برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الخميس 12 ابريل 2012 يوتيوب كاملة
الخضيري: إنتخاب سليمان معناه عودة مبارك
يسعد مساكم وحلقة جديدة من بلدنا بالمصري.. حلقة آخر الأسبوع اللي عادة بيحلالنا نختمها بحاجة ترد الروح من نوع شوية شعر، شوية مغنى وكله على حس بلدنا وعلى حس الثورة وتكون مسك الختام لأسبوع عادة بيكون طويل عريض وعلى ما بنوصل لآخره بيكون نفسنا جميعا اتقطع وبقينا على آخرنا واللي فينا مكفينا.. لكن النهاردة وعلى غير العادة ولاننا جميعا بنلعب في الوقت الضايع وكلها شهر ونلاقي نفسنا قدام صندوق الانتخابات بنختار اللي هنوظفه ريس من بين عدد معتبر من المرشحين_على الاقل لحد دلوقتي_ وكتير منهم يا اما ما نعرفش عنهم حاجة يا اما ما نعرفش عنهم كفاية.. وبالتالي فاحنا في عرض الدقيقة والثانية فقررنا ما نضيعش وقت ونكمل اللي بدأناه امبارح من التقليب في الدفاتر القديمة والجديدة للمرشحين.. الدور امبارح كان على المواطن عمر سليمان والدور النهاردة على المواطن خيرت الشاطر.. لكن بعد آخر أخبار بلدنا، واللي هنبدأها بالجلسة الاستثنائية التانية لمجلس الشعب اللي وافق النهاردة من حيث المبدأ مشروع قانون بتعديل قانون مباشرة الحقوق السياسية، لعزل رموز النظام السابق، والشهير بقانون "عزل الفلول"، المتهم من ناحية بعدم الدستورية واهدار مبدأ تكافؤ الفرص، ومن ناحية تانية بانه متفصل على مقاس اللوا عمر سليمان بالمللي، لكن النواب اللي وافقوا على التعديل بالأغلبية كان ليهم رأي تاني.. لكن كله كوم ورأي المستشار محمود الخضيري رئيس اللجنة التشريعية في مجلس الشعب كوم تاني خالص.. فخلونا نبدأ بيه.
مناقشات حامية تنتهي بإقرار قانون العزل
مش معنى ان مجلس الشعب اقر التعديل من حيث المبدا ان هو دة آخر المطاف.. لان شبكنا من الاول ورفض يصدر قانون العزل السياسي ويخلصنا، قادر برده في الآخر يرفض التعديل بموجب اختصاصاته في الاعلان الدستوري بصفته الحاكم الفعلي للبلاد.. بس قبل ما نتكلم في مصير القانون والخطوة اللي جاية والنص الخير اللي اتوافق عليه وينطبق على مين وما ينطبقش على مين.. خلونا نرجع تاني تحت القبة نشوف ايه اللي حصل في الجلسة الاستثنائية لمجلس الشعب على ما تمت الموافقة على التعديل، اللي برده ما كانتش بالساهل.
تعديلات قانون مباشرة الحقوق السياسية
التعديل النهائي لمباشرة الحقوق السياسية وتص القانون والبنود الخاص به هانسأل فيها أ/محمد منيب جنيدي المحامي بالنقض وعضو مجلس الشعب
طعون مرشحي الرئاسة على بعضهم البعض
لكن حتى الآن ولحين اشعار آخر مرشحين الرئاسة المحتملين كامل العدد 23 مرشح، تلقت اللجنة القضائية المشرفة على الانتخابات بعض الطعون من بعضهم على بعض.
أمير سالم يتهم عمر سليمان بالشهادة الزور
غير الطعون اللي اتقدمت للجنة، بدات تظهر بلاغات للنائب العام، اولهم البلاغ اللي اتقدم بيه المحامي أمير سالم ضد اللواء عمر سليمان هانعرف التفاصيل منه شخصياً
الإخوان تدعو لمليونية حماية الثورة
غير الطعون والبلاغات، فيه مليونية دعت ليها جماعة الاخوان المسلمين في بيان ليها امبارح، تحت شعار "مليونية حماية الثورة". الدعوة استجاب ليها عدد كبير من القوى الاسلامية وحزب الوسط وقاطعتها الحركات والائتلافات الثورية وقرروا الحشد لجمعة 20 ابريل
إحنا مش هنشارك في المليونية عشان عجلة الإنتاج
سبب عدم إستجابة القوى السياسية لمليونية الإخوان هانعرها من أطارق الخولي - المتحدث بأسم حركة 6 أبريل - الجبهة الديموقرطية
عمرو الطحاوي: عمر سليمان لن يفتح الصندوق الأسود
إحنا معانا على الهاتف د/ عمرو الطحاوي عضو حملة ترشيح اللواء / عمر سليمان
حملة أبو إسماعيل تتسلم خطاب جنسية والدته
لكن حملة الشيخ ابو اسماعيل كتبت الاتي على صفحتها على فيس بوك: " وكانت الحملة قد كتبت بصفحتها على فيسبوك إن " إدارة الجوازات تحاول تحريف نص الشهادة المعطاة لمرشحنا عن النص الوارد في حكم محكمة القضاء الإداري وتصر على عدم إصدار الشهادة إلا لو حرفت النص الوارد لحكم القضاء . ولمزيد من المعلومات إحنا معانا على الهاتف الشيخ جمال صابر مدير حملة "لازم حازم"
مجهودات ضباط الشرطة في ضبط المسروقات
مجهودات ضباط الشرطة في ضبط المسروقات وإقامت معرض للمسروقات المضبوطة للمواطنين
تقليب في دفاتر المرشح خيرت الشاطر
هنكمل التقليب في الدفاتر القديمة والجديدة للمرشحين المحتملين للرئاسة والدور النهاردة على المواطن خيرت الشاطر، نائب مرشد جماعة الاخوان المسلمين سابقا .. مين هو خيرت الشاطر، اللي احنا لسة ما نعرفش عنه غير المسموح لنا نعرفه عنه حتى الآن.. وغير كدة مقالات وشهادات وتحليلات ويمكن دراسات لكن يكاد يكون من المستحيل توثيقها.. ولازم نقر ونعترف ان محاولة الوصول لمعلومات موثقة عن اللي ممكن يتوصف بانه مجرد اشاعات او كلام جرايد عن ملفات تخص اللواء عمر سليمان وهو اللي كان رئيس جهاز المخابرات العامة لمدة 18 سنة كانت اهون واسهل من نفس المحاولة مع المهندس خيرت الشاطر وهو اللي كان نائب مرشد جماعة الاخوان.. يعني على الاقل في الحالة الاولى فيه كام طرف لكام خيط لو مشينا وراهم ممكن يوصلونا لحقايق تاكد او تنفي اللي بيتقال.. اما في حالة المهندس خيرت الشاطر فحتى الآن احنا ايد ورا وقدام ما حيليتناش فتفوتة ورقة تنفي او تاكد اللي اتقال او اللي بيتقال او اللي هيتقال ولحين اشعار آخر.. ودة في حد ذاته سؤال مهم هنطرحه كبداية على ضيوفنا النهاردة:
- د. عبد الستار المليجي: القيادي السابق في جماعة الاخوان المسلمين
- د. صلاح جودة: رئيس مركز الدراسات الاقتصادية
بس قبل اي حاجة لازم نوضح نقطة مهمة وهي انه باب المهنية وعرض الموضوعات من اتجاهاتها المختلفة، ريقنا نشف ولفينا كعب داير على عدد كبير من قيادات واعضاء الجماعة وحزب الحرية والعدالة وحملة المهندس خيرت الشاطر ان حد فيهم يوافق على الظهور معانا في الحلقة ديه بالذات.. ابدا.. وفي الاخر واحد من القيادات البارزة في الحزب وفي البرلمان جابهالنا من الاخر وقالنا ريحوا نفسكم وما تحاولوش ماحدش يظهر في حلقة واحدة مع الدكتور عبد الستار المليجي بتعليمات عليا تشمل قايمة من الاسماء معظمهم ان ماكانش كلهم من الاعضاء السابقين او المنشقين عن الجماعة.. فوجب التنويه مع التاكيد على ان حق الرد مكفول على كل كبيرة وصغيرة هتتقال وهتتناقش في الحلقة ديه واحنا بنحاول نبقى على بينة من امرنا كناخبين محتملين للمهندس خيرت الشاطر احد المرشحين المحتملين لوظيفة رئيس الجمهورية
ليست هناك تعليقات:
إرسال تعليق