نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 3 يونيو 2012 من قناة ONTV يوتيوب كاملة
من جديد: المرحلة الضبابية والحكم على مبارك وشركاه
السلام والتحية على حضراتكوا اهلا بيكم معانا .. يمكن من ساعة الثورة لحد امبارح كان في كل وقت بنوصل لمفترق طرق بتكون فيه بوصلة داخلية بتوجههنا نروح ازاي ولا نمشي لفين .. لكن امبارح كل بوصلة داخلية فقدت اتجاهها عندنا .. مش عارفين نفرح ولا نزعل .. نقول في حكم محكمة صدر ضد مبارك والعادلي ناس تقول طيب والمساعدين وولاده اللي كانوا فاكرينها عزبة .. نقول الحكم صدر واحنا مش حقنا نعلق عليه نلاقي جوانا قلبنا واجعنا من حاجة مش عارفين ايه . . احساس غريب ممكن يكون عند كل واحد فينا مش عارف هو فيه ايه .. كل واحد بيسأل نفسه هل ننزل التحرير .. ونفضل معتصمين ولا نخلص من المرحلة الانتقالية اللي باقي عليها اقل من اسبوعين بكل مرها وقرفها وغلطاتها ونبتدي من جديد .. ناس تقول ممكن تكون نهاية المرحلة الانتقالية بداية لمرحلة تانية مرة محدش مستعد انه يمشي فيها .. هل نرجع كل الخطوات اللي مشينا فيها ونبتدي من جديد الطريق زي ما كانت كتير من القوى بتدعو لمجلس رئاسي وتكون على طريقة انسف حمامك القديم . ولا نكمل ما تبقى من المرحلة الانتقالية ونشوف حتودينا على فين .. محدش عارف فيه ايه ولا احنا رايحين على فين وممكن نقول اننا في المرحلة الضبابية .. ربنا يخرجنا منه على خير زي ما خرجنا من حاجات كتير عشان نعرف نبتدي من جديد.
من جديد: النائب العام يطعن على أحكام مبارك وشركاه
النهاردة النائب العام النائب المستشار عبد المجيد محمود اتقدم بالطعن بشكل رسمي على الحكم اللي صدر امبارح من محكمة جنايات شمال القاهرة بالسجن المؤبد لكل من الرئيس السابق محمد حسنى مبارك وحبيبب العادلى وزير الداخلية الأسبق، وبراءة 6 من مساعديه وبراءة نجلى مبارك من تهم استغلال النفوذ ورجل الأعمال حسين سالم ... معانا على الهاتف الأستاذ الوليد إسماعيل الصحفي بجريدة الأهرام
من جديد: ثورة البرلمان على أحكام مبارك وشركاه
اما مجلس الشعب فشهد النهاردة حالة غضب وطالب عدد من النواب بإعادة محاكمة مبارك ورجالة امام محكمة ثورية وجمع أدلة إدانة جديدة
من جديد: الشارع المصري وأحكام مبارك وشركاه
اما رد فعل الشارع المصري والمواطنين البسطاء على الحكم اللى صدر امبارح على مبارك والعادلي ومساعديه ونجلي مبارك فدا اللى حنعرفه مع حضراتكم في التقرير اللى جاي
من جديد: المصريون بالخارج يبدأون التصويت بجولة الإعادة
أما بخصوص جولة الاعادة في الانتخابات الرئاسية فالنهاردة بدأت عمليات تصويت المصريين بالخارج للاختيار ما بين مرشح الإخوان المسلمين الدكتور محمد مرسى والفريق أحمد شفيق...
من جديد: المتظاهرين يطالبون بإعادة محاكمة مبارك
نروح نشوف أخر الأوضاع في ميدان التحرير معنا مراسلنا محمد الحداد من ميدان التحرير حيث تتعالى هتافات من عشرات الألاف في الميدان ومعهم الالتراس وجماعة الإخوان , وهتافات الميدان هي الشعب يريد إسقاط النظام .. ثوار أحرار هنكمل المشوار , لا يوجد لجان شعبية تقوم بتفتيش أو تامين الميدان , المتظاهرين يطالبون بإعادة محكمة مبارك أمام محكمة ثورية , لا يوجد أي منصات في ميدان التحرير لأي مرشح أو اي حزب معين .أما رد القوى الثورية فكان من خلال اكتر من 20 حركة وائتلاف ثوري طالبوا بتشكيل مجلس رئاسى مدنى وسحب الثقة من المجلس العسكرى وتشكيل حكومة ائتلافية تمثل كافة القوى السياسية... في الوقت اللي لسه معظم ميادين مصر بتشهد توافد المتظاهرين عليها ..
من جديد: شفيق يفتح النار على جماعة الإخوان
النهاردة كمان الفريق أحمد شفيق المرشح لرئاسة الجمهورية فتح النيران على جماعة الإخوان المسلمين ومرشحها اللى بيخوض جولة الإعادة ضده الدكتور محمد مرسي واتهم الجماعة بأنها تمثل النظام السابق لأنها عقدت صفقات معه في انتخابات 2005 وغيرها من الصفقات السياسية وانهم يريدون دولة طائفية اخوانية ودا كان خلال مؤتمر صحفي عقده الفريق شفيق
من جديد: إخلاء سبيل منى وعلاء سيف في حرق مقر شفيق
من ناحية تانية وجهت امس نيابة الدقي 3 اتهامات للناشط السياسي علاء عبد الفتاح وشقيقته وهي الحرق العمد والتجمهر والبلطجة في قضية حرق مقر المرشح الرئاسي احمد شفيق ، مساء الاثنين الماضي، وامر المستشار محمد ذكري المحامي العام الاول لنيابات شمال الجيزة باخلاء سبيل علاء عبد الفتاح وشقيقته على ذمة القضية بضمان محل اقامتهما
من جديد: رأي الشارع المصري حول أزمة البنزين
حاجة كمان ملفتة إن الزحمة في الشارع وعلى محطات البنزين . طوابير كل يوم على محطات البنزين , وزي كل مرة الحكومة تقول على لسان المسؤلين إن مفيش أزمات خالص للبنزين , عايزين نشوف ونعرف أيه رأي الشارع من أزمة البنزين
من جديد: قلوب أهالي الشهدا بردت .. ولا لا
اللي يتابع شكل اهالي الشهداء وهما بيسجدوا لله شكر اول لما سمعوا الحكم على مبارك والعادلي بالمؤبد .. واللى يتابع شكل الاهالي نفسهم لما سمعوا باقي الحكم ، يحس انه قدام مشهدين في مكانين وزمانين مختلفين مشاعر الفرحة والحزن مشاعر الانتصار والانكسار مشاعر مش ممكن تتوصف لان اهل اي شهيد غير كل واحد كان بيشوف المحاكمة في التليفزيون .. اهل كل شهيد كان مستني ان نار قلبه تهدى.
احنا النهاردة معانا اهل إسلام رافت نبيل .. إسلام كان عمره لما استشهد 28 سنة .. وزية زي اي شاب في البلد دي كان بيحلم بالتغيير ، بيحلم ان حال البلد يتحسن ويعرف يعيش فيها بكرامة .. رافت ممتش زي غيره من الشباب برصاصة غدر من ضابط شرطة متهور فقد قلبه وعقله وضميره.. لكنة مات في الحادثة الشهيرة بتاعة السيارة الدبلوماسية بتاعة للسفارة الامريكية اللى صادفت مرورها بشارع القصر العيني لما رافت كان موجد فيه ... والد الشهيد اسلام رافت زينهم .. اهلا بيكم معانا في من جديد
من جديد: إمكانية محاكمة مبارك أمام الجنائية الدولية
اهلا بيكم من جديد .. هل يجوز اعادة محاكمة مبارك ونظامه في محكمة خاصة او محاكمته وفق لقوانين المحكمة الجنائية الدولية بتهم ارتكاب جرائم ضد الانسانية ضد المتظاهرين؟ ...
دا سؤال بيتردد كتير في الاوساط السياسية والثورية بعد النطق بالحكم على مبارك ونظامه .. وممكن يكون وارد تحقيق الكلام ده من الناحية القانونية وممكن يكون مش وارد .. لكن الشاهد في طرح السؤال دا بشكل متكرر بياكد ان الناس وخاصة اهالي الشهداء وقوى الثورة في حالة غضب وحزن شديد بسبب الحكم وعايزين اي مخرج يرجع المحاكمة مرة تانية ..
احنا هناقش الموضوع ده وغيرة من القضايا المطروحة على الساحة السياسية وعلى راسها اخر المستجدات في ازمة تأسيسية الدستور اللى مش باين لها حل، في حورنا مع الدكتور وحيد عبد المجيد عضو مجلس الشعب ومنسق التحالف الديمقراطي .. اهلا بيك معانا
ليست هناك تعليقات:
إرسال تعليق