نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 8 يوليو 2012 من قناة ONTV يوتيوب كاملة
من جديد: صدام ليه، هو البلد ليها رئيسين!
السلام والتحية على حضراتكو واهلا بيكو معانا قرارا لرئيس الجمهورية الدكتور محمد مرسي بعودة مجلس الشعب المنحل للعمل لحين اجراء انتخابات برلمانية جديدة بعد كتابة الدستور وموافقة الشعب عليه خلال 60 يوم ... قرار مفاجىء اثار غضب الكتير زي ما اثار ارتياح كتير بردوا... لكن من المؤكد ان القرار ده هيدخلنا في دوامة جديدة من الجدل والخلاف ... لان القرار لو اتاخد بدون ما يتم مشاورة المجلس العسكري فده معناه تصعيد واظهار للحرب الخفية اللي ما بين الإخوان والمجلس العسكري وديه ممكن نقدر عليها نقطة اللاعودة ولازم يبقى فيه طرف كسبان وطرف خسران ولو اتاخد القرار ده بعد الاتفاق ما بين العسكري والإخوان فده معناه تأجيل الصدام اللي حيحصل حيحصل .. بسبب حالة القطبية اللي موجودة في البلد واللي بسببها البلد ليها رئيسين رئيس منتخب ورئيس للمجلس العسكري بيقوم برضوة بدورة كبير في صنع القرار او تعطيل قرارات رئيس الجمهورية.
لغاية دلوقتي الظاهر لينا ان القرار اتاخد بدون مشاورة المجلس العسكري وده انعكس في سرعة رد الفعل العسكري اللي دعا لاجتماع عاجل بمجرد صدور القرار، احنا بالتأكيد حيكون القرار ده موضوع حلقتنا الرئيسي بس خلونا نروح نشوف مصر حصل فيها ايه تاني ونرجع عشان نبتدي من جديد.
على كل حال تعالوا نشوف البلد حصل فيها اية تاني النهاردة ونرجع لحضراتكو من جديد...
من جديد: هل قرار عودة البرلمان مقدمة لصدام
بنرحب بيك أستاذ جمال فهمي وبالتأكيد أهم خبر النهاردة هو قرار رئيس الجمهورية بعودة مجلس الشعب المنتخب.. شايف ازاي قرار مرسي بعودة البرلمان .. وهل ده مقدمة لصدام وشيك بين العسكري والرئيس ؟
تفتكر ايه الدافع لمرسي لاتخاذ القرار ده .. واية الحكمة ان البرلمان يعودة لمدة 60 يوم ؟
من جديد: أمناء الشرطة المفصولين على باب الرئيس
حصار قصر الرئاسة بالمظاهرات والمطالب الفئوية مازال مستمر رغم قرار رئيس الجمهورية بإنشاء ديوان للمظالم وتقديم الشكاوى وكان من ضمن المتظاهرين النهاردة ادام قصر العروبة العشرات من امناء الشرطة المفصولين واللى قطعوا الطريق كذا مرة أمام القصر .
من جديد: بدء جلسات محاكمة علي ونيس
النهاردة كمان محكمة جنح طوخ بدات اولى جلسات محاكمة النائب السلفي على ونيس المتهم بالفعل الفاضح مع فتاة .. وطبعا زي ما حضراتكو عارفين طبعا انه حتى الآن لم يتم القبض عليه ولم يتم التحقيق معاه ... والمحكمة قررت التأجيل لجلسة 15 يوليو مع استمرار حبس الفتاة .
من جديد: محاكمة البلكيمي ٤ سبتمبر
محكمة جنح كرداسة حددت جلسة 4 سبتمبر لمحاكمة النائب أنور البلكيمى عضو مجلس الشعب المعروف بنائب التجميل ... لمحاكمته فى تهمة البلاغ الكاذب وإزعاج السلطات...
من جديد: تأجيل دعاوى وقف الترشح لرئاسة تحرير الصحف
نروح لأزمة الصحفيين مع مجلس الشورى والنهاردة محكمة القضاء الإداري قررت تأجيل نظر الدعاوى اللي بتطالب بإلغاء قرار فتح باب الترشح لأنتخابات رئاسة تحرير الصحف القومية ليوم التلات اللي جاي.
من جديد: أزمة نقيب ومجلس نقابة الصحفيين
في الحقيقة في موقف غريب جدا حاصل دلوقتي متعلق بنقابة الصحفيين نفسها اللى امبارح طلع علينا بينا بتطالب فيه مجلس الشورى بتعليق أعمال اللجنة ... اللجنة المشكلة لأختيار رؤساء تحرير الصحف القومية فوجئنا النهاردة بنقيب الصحفيين ممدوح الولي بيقول أنه تم التلاعب بالبيان دا وأنه النقابة لم تدعو لتعليق أعمال اللجنة وكما أشاد بدورها ...
ايه حكاية التلاعب ببيان النقابة وصحة كلام النقيب ؟
من جديد: قراءة سياسية وقانونية في قرار عودة البرلمان
من جديد اهلا بحضرتكوا .. يظهر كدا أن لعبة الالغاز السياسية رجعت مرة تانية للساحة السياسية .. رجعنا تاني نضرب اخماس في اسداس ونقول "هو فية اية .. هو ايه اللى بيحصل بالضبط .. هو دا صح ولا غلط ؟" ..
اخر الالغاز أو المفاجأت دي هي قرار الدكتور محمد مرسي رئيس الجمهورية النهاردة بعودة مجلس الشعب المنحل لممارسة اختصاصاته المنصوص عليها في المادة 37 من الإعلان الدستوري، وسحب قرار حله، وإجراء انتخابات مبكرة للمجلس خلال 60 يومًا من تاريخ موافقة الشعب على الدستور الجديد
القرار دا يمكن يكون اغضب ناس وفرح ناس تانية .. لكن مش دا المهم عندنا .. المهم واللى عايزين نفهمة : هل قرار رئيس الجمهورية دا انتهاك للدستور وسيادة القانون ولا لا .. ؟
احنا عارفين ان فية حكم صدر من المحكم الدستورية بحل البرلمان .. ووفقا للقانون احام الدستورية واجبة النفاذ .. وعلى اي اساس استند الرئيس مرسي في قرارة بعودة البرلمان .. دا اللى يهمنا ودا اللى هنحاول نعرفة في حوارنا مع ضيوفنا : الاستاذ ايهاب الخولي المحامي والامين العام لحزب الاصلاح والتنمية .. وسيادة النائب عن حزب النور على قطامش
من جديد: نمط القضايا السياسية بين مرسي ومبارك
بنرحب بيك أستاذ جمال فهمي وبالتأكيد أهم خبر النهاردة هو قرار رئيس الجمهورية بعودة مجلس الشعب المنتخب.. شايف ازاي قرار مرسي بعودة البرلمان .. وهل ده مقدمة لصدام وشيك بين العسكري والرئيس ؟
تفتكر ايه الدافع لمرسي لاتخاذ القرار ده .. واية الحكمة ان البرلمان يعودة لمدة 60 يوم ؟
حصار قصر الرئاسة بالمظاهرات والمطالب الفئوية مازال مستمر رغم قرار رئيس الجمهورية بإنشاء ديوان للمظالم وتقديم الشكاوى وكان من ضمن المتظاهرين النهاردة ادام قصر العروبة العشرات من امناء الشرطة المفصولين واللى قطعوا الطريق كذا مرة أمام القصر .
هل انشاء ديوان المظاليم اللى اعلن عنه الدكتور مرسي ممكن يحل المشاكل ؟
ليست هناك تعليقات:
إرسال تعليق