نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 18 اكتوبر 2012 من قناة ONTV يوتيوب كاملة
من جديد: بدء فعاليات مصر مش عزبة .. مصر لكل المصريين
السلام والتحية على حضراتكو واهلا بيكو معانا ... من الآن بدء بالفعل فعاليات المليونية اللي دعا ليها عدد من الأحزاب السياسية خصوصا المحسوبة على التيار المدني واللي تم تسميتها بإسم مصر مش عزبة .. مصر لكل المصريين " ...ومنذ الدعوة للمليونية أعلن عدد كبير من الشخصيات العامة بالمشاركة بإستثناء طبعا المحسوبين على التيار الإسلامي وخصوصا حزبي الحرية والعدالة وجماعة الإخوان المسلمين وحزب النور واللي اكدوا انهم مش نازلين الميدان بكرة ... طبعا حضراتكو اكيد فاكرين احداث الجمعة اللي فاتت واللي سميت بجمعة الغدر دا لأن شهدت اشتباكات بين القوى المدني وجماعة الإخوان المسلمين واللي اسفرت عن اصابة العشرات ... يارب المشهد دا منشفهوش تاني ..ويارب مليونية بكرة تعوض بأنها تبث فينا روح الامل من جديد ...
من جديد: الميدان يستعد لمليونية مصر مش عزبة
يا تري مشهد ميدان التحرير دلوقتى ايه وبيستعد ازاى ده اللى هنعرفه من مراسلنا أمير حسام .
من جديد: عصام العريان والنائب العام ومكالمة الرئاسة
تصريح للدكتور عصام العريان القيادي البارز لجماعة الإخوان المسلمين والمرشح لرئاسة حزب الحرية والعدالة أثار لغط وجدل واسع قد يتسبب في أزمة جديدة بين النائب العام ومؤسسة الرئاسة .. تصريح العرياني هو اللي اكد فيه على انه مؤسسة الرئالس مسجلة مكالمة للنائب العام تؤكد انه كان وافق في الأول بقبول منصب سفير مصر لدى الفاتيكان ... ياترى هو الدكتور العريان عرف الكلام دا منين ؟ ويارتى كمان هو من حق الرئاسة انها تسجل المكالمات اللي بين افردها وأي فرد اخر .. يعني معروف ان تسجيل المكالمات لازم يكون بإذن من النيابة العامة .. ولا هو مؤسسة الرئاسة فوق القانون ومن حقها انها تسجل لأشخاص ؟ من ناحيته النائب العام أرسل خطاب لرئاسة الجمهورية لمعرفة هل تم هذا بالفعل وتسجيل المكالمات ولا لاء ... واية هو السند القانون لإجراء هذا .. معانا حافظ أبو سعدة رئيس المنظمة المصرية لحقوق الإنسان .
من جديد: الرئيس مرسي والصديق العظيم بيريز
موضوع أخر متعلق بمؤسسة الرئاسة .. كتر الكلام عليه ولحد دلوقتي منعرفش الحقيقة فين وأتأخر رد الرئاسة عليه رغم ان الدكتور ياسر علي المتحدث بإسم رئاسة الجمهورية قال انه هيعقد مؤتمر صحفي للتعقيب ...الموضوع هو رسالة اتشرت على بعض المواقع الإخبارية وهيا الخطاب اللي بعته الدكتور مرسي للرئيس الاسرائيلي شيمون بيريز والخاص بتعيين عاطف سالم سفيرا لمصر لدى تل ابيت ... مضمون الخطاب هو اللي اثار ازمة لية لأنها .. لأنها تضمنت عبارات من نوع "صاحب الفخامة السيد شيمون بيريز رئيس دولة اسرائيل ووصف الرئيس مرسى لبيريز بـ "عزيزى وصديقى العظيم وفي النهاية مكتوب فيها صديقك الوفى محمد مرسى .. معانا حسين هريدي مساعد وزير الخارجية للشئون الإسرائيلية الأسبق
من جديد: مرسي يرفض الإساءة لطنطاوي وعنان
امبارح كنا ناقشنا معاكم قرار إقصاء والإطاحة بجمال عبد الرحيم من رئاسة تحرير الجمهورية بسبب خبر منع المشير طنطاوي من السفر والنهاردة الدكتور محمد مرسي قال انه لا يقبل الإساءة للقوات المسلحة اي اي من رجالها السابقين وانه دائم الاتصال بالمشير حسين طنطاوى القائد العام السابق للقوات المسلحة والفريق سامى عنان رئيس أركان حرب القوات المسلحة السابق ودا كان خلال حضوره لمشروع بالذخيرة الحية فى الجيش الثانى الميدانى بسيناء .
من جديد: فعل فاضح لسكرتير برئاسة الجمهورية
نروح لواقعة خصلت في القيوبية وهيا متعلقة بحبس سكرتير برئاسة الجمهورية 4 ايام على ذمة التحقيق لأنه تم ضبطه مع فتاة داخل سبارة ملاكي اثناء ممارستهما فعل فاضح .. معانا عمر حسانين مساعد رئيس تحرير المصري اليوم .
مبادئ الشريعة .. الهيئة الشرعية وشورى العلماء يرفضان
نروح لأخبار الجمعية التاسيسية لوضع الدستور والنهاردة الهيئة الشرعية والحقوق والإصلاح ومجلس شورى العلمااء عقدوا مؤتمر صحفى مشترك بقاعة مؤتمرات الأزهر الشريف وطالبوا بحذف كلمة مبادئ من المادة الثانية لمسودة الدستور اللى تم طرحها من قبل اللجنة التأسيسية واللي نقشناها مع حضراتكو ... كمان طالبوا بعدم اصدار أي قوانين أو تشريعات تخالف الشريعة الإسلامية ومراجعة ما سبق إصدارها من تقنين القوانين فى ضوء مرجعية الشريعة الإسلامية.
من جديد: مؤتمر صحفي لوزير الأوقاف وعمرو خالد
بالتأكيد الإهتمام بسيناء مش مسئولية الحكومة فقط , مسؤلية مؤسسات كتير وطبعا مؤسسات المجتمع المدني ويمكن ده السبب اللى دعى إلى إنشاء أكاديمية تدعي أكاديمية الداعية المعاصر التي أنشأت بعد بروتوكول تعاون ما بين مؤسسة صناع الحياة ووزارة الأوقاف .
من جديد: لجنة نظام الحكم بالتأسيسية تتبرأ من الدستور
من جديد أهلاً بحضراتكم .. واضح كده إن أزمات الجمعية التاسيسية أزمات مستمرة نفسننا نقول انها هتنتهي , محدش عاجبه صياغه الدستور ولا حتى عاجبهم اللى داخل الجمعية التاسيسية ولا متفقين مع اللى بيحصل وعندهم إعتراضات هما كمان على هذه الصياغة , ظهرت أزمة جديدة ما بين لجنة نظام الحكم ولجنة الصياغة هذه الأزمة بسبب المسودة الأولى اللى احنا شايفنها دلوقتى .. بنرحب بضيفنا المستشار نور الدين علي عضو لجنة نظام الحكم بالجمعية التاسيسية .
من جديد: من يقود المظاهرات في مصر
من جديد أهلاً بحضراتكم .. بكره هتنطلق مليونية مصر مش عزبة , مصر لكل المصريين هذه المظاهارات اللي دعي ليها التيار المدني للرد على أحداث الجمعة اللى فاتت بعد ما في مجموعة من شباب الإخوان حطموا منصة خاصة بالتيار المدني , يا ترى بكره الأجواء هتكون إزاي ومين هيكون موجود .. بنرحب بضيفنا محمد عواد منسق حركة شباب من أجل العدالة والحرية .
ليست هناك تعليقات:
إرسال تعليق