نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 7 مايو 2012 من قناة ONTV يوتيوب كاملة
من جديد: طب حيطان وسط البلد قاعدة ليه؟
السلام والتحية على حضراتكو اهلا بيكو معانا، لحد امتى حتفضل كل منطقة تحصل فيها مظاهرة ولا اعتصام نروح حاطين أسلاك شايكة وحوايط اسمانتية .. لو احنا استمرينا على كدة مش حتعدي سنة إلا ونلاقي كل البلد مقفولة في وشنا .. لمصلحة مين بتفضل الحيطان ديه .. خصوصا وانها لا بتقدم ولا بتأخر ولو حضراتكو تتذكروا .. ساعة اقتحام السفارة الإسرائيلية لا جدران نفعت ولا اي حاجة نفعت .. فبالتأكيد مش معقولة تفضل حيطان وسط البلد موجودة في كل مكان وما بناخدشي منها إلا العطلة .. ذنب المحلات اللي موجودة هناك ايه .. ذنب اللي بيشتغلوا في المحلات ديه ايه .. واحنا اتكلمنا في الموضوع ده من فترة لكن احنا النهاردة بنتكلم لعل وعسى حد يكون بيسمع ويفتكر اننا داخلين على ايام حر ورمضان والناس ما بقتشي ولا حتبقى طايقة نفسها . شيلوا الحيطان .. خالونا نعرف نبتدي من جديد
من جديد: لجنة لزيارة معتقلي أحداث العباسية
اهلا بيكو معانا في من جديد .. وبنرحب باستاذ يوسف القعيد الكاتب الصحفي اهلا بيك معانا .. المجلس القومي لحقوق الإنسان شكل لجنة لزيارة المعتقلين في أحداث العباسية ايه اللي حصل هل اتحدد معاد للزيارة ولا لسه .. وهل وصلت لكو شكاوى من تعذيب ؟
من جديد: المصابين في صفوف الجيش في أحداث العباسية
النهاردة عقد اللواء هارون عبد الحميد أبو سهلى، مدير المجمع الطبى للقوات المسلحة بكوبرى القبة مؤتمر صحفي حول مصابي احداث العباسية، تفاصيل اكتر في التقرير
من جديد: مرسي في مؤتمر علماء الأمة رواد النهضة
الدكتور محمد مرسى مرشح جماعة الإخوان المسلمين فى الانتخابات الرئاسية عقد النهاردة مؤتمر مع علماء وأئمة الأزهر الشريف تحت عنوان " علماء الأمة رواد النهضة "بقاعة مؤتمرات الأزهر الشريف بحضور عدد كبير من علماء الأزهر .
من جديد: هل يدعم الأزهر مرشح الإخوان للرئاسة
الاستضافة في قاعة المؤتمرات التابعة للأزهرأثارت كتير من التساؤلات حول دعم الأزهر الشريف للدكتور مرسي في الرئاسة .
من جديد: مؤتمران حاشدان لـ عمرو موسى بالإسماعيلية
السيد عمرو موسى المرشح لرئاسة الجمهورية عقد مؤتمرين حاشدين بمحافظة الإسماعلية أكد فيهم على سعية لتطوير منطقة القناة وسيناء من خلال مشروعين عملاقين فى برنامجه الانتخابى وعلى هامش المؤتمرين كان لينا لقاء مع المرشح لإنتخابات الرئاسة ..
من جديد: هل يحل البرلمان؟ من يستطيع حله؟
كلام كتير بيدور اليومين دول في الغرف المغلقة وغير المغلقة حولين امكانية حل مجلس الشعب، وده جه بعد قرار هيئة مفوضي المحكمة الدستورية منح المدين والمدعى عليهم مدة شهر لتقديم المستندات وبعدها طبعا حتنعقد هيئة المفوضين لكتابة التقرير بالرأي الدستوري .. السؤال هنا : لو افترضنا انه صدر حكم من المحكمة الدستورية بحل البرلمان.. : مين هو صاحب الحق في حل البرلمان؟ مين صاحب الاختصاص ده ؟ .. هل هو العسكري ولا الرئيس القادم؟السؤال ده وكتير من الاسئلة الاخري هنحاول نشوف لها اجابة في حوارنا مع المستشارة تهاني الجبالي نائب رئيس المحكمة الدستورية العليا ..قبل ما اتكلم عن حل البرلمان من عدمه خليني نتكلم عن تقرير هيئة مفوضي المحكمة الدستورية بشأن البرلمان .. هل التقرير ده استشاري يجوز الاخذ به او تجاهلة .. ولا تقرير اجباري يستوجب الاخذ بة وفقا للقانون ؟طيب لو افترضنا ان المحكمة في نهاية المطاف اووصت او قررت بحل البرلمان .. مين صاحب الاختصاص بحل البرلمان .. هل العسكري ام الرئيس الجاي ؟البعض يقول انه استنادا الى الاعلان الدستوري فإن البرلمان مطعون بشرعيته .. لان الاعلان الدستوري لم ينص على مشاركة مرشحي الاحزاب للمستقلين في الثلث الخاص بهم وبالتالي اهدار مبدأ المساواة وتكافؤ الفرص .. عايزين نعرف مدى صحة الكلام ده .. وهل ده يعني عدم شرعية البرلمان؟حضرتك لكي تصريح بأنه لا يجوز استمرار برلمان تشوبه عدم الدستورية.. والحكم هيكون تحصين للدولة .. هل صدور الحكم بحل البرلمان ممكن يبقا تحصين للدولة ؟
من جديد: التشكيك في استقلالية المحكمة الدستورية
سيادة المستشارة .. من وقت للتاني بتظهر بعض الكيانات والقوى السياسية بتشكك في استقلالية المحكمة الدستورية .. وانها ممكن تكون اداة في ايد العسكري ... تردي عليهم بأية ... وهل ممكن يجي اليوم ويتعرض اعضاء المحكمة لضغوط ما ؟هل حصل موقف مشابه لده مع حضرتك ايام النظام السابق ..كان تعامل حضرتك معاه ازاي ؟
من جديد: دستورية قانون العزل السياسي
نروح لقانون العزل السياسي .. هل انت مع من يرون بضروة عزل رموز النظام السابق وحرمانهم من مباشرة حقوقهم السياسية بالقانون ؟طيب يا سيادة المستشارة .. تفسيرك اية لخطوة اللجنة الرئاسية باحالة القانون للمحكمة الدستورية .. ومش رئيس اللجنة هو بردة رئيس المحكمة الدستورية .. مش ده يعد تضارب ؟حضرتك شايفة ازاي قانون العزل ومدى دستوريته .. وهل خطوة السماح لشفيق بخوض السابق خطوة موفقة لضمان اجراء الانتخابات في موعدها دون تأجيل ؟
لجنة الانتخابات الرئاسية تدعو المرشحين لاجتماع غداً
اللجنة العليا للإنتخابات الرئاسية دعت جميع مرشحي الرئاسة اللى عددهم 13 مرشح لاجتماع معها غدا لإطلاعهم على كل الإجراءات والاستعددات اللي قامت بيها اللجنة والإستماع لمقترحاتهم من أجل العمل على إزالة أية صعوبات وتحقيق مطالبهم لأقصى قدر ممكن يسمح به القانون، وإحنا معانا لقاء خاص مع المستشار أحمد شمس الدين خفاجي عضو اللجنة العليا المشرفة على الإنتخابات الرئاسية وناقشنا معاه قضية الشيخ حازم أبو إسماعيل وقرار إحالته للنيابة العامة وضوابط الدعاية الإنتخابية والتجهيزات لإجراء الإنتخابات وعمليات المراقبة والإشراف على الإنتخابات ومطالبات إلغاء المادة 28 التي تحصن قرارات اللجنة
ليست هناك تعليقات:
إرسال تعليق