على الأذان والإقامة فقط ... كمان تعيين أئمة يجيدون اللغات الأجنبية بدور العبادة التي يتردد عليها السياح .. وغيرها من القرارات اللي هنعرفها من الدكتور أحمد هليل - عضو الإتحاد العالمي للعلماء المسلمين
تغيير خطيب المسجد قبل تأدية مرسي صلاة الجمعة به
مدام جبنا سيرة الأئمة يبقا لازم نعرض على حضراتكو أزمة حصلة في أسيوط واللي المفروض ان الدكتور محمد مرسي رئيس الجمهورية هيؤدي فيها بكرة صلاة الجمعة ... الأزمة بتتمثل في انه تم تغيير خطيب صلاة الجمعة بمسجد عمر مكرم بأسيوط واللي هيؤدي فيه الدكتور مرسي صلاة الجمعة ... يعني خطيب المسجد ديما هو الشيخ عبد الرؤوف علي مغري وكيل وزارة الأوقاف لكن وزير الأوقاف قرر منعه وحط بدالة الشيخ علي أبو الحسن عضو لجنة الفتوى سابقا .. هنعرف التفاصيل من هيثم البدري - مراسل أون تي في - أسيوط
من جديد: الأنبا بولا يعلن عن تفاصيل القرعة الهيكلية
النهاردة الأنبا بولا المتحدث بإسم الانتخابات البابوية أعلن عن آلية اختيار طفل القرعة الهيكلية واللي هيختار البابا القادم بين المرشحين التلاتة وهي أن الطفل يكون عمره من 5 إلى 8 سنوات وبرتبة شماس وطلب من العائلات تقدين استماة بها تفاصيل عن الطفل زي انتماءه للكنيسة وشهادته ميلادة وغيرها... وآخر موعد لتلقي البيانات حيكون بكرة الساعة 12 ظهرا .. وقال كمان انه حتى الآن تقدم مئات الأطفال .. كمان أعلن عن تفاصيل القرعة الهيكلية اللي حتكون يوم الحد اللي جاي.
الوزارة تنفي مشاركتها في تزوير انتخابات الرئاسة
النهاردة وزارة الداخلية أصدرت عدد من البيانات من ضمنها بيان أكدت فيه على أنها لم تشارك في أية عمليات تزوير في الانتخابات الرئاسية الماضية اللي اسفرت عن فوز الدكتور محمد مرسي برئاسة الجمهورية وقالت ان جميع المحاضر محاضر الفرز اللي تم تحريرها خلال الانتخابات الرئاسية تمت بناءا على كتاب رئيس لجنة الانتخابات الرئاسية .. تفاصيل أكتر عن البيانين وامور تانية معانا مداخلة مع عمر حسانين مساعد رئيس تحرير المصري اليوم
الوزارة تنفي وفاة أنس الفقي وزير الإعلام الأسبق
بيان آخر فيه ما تردد عن وفاة أنس الفقي وزير الإعلام الأسبق المحبوس بسجن القناطر وقالت انه بحالة صحية جيدة وانه فقط تم نقله إلى المستشفى وأعيد إلى السجن مرة أخرى بعد إصابته بأزمة قلبية .. تفاصيل أكتر عن البيانين وامور تانية معانا مداخلة مع عمر حسانين مساعد رئيس تحرير المصري اليوم
من جديد: إحالة العريان للمحكمة لسبه جيهان منصور
كمان النائب العام أمر النهاردة بشكل نهائي بإحالة الدكتور عصام العريان نائب رئيس حزب الحرية والعدالة إلى المحاكمة أمام محكمة جنح أول أكتوبر بتهمة قذف الإعلامية الزميلة جيهان منصور بعد ما اتمهما على الهواء بتلقى الأموال من تيارات سياسية بغية الهجوم على جماعة الإخوان المسلمين ..
مداخلة مع عبد المنعم عبد المقصود محامي جماعة الإخوان المسلمين يعقب على القرار ويقولنا مصير البلاغ اللي قدمه العريان ضد جيهان منصور
من جديد: هل يوجد أبعاد سياسية لقرار إحالة العريان
نسأل عبد المنعم عبد المقصود محامي جماعة الإخوان المسلمين هل فيه أبعاد سياسية لقرار إحالة عصام العريان للمحكمة بعد سبه الإعلامية جيهان منصور
قوي مدنية وسياسية نظمت سلسلة بشرية أمام نقابة الأطباء
حركة أطباء بلا حقوق بالتضامن مع عدد من القوى المدنية والسياسية نظموا النهادرة سلسلة بشرية من أمام نقابة الأطباء وحتى وزارة الصحة لتوضيح أهداف إضراب الأطباء للمواطنين وكنوع من الضغط على الحكومة لتنفيذ مطالبهم المتمثلة في اقرار مشروع الادر وزيادة موازنة وزارة الصحة إلى 15 % من إجمالي الموازنة العامة للدولة
ملف صحة المصريين .. في من جديد
من جديد أهلا بحضراتكوا .. يا ترى لحد امتى هتفضل صحة المصريين تعبانة ومتردية، لحد امتى هيفضل المصريين أصحاب أعلى نسب الاصابة في مختلف الامراض المزمنة ، من فشل كلوي ، سكر ، سرطان ، فيرس سي ، وعيرها من الامراض دي .. انتو عارفين ان تقدم الشعوب في اي مكان في العالم وفي اي المجالات بيبقا مرتبط بشكل كبير بصحة أفراده ، وطبعا استحالة المجتمع يتقدم والناس فيه مرضى ، علشان كدا هيفضل ملف صحة المصريين هو الملف الأهم والأخطر .. امبارح كان منعقد المؤتمر السنوي لجمعية الكبد المصرية ، وكشف المشاركون في المؤتمر عن صدمة جديدة، وهي أن معدل الاصابة بسرطان الكبد في مصر تضاعف بشكل كبير خلال السنوات الى فاتت، والحقيقة مش بس سرطان الكبد اللى تضاعف ، دا تقريبا معظم الامراض في مصر تضاعف عدد المصابين بها، ومنها فيرس سي اللى بيحتل فيها مرتبة متقدمة عالميا في عدد الاصابات ..
احنا النهاردة هناقش مع ضيوفنا الي اي مدى انتشر مرض السرطان في مصر في السنوات الى فاتت، وازاي المريض يعرف انه مصاب بالسرطان، وهل في طرق ووسائل جديدة للعلاج، وياترى ايه حال المرضى في معهد الأروام ... بنرحب بالدكتور - ابراهيم فخر - نائب مدير المعهد القومي للأورام ، والدكتور- أشرف عمر استاذ الجهاز الهضمي جامعة القاهرة وسكرتير عام الجمعية المصرية لسرطان الكبد ...
ليست هناك تعليقات:
إرسال تعليق