برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 11 ابريل 2012 من قناة ONTV يوتيوب كاملة
شيوخ القبائل يهدئون الأوضاع في السلوم
السلام والتحية على حضراتكوا ..اهلا بيكو معانا .. حنبتدي معاكو من على الحدود وتحديدا في مدينة السلوم اللي شهدت على مدار يومين مواجهات بين القوات المسلحة وتجار الترانزيت عند معبر السلوم واسفرت عن إصابة ضابطين و9 من أفراد القوات المسلحة ومقتل 3 مواطنين وإصابة 3 تانين.
وحسب بيان للقوات المسلحة فإنه تم السيطرة على الموقف، وقام شيوخ القبائل وأعضاء مجلس الشعب عن مطروح والسلوم بدور ايجابى فى هذا المجال. البيان أكد كمان أن عناصر بالقوات المسلحة بتقوم باتخاذ الإجراءات اللازمة اللى من شأنها عدم المساس بأمن وسلامة القوات المسلحة والحفاظ على الممتلكات العامة والخاصة
تنحي هيئة المحكمة في قضية الشاطر
آخر التطورات واللي أكيد أهمها قانون العزل السياسي واللي حيكون لينا كلام كتير فيها بعد جولة في أخبار النهاردة .. ولليوم التاني على التوالي كانت محكمة القضاء الإداري كانت بؤرة الأحداث في مصر النهاردة لانها كانت بتنظر دعوتين بيخصوا اتنين من مرشحي الرئاسة وهما خيرت الشاطر مرشح الإخوان وحازم صلاح ابو اسماعيل.
بالنسبة لقضية خيرت الشاطر هيئة المحكمة قررت التنحي عن نظر الدعوى لاستشاعرها الحرج والتفاصيل حنعرفها من الأستاذ عبد المنعم عبد المقصود محامي جماعة الإخوان المسلمين
احتشاد أنصار أبو إسماعيل وجنسية والدته
القضية التانية كانت من جانب الشيخ حازم صلاح أبواسماعيل لحسم الجدل حوالين جنسية والدته ولليوم التاني على التوالي احتشد المئات من أنصاره قدام محكمة القضاء الإداري اللي اتنقل فيها مكان النطق بالحكم من القاعة اللي احتشد فيها انصاره إلى قاعة تانية.
ضبط وإحضار لمرتضى منصور ونجله
القضية التالتة فيها مرشح رئاسي متهم وهي قضية موقعة الجمل والمتهم فيها مجموعة من رموز النظام إضافة إلى المستشار مرتضى منصور وابنه .. المحكم قررت النهاردة ضبط واحضار مرتضى منصور قررت تأجيل نظر القضية لبكرة .. تفاصيل أكتر في التقرير اللي جاي ..
العزل السياسي بين مؤيد ومعارض
مفيش كلام في الشارع السياسي دلوقتي الا عن قانون العزل السياسي وحرمان رموز وقيادات النظام السابق من العمل السياسي والترشح للرئاسة .. والجدل دا جه بعد موافقة اللجنة التشريعية بمجلس الشعب امبارح من حيث المبدأ، على مشروع قانون مقدم من النائب عصام سلطان بتعديل قانون الغدر، وحرمان الفلول من الترشح للرئاسة أو تولى منصب نائب الرئيس أو رئيس الوزراء لمن عمل خلال الخمس سنوات السابقة على تنحى الرئيس السابق فى 11 فبراير بأي وظيفة قيادية بمؤسسة الرئاسة أو الحكومة.. .. والنهاردة زي ما حضرتكوا متابعين البرلمان استكمل مناقشة للموضوع دة وشهدت الجلسة مناقشات ومناوشات بين النواب انتهت بقرار رئيس المجلس بإحالة اقتراحات النواب بشأن القانون إلى لجنتي الشؤون الدستورية والشكاوى ..
احنا حنسيبكوا مع ملخص لاهم ما قيل في الجلسة وحنرجع نناقش معاكوا بعدها حنا النهاردة هناقش وجهتي النطر المؤيدة والمعارضة للقانون
النائب باسل عادل -- عضو مجلس الشعب عن حزب المصريين الاحرار وأحد المعارضين لمشروع القانون، والدكتور شعبان أحمد عبد العليم النائب عن حزب النور واحد المؤيدين لقانون العزل السياسي .. اهلا بيكم في من جديد
لماذا تستمر معاناة أصحاب الحوالات الصفراء
لسة ازمة الحوالات الصفرا مستمرة وكأن اصحاب الحوالات دول مكتوب عليهم الغلب حتى وهما بياخدوا حقوقهم بعد أكتر من عشرين سنة من الصبر والانتظار ..
لو حضرتكوا شفتوا اصحاب الحوالات دول وهما واقفين في طوابير مالهاش أو من اخر قدام بنك الرافدين يصعب عليكم حالهم ..ناس واقفين طوابير بالمئات في عز الحر .. جايين من كل حتة في مصر علشان ياخدوا حقوقهم، وبيوصل بهم الحال ساعات انهم بيقضوا الليل نايمين في الشارع قدام البنك علشان يقفوا في مقدمة الطابور وياخدوا حقوقهم ..
الغريب ان كل الازمة دي سببها حاجة واحدة بس اسمها " سوء التنظيم ".. يعني لما صاحب الحوالة يلاقي غلطة في اسمة او اي مشكلة اجرائية لازم يروح للفرع الرئيسي لبنك الرافدين اللي في الدقي، ويقف قدامة بالايام علشان يصحح الغلط .. وممكن بعد الدوخة دي كلها ميكونش معاه غير حوالة واحدة بس اللي قيمتها 100 دولار يعني حولى 600 جنية
احنا النهاردة معانا الاستاذ علاء عوض المستشار الاعلامى لوزير القوى العاملة نناقش معاه اخر المستجدات في موضوع الحوالات والاجراءات اللى اتخذتها الوزارة للتيسير على اصحاب الحوالات الصفراء .. اهلا بيك معانا في من جديد ..
ليست هناك تعليقات:
إرسال تعليق