نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 15 مايو 2012 من قناة ONTV يوتيوب كاملة
من جديد: البرلمان بيقولنا أنا أهو
وكأن كل مشاكلنا اتحلت ومابقاش باقي عندنا اي مشاكل .. عشان نعمل مشكلة جديدة يكون البرلمان طرف فيها .. وكان الفلوس الي بره رجعت والناس اخدت حقوقها واللي مش لاقي شغل وثغرات القوانين اتسدت كلها عشان البرلمان يبتدي يفكر تعديل قانون المحكمة الدستورية العليا
هو احنا انكتب علينا انه ما يعديش اسبوع من غير ما تحصل مشكلة يكون البرلمان البطل فيها بعد الكلام عن تعديل القانون الخاص بالمحكمة الدستورية واللي اتقابل برفض كبير من جانب القضاة واللي اعتبروا الي بيحصل مذبحة جديدة ، وده طبعامن حقهم .لان ايه الداعي اننا نعدل قوانين دلوقتي ..هل حتخرب البلد اكتر ما هي خربانة لو ما اتعدلشي .. ما نصبر ونعدي الكام يوم اللي باقيين ونخلص انتخابات الرئاسة وبعدها الدستور وساعتها نعمل القانون حسب الدستور الجديد اللي حيكون وافق عليه الشعب .. ايه وجه العجلة والسربعة
اظن بكفيانا بقة عطلة ومشاكل مالهاش اي لازمة بسبب برلمان عاوز .. يوصلنا رسالة واحدة بس .. انا اهوه.
من جديد: د. كمال أبو المجد والرئيس القادم
اهلا بكم من جديد .. ضيفنا النهارده هو مفكر من طراز متمييز .. مفكر بيجمع في طياتة بين علوم القانون وعلوم الدين الى جانب علوم السياسة والاجتماع .. معروف عنه طول الوقت اهتمامه بشئون الشباب وقضاياهم ومشاكلهم منذ ان كان وزيرا للشباب في سبعينيات القرن الماضي وحتى وقتنا هذا ..
ضيفنا النهارده معروف انه طول الوقت بيقف على مسافه وسط بين جميع التيارات لكنة دايما بيفضل مصلحة الوطن وبيعلي من لغة العقل، ودة اللى كان بيخلية يتعرض احيانا لهجوم وانتقادات سواء قبل الثورة او حتى بعدها ..
ضيفنا وضيفكم النهارده هو رجل سياسة مفوه لدرجة ان زملائة اطلقوا علية لحلاوة كلمة وبلاغة حديثة اسم .. احمد كلام ابو المجد ... نرحب معكم بالدكتور احمد كمال ابو المجد الفقية الدستوري والمفكر الاسلامي الكبير ... اهلا بيك معانا في من جديد ..
خليني اسألك في البداية ماذا يريد الدكتور كمال ابو المجد استاذ القانون وعالم الدين والمواطن المصري، من الرئيس القادم .. وما هي رسالتك الية ؟
بالمناسبة اية رأيك في حرب تكسير العظام اللى ظهرت مؤخرا بين بعض السادة المرشحين ؟
اية اكتر شيئ بيلفت نظرك في برامج المرشحين .. واية اللي بتنتقده في برامجهم الانتخابية ؟
صحيح ... من هو مرشح الدكتور ابو المجد للرئاسة .. او من الاقرب اليك في التوقيت الحالي ؟
من جديد: هل مصر أمة في خطر - د. كمال أبو المجد
سبق وكان لك تصريح دائم بان مصر امة في خطر .. هل مازالت مصر امة في خطر .. ولماذا ؟
من جديد: هل ينتهي الدستور قبل الانتخابات
من سباق الرئاسة نروح لتأسيسية الدستور ... اية رأيك في حالة اللخطبة اللى حصلت واللى مازالت في مسألة اعداد الدستور وتشكيل لجنة لصياغة دستور مصر ؟
هل تتوقع الانتهاء من صياغة الدستور قبل الانتخابات ولا خلاص مبقاش فية وقت؟
من جديد: الجيش وكتابة الدستور - د. كمال أبو المجد
ايام الازمة الخاصة بتاسيسية الدستور الفريق عنان اجتمع لساعات طويلة مع اساتذة القانون الدستوري وكنت حضرتك احد الحاضرين بالاجتماع .. خليني اسألك عن انطباعات من حديث الفريق عنان عن رغبة الجيش في تسليم السلطة واعداد الدستور
برأيك هل يبحث العسكري او يرغب في وضع خاص للجيش بالدستور الجديد ... واية تفسيرك لرغبتة في الانتهاء من الدستور قبل الانتخابات؟
من جديد - د. كمال أبو المجد: نصيحتي للناخبين
نصيحتك ايه للناخب ؟ يعني ازاى الناخب ده يبتدي ميقولش انا رايح انتخب ده علشان جدع , او مش رايح انتخب ده علشان جابلي ازازة زيت أو كيس سكر , لا انا هروح انتخب واحد ينفعي انا وولادي والسنيين اللى جاية
من جديد: المرأة في برامج مرشحي الرئاسة
اهلا بيكم مرة تانية في من جديد .. في حلقة امبارح ناقشنا مع خضرتكوا ملف الاقباط في برامجي مرشحي الرئاسة وقبليه كنا نقشنا كمان ملف الأمن وكيفية عودته في برامج المرشحين .
احنا النهاردة مكملين مع حضرتكوا زي ما وعدناكم قبل كده بمناقشة جميع القضايا الهامة وتواجدها في برامج مرشحين الرئاسة .. لكن النهاردة الملف اللي هناقشة معاكم ، ممكن يكون البعض شايفه مش على قدر كبير من الاهمية لكنه في حقيقة الامر هو غاية في الاهمية لانة باختصار بيمس نصف المجتمع وبيتناول وضع احد اركان واعمدته الاساسية ..
احنا النهاردة هناقش مع حضرتكو ملف حقوق المراة في برامج السادة المرشحين للرئاسة وكيف يضعونها في برامجهم واية هي الية كل مرشح للقضاء على التمييز ضد المراة واسترجع دورها الفعال في المجتمع...
بنرحب بضيفتنا الاستاذة نهاد ابو القمصان رئيس المركز المصري لحقوق المراة وواحدة من اهم المدافعين عن حقوق المراة قبل الثورة وبعدها .. اهلا بيك معانا في من جديد
ليست هناك تعليقات:
إرسال تعليق