نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 17 مايو 2012 من قناة ONTV يوتيوب كاملة
من جديد: مصر اللي كلنا مستنيينها
السلام والتحية على حضراتكو اهلا بيكو معانا في حلقة اخر الاسبوع وزي دلوقتي حيكون ابتدت عملية فرز الأصوات لانتخابات اول رئيس جمهورية لمصر في تاريخها .. وحنكون كلنا مستنين على احر من الجمر نتيجة الانتخابات اللي معاها مصر حتبتدي من جديد.
النهاردة في الجزء التاني من حلقتنا حنناقش وضع القضاء في برامج السادة المرشحين .. اي دولة حديثة من المهم فيها ان يكون قضاءها مستقل يعرف يجيب فيه الضعيف حقه من القوىوالفقير والغني زي بعض ما يفرقوش عن بعض والوزير والغفير يقفوا قدام القاضي ويدي للمظلوم حقه .. هي ديه مصر اللي كلنا مستنينها .
كمان الأزمة الاخيرة بين القضاة والبرلمان حتكون من ضمن الامور اللي معانا النهاردة في من جديد .. بس خلونا نروح نشوف ايه اللي حصل في مصر النهاردةونرجع نبتدي من جديد
من جديد: آخر أيام تصويت المصريين بالخارج
النهاردة أخر يوم لتصويت المصريين بالخارج في الإنتخابات الرئاسة وبعض الإحصائيات بتؤكد إن المصريين فى دول السعودية والكويت والإمارات على قائمة الأعلى تصويتا للمصريين بالخارج، فى حين جاءت المشاركة فى دول أوروبا وأمريكا مقبولة نسبيا..
من جديد: طنطاوي والجنزوري يبحثان تجهيزات الانتخابات
النهاردة كمان المشير محمد حسين طنطاوي رئيس المجلس الأعلى للقوات المسلحة اجتمع مع الدكتور كمال الجنزوري رئيس مجلس الوزراء وعدد من وزاراءه لمناقشة التجهيزات النهائية للإنتخابات الرئاسية واللى حتكون أول يوم تصويت فيها يوم الأربعا اللى جاي .
من جديد: الدعوة السلفية تجدد دعم أبو الفتوح للرئاسة
بخصوص سباق الرئاسة فالنهاردة الدعوة السلفية جددت وأكدت على دعمها للدكتور عبد المنعم أبو الفتوح في الإنتخابات الرئاسية وطالبت ابناء الدعوة بالإلتزام بالقرار.
من جديد: حازم أبو اسماعيل يعلن دعم أبو الفتوح للرئاسة
وفي كلام جاء على لسان محمد الهلباوى، المسئول عن الحملة الالكترونية للمرشح المستعبد من الانتخابات الرئاسية الشيخ حازم صلاح أبو إسماعيل إن الشيخ حازم حيدعوا أنصاره للتصويت لصالح أبو الفتوح
تفتكر لو فعلا الشيخ حازم اعلن دعمه لأبو الفتوح دا حيزيد من فرص الدكتور أبو الفتوح أد اية ؟
هل دا محاولة من الشيخ حازم للتأكيد على أنه لا ينتمي لجماعة الإخوان المسلمين ؟ بعد ما كان نفى انتماءه للجماعة وتم الرد عليها بمستندات تؤكد انتماءه ليها ؟
من جديد: دار الإفتاء تحرم الرشاوى الانتخابية
كمان دار الإفتاء المصرية أصدرت فتوى ليها بتحريم الرشاوى الإنتخابية واكدت على أنه لا يجوز شرعًا للمرشح فى الانتخابات الرئاسية استخدام أمواله سواء كانت مادية أم عينية فى التأثير على إرادة الشعب.
تعليق حضرتك اية على الفتوى دي
من جديد : لماذا تم تعليق جلسات مجلسي الشعب والشورى
قرار مجلسي الشعب والشورى بتعليق جلساتهم لحين الإنتهاء من الجولة الإولى للإنتخابات الرئاسية أثار عدد كتير من التساؤلات وأعربت عدد من الحركات والسياسية والقوى السياسية عن رفضها لهذا القرار واتهمت جماعة الإخوان المسلمين بالمؤامرة على الشعب ، وتأجيل كتابة الدستور للتحكم فيه تبعا لنتيجة الإنتخابات .
من جديد: البراءة في قضية قتل متظاهري المرج وشبرا
محكمة محكمة جنايات القاهرة أصدرت النهاردة حكم جديد ببراءة 7 ضباط و7 أمناء شرطة من تهمة قتل المتظاهرين أمام قسمى شرطة المرج وشبرا يوم 28 يناير 2011 والمعروف بـ" جمعة الغضب، والمحكمة اكدت على أنه مفيش أي دليل مادي يؤكد التهم المنسوبة للضباط
من جديد: تأجيل قضية موقعة الجمل للتاسع من يونيو
اما في قضية موقعة الجمل فالمحكمة النهاردة عرضت عدد من مقاطع الفيديو المصورة للأحداث وتسجيلات لعدد من المتهمين في القضية وقررت التأجيل لجسة 9 يوينه لسماع مرافعة النيابة
من جديد: استقلال القضاء في برامج مرشحي الرئاسة
زي ما قلت في مقدمة الحلقة ان اي دولة حديثة يكون فيها القضاء مستقل وهو الضمانة لاستقرار اي بلد لان من غيره محدش حيعرف يجيب حقه وساعتها تبقى البلد زي الغابة القوي بس هو اللي يعرف ياخد حقه بدراعه.
في معظم برامج المرشحين ان لم يكن كلها كان الحديث عن استقلال القضاء هو العنوان الرئيسي لكل برامج المرشحين سواء من اصى اليمين إلى اقصى اليسار وهي طبعا المطالب اللي كانت مرفوعة في مصر من سنين وهي ضرورة ان يكون القضاء مستقلا.
وحنناقش ده مع ضيفنا الكريم المستشار عمرو جمعة نائب رئيس مجلس الدولة أهلا بيك معانا في من جديد
ليست هناك تعليقات:
إرسال تعليق