برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 8 ابريل 2012 من قناة ONTV يوتيوب كاملة
مفاجآت ساعات الترشح الأخيرة
السلام والتحية على حضراتكم وأهلا بيكم... مع أخر يوم في تلقي أوراق الترشح لرئاسة الجمهورية كتير مننا كان يتوقع إن في عديد من المفاجات حتحصل لكن في الحقيقة محدش كان يتوقع ان المفاجأت توصل للدرجة دي ... لدرجة إن جماعة الإخوان تتراجع عن قرارها اللي بقالها أكتر من سنة بتاكد إنها مش حترشح حد لرئاسة الجمهورية وفجأة قررت ترشيح المهندس خيرت الشاطر النائب الأول للمرشد العام للجماعة مش بس كدا دا من كتر تمسكهم بقرارهم وخوفهم على إن مقعد رئيس الجمهورية ميكونش من حظهم قدموا النهاردة أوراق ترشح الدكتور محمد مرسي كمرشح استبن في حالة عدم قبول ترشح الشاطر لرئاسة الجمهورية لأن زي ما حضراتكم عارفين إن في كلام عن عدم احقيته في الترشح للإنتخابات بسبب الأحكام اللي كانت صدرت ضده.
كمان من ضمن المفاجآت غير المتوقعة هو قرار اللواء عمر سليمان نائب الرئيس السابق محمد حسني مبارك الترشح للرئاسة واللي بالفعل بردوا قدم ورقه النهاردة ، وحكم القضاء الإداري اللي حرم الدكتور أيمن نور رئيس حزب غد الثورة من الترشح للرئاسة واكد على عدم أحقيته الترشح لأي من المجالس النيابية بردوا بسبب الأحكام اللي كانت صدرت ضده .. فتح باب الترشح للرئاسة أبتدى من 30 يوم وانتهى النهاردة عشان يضم قايمة فيها 21 مرشحا
الدعوة لموقف موحد من رجال مبارك
حزب الوسط، وجه دعوة لجميع مرشحى الرئاسة، إلى اجتماع عاجل بكرة بليل، لاتخاذ موقف موحد من ترشح رموز نظام مبارك فى الانتخابات الرئاسية المقبلة، وفى مقدمتهم اللواء عمر سليمان , معانا على الهاتف طارق الملط المتحدث بإسم حزب الوسط
رأي النواب في ترشيح عمر سليمان
ده كان موقف حزب الوسط يا تري ايه رأي نواب الشعب في ترشيح عمر سليمان لرئاسة الجمهورية
رأي الشارع في ترشح عمر سليمان
حنعلق شوية على تقرير النواب وده كان راي نواب الشعب يا ترى ايه رأي الشعب نفسه
أبو إسماعيل يواجه خطر الحبس
النهاردة كمان اللجنة العليا للإنتخابات أكدت على أنها لغاية النهاردة ما اتستبعدتش حد من قائمة المتقدمين للرئاسة بما فيهم حازم أبو إسماعيل واللى تبين أن والدته تحمل الجنسية الأمريكية بشكل نهائي ، والكلام دلوقتي بالنسبة للشيخ حازم أبو إسماعيل مش بس وصل إلى للإحتمالية الكبيرة برفض أوراقه رسميا لأ... دا وصل لأن دا ممكن يعرضه للحبس إذا ما يتم توجيه تهمة التزوير له , احنا معانا على الهاتف المستشار أحمد كشك عضو هيئة الدولة
إستئناف محاكمة المتهمين بموقعة الجمل
محكمة جنايات القاهرة استأنفت النهاردة جلسة محاكمة المتهمين فى قضية التعدى على المتظاهرين السلميين بميدان التحرير يومى 2 و3 فبراير 2011 ، وهى القضية اللى بتضم 24 متهم والمعروفة بـ "موقعة الجمل" وقررت المحكمة التأجيل لجلسة بكرة لتشديد الإجراءات الأمنية داخل القاعة وخارجها بسبب حضور أنصار العديد من المتهمين وحدوث إشتباكات بينهم ...
كواليس ترشيح الشاطر وعمر سليمان
النهارده الساعه 2 الضهر اسدل الستار عن مارثون الانتخابات الرئاسية باجمالي 21 مرشح للرئاسة .. وكان اللافت في السابق هي مفاجأت اللحظات الاخيرة اللى كانت اشبة بالدراما التليفزيونية واللى غيرت بشكل كبير بورصة مرشحي الرئاسة ..
اخر المفاجأت زي ما حضرتكو تابعتوا هو ترشح اللواء عمر سليمان بعد ساعات من بيان كان اصدرة يوم الخميس اللى فات لكنه بعدها وقرر الترشح "نزولا على رغبة الجماهير"! ، وقدم اوراقه للجنة قبل لحظات من غلق باب الترشيح..
التحول التاني كان خاص بجماعة الاخوان المسلمين اللى دفعت بالدكتور محمد مرسي رئيس حزب الحرية والعدالة كمرشح للحزب في الانتخابات ودة طبعا الى جانب مرشح الجماعه المهندس خيرت الشاطر ، الغريب ان الجماعه لسة مصرة على صحة الموقف القانوني للمهندس الشاطر وان مفيش معوقات تمنعه من لترشح ومع ذلك دفعت بالدكتور مرسي كمرشح احطياطي للشاطر ...
احنا النهاردة هنحاول نشوف مع ضيوفنا الكرام اية اسباب وكواليس هذة التحولات المفاجئة واية دلالتها .. وهل التحول المفاجئ في موقف الاخوان ردا على التحول المفاجئ في موقف عمر سليمان، يعني بمعنى اخر هل ترشح عمر سليمان للرئاسة ردا على ترشيخ الاخوان للمهندس خيرت الشاطر ... دا للى هنعرفه من ضيوفنا الكرام الاستاذ خالد ابو بكر عضو الاتحاد الدولي للمحامين .. والاستاذ عماد الدين حسين مدير تحرير جريدة الشروق .. اهلا بيكم في من جديد
عراقيل قانونية أمام مرشحي الرئاسة
واضح كدة ان سباق الرئاسة كان هو المستحوذ على اهتمامات الناس في الفترة اللى فاتت ... صحيح الموضوع دة مهم لانة هيحدد ملامح وشكل اول رئيس لمصر بعد الثورة .. لكن بردوه في موضوع تاني مينفعش نتجاهلة او ننساه لانة مبيقلش اهمية او خطورة عن موضوع الرئاسة ..
الموضوع دة هو دستور مصر المقبل .. دستور الثورة .. الدستور اللى هيحدد شكل وملامح العلاقة بين السلطات.. الدستور اللى هيحدد نظام الحكم .. الدستور اللى نسينا او ربما تنسينا الحديث عنه في الايام اللي فاتت بحجة الانشغال بسباق الرئاسة ...
احنا النهاردة هننطرح الموضوع ده للنقاش مرة تانية ولكن المرة دي هيكون لها طعم مختل ، لان ضيفنا فيها هو ضيف مختلف ، هو فقية دستوري من طراز متميز واحد جهابزة القانون الدستوري واللى استعانت به بعض الدول لكتابه دستورها .. ضيفنا النهاردة هو الفقيه الدستوري الدكتور ابراهيم درويش ..
ليست هناك تعليقات:
إرسال تعليق