برنامج صباح ON
و الذى يذاع على قناة ONTV
يأتيكم من الأحد للخميس في الساعة 9:00 صباحا
في كل صباح احداث جديد واشخاص جدد في دائرة الضوء …صباح ON…صحيفة تلفزيونية تنقل لك الأخبار بالكلمة والصورة. أبرز القضايا المصرية والعالمية, مع تحليلات الخبراء وكبار الكتاب, قراءه يومية لعناوين الصحف المصرية والعربية, استفتاءات المشاهدين على الهواء مباشرة … صباح ON…ابدأ صباحك معنا
شارك الخبر مع اصدقائك على الفيس بوك و تويتر و جوجل +1 من اعلى الصفحة
ONtv Livestreaming - البث الحي
مع تمنياتى بمشاهدة ممتعة
و لنبداء
برنامج صباح ON حلقة الاحد 27 مايو 2012 من قناة ONTV يوتيوب كاملة
صباح ON: المحافظة الأمل لمصر .. الوادي الجديد
صباح الخير على جميع مشاهدينا وصباح الخير يا إيمان .. حلقة جديدة من صباح اون بعد ما شوفنا وسمعنا النتائج الأولية لانتخابات الرئاسة في جولتها الأولى .. الكلام كتير رغم إعلان حملات المرشحين إن الاعادة خلاص محسومة بين مرسي وشفيق لكن كلها في اطار التوقعات والتكهنات ومفيش حد قادر يحسم المعلومة النهائية لكن الأكيد إن الانتخابات بجولتها الأولى خلصت وإن الناس اختارت اللي شايفاه صح وباقي جولة إعادة بعد ما تعلن اللجنة العليا للانتخابات يوم الثلاثاء قرارها النهائي من هذه الانتخابات وتعلن طرفي الإعادة في الجولة الثانية .. وربنا يعدي الأيام دي على خير.
صباح الخير يا يوسف وصباح الخير على كل مشاهدينا في كل مكان.. بعيدا عن الانتخابات خلونا نتكلم في المستقبل والمستقبل اللي نقصده محافظة الوادي الجديد اللي بتشكل المساحة الأكبر من اجمالي محافظات مصر .. هذه المحافظة كانت حلم من الستينيات و أمل لتقديم مصر المستقبل و مع تعاظم التحديات و تكرار المشاكل اصبحت محافظة منسية و حلم مركون على الرف الحلم ده محتاج الى دفعة قوية لاعادته مرة اخرى ليصب في صالح مصر بعد ثورة يناير،المحافظة فيها مقومات كتير ممكن تحولها لمنطقة جذب سياحي و صناعي و زراعي كمان . وده اللي هنتكلم فيه النهاردة في فقرتنا الأساسية و عن التحديات و المشاكل اللي أكيد تفاقمت خصوصا بعد الثورة و الانفلات الأمني و تكرار التعديات على الاراضي الزراعية و عدم استكمال العديد من المشروعات التنموية اللي ممكن تحول محافظة الوادي الجديد الي محاظفة الأمل لمصرعن الوادي الجديد الاحلام و الطموحات و المشاكل هتكون فقرتنا الاساسية النهارده ...بس في البداية نشوف اخبارنا و تقاريرنا بسرعة في جولة شاملة
صباح ON: النتائج المتداولة للانتخابات غير رسمية
أول خبر معانا نفي المستشار حاتم بجاتو أمين عام اللجنة العليا لانتخابات الرئاسة ان يكون صدر تصريح على لسان اى من اعضاء اللجنة العليا للانتخابات الرئاسية او اعضاء اماناتها الفنية، ان المرشح حمدين صباحى سيدخل جولة الاعادة فى الانتخابات الرئاسية. وقال بجاتو ان جميع الارقام والنسب المعلنة عن تصويت ومشاركة المصريين فى الانتخابات الرئاسية ارقام غير رسمية، وان اللجنة لاتزال فى اجراء عمليات الفرز وتجميعها من المحافظات المختلفه، ولم يتم الاعلان عن اى نتائج بشكل رسمى.
صباح ON: عشرات آلاف الأصوات تهدد صحة الانتخابات
تاني خبر معانا ما قاله الدكتور عمر هاشم ربيع الخبير بمركز الاهرام للدراسات السياسية والاستراتيجية ورئيس وحدة الدراسات المصرية لوكالة "ona"، ان هناك مشكلة فى كشوف تصويت الناخبين فى الانتخابات الرئاسية، لان هناك مجندين صوتوا فى الانتخابات، وقال ان هناك مشكلة فى انه ليس هناك تطابق بين عدد المصوتين و عدد أوراق التصويت الموجوده فى الصناديق، تصل الى عشرات الالاف.
عشان نعرف تفاصيل أكتر عن هذه التصريحات معانا على الهاتف الدكتور عمرو هاشم ربيع رئيس وحدة الدراسات المصرية بمركز الأهرام للدراسات السياسية..
جولة في عناوين صحافة الأحد ٢٧ مايو ٢٠١٢
قبل ما نختم فقرتنا دي هناخد جولة بين عناوين الصحف اللي هي كمان محتارة تقول ايه في الظروف دي وتعلق على اللي بيحصل إزاي ..
صباح ON: تحليل المشهد السياسي للفترة القادمة
أنا بعتب على مجموعة من المواطنين المصريين إللي قعدت في بيوتها وإكتفت إنها تتفرج في لحظة إللي مصر فيها محتاجة أصواتهم ، 50 % قعدوا في بيوتهم محدش عارف ليه وعندي عتاب في الناس إللي باعت أصواتها وإللي هي النهاردة بتتحكم في مصيري ومصير حضرتكو ومصير دولة بعظمة مصر لسة في ناس بتبيع أصواتها ولسة في ناس بتنتهك سياسة القطيع ولسة في ناس سلبية قاعدة في البيت مفكرتش تنزل تنتخب .. إحنا معانا على الهاتف اللواء طارق خضر أستاذ القانون الدستوري بكلية الشرطة
قراءة في صحافة الأحد ٢٧ مايو ٢٠١٢
أهلا بيكم مشاهدينا لسه مكملين معاكم حلقتنا وده موعد تحليل عناوين الصحف والتركيز على أهم النقاط اللي جت فيها .. معانا عشان نحلل الأخبار المهمة ونقراها بعين المحافظ المتابع للاحداث كل يوم اللواء طارق المهدي، محافظ الوادي الجديد... أهلا بيك ..بداية عايزين نعرف رأي حضرتك في الجولة الأولى لانتخابات الرئاسة ؟
الوادي الجديد .. وعود وتحديات - ل. طارق المهدي في صباح ON
محافظة تقع في الجنوب الغربي لمصر بالصحراء الغربية ويحدها من الشرق محافظات المنيا، أسيوط، سوهاج، قنا وأسوان، ومن الغرب حدود مصر مع ليبيا ومن الشمال محافظات مطروح والواحات البحرية ومن الجنوب حدود مصر مع السودان...يرجع اصل تسميتها إلى إعلان الرئيس الراحل جمال عبد الناصر عام 1958م عن البدء في إنشاء واد مواز لوادي النيل يخترق الصحراء الغربية لتعميرها وزراعتها علي مياه العيون والآباربهدف تخفيف التكدس السكاني في وادي النيل، ومن هنا جاء أسمها محافظة الوادي الجديد ؛ وكانت تسمي قبل ذلك محافظة الجنوب.
في يوم 3 أكتوبر سنة 1959 وصلت أول قافلة للتعمير والاستصلاح بالوادي الجديد وتم اعتبار ذلك اليوم عيدا قوميا تحتفل به المحافظة كل عام. ..مسـاحـة المحـافظـة تساوي 44 % مـن المسـاحـة الكليـة لمصر وحوالي 66%من مساحة الصحراء الغربية ؛ ورغم كل ذلك تعاني المحافظة من عدد من المشكلات تكاد تفقدها ميزتها بين محافظات مصر ؛تلك المشكلات التي تنوعت ما بين التعديات على الاراضي ونقص المياه العذبة وزحف الكثبان الرملية وعدم وجود خطوط طرق تربط بين المحافظة والمحافظات الأخري كذلك غياب المحافظة عن خريطة تنمية مصر للتعرف أكثر على كنوز الوادي الجديد وللتعرف أكثر وأكثر عن مشكلات المحافظة وروشتة الحل معنا في الاستديو اللواء طارق المهدي -- محافظ الوادي الجديد
ليست هناك تعليقات:
إرسال تعليق