نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 7 اكتوبر 2012 يوتيوب كاملة
غداً .. الخال عبدالرحمن الأبنودي في بلدنا بالمصري
يسعد مساكم وحلقة جديدة من بلدنا بالمصري.. هتكون الحلقة الوحيدة اللي على الهوا الاسبوع دة نظراً لدواعي السفر اللي هنحاول نرجع لكم منه بحكايات وحواديت عن الجالية المصرية في الدانمارك وعن تجربة التحول الديمقراطي هناك وبالذات في مجال الاعلام وازاي قدروا على اللي احنا لسة ما قدرناش عليه لحد النهاردة وهو تحويل الاعلام الرسمي من اعلام مملوك للنظام وبيعبر عنه لاعلام مملوك للشعب اللي بيصرف عليه من حيبه وبالتالي بيعبر عنه وبيمثله وبيتكلم بلسانه لا بيحط على لسانه كلام ولا بيحط في مخه كلام تاني زي حالاتنا كدة
لكن دواعي السفر وغيابنا عن الهوا مش معناه ابداً ان بلدنا بالمصري هيغيب عنكم الكام يوم دول.. بالعكس هنكون معاكم بتلات حلقات مسجلة .. والاستفتاح بكرة هيكون على حس الخال عبد الرحمن الابنودي في حديث مطول عن مصر اللي عاش عمره يلاحقها وتلاحقه.. وعن الاحزان العادية وحلاوة الزنازين وعن الثورة والميادين اللي بشر بيها واستناها وعاش وشافها ولسة خايف عليها لكن مطمن على الاخر ومراهن بقلب جامد على الشعب دة اللي بيبصم بالعشرة انه لا هو شعب خسع ولا شعب اونطة وانه على ايده وكعادته اللي مش هيشتريها، مصر في خطفة زمان هتعبر وهتسترد الاسم والعناوين.
اما مسك الختام النهاردة فهيكون على حس الذكرى التانية لحرب اكتوبر بعد الثورة، هنرد فيها الاعتبار على قد ما نقدر للابطال المنسيين وعلى الاصل هندور
بلدنا بالمصري: وقفة الذكرى الأولى لأحداث ماسبيرو
فخلونا نبدا سريعاً باخر اخبار بلدنا، وهنقول يا هادي يا رب بذكرى تانية بتحل علينا لاول مرة .. والظاهر كدة والله اعلم ان مكتوب على شهر اكتوبر في بلدنا انه يكون شهر الذكريات الحلوة والمرة وشتان ما بين الاتنين
حلقة يوم التلات ٩ اكتوبر ٢٠١٢ وبمناسبة الذكرى السنوية الاولى لشهداء ماسبيرو هتكون على حس اصحاب الحق اللي لسة رايح هدر واصحاب المواجع اللي لسة مش مكتوب لها تهون ولا هتهون الا بالقصاص العادل مطلب الجماهير ومربط الفرس
بلدنا بالمصري: بلاغ الأطباء ضد رئيس الجمهورية
من ناحية تانية، الدكتور احمد حسين عضو مجلس نقابة الاطباء وعضو حركة اطباء بلا حقوق اتقدم النهاردة ببلاغ للنائب العام ضد رئيس الجمهورية وضد وزير الاوقاف بصفاتهم
معنا على الهاتف
د/ احمد حسين - عضو مجلس نقابة الأطباء
بلدنا بالمصري: الأطباء يستأنفون إضرابهم
الاطباء استانفوا النهاردة اضرابهم عن العمل بعد ٣ ايام من تعليقه بسبب الاجازات.. ولسة حتى الان لا حياة لمن تنادي من طرف الحكومة.. في المقابل حركة اطباء بلا حقوق بدات توجه دعوات للاطباء بتقديم استقالات جماعية للضغط على الحكومة ووصفها نقيب الاطباء بانها مزايدات انتخابية ومالهاش اي لزمة غير انها هتضر بقضايا الاطباء ومصالحهم.. في نفس الوقت المفروض ان النهاردة كان فيه اجتماع بين نقيب الاطباء الدكتور خيري بعد الدايم ورئيس الوزرا الدكتور هشام قنديل واجتماع تاني للنقيب مع وزير الصحة
معنا على الهاتف
د. منى مينا - عضو نقابة الأطباء
د. إبراهيم مصطفى - مساعد وزير الصحة للتأمين الصحي
د. خيري عبد الدايم - نقيب الأطباء
بلدنا بالمصري: ضرب وسحل في إضراب معلمي المنيا
اما عن اخر اخبار اضراب المعلمين فهنعرفها من أ/ عبد الناصر إسماعيل - منسق إتحاد المعلمين المصريين
بلدنا بالمصري: النيابة الإدارية تعلق عملها ٣ أيام
النيابة الادارية كمان قررت تعليق العمل لمدة ٣ ايام ابتداءاً من يوم التلات ٩ اكتوبر بقرار من مجالس ادارات نادي مستشاري النيابة الادارية وهيئة قضايا الدولة.. والسبب وضعهم في الدستور
بلدنا بالمصري: مصير الطفلين المتهمين بازدراء الإسلام
تهمة ازدراء الاديان بقت اخر موضة في عالم الاتهامات واللي زاد وغطى انها بقت من نصيب الاطفال مش بس اللي تحت ١٨ سنة لكن تحت العشر سنين.. اخر تطورات قضية طفلين عزية ماركو في سوهاج ومصير الطفلين نبيل ومينا اللي كانت قررت نيابة الفشن ايداعهم مركز احتجاز بتهمة ازدراء الاديان هنعرفها من
أ/ أحمد مصيلحي - المسنشار القانوني للإتلاف المصري لحقوق الطفل
بلدنا بالمصري: قتل طالب داخل حرم جامعة حلوان
عبد الرحمن محسن كان طالب في كلية الحقوق جامعة حلوان تعليم مفتوح قبل ما يدفع عمره في خناقة بين الطلبة طالت فيها الاسلحة البيضا جوة حرم الجامعة..
رمز التحدي .. طاقة نور في بلدنا بالمصري
زي ما خدنا عهد على نفسنا أننا ندور على طاقة نور تدينا الأمل .. المرادي طاقة النور هله علينا من الصعيد الجواني
بلدنا بالمصري: وقفة لمناصرة المتهمين بقضية دار القضاء
أسرى الثورة لسة فيه كتير منهم في الحبس مع ان سبحان الله اللي قتل واللي دهس واللي سلاحه طول على نور العيون واللي قبض على الحابل على النابل واللي عذب لسة احرار طلقاء لحين اشعار اخر بما ان كل شئ باوان.. من ضمن اسرى الثورة اللي في الحبس، المتهمين في القضية الشهيرة بقضية دار القضاء العالي والاتهامات هي الاتهامات المعتادة من نوع التعدي على افراد الشرطة وترويع الامنين.. واللهم لا اعتراض
بلدنا بالمصري: التربية الوطنية متهم بازدراء الأديان
اما اخر تهمة ازدراء اديان فاتوجهت النهاردة لكتاب التربية الوطنية من النائبة وفاء مشهور عضو الكتلة البرلمانية لحزب الحرية والعدالة وعضو لجنة التعليم في مجلس الشورى
بلدنا بالمصري: بطولات أكتوبر .. آن الآوان تترد لأصحابها
بعد الثورة نصر أكتوبر مش للكبار بس .. بطولات أكتوبر .. آن الآوان تترد لأصحابها
أبطال أكتوبر المنسيون .. في بلدنا بالمصري
هنبتدي فقرتنا ببلاغ للرأي العام ضد كل من زور في تاريخنا وعلى حس الذكرى التانية لحرب اكتوبر بعد الثورة، هنرد فيها الاعتبار على قد ما نقدر للابطال المنسيين وعلى الاصل هندور
أسمحولي أقدم تعظيم سلام للواء أركان حرب - كمال الدين حجاب - قائد لواء مهندسيين الجيش الثاني الميداني أثناء حرب أكتوبر
ليست هناك تعليقات:
إرسال تعليق