نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 20 مايو 2012 من قناة ONTV يوتيوب كاملة
من جديد: رئيس مصر .. كيف يكون اختيارنا
السلام والتحية على حضراتكم وأهلا بيكم ساعات قليلة ويتنهي الموعد المحدد للدعاية الإنتخابية للمرشحين لإنتخابات رئاسة الجمهورية ونبدأ فترة الصمت الإنتخابي المقررة ليها بكرة وبعدة ويوم الأربع تبدأ عمليات التصويت لإنتخاب الرئيس ... رئيس مصر القادم .... أول رئيس منتخب في تاريخ مصر ..
تقريبا بعد ساعتين من دلوقتي خلاص حنخش في في الصمت الانتخابي واللي حتكون اختبار كبير للجنة العليا للانتخابات الرئاسية في تطبيق القانون وحنشوف كمان المرشحين اللي من المفترض ما بينهم رئيس مصر القادم هل حيحترموا القانون ولا لأ .. ديه اسئلة حيتجاوب عليها خلال اليومين اللي جايين اما السؤال اللي مش حيتجاوب عليه علطول هو هل اختيارنا صح ولا غلط .. هل اختيارنا واحنا دلوقتي فعلا واقفين في مفترق طرق حياخدنا في الطريق الصح ولا حيخدنا وينزل لسابع ارض ولا حياخدنا ويلف ونرجع لورا ولا حياخدنا ونفضل واقفين في ماكنا .. ولا حياخدنا ونطلع للسما .. كلها اختيارات وكلنا مسئولين عنها .. كلنا حنبقى مسئولين باختيارنا يوم الاربع والخميس قدام ولادنا لما يكبروا لان الرئيس اللي جاي حيحدد حاجات كتيرة قدام تحديات كبيرة قدام شعب عاوز منه كتير .. قدام بلد عاوز تقوم من تاني .. عاوزة تبتدي من جديد
من جديد: إضراب الصحفيين إحتجاجاً على معتقلي العباسية
بنرحب بضيفنا الكاتب الصحفي الأستاذ ياسر الزيات , حضرتك جاي حالاً من نقابة الصحفيين , وقلت إن في عدد كبير من الصحفيين عاملين إضراب عن الطعام لمدة 24 ساعة , إحتجاجاً وإعتراضاً على وجود معتقلين الثورة بشكل عام وأحداث العباسية
من جديد: اليوم الأخير قبل الصمت الانتخابي
النهاردة كل مرشحي الرئاسة كثفوا حملاتهم الإنتخابية ومؤتمراتهم وجولاتهم الإنتخابية لدرجة وصلت إن جماعة الإخوان المسلمين عقدت 25 مؤتمر انتخابي بجميع محافظات الجمهورية لدعم الدكتور محمد مرسي مرشح الجماعة في انتخابات الرئاسة ، كمان باقي المرشحين واصلوا دعايتهم وجولاتهم .. كمان الأستعدادات والتجهيزات النهائية بدأت بالفعل والنهاردة أعلنت عدد من الجهات تشكيل غرف مركزية لمتابعة العملية الإنتخابية .. زي المجلس القومي لحقوق الإنسان ونقابة الصحفيين ونوداي القضاة.
من جديد: خطة الداخلية لتأمين الانتخابات الرئاسية
كمان اللواء محمد أبراهيم وزير الداخلية عقد النهاردة مؤتمر صحفي أعلن فيه عن خطة تأمين الإنتخابات الرئاسية وقال ان الخطة تضمنت 3 محاور وأكد أن دور الوزارة دور إداري فقط حول ما يتعلق بنقل الصناديق وتوزيع المطبوعات والأحبار ودا بالتنسيق مع القوات المسلحة وأن الداخلية ملهاش أي مصلحة مع أي مرشح من مرشحي الرئاسة .
من جديد: وثيقة الإخوان للسيطرة وحكم مصر
وثيقة السرِّية للإخوان التى كتبها مفتى الجماعة وعضو مكتب الإرشاد، الدكتور عبد الرحمن البر، وراجعها رأس الفقه فى الجماعة الشيخ محمد عبد الله الخطيب... ونشرتها جريدة التحرير .. اية اللي استوقفك في هذه الوثيقة ؟
من جديد: برامج مرشحي الرئاسة لإنقاذ اقتصاد مصر
من جديد اهلا بحضرتكوا .. بالتأكيد استعادة الامن وانقاذ الوضع الاقتصادي هما اكبر واهم ملفين منتظرين الرئيس الجاي .. وبالتأكيد كمان نجاح الرئيس الجاي في التعامل مع الملفين دول تحديدا هيكون مؤشر قوى على نجاحة في بناء مصر الجديدة ..
احنا ناقشنا مع حضرتكوا الاسبوع اللى فات ملف استعادة الامن وملفات تانية كتير في برامج مرشحين الرئاسة منها ملف المراة وملف الاقاط وملف حرية الابداع وملف علاقة الرئيس بالمؤسسة العسكرية .. احنا قررنا النهاردة نختم الحلقات الخاصة ببرامج المرشحين بمناقشة البرنامج الاقتصادي لكل واحد فيهم بنرحب بضيفنا الدكتور فرج عبد الفتاح -- استاذ الاقتصاد بجامعة القاهرة والخبير بمعهد بحوث الدراسات الافريقية .. اهلا بيك معانا في من جديد
ليست هناك تعليقات:
إرسال تعليق