برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاثنين 21 مايو 2012 يوتيوب كاملة
بلدنا: فشل الأحزاب في التوافق على إعلان دستوري مكمل
يسعد مساكم وحلقة جديدة من بلدنا بالمصري، هنبدأها ونختمها بالجدل اللي حاصل اليومين دول حوالين المدعو "الاعلان الدستوري المكمل" لتحديد صلاحيات رئيس الجمهورية يا دوب قبل انتخابه باقل من 48 ساعة ويمكن اقل كمان.. الجدل مرتبط باكتر من نقطة وكلهم اهم من بعض وكلهم تقريبا عليهم خلاف.. أولهم: هل احنا مجتاجين اصلا لاعلان دستوري مكمل ولا الاعلان الصادر في 30 مارس ممكن يمشنا لحد ما نكتب الدستور؟ ثانيا: لو احنا محتاجين اعلان دستوري مكمل، ايه اللي لازم نضيفه وايه اللي لازم نحذفه وايه اللي لازم نعدله وفي اي حدود؟! ثالثا: مين اللي من حقه وليه سلطة وصلاحيات اصدار اعلان دستوري مكمل في اللحظة ديه: المجلس العسكري ولا مجلس الشعب ولا اصلا مش من حق اي جهة ايا كانت اصدار اعلان دستوري مكمل من غير استفتاء الشعب عليه؟ زائد طبعا السؤال اللي من عينة الاسئلة اللي عادة مالهاش رد، احنا على وشك نرسي على بر ولا احنا داخلين في متاهة جديدة؟!!!! كل ديه اسئلة هنطرحها في فقرتنا اللي جاية بعد آخر اخبار بلدنا.. واللي هنبدأها برده بنفس الموضوع بس من طرف الاحزاب، اللي بقى لها كام يوم، من ساعة ما اتسربت الاخبار عن نية المجلس العسكري اصدار اعلان دستوري مكمل، وهي بتسابق الزمن في محاولة للوصول لاتفاق او على الاقل توافق على بنود ومواد الاعلان الدستوري المكمل قبل ما يصدره المجلس العسكري بشكل منفرد.. الا انهم فشلوا حتى في الاجتماع تلات مرات كان آخرهم النهاردة، وعلى ما يبدو انهم صرفوا نظر عن موضوع الاعلان الدستوري المكمل!!! ... تفاصيل أكتر هانعرها من د. أيمن نور - مؤسس حزب غد الثورة
بلدنا: ردود أفعال الأحزاب على الإعلان الدستوري المكمل
طرح لعدد من ردود أفعال الأحزاب السياسية على الإعلان الدستوري المكمل
بلدنا بالمصري: رسالة المجلس العسكري للشعب رقم ١٠
أما المجلس العسكري فاصدر النهاردة رسالته رقم 10 للشعب المصري العظيم ومافيهاش اي ذكر او سيرة عن اعلان دستوري مكمل.. ونصها
بلدنا بالمصري يتعهد بالتزام الصمت الانتخابي بحذافيره
صحيح انه مرحلة الصمت الانتخابي بدات النهاردة، لكن مش بالضرورة ان جميع المرشحين ملتزمين وتم رصد فعلا عدد من المخالفات لعدد من المرشحن او حملاتهم اللي انتهكوا الصمت الانتخابي باشكال مختلفة منها اعلانات في جرايد ومنها تعليق ملصقات ومنها جولات في الشوارع، خاصة وان اللجنة العليا للانتخابات ووفقا لقانون انتخابات الرئاسة لا تملك اي شئ لعقاب المخالفين لا بالشطب ولا باي وسيلة تانية، اللهم الا بس مخاطبة الجهات الإدارية لإزالة الدعاية المخالفة للمرشحين من الشوارع اللي تم تعليقها اثناء مرحلة الصمت الانتخاي على نفقة المرشح وابلاغ النيابة العامة باتخاذ اللازم تجاه المخالفين.. ونفس الشئ بالنسبة لوسائل الاعلام المخالفة اللجنة ما تقدرش تعمل لها حاجة غير انها تحرك بلاغ ضدها.. لكن احنا هنلتزم بالصمت الانتخابي بحذافيره احتراما للقانون دة اكيد بغض النظر عن العقوبة لكن الاهم هو احترامنا لحق المواطن في شوية هدوء وشوية براح قبل ما يحسم قراره بعقله وبضميره بعيد عن اي تاثيرات مباشرة او غير مباشرة.. وبالتالي فاحنا هنمتنع عن اذاعة اي اخبار لها علاقة بالمرشحين حتى ولو كانت مش من باب الدعاية الانتخابية، لدرجة اننا هنمتنع حتى عن اعلان نتايج فرز اصوات المصريين في الخارج، خاصة بعد ما رصدت بعض المنظمات والمراكز الحقوقية ان اعلان نتايج التصويت في الخارج في الكام يوم اللي فاتوا ادت للتشويش على اختيارات الناخبين في مصر بشكل غير مباشر.. دة تحديدا اللي اشار ليه مركز الشهاب لحقوق الانسان في تقريره التاني الخاص بالمراقبة على المراحل المختلفة للعملية الانتخابية
بلدنا بالمصري: متوفون ومجندون سيصوتون لمرشحي الرئاسة
أصدر مركز الشهاب لحقوق الإنسان تقريره الثانى الخاص بمراقبته الانتخابات الرئاسية،أعلن فيه رصده لانتهاك العديد من المرشحين لفترة الصمت الانتخابى، وكذلك مدى تأثر الناخبين بإعلان نتائج فرز انتخابات الخارج قبل التصويت بمصر، وعدم وضع معايير لضبط عدم تعدى المرشحين للسقف المالى لحملات الدعاية الانتخابية، واستغلال الأطفال فى الدعاية للمرشحين، إضافة لاستغلال القيادات الدينية الظهور على منصات المرشحين سواء الأزهرية والكنيسية. تفاصيل أكتر إحنا معانا أ/ خلف بيومي - مدير مركز الشهاب لحقوق الإنسان
بلدنا: الإعلام وانتخابات الرئاسة .. اللي لينا وعلينا
اكيد احنا مش محتاجين نقعد نعيد ونزيد حوالين اهمية دور وسائل الاعلام في متابعة الانتخابات ومراقبتها وضمان سلامتها ونزاهتها ضمن وسائل تانية للمراقبة وضمان النزاهة الشفافية من اول الاشراف القضائي لحد الرقابة الشعبية مرورا طبعا بمراقبة منظمات المجتمع المدني.. طيب وسائل الاعلام ديه عشان تقدر تقوم بدورها، زي ما فيه ضوابط لازم تالتزم بيها لعدم التشويش على العملية الانتخابية او التاثير فيها لازم كمان يكون مصرح لمراسلين الصحف ووسائل الاعلام لو مش الحد الاقصى من الامكانيات اللي تمكنهم من اداء دورهم على الوجه الامثل يبقى على الاقل الحد المعقول.. النهاردة مراسلين قناة اون تي في اللي هيتواجدوا في اكبر عدد ممكن من المحافظات للمشاركة في تغطية حية ومستمرة على القناتين من اول فتح باب التصويت لحد اعلان النتيجة، حصلوا النهاردة على التصاريح اللي تسمح لهم بتغطية الانتخابات وعلى ضهرها اللي ليهم واللي عليهم تفاصيل أكتر إحنا معانا -
محمد حداد - مراسل قناة ON TV
بلدنا: دور وأهمية التغطية الإعلامية في الانتخابات
اكيد احنا مش محتاجين نقعد نعيد ونزيد حوالين اهمية دور وسائل الاعلام في متابعة الانتخابات ومراقبتها وضمان سلامتها ونزاهتها ضمن وسائل تانية للمراقبة وضمان النزاهة الشفافية من اول الاشراف القضائي لحد الرقابة الشعبية مرورا طبعا بمراقبة منظمات المجتمع المدني.. طيب وسائل الاعلام ديه عشان تقدر تقوم بدورها، زي ما فيه ضوابط لازم تالتزم بيها لعدم التشويش على العملية الانتخابية او التاثير فيها لازم كمان يكون مصرح لمراسلين الصحف ووسائل الاعلام لو مش الحد الاقصى من الامكانيات اللي تمكنهم من اداء دورهم على الوجه الامثل يبقى على الاقل الحد المعقول.. النهاردة مراسلين قناة اون تي في اللي هيتواجدوا في اكبر عدد ممكن من المحافظات للمشاركة في تغطية حية ومستمرة على القناتين من اول فتح باب التصويت لحد اعلان النتيجة، حصلوا النهاردة على التصاريح اللي تسمح لهم بتغطية الانتخابات وعلى ضهرها اللي ليهم واللي عليهم تفاصيل أكتر إحنا معانا -
د/ ياسر عبد العزيز - الخبير الإعلامي
بلدنا: ليلة مع المضربين مع أسرانا في سجون العسكر
النهاردة الساعة 12 الضهر انتهى الاضراب الرمزي عن الطعام اللي بدأه امبارح عدد من الشخصيات العامة والصحفيين والاعلاميين والناشطين وعدد اكبر من المواطنين جوة مصر وبرة مصر تضامنا مع كل المعتقلين المدنيين على ذمة قضايا اتحاكموا او بيتحاكموا فيها عسكريا، وبالذات مع المعتقلين على ذمة قضية احداث العباسية اللي بداوا امبارح اضرابهم المفتوح عن الطعام لحين الاستجابة لمطالبهم.. حسب الصفحة الرسمية لمجموعة لا للمحاكمات العسكرية للمدنيين: عدد المعتقلين على خلفية أحداث العباسية اللي بدأوا إضراب مفتوح عن الطعام وصل ل141.. اما عدد المتضامنين معاهم واللي اضربوا رمزيا عن الطعام لمدة 24 ساعة وصل ل464
عدد كبير من اللي شاركوا في الاضراب الرمزي عن الطعام من امبارح الساعة 12 الضهر للنهاردة الساعة 12 الضهر، تحت شعار "كلنا اسرى في سجون العسكر" باتوا ليلتهم امبارح في نقابة الصحفيين اللي بدأوا فيها واعلنوا منها موقفهم.. زميلنا أحمد عبد الجواد سهر معاهم الليلة ديه
بلدنا: إضراب مفتوح عن الطعام أمام نقابة الصحفيين
صحيح ان العدد الاكبر من الي اضربوا اضراب رمزي عن الطعام انهوا اضرابهم بعد 24 ساعة، لكن فيه تمانية منهم على الاقل قرروا الاستمرار في الاضراب واختاروا الرصيف اللي قدام النقابة مقر دايم لاضرابهم .. تفاصيل أكتر هنعرفها من أ/ أحمد الصوفاني وهو أحد المضربين
بلدنا بالمصري: إخلاء سبيل ٣ من معتقلي أحداث العباسية
من ناحية تانية، قررت المحكمة العسكرية اليوم إخلاء سبيل 3 من معتقلي أحداث العباسية, واستمرار حبس 5 آخرين 15 يوما علي ذمة القضية.
بلدنا بالمصري: انتخاب الرئيس مش هيكون نهاية المطاف
نفسنا نغمض ونفتح ونلاقي عندنا رئيس منتخب .. عشان نصحصح ونجد حلول مشاكلنا.. بالفعل انتخاب الرئيس مش هيكون نهاية المطاف
بلدنا بالمصري: وقفة للأطباء لرفع ميزانية الصحة
من نقابة الصحفيين لنقابة الاطباء، الاطباء كان ليهم وقفة امبارح على سلالم دار الحكمة احتجاجا على ميزانية الصحة في الموازنة الجديدة، حيث انها ما تليقش ابدا بمقام صحة المصريين.
بلدنا بالمصري: الفن في رمل الوادي الجديد
بعيدا بقة عن السياسة، خلونا نروح لحد الوادي الجديد، نملي عينينا بالرملة لما تتحول بايدين تتلف في حرير لمناظر تسر الناظرين.
بلدنا بالمصري: سواقين التوك توك عايزين إيه من الرئيس
وقبل الفاصل، خلونا كدة نسمع ونشوف عينينا سواقين التوك التوك ممكن يكونوا عايزين ايه من مرشحين الرئاسة.
بلدنا بالمصري: هل نحتاج إعلان دستوري مكمل؟
كلها كام يوم ان عاجلا من الجولة الاولى او اجلا بعد جولة اعادة، وهيكون لنا رئيس منتخب في انتخابات، انشاءالله سليمة وحرة ونزيهة.. طيب تولى الرئيس المنتخب مهام وظيفته، السؤال بقة: هل مهام الوظيفة ديه واضحة؟! هل صلاحيات الموظف دة محددة؟ هل الاعلان الدستوري اللي مشينا بيه الحال من 30 مارس لحد النهاردة كافي يقدر يمشينا لحد كتابة الدستور؟ ولا احنا فعلا محتاجين لاعلان دستوري مكمل؟ ولو احنا فعلا محتاجين لاعلان دستوري مكمل ايه التعديلات او الاضافات اللي احنا محتاجينها وفي اي حدود؟ والاهم من كل دة مين اللي ليه الحق والسلطة في اصدار اعلان دستوري مكمل قبل اقل من 48 ساعة على انتخاب الرئيس وفي وجود برلمان منتخب يمكن مالوش الحق هو كمان في اصدار اعلان دستوري مكمل ولا في اجراء اي تعديلات على الاعلان الدستوري الحالي؟!!!! كل ديه اسئلة وغيرها هنطرحها على ضيوفنا النهاردة:
ل. د. عادل سليمان
المستشار محمد حامد الجمل
د.عمرو حمزاوي: استاذ العلوم السياسية وعضو مجلس الشعب
ليست هناك تعليقات:
إرسال تعليق