نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 13 مايو 2012 من قناة ONTV يوتيوب كاملة
من جديد: دخلنا مرحلة تكسير العظام بين المرشحين
بالتأكيد كلنا استريحنا بعد حكم المحكمة الإدرية العليا امبارح بان الانتخابات الرئاسية في معادها لان كل واحد فينا عاوز يخلص .. وتنتهي الفترة الانتقالية بحلوها ومرها وان كان مرها اكتر.
بالتأكيد احنا ما بنعلقشي على احكام القضا لكن اللي مضايقنا ان بعض الناس بقت تاخد من وقت البلد كتير وبقت لمجرد انها تشتهر ترفع قضية تعطل بيها حال 80 مليون عاوزين يخلصوا ويبقى للبلد ديه كبير.. بالتأكيد اللي حيوصل لنهاية السبق حيكون عانى كتير جدا قبل ما يوصل لخط لنهاية ، لاننا دلوقتي دخلنا مرحلة تكسير العظام بين المرشحين لان كل مرشح حيسعى وبقوة انه يعطل ويضرب منافسيه تحت الحزام.
وزي ما شفنا أول مناظرة تشهدها مصر في تاريخها بين اتنين مرشحين لرئاسة الجمهورية .. حنشوف حاجات كتير خلال الأيام اللي جاية حتفرق مع الناس اللي واخدة قرارها وحتفرق كمان مع الناس اللي لسه ما اخدتشي قرارها .
وفي الآخر ربنا يولي مصر الأصلح عشان نعرف نبتدي من جديد
من جديد: إحالة بيان عصام سلطان ضد شفيق للنائب العام
مطب جديد يواجه الفريق أحمد شفيق في طريق السباق الرئاسي بعد ما كشف النائب عصام سلطان عضو مجلس الشعب عن مستندات تؤكد تورط الفريق في بيع قطعة أرض بالبحيرات المرة مساحتها حوالى 40 ألف متر لنجلي الرئيس السابق علاء وجمال بسعر 75 قرشا للمتر الواحد ، وقدمه في طلب عاجل في جلسة النهاردة لملجس الشعب والدكتور سعد الكتاتني امر بإحالة الموضوع للنائب العام للتحقيق
من جديد: لافتات أحمد شفيق على سيارات الإسعاف
الفريق أحمد شفيق كان موجود في مؤتمر من المؤتمرات الانتخابية داخل مركز المؤتمرات بمدينة الإنتاج الإعلامي , معانا فيديو ولاحظنا إن كان فيه عربيات إسعاف تابعة لوزارة الصحة - بنك الدم , وعليها شعار أو الافتة أو البوستر بتاع الفريق أحمد شفيق بإسمه وبشعار حملته
من جديد: فظائع يعانيها معتقلي أحداث العباسية
فالمجلس القومي لحقوق الإنسان أصدر تقريره المتعلق بالزيارة اللى قام بيها عدد من أعضاءه لسجن طره لتفقد أوضاع المتهمين في أحداث العباسية واكدت في تقريرهاعلى ان فيه عدد من المحبوسين مصابين بإصابات بالغة في الرأس وسجحات في الجسم وآثار للصعق بالكهرباء أثناء القبض عليهم وان عدد منهم أكد لأعضاء اللجنة على أنه تم تهديدهم بهتك عرضهم وعدد آخر أكد انهم مكنوش أصلا مشاركين في المظاهرات ،وعدد آخر هم طلاب بمراحل التعليم ولم يتم الإفراج عنهم رغم صدور قرار بذلك , تفاصيل أكثر معنا على الهاتف الأستاذ حافظ أبو سعدة رئيس المنظمة المصرية لحقوق الإنسان
من جديد: الأمن وهيكلة الشرطة في برامج مرشحي الرئاسة
محدش فينا بيختلف على اهمية عودة الامن للشارع ، لأنه بإخنصار مفيش بيت او اسرة في مصر ما سمعشي بعد الثورة عن حادثة سرقة او خطف.
ولأن ملف عودة الامن هو ملف غاية في الخطورة والاهمية بنسمع كلام كتير في برامج المرشحين للرئاسة ووعود عن قدرتهم على استرجاع الامن للشارع المصري في اول مائة يوم .. ويمكن يكون عودة الامن هو التحدي الاكبر اللى هيواجه الرئيس الجاي.
احنا النهاردة في من جديد هنحاول نشوف ملف الامن وعودة الامان للشارع في برامج مرشحين الرئاسة ومدى اهتمامهم بالموضوع ده وهل فعلا في امكانية حقيقية لاسترجاع الامن في الشارع مرة تانية .. بنرحب بضيوفنا اللواء رفعت عبد الحميد الخبير في العلوم الجنائية .. واللواء عادل القلا عضو مجلس الشعب .
ليست هناك تعليقات:
إرسال تعليق