برنامج صباح ON
و الذى يذاع على قناة ONTV
يأتيكم من الأحد للخميس في الساعة 9:00 صباحا
في كل صباح احداث جديد واشخاص جدد في دائرة الضوء …صباح ON…صحيفة تلفزيونية تنقل لك الأخبار بالكلمة والصورة. أبرز القضايا المصرية والعالمية, مع تحليلات الخبراء وكبار الكتاب, قراءه يومية لعناوين الصحف المصرية والعربية, استفتاءات المشاهدين على الهواء مباشرة … صباح ON…ابدأ صباحك معنا
شارك الخبر مع اصدقائك على الفيس بوك و تويتر و جوجل +1 من اعلى الصفحة
ONtv Livestreaming - البث الحي
مع تمنياتى بمشاهدة ممتعة
و لنبداء
برنامج صباح ON حلقة الثلاثاء 1 مايو 2012 من قناة ONTV يوتيوب كاملة
صباح ON: إنفراج أزمة إحتجاجات أمناء الشرطة
ومن مراثون الرئاسة لموجة الإحتجاجات اللي بدأت لأفراد أمناء الشرطة في العديد من المحافظات في الأيام الماضية والأزمة إنفرجت بعد إقرار المجلس الأعلى للقوات المسلحة بتعديلات قانون هيئة الشرطة والذي تضمن إلغاء المحاكمات العسكرية لأفراد الشرطة وتعديل لائحة الأجور بالإضافة للتدرج الوظيفي لأمناء الشرطة .. عندنا تقرير حول هذا الموضوع نشوفه ونكمل
صباح ON: بداية فترة الدعاية للإنتخابات الرئاسية بالأمس
تعالوا نبدأ بمجموعة من التقارير المصورة كالعادة .. إمبارح بدأت فترة الدعاية الإنتخابية لمرشحي الرئاسة في محاولة لعرض برامجهم الإنتخابية على الشعب ومن المقرر أن تستمر هذه الحملات الدعائية للمرشحين إلى منتصف ليلة الإثنين الموافق 21 مايو وبعد ذلك يعقبها فترة صمت إنتخابي لمدة 48 ساعة قبل بدء عملية الإقتراع بشكل مباشر .. نشوف تقرير عن الموضوع ده ونرجع
صباح ON: كل سنة وعمالنا أحرار وبيقودوا ثوراتنا
صباح الخير على جميع مشاهدينا وصباح الخير يا يوسف وحمدالله على سلامتك .. حلقة جديدة من صباح اون امبارح فجرنا قضية فساد مصل مستورد المفروض ان اللي هياخده اطفالنا في كل انحاء مصر،فجرنا القضية بالمستندات لأننا مؤمنين بالمهنية و اهمية انك تقدم شئ موثق و بيعتمد على مصداقية ، النهارده هنكمل تفاصيل القضية .. تابعونا عشان نعرف باقي التفاصيل سوا في وجود الدكتور عمرو قنديل ..
صباح الخير يا إيمان وصباح الخير على كل الاحرار في شوارع بلدي الباحثين عن الحرية و الحقيقة مش مهم انتمائك الفكري او السياسي المهم انتمائك لمصر،ومن ضمن الانتماء تكون خايف على اطفالها لأنهم مستقبلها و يومها اللي جاي .. النهاردة عيد العمال .. وكل سنة وكل عامل بخير وشريف قائد للثورات ضد أنظمة فاسدة في أي مكان بيشتغل فيه وهو بيطلب حقه المشروع في حياة آدمية .. هنتكلم عن عيد العمال مع عمنا كمال أبوعيطة في فقرتنا اللي جاية بس خلونا نشوف أخبار اليوم اللي فات وآخر مستجدات الوضع في مصر اللي ما بتعرفش الهدوء.
صباح ON: أهل الصعيد هيلاقوها منين ولا منين
التقرير اللي معانا دلوئتي من الصعيد .. الجنوب المنسي اللي أهله مش عارفين هيلاقوها منين ولا منين .. المشكلة النهاردة من الأقصر اللي فيها ناس حصلوا على اراضي قبل الثورة بدون تراخيص وبنوا وعلوا .. دلوئتي المباني دي كلها مهددة بالإزالة .. نشوف الأزمة دي ..
صباح ON: تكريم ١٠٠ طالب يتيم يحملون القرآن
خلونا نشوف بقى تقرير عن 100 طالب يتيم حافظين القرآن ويمثلون جميع المحافظات .. الأزهر قرر يكرم الطلبة دول لأنهم قدروا يعملوا بدون رعاية أب وأم اللي ناس كتير مش بتعرف تعمله..
صباح ON: إستمرار إعتصام عمال مصنع أسمنت أسيوط
الدولة لاتتخلى عن العمال .. لا بتتخلى عنهم ولسة ما زالت متخلية عنهم وأحوالهم قبل كده هي بالظبط أحوالهم بعد كده وعدم الإهتمام الكامل أو خليهم يقولوا أو خليهم يتسلوا أو خليهم يتكلموا أو يتهددوا وده اللي هنعرفه خلال لحظات .. إحنا معانا سيد زاهر هجرس مشرف الصيانة الميكانيكية بمصنع أسمنت أسيوط اللي كنا تكلمنا معاه إمبارح وقال إنهم معتصمين لإنهم بيطالبوا بحقوقهم في أرباح الشركة من سنة 2004 وحتى الآن .. أنا عايز أعرف من حضرتك إيه اللي تم معاكم
جولة في عناوين صحافة الثلاثاء ١ مايو ٢٠١٢
قبل ما ننهي فقرتنا بقى نعمل جولة سريعة بين صفحات الجرائد ونطالع أهم العناوين
قراءة في صحافة الثلاثاء ١ مايو ٢٠١٢
أهلا بيكم مشاهدينا لسه مكملين معاكم حلقتنا وده موعد تحليل عناوين الصحف والتركيز على أهم النقاط اللي جت فيها .. معانا عشان نحلل ونفصص الأخبار المهمة الأستاذ محمد علي خير .. أهلا بيك وعاوزين نعرف قبل ما نحلل العناوين اللي معانا النهاردة يا ترى انت شايف ان مطالب العمال دلوقتي مجرد مطالب فئوية و لا مطالب ضرورية ؟
صباح ON: كارثة الأمصال في مواجهة وزارة الصحة
أمبارح فتحنا ملف فساد في غاية الأهمية و الخطورة، ملف بيمس حياة اطفالنا و قلنا من حق اي حد اسمه يتردد في حلقتنا انه يرد لأننا مؤمنين ان حق الرد مكفول للجميع خصوصا في قضية زي دي ..يرد علينا بمستندات وورق مش مجرد ردود بدون سند و بنكرر تاني ان حلقتنا النهارده كمان بنعتبرها بلاغ رسمي للنائب العام علشان يحقق في وقائع القضية ولو في حق عند حد الناس تاخد حقها خصوصا إننا هنفجر مفاجآت جديدة ومعانا ورق تاني ومستندات هنسمع ردود عليها بالورق .
خلاصة حلقة امبارح ان فيه شحنة مصل إسمه إم أم آر دخلت مصر في انتظار الافراج عنها وتوزيعها على الوحدات الصحية لتطعيم الأطفال بيها .. الشحنة غير مطابقة للمواصفات بحسب هيئة الرقابة الدوائية و بتهدد حياة الاطفال، احنا مش غرضنا سبق اعلامي و لا فرقعة بدون دليل أو إثارة قلق الناس..هدفنا الوحيد وجه الحقيقة و انقاذ صحة اطفالنا اللي هم مستقبل مصر لو في مصل غير مطابق فعلا أو نطمن الناس على صحة ولادهم ..هنكمل مناقشة تفاصيل قضيتنا مع الدكتور حسن السبيري عضو هيئة الرقابة الدوائية .. و د.عمرو قنديل وكيل أول وزارة الصحة للطب الوقائي
ليست هناك تعليقات:
إرسال تعليق