نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 24 اكتوبر 2012 من قناة ONTV يوتيوب كاملة
من جديد: مرسي يدعو للحوار لإنهاء الخلاف حول الدستور
السلام والتحية على حضراتكو واهلا بيكو معانا .. بكرة ان شاء الله يوم وقفة عرفات كل سنة وحضراتكو طيبين ويارب مصر ديما كل المسلمين والعرب بخير وامان وسلامة ... فاحنا حنستأذنكوا في أجازة قصيرة وحنكون معاكوا من جديد يوم الاتنين الجاي .
تداعيات حكم امبارح الخاص بإحالة الطعون على تشكيل الجمعية التاسيسية لوضع الدستور إلى المحكمة الدستورية العليا مازالت مستمرة والنهاردة الدكتور محمد مرسي رئيس الجمهورية عقد لقاء مع ممثلى الأحزاب والقوى السياسية والنقابات العمالية والمهنية والجامعات وبعض الشخصيات العامة وتطرقوا لموضوع تأسيسية الدستور ودعا الجميع بعقد حوار مجتمعي لإنهاء الخلاف حول الدستور الجديد، إحنا هيكون لينا تفاصيل أكتر خلال فقرتنا اللي جاية وحيكون معانا الحاضرين والمقاطعين للقاء بس بعد ما نشوف مصر جرى فيها ايه النهاردة.
من جديد: وزير الداخلية يؤكد القضاء على البؤر الإجرامية
الكل بيستعد للعيد بما فيهم وزارة الداخلية والنهاردة اللواء احمد جمال الدين وزير الداخلية عقد مؤتمر صحفي لمناقشة الأوضاع الأمنية واكد انه هيتم تعزيز رجال شرطة الآداب لمواجهة ظاهرة التحرشي اللي بنشوفها ديما في الأعياد كمان اتطرق في المؤتمر لحملة الوزارة على بحيرة المنزلة وعلاقة الداخلية بشباب الألتراس واللي قال عنهم انهم ليسوا خارجين عن القانون وانهم شباب واعي ..
الداخلية توافق على إقامة مباراة الأهلي والترجي
من ناحية تانية النهاردة وزارة الداخلية وافقت على إقامة مباراة الأهلي والترجي لكن مع نقلها لاستاد برج العرب .. معانا عصام شلتوت مدير تحرير اليوم السابع
من جديد : سلسة من الإنفجارات بالحي العاشر
النهاردة الصبح صحي أهالى منطقة الحي العاشر على صوت سلسلة انفجارات بإحدى العقارات ودا نتيجة تبادل اطلاق الرصاص والأعيرة النارية بين رجال الشرطة وعدد من الخارجين عن القانون واللي بحوزتهم مواد متفجرة ، ولغاية دلوقتي بيتردد معلومات انهم خلية ارهابية كانت بتخطط لتفجيرات في العيد المقبل .. عشان نعرف صحة الكلام دا اية
مداخلة مع عمر حسانين مساعد رئيس تحرير المصري اليوم
من جديد: إخلاء سبيل فتحي سرور نهائياً بعد رفض الطعون
قرار محكمة جنايات القاهرة بإخلاء سبيل الدكتور فتحي سرور رئيس مجلس الشعب الأسبق في قضية الكسب غير المشروع والمفروض انه بكدا خلاص الدكتور سرور هيبقى في بيته في حالة لو كان خلص اجراءات اخلاء سبيله . . معانا عمر حسانين مساعد رئيس تحرير المصري اليوم
من جديد: إحالة مدرس متهم بهتك عرض تلميذة بالإبتدائي
النهاردة المستشار عبد المجيد محمود النائب العام امر بإحالة مدرس بمدينة ادفو بمحافظة اسوان لمحكمة الجنايات ودا لانه متهم بهتك عرض تلميذة في الصف الأول الأبتدائي .. معانا أسماء إسماعيل رئيس مؤسسة كارت أحمر
من جديد: حجز دعاوى جامعة النيل لإستكمال الدراسة
محكمة القضاء الإداري نظرت النهاردة حجز الدعاوى المقامة من طلاب جامعة النيل لتمكنهم من استئناف دراستهم داخل الجماعة واعادة المباني اللي تم تخصيصها لمدينة زويل العلمية ... حضر جلسة النهاردة الدكتور عبد العزيز حجازى رئيس مجلس أمناء جامعة النيل والدكتور إبراهيم بدران عضو مجلس الأمناء وعدد من المحامين وطلاب الجامعة واولياء امورهم .. والمحكمة قررت حجز الطعون للحكم بجلسة 11 نوفمبر اللي جاي.
من جديد: النيابة العامة تنفي خبر منع سفر قيادات الإخوان
لسه قضية إعلان الفريق أحمد شفيق فوزه بالانتخابات بتثير ردود أفعال مختلفة، والنهاردة بعد ما نشر حزب الحركة الوطنية التابع لشفيق خبر عن انه تم منع قيادات الإخوان من السفر ليلة إعلان نتيجة انتخابات الرئاسة .. النهاردة النيابة العامة أصدرت بيان للرد على الكلام ده وقال
المستشار عادل السعيد، المتحدث الرسمى باسم النيابة العامة، إن ما نشره حزب الحركة الوطنية الذى يترأسه الفريق أحمد شفيق المرشح الخاسر فى سباق رئاسة الجمهورية، عبر صفحته على موقع التواصل الاجتماعى "فيس بوك" بخصوص صدور قرار منع قيادات الإخوان من السفر ليلة إعلان نتيجة انتخابات الرئاسة غير حقيقى، ووصفه بـ"الكذب".
من جديد: إتفاق عمال ميناء السخنة وشركة مواني دبي
من شوية وبعد مفاوضات مستمرة بقالها فترة تم التوقيع على عقد الاتفاق، بين عمال مينا العين السخنة وشركة مواني دبي واللي بموجبه حيتم إعادة تشغيل ميناء السخنة، وإنهاء إجراءات الشحن والتفريغ بالسفينتين الصينية.
من جديد: وقفة قفل المحلات خراب بيوت
طبعا زي ما حضرتكوا عارفين ان الحكومة مقررة انه بعد عيد الاضحى المحلات حتقفل بعد الساعة 10 بالليل، وبالرغم من شكاوي كتير من اصحاب المحلات الا ان الحكومة ودن من طين وودن من عجين وواخدة الموضوع ده وكأنه قضية حياة أو موت ومش هاممها الانتقادات من اصحاب المحلات او من التيارات السياسية اللي نظمت وقفة احتجاجية في ميدان طلعت حرب امبارح تحت عنوان قفل المحلات خراب بيوت.
من جديد: لقاء مرسي برؤساء الأحزاب والقوى السياسية
السلام و التحية على حضراتكو.. انهارده كان اجتماع الرئيس مرسي مع رؤساء الأحزاب وممثلين عن القوى السياسية، يسمع مقترحاتهم بخصوص الوضع الراهن ومشاكل الجمعية التأسيسية والحالة الاقتصادية والخلافات السياسية.. الاجتماع استمر أكتر من 4 ساعات تقريباً ، وحضره من الشخصيات المعروفة الدكتور عبد الجليل مصطفي وأيمن نور وسامح عاشور والدكتور حسن نافعة والمهندس أبو العلا ماضي والدكتور صلاح حسب الله وعدد من شباب الثورة.. لكن من ناحية تانية فى أحزاب وقوى لم تدعي أصلاً للاجتماع.. والقوى دى هي القوى السياسية اللى أعلنت أول أمبارح إنها بترفض أي دعوة للحوار مع الرئيس إلا بتحقيق بعض المطالب أولها تغيير الجمعية التأسيسية وتشكيل جمعية جديدة تعبر عن الشعب المصري بجميع طوائفه.
معانا انهارده من اللى حضرو الاجتماع الدكتور صلاح حسب الله رئيس حزب المواطن المصري.. ومن الأحزاب اللى رفضت أو لم يصلها دعوة أصلاً الدكتور محمود العلايلي القيادى بحزب المصريين الأحرار.. أهلاً بيكم
ليست هناك تعليقات:
إرسال تعليق