نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 1 اكتوبر 2012 يوتيوب كاملة
بلدنا بالمصري: حصيلة أول أيام الإضراب الجزئي للأطباء
يسعد مساكم وحلقة جديدة من بلدنا بالمصري.. ماهانش علينا نبعد فيها عن سينا في عز الشدة اللي هي فيها ديه وانشالله تكون شدة وتزول عن قريب .. وعشان الشدة ديه تزول فيه الف صرفة وحلال لكن هل من ضمنهم اننا نسلح شباب القبايل في سينا بسلاح الداخلية ونشركهم في تحقيق الامن والامان تحت اشرافها وتدريبها.. وهل دة من باب الخير والبركة ولا من باب الشر اللي لابد منه ولا السلاح دة هيبقى لا منه ولا كفاية شره؟! دة السؤال اللي هنفكر فيه بصوت عالي لكن بعد اخر اخبار بلدنا..
واخر خبر من اخبار بلدنا واللي هنبدا بيه هو حصيلة اول يوم لاضراب الاطباء الجزئي العام اللي بدا النهاردة على مستوى الجمهورية
بلدنا بالمصري: وزارة الصحة والإضراب الجزئي للأطباء
ديه كانت حصيلة الاضراب زي ما رصدرتها كاميرات بلدنا بالمصري وزي ما رصدتها غرفة العمليات في نقابة الاطباء.. لكن وزارة الصحة كان ليها راي تاني خالص.
بلدنا بالمصري: طردوا أمه من مستشفى معهد ناصر
صحيح ان نقابة الاطباء اعلنت واكدت اكتر من مرة ان اضراب الاطباء شرعي وقانوني وحضاري وان الهدف منه بالتاكيد مصلحة الطبيب والعاملين في القطاع الصحي لكن كمان مصلحة المريض وصحته وحياته على راس الاضراب من فوق.. لكن مع ذلك الامر برطه ما يسلمش من حالات ان صحت ففيها بالتاكيد تهديد لحياة المرضى قد تكون من قبيل الاستثناء بس لحد حياة البني الادم ولا يمكن تكون الاستثناءات مقبولة ولازم يتحط لها حد فوراً سواء كانت مقصودة او غير مقصودة واياً كان الهدف منها..
صحيح ان نقابة الاطباء اعلنت واكدت اكتر من مرة ان اضراب الاطباء شرعي وقانوني وحضاري وان الهدف منه بالتاكيد مصلحة الطبيب والعاملين في القطاع الصحي لكن كمان مصلحة المريض وصحته وحياته على راس الاضراب من فوق.. لكن مع ذلك الامر برطه ما يسلمش من حالات ان صحت ففيها بالتاكيد تهديد لحياة المرضى قد تكون من قبيل الاستثناء بس لحد حياة البني الادم ولا يمكن تكون الاستثناءات مقبولة ولازم يتحط لها حد فوراً سواء كانت مقصودة او غير مقصودة واياً كان الهدف منها..
بلدنا - حسين: الدقهلية شهدت أكبر نسبة إضراب للأطباء
حول حصيلة أضراب الأطباء اليوم معنا على الهاتف د. أحمد حسين - عضو مجلس نقابة الأطباء
بلدنا بالمصري: تضامن واسع مع إضراب الأطباء
لكن دة ما يمنعش ان في حركة تضامن معتبرة مهع اضراب الاطباء عبرت عنها البيانات الصادرة من عدد من القوى والاحزاب السياسية والشخصيات العامة
بلدنا بالمصري: ليه متضامنين مع إضراب الأطباء
غير التضامن الواسع من البيانات الصادرة من عدد من القوى والاحزاب السياسية في سؤال في تويتر بعنوان ليه متضامنين مع إضراب الأطباء
بلدنا بالمصري: أهالي الدويقة على كف عفريت
اهالي الدويقة زيهم زي اهالي مصر المحروسة وزيهم زي اي مواطن في اي بلد على وش الارض حقهم في السكن الامن حق اصيل.. لكن زيهم زي ناس كتير من اهالي المحروسة الحق دة بالنسبة لهم ولا عشم ابليس في الجنة واللي زايد ومغطي عليهم انهم عايشين على كف عفريت حاطين ايديهم على قلبهم وعينيهم في وسط راسهم
بلدنا بالمصري: وقفة مصير المرأة في الدستور
فيما يخص الدستور، فرصيف مجلس الشورى على معاد بكرة مع وقفتين احتجاجاً على بعض النصوص المقترحة في دستور بلدنا.. الوقفة الاولى، عبارة عن وقفة ومؤتمر صحفي لمجموعة من القوى السياسية والشعبية لمناقشة مصير المراة في الدستور
تفاصيل أكتر معنا
أ/ منى عزت - عضو حزب التحالف الشعبي الإشتراكي
بلدنا: وقفة لمستشاري قضايا الدولة والنيابة الإدارية
اما الوقفة التانية فهتكون وقفة مشتركة لمستشاري هيئة قضايا الدولة مع مستشاري النيابة الإدارية للتبير عن نفس الموقف اللي اعلنوه النهاردة في مؤتمرهم الصحفي
بلدنا بالمصري: حقيقة تحقيقات الفيلم المسيء للرسول
هنرجع مرة تانية للناس اللي بتطالب بحقوقها بوسائل احتجاجية مختلفة.. لكن بعد ما نعرف قرار الخبر دة ومدى صحته او دقته والدخان اللي طالع منه دة من اصل اي نار.. الخبر اتبعت على ايميلي الشخصي وعلى ايميل عدد من اعضاء فريق اعداد البرنامج وبالتاكيد انه وصل لعدد كبير من الصحفيين ووسائل الاعلام.. الخبر مبعوت من وكالة اسمها وكالة انباء الشرق الادنى، بتستخدم احياناً نفس الاختصار اللي بتستخدمه وكالة انباء الشرق الاوسط الوكالة الرسمية المصرية (اش ا) وسبق وتبرات وكالة انباءالشرق الاوسط من بعض الاخبار والتقارير اللي نشرتها وكالة انباء الشرق الادنى واتنسبت بالغلط لالف شين الف.. طيب الخبر اللي وصل لنا بيقول الاتي نصاً:
تفاصيل أكتر معنا
أ/ مجدي خليل - مدير منتدى الشرق الأوسط للحريات
أ/ حنان البدري - صحفية مصرية مقيمة في واشنطن
بلدنا بالمصري: تسليح قبائل سيناء .. ليه؟
ادي اللي وافق عليه وزير الداخلية في اجتماعه الاخير بوفد من شيوخ قبائل سينا.. الوزير كل اللي عمله انه وافق على طلب شيوخ القبائل يمكن من باب ان اهل سينا ادرى بشعابها.. لكن السؤال بقة السلاح المقنن اللي هيكون في ايدين شباب القبائل دة تحت اشراف وتدريب وزارة الداخلية ايه لزمته اصلاً؟! ايه الاضافة او ايه التايهة اللي ممكن يجيبها؟! والسلاح دة هيكون سلاح امن بدون اي اثار جانبية ولا هيكون سلاح ذو حدين لكن شر لابد منه ولا السلاح دة هيطول وهيبقى لا منه ولا كفاية شره.. اسئلة هنفكر في اجاباتها بصوت عالي مع ضيوفنا النهاردة
الشيخ/ علي فريج: رئيس جمعية القبائل العربية ورئيس حزب العربي للعدل والمساواة
اللواء/ عبد الهادي بدوي
د. سعيد صادق: استاذ الاجتماع السياسي بالجامعة الامريكية
ا. حافظ ابو سعدة: رئيس المنظمة المصرية لحقوق الانسان
ليست هناك تعليقات:
إرسال تعليق