نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 4 يونيو 2012 من قناة ONTV يوتيوب كاملة
من جديد: إشمعنى مبارك ميلبسش البدلة الزرقا
السلام والتحية على حضراتكم وأهلا بيكو معانا .. رغم الحكم الصادر ضد الرئيس السابق إلا انه لغاية دلوقتي ما لبسشي البدلة الزرقا الخاصة باللي بيتحكم عليهم زي اي سجين بيخش السجن .. وياخد رقم كمان .. ازاي لغاية دلوقتي ما يلبسشي مدان زيه زي اي مسجون جوه السجن هل لسه الخيار والفقوس موجود هل كدة هو بيقضي فترة نقاهة .. هل كدة فيه مدان فوق تنفيذ القوانين ..ده يخلينا نسأل كدة عن شكل المعاملة مش بس لمبارك .. لا كمان لولاده وكمان لباقي المسئولين المسجونين سواء مدانين او على ذمة قضايا ، يمكن حاجات زي ديه هي اللي مخلية الناس تنزل وتستمر في لتحرير وتحس ان مافيش حاجة حصلت مافيش ثورة قامت عشان تغير ، على اية حال خلونا نروح نشوف حصل ايه في مصر النهاردة ونرجع نبتي من جديد.
من جديد: استمرار الاعتصام بالتحرير لليوم الثالث
لليوم التالت على التوالي يتظاهر الالآف بميدان التحرير اعتراضا على الحكم الصادر ضد الرئيس السابق حسني مبارك ووزير الداخلية الأسبق حبيب العادلي بالسجن المؤبد وبراءة مساعدي العادلي من تهم قتل المتظاهرين وانقضاء الدعوى ضد نجلي مبارك علاء وجمال ..وبدءت الاستعدادت لمليونية الغد اللى دعى ليها عدد كبير من الأحزاب والقوى السياسية ...
الكل يشارك في مليونية الغد .. اهداف كتيرة بنرحب بيك استاذ لويس جريس الكاتب الصحفي .. وشايف استمرار زخم الثورة لغاية دلوقتي ازاي ؟
من جديد: تفاصيل اجتماع مرسي وأبو الفتوح وصباحي
نقدر نقول ان جميع القوى السياسية هتشارك في مليونية بكرة بما فيهم مرشحي الرئاسة الخاسرين زي الدكتور عبد المنعم أبو الفتوح وحمدين صباحي وجماعة الإخوان المسملين اللى أعلنت بشكل رسمي المشاركة في المليونية والماطلبة بإستبعاد الفريق أحمد شفيق من خوض جولة الإعادة .. غير كدة النهاردة عقد اجتماع ثلاثي بين ابوالفتوح ومرسي وصباحي واتفقوا على ضرورة الضغط لإعادة محاكمة مبارك ورموز نظامه وتطبيق قانون العزل كمان تطرق الاجتماع لموضوع تشكيل مجلس رئاسى مدنى لتحقيق واستكمال الثورة .
من جديد: المجلس العسكري هيعدل مادة تأسيسية الدستور
غير الاجتماع ده كان فيه اجتماع تاني ما بين المجلس العسكري والمجلس الاستشاري وعقب الاجتماع أكد سامح عاشور رئيس المجلس الاستشاري أن العسكري بصدد تعديل المادة 60 من الإعلان الدستورى خلال اللى جاية، وزي ما حضراتكم عارفين إن المادة 60 المتعلقة بتشكيل الجمعية التأسيسية للدستور..
من جديد: سوزان وهايدي وخديجة يزورون مبارك بطرة
اما بخصوص الرئيس السابق حسني مبارك واللي بيرقد حاليا في مستشفى سجن طره بعد ما تم الحكم عليه بالسجن المؤبد في قضية قتل المتظاهرين فالنهاردة لأول مرة زارته سوزان ثابت زوجته بصحبة هايدي راسخ وخديجة الجمال زوجتي علاء وجمال مبارك .
من جديد: الخاسرون يعلنون تزوير مليون صوت لشفيق
اما عن الانتخابات الرئاسية فالنهاردة عقد ممثلو حملات الدكتور عبد المنعم أبو الفتوح، وحمدين صباحى، وخالد على مؤتمر صحفي أعلنوا فيه ما تم رصده من انتهاكات وعمليات تزوير في المرحلة الأولي من الانتخابات ، وأكدوا وجود عدد كبير من الجنود والضباط اللي المفروض ان القانون بيمنعهم من التصويت قاموا بانتخاب الفريق أحمد شفيق وأكد على بطلان أكتر من مليون صوت
من جديد: الجدل حول مطالب مليونية القصاص العادل
بكرة شوارع القاهرة والمحافظات في انتظار موجة جديدة من المسيرات والمظاهرات، الرافضة للحكم الصادر ضد الرئيس السابق حسني مبارك ورموز نظامه، مظاهرات بكرة مش هتخرج بس للمطالبة بإعادة المحاكمة لكن فى قوى سياسية وشبابية كتير طالبت بإلغاء انتخابات رئاسة الجمهورية وتشكيل مجلس رئاسي من مرشحين بيعتبروهم ممثلين الثورة ، وفي قوى شبابية أخري رافضة فكرة الخلط بين محاكمات رموز النظام ، وبين الخطوات التى أتخذها المجلس العسكري لتسليم السلطة، واستكمال الانتخابات الرئاسية، لضمان تسليم السلطة وبعدين يطلبوا بإعادة المحاكمات.
الخلاف فى المطالب الى اي مدى ممكن يأثر على مليونية بكرة ده اللي حنعرفه من ضيوفنا
مصطفي شوقي عضو ائتلاف شباب الثورة، (وأحد الرافضين لفكرة تشيكل مجلس رئاسي)
وهيثم الشواف من تحالف القوى الثورية (وأحد المؤمنين بضرورة إلغاء الانتخابات وتشكيل مجلس رئاسي)
من جديد: جدوى وإمكانية تشكيل مجلس رئاسي
يستمر غضب مئات الآلاف في كافة ميادين مصر بعد أحكام مبارك وشركاه .. يجدد الغضب في نفوس المصريين ثورتهم ليخرجوا في كافة ميادين مصر مطالبين بمحاكمات عادلة وعاجلة لرؤوس الفساد في النظام السابق وتطبيق قانون العزل عليهم .. وتسليم السلطة فوراً لمجلس رئاسي مدني .. نستضيف الكاتب الصحفي الكبير أ. لويس جريس لنناقش موجة الثورة الجديدة وجدوى وإمكانية تشكيل مجلس رئاسي مدني في من جديد
ليست هناك تعليقات:
إرسال تعليق