نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 12 سبتمبر 2012 يوتيوب كاملة
بلدنا بالمصري: أقباط مصر يستنكرون الفيلم المسيء للرسول
يسعد مساكم وحلقة جديدة من بلدنا بالمصري.. هنختمها بمناقشة لاهم التحالفات السياسية والحزبية اللي بتحاول تشوف النور اليومين دول في محاولة من التيار اللي بيوصف نفسه بالتيار المدني للم الشمل وشد الحيل بدل التسقيف بايد واحدة اللي لا يجيب ولا يودي..
اما اخر اخبار بلدنا فهنبداها بمحاولات لفك طلاسم المشهد اللي ابتدى فجاة كدة بالاعلان عن فيلم مسئ للاسلام شارك في انتاجه عدد من الاقباط المصريين في المهجر وتحديداً في امريكا، معروفين بتطرفهم المبالغ فيه والزايد عن حده بشهادة الشهود سواء من الكنايس المصرية التلاتة اللي تبرات من الفيلم ومن اللي عمله ومن اللي شارك في انتاجه وادانته بشدة وادانت اي اساءة او اهانة لاي اديان او مقدسات.. نفس الموقف هو موقف من الاقباط المصريين جوة مصر او حتى برة مصر سواء في امريكا او في اوروبا.. ولو عايزين مجر عينات هنلاقيها كالتالي:
بلدنا بالمصري: قبطيات يعتدين على موريس صادق
دة على المستوى الرسمي، اما على مستوى ردود الافعال الانسانية العفوية جداً فيه اخبار شبه مؤكدة على ان اربع ستات مصريات قبطيات في اواخر الاربعينات اوائل الخمسينات لمحوا موريس صادق قاعد على كافيه في واشنطن فما قدروش غير انهم يعتدوا عليه اللي بلسانها واللي باللي في رجلها.. مش معنى كدة اننا مع نوع دة من التصرفات ولا دة وقت تقييمها او الحكم عليها بس دي مجرد عينة من ردود الافعال العفوية حتى اللي بتاكد ان الراجل دة وامثاله ما بيمثلوش غير نفسهم..
بلدنا بالمصري: إيه اللي قوم الدنيا على الفيلم أصلاً
طيب نيجي ندور ورا الفيلم دة، نلاقيه فيلم لمخرج اسرائيلي اسمه سام باسيل عايش في كاليفورنيا، ماهواش معروف اوي لكن معروف بعداءه المعلن للاسلام والمسلمين.. صور الفيلم دة في صيف ٢٠١١ واتعرض الفيلم مرة يتيمة اوائل السنة ديه في مسرح تقريباً فاضي في هولييوود ولا شاف ولا من دري ولا حد عبره ولا اداله اي اهمية تذكر وكان الطبيعي انه يروح في خبر كان لانه هو واللي عملوه اتفه بكتيييير من اللي حاصل
ايه اللي حصل بقة؟! اللي حصل انه حد مجهول حتى الان ترجمه للغة العربية ورفعه على يوتيوب، بالتزامن مع اعلان المدعوة الهيئة العليا للدولة القبطية اللي من بين اعضاءها المحامي موريس صادق في بيان صحفي ليها انها هتعرض الفيلم النكرة بمناسبة ١١ سبتمبر واعلن موريس صادق انه شارك في انتاج الفيلم.. فتقوم الدنيا وما تقعدش.. ومتظاهرين مصريين يقتحموا السفارة الامريكية وينزلوا العلم الامريكي ويحطوا علم اسود مكتوب عليه لا اله الا الله محمد رسول في مشهد ليه العجب ما اتحركش فيه الامن نص حركة من الحركات اللي اتحركها مثلاً في مواجهة المتظاهرين قدام السفارة السورية اللي حاولوا يعملوا نفس الشئ ينزلوا العلم السوري ويحطوا بداله علم الجيش السوري الحر!!!!!
وبعدها بساعات قليلة هجوم مسلح على القنصلية الامريكية في ليبيا لنفس السبب يروح ضحيته السفير الامريكي.. وبعدها بساعات اقتحام بعض المتظاهرين اللبنانيين لمقر السفارة الامريكية في بيروت وبرده لنفس السبب.. هو فيه ايه؟!!!
بلدنا بالمصري: توابع قصة الفيلم المسيء للرسول
خلونا الاول نتابع ابرز ردود الافعال العالمية على القصة ديه كلها اللي بدات بفلم نكرة وتافه وكل مادى بتاخدنا في متاهات ما حدش عارف راسها من رجليها.
بلدنا - قلادة: الفيلم من إنتاج يهودي وخطة لتقسيم مصر
معنا على الهاتف د. مدحت قلادة - رئيس إتحاد المنظمات القبطية في أوروبا
بلدنا بالمصري: بيان هيئة كبار العلماء بالأزهر الشريف
قراءة في بيان هيئة كبار العلماء بالأزهر الشريف حول أحداث بالفيلم المسيء
سليمان: أين جامعة الدول العربية من هذا الفيلم الدنيء
معنا على د. عادل سليمان - رئيس المركز الدولي للدرسات المستقبلية والإستراتيجية
بلدنا بالمصري: وقفة مصابي الثورة أمام البرلمان
امبارح خدنا عهد على نفسنا اننا بعد ما قصرنا كتير في حق مصابين الثورة من اول يوم ولحد النهاردة، انهم من هنا ورايح من اهم اولوياتنا وعلى راسنا من فوق.. هنسعى معاهم لحد ما ياخدوا حقوقهم ويستردوا الصحة والعافية وهم معززين مكرمين
بلدنا: وصول د. الهمشري لمطار القاهرة بعد الإفراج عنه
لقاء مع د. رياض الهمشري في مطار القاهرة بعد وصوله من لبنان بعد الإفراج عنه
مجدي خليل: عرض الفيلم يوم 11 سبتمبر يحمل رسالة سياسية
معنا على الهاتف د. مجدي خليل - مدير منتدى الشرق الأوسط للحريات - كندا
بلدنا بالمصري: جبهة التضامن مع ثورة المعلمين تتسع
قبل ما نبعد عن مجلس الوزرا خلونا نتابع اخر تطورات ثورة المعلمين اللي كل مادى ما بتتسع جبهة التضامن معاها من اول العمال لحد القوى والاحزاب السياسية على اختلاف توجهاتها سواء يسارية او حتى ليبرالية.
بلدنا بالمصري: خريجين الحقوق معتصمين قدام النقابة
قرار مجلس نقابة المحامين برفع قيمة رسوم القيد في جداول النقابة للمقيدين الجدد هو السبب في غضب الخريجين من كليات الحقوق واللي مازالوا معتصمين قدام مقر نقابتهم لحد ما يبان لهم صاحب.
بلدنا بالمصري: انهيار البيوت لا يزال مستمراً
مسلسل انهيار البيوت على اللي فيها مازال مستمر.. واخر حلقة كانت النهاردة في شبرا.. معنا على الهاتف بشير عبد الرؤوف الصحفي بجريدة روزاليوسف
بلدنا بالمصري: أهالي المنزلة والحملة الأمنية المكبرة
خلونا نوصل بقة لحد المنزلة، نجس نبض الناس هناك بعد الحملة الامنية الموسعة اللي قادها وزير الداخلية بذات نفسه.
بلدنا بالمصري: أزمة السولار اللي ملهاش نهاية
عن ازمة السولار اليومين دول فحدث ولا حرج في شوارع بلدنا.. وكالعادة نسمع التصريحات الرسمية نصدق نشوف الامور على الارض نستعجب.
بلدنا بالمصري: نعيش ونفتكر الموسيقار بليغ حمدي
خلونا بلدنا بالمصري: نعيش ونفتكر الرائع الموسيقار بليغ حمدي
بلدنا بالمصري: تفرق كثير .. طاقة نور لأهل أسيوط
ودايماً وكالعادة وزي ما فيه مشاكل وهموم فيه دايماً اما وفيه طاقة نور وفيه حاجات على قد ما هي بسيطة على قد ما بتفرق كتير.
سبع صنايع .. دور ع الناس في بلدنا بالمصري
بمناسبة ثورة المعلمين خلونا ندور على الناس والنهاردة هندور على الخير في قلب أ/ محمود
بلدنا بالمصري: هل آن للقوى المدنية أن تتحد
على راي المثل: امسك الحبل يدلك على الوتد.. فيا ترى يا هلترى كتر الكلام اليومين دول عن تحالفات سياسية واندماجات حزبية نقدر نعتبره طرف الحبل اللي هيدلنا على وتد القوى المدنية المصرية اللي بتسقف بايد واحدة من بعد الثورة ولحين اشعار اخر.. انشالله يكون ان اوانه.. ان الاوان ولا لسة وبامارة ايه؟! دة السؤال اللي هنستعين عليه بضيوفنا النهاردة:
الدكتور/ ايمن نور: رئيس حزب غد الثورة
ا. جورج اسحق: وكيل مؤسسي حزب الدستور
ليست هناك تعليقات:
إرسال تعليق