نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 21 يونيو 2012 من قناة ONTV يوتيوب كاملة
من جديد: لو نعرف ما يجري في الغرف المغلقة
البلد الآن على المحك .. الجميع يعيش في لحظات قلق وارتياب مما قد يحدث خلال اليومين اللى جايين دول ... عشنا حوالي سنة ونص في مرحلة انتقالية كنا كل ما نخرج فيها من مشكلة نقع في مشكلة تانية شهدنا احداث عنف وقتل راح ضحيتها عشرات من المصريين الأبرياء ومظاهرات ومليونيات ... لكن معتقدش انه كان تأثير الأيام دي كلها زي تأثير اليومين دول على المصريين كلهم بشكل عام ... الكل مستني نتيجة الانتخابات وخابف .. وخايف من النتيجة ايا كانت .. نتيجة لحالة الاستقطاب اللي احنا وصلنا فيها والكل عمال يهدد لو مرشحه ما فازشي .. المفروض كلنا ما ننساش المعركة الرئيسية هي الدستور لانه هو الي حيحدد كل اللي جاي ولازم يكون ده تركيزنا عليه .. لاننا ما نعرفشي ايه اللي بيحصل في الغرف المغلقة ونوع الاتفاقات الي بتتم واللي لاكيد حنعرف نتيجتها بالكتير على اول الاسبوع اللي جاي.. يعني في حلقة الحد الجاي حنكون عرفنا راسنا من رجلنا في حاجات كتير.
على كل حال تعالوا نشوف البلد حصل فيها اية النهاردة ونرجع لحضراتكو من جديد...
من جديد: مؤتمر صحفي للفريق أحمد شفيق
يوم ملئ بالأحداث والمؤتمرات ودلوقتي في مؤتمر للمرشح الرئاسي الفريق أحمد شفيق في أحد الفنادق بمنطقة القاهرة الجديدة .
من جديد: التحرير يستعد لمليونية إسقاط الإعلان المكمل
عشرات الآلاف يحتشدون الآن يمدان التحرير استمرارا لأعتصامهم كمان للمشاركة في المليونية اللى دعت ليها غدا كافة الأحزاب والقوى السياسية لإسقاط الإعلان الدستوري المكمل إلى جانب بعض الماطلب الآخري زي بطلان قرار حل البرلمان ومنح الضبطية القضائية لضباط الشرطة العسكرية طبعا إلى جانب الأعتصام اللى دعا لية جماعة الإخوان المسلمين وحزبها الحرية والعدالة لحين الإعلان عن النتيجة الرسمية لإنتخابات رئاسة الجمهورية ...
من جديد: عمال المطابع الأميرية يقطعون طريق الكورنيش
كمان بخصوص الانتخابات الرئاسية فالنهاردة عمال هيئة مطابع الأميرية نظموا وقفة احتجاجية وقاموا بقطع طريق الكورنيش أمام مقر الهيئة بإمبابه اعتراضا على الاتهامات اللى تم توجيهها لعدد من العاملين بالمطابع بتسويد بطاقات انتخابية لصالح أحد مرشحي الرئاسة وهو الدكتور محمد مرسي مرشح جماعة الإخوان المسلمين ...
من جديد: اللجنة العليا للانتخابات تواصل نظر الطعون
اما اللجنة العليا للانتخابات الرئاسية فزى ما قولنا لحضراتكم امبارح انه خلاص مش حيتم الإعلان عن النتيجة الرسمية بسبب كثرة الطعون المقدمة من الفريق أحمد شفيق والدكتور محمد مرسي ، وفي تصريحات وكلام على ان النتيجة مش حتكون قبل يوم السبت أو الحد اللى جاي ... كمان اللجنة واصلت النهاردة نظر الطعون ..
قتلة سيد بلال .. ١٥ عام للشيمي والمؤبد لأربعة هاربين
محكمة جنايات الاسكندرية استدلت النهاردة الستار على قضية تعذيب مقتل الشاب السلفي سيد بلال والمتهم فيها ضباط جهاز أمن الدولة المنحل ... المحكمة اصدرت حكم بالسجن المشدد 15 سنة للضابط عبد الرحمن الشيمى كمان قضت بالسجن المؤبد لــ4 ضباط اخرين هاربين ولم يتم القبض عليهم حتى الآن ...
من جديد: نتائج اجتماع القوى المدنية اليوم
من جديد أهلا بحضرتكوا .. سنة ونص مرت على الثورة ولحد دلوقتي محققتش ابرز اهدافها اللى هي الكرامة والحرية والعدالة اجتماعية .. اسباب كتير وجهات اكتر ممكن نحملها مسؤلية تعثر الثورة في تحقيق اهدافها، لكن السبب الرئيس هو عدم توافق القوى السياسية وتوحدها على قلب رجل واحد طوال الفترة اللى فاتت ..
500 يوم مرت على الثورة وكل يوم نقول هيتفقوا بكرة ، هيوحدوا بكرة ، لكن للاسف كل يوم بيمر بتزيد خلافاتهم اكتر .. كل يوم بيمر بتزيد انقسامتهم اكتر واكتر .. وللاسف كتير من القوى دي اعلت مصالحها الشخصية الضيقة على حساب مصالحة البلد الاعلي والاكبر ، وعلشان كدة كانت النتيجة هي ما وصلنا اليه الان، وقاعدنا كلنا نضرب كف على كف ونقول ياعالم بكرة هيكون شكلة اية ..
وكل ده لان المواطن العادي اللى قام بالثورة وثق في مجموعة من النخب السياسية والقوى الحزبية للاسف ماكنتش على قدر المسؤلية .. لكن دلوقتي جة الوقت اللى لازم يتحملوا في المسؤلية .. لازم يتوحدوا ويتفقوا لااما نقولهم شكرا ومع السلامه انتم اقل من ان نثق فيكم ونوليكم امرنا ..
وزي ما حضرتكوا ماتابعين كان فية اجتماع النهاردة سبقة اجتماعات اخري للقوى المدنية والقوي السياسية وبعض مرشحي الرئاسة لمحاولة الخروج من المأزق الحالي .. هنحاول نشرف اية اللى حصل في الاجتماع وهل كالعادة اتفقوا على الا يتفقوا وخرجوا ايد ورا وايد قدم .. بنرحب بضيوفنا الاستاذ جورج اسحاق الناسط السياسي وعضو المجلس القومي لحقوق الانسان وكان من ضمن الحضور في اجتماع اليوم .. والى جوارة الاستاذ سمير عليش الناشط السياسي والمنسق العام لاخراج وثيقة مستقبل مصر، والمتحدث باسم الجبهة الوطنية للتغيير.. اهلا بيكم في من جديد..
ليست هناك تعليقات:
إرسال تعليق