برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاحد 4 مارس 2012 يوتيوب كاملة
بلدنا بالمصري: فايزة أبو النجا اتفاجئت ولسه في منصبها
يسعد مساكم وحلقة جديدة من بلدنا بالمصري.. هنبدأها بآخر أخبار بلدنا وهنختمها كالعادة زي كل يوم حد مع الدكتورة منال عمر وانت مش لوحدك، والحقيقة ان الدكتورة منال كمان مش هتكون لوحدها النهاردة وأنا وهي وهنستعين وبشكل استثنائي بالدكتور/ نبيل القط استشاري الطب النفسي وعضو المبادرة المجتمعية لعلاج اضطراب كرب ما بعد الصدمة، لأسباب وجيهة هتعرفوها في وقتها.. وما بين البداية والختام هيكون لنا كلام كتير عن اعتصام طلبة الجامعة الالمانية وأزمتهم مع ادارة الجامعة وهل هي مجرد ازمة لمجموعة من الطلبة مع الادارة ولا الموضوع ابعد من كدة لحد الواجبات والحقوق وأولهم الحق في حرية الراي والتعبير.. أما الكلام اللي شرحه هيطول النهاردة وهيكون بالتأكيد ذو شجون هو الحديث عن المتهمين الاجانب في القضية الشهيرة بقضية التمويل الأجنبي واللي خدتهم الطيارة وطارت ولا من شاف ولا من دري الا بعد فوات الأوان وسابونا نضرب اخماس في اسداس يمكن نعرف مين السبب ومين اللي الحق عليه..
والحقيقة ان الموضوع اكبر من المحقوق فيه يكون شخص او بمعنى اصح يكون مجرد كبش فدا.. لكن حتى الان والمفروض كبداية، الوزيرة فايزة أبو النجا، وزيرة التعاون الدولي والمسؤولة عن الملف دة على مدار 14 سنة هي عمرها في منصبها، وهي أول من فجر القضية ديه على الرأي العام باعتبارها قضية أمن قومي تمس سيادة وهيبة الدولة وأول من تقدم ببلاغات ضد منظمات المجامع المدني، هي أول المطلوب اقالتهم ومحاسبتهم على الأقل سياسيا، من باب انها أحرجت القضاء والدولة وأشعرت كل المصريين بالإهانة وأفقدتهم الثقة فى المؤسسة القضائية والقائمين على إدارة البلاد، حسب تصريحات النائب محمد أنور السادات رئيس لجنة حقوق الانسان في مجلس الشعب.. أما الوزيرة نفسها فاكدت النهاردة قدام اللجنة الاقتصادية في مجلس الشعب انها اتفاجئت بسفر المتهمين الأجانب في القضية زيها زي أي مواطن عادي!!
بلدنا - عصمت السادات: متخوف من حدوث فتنة بين القضاة
تصريحات النائب محمد عصمت أنور السادات أن ما حدث من سفر المتهمين الأجانب أدى الي إحراج القضاء والدولة وأشعرت كل المصريين بالإهانة وأفقدتهم الثقة فى المؤسسة القضائية والقائمين على إدارة البلاد،
بلدنا: مساعي القضاة لسحب اختصاصات م. عبدالمعز
أما القضاة في محاكم الاستئناف، فمستمرين في جمع التوقيعات لطلب عقد جمعية عمومية غير عادية لسحب اختصاصات المستشار عبد المعز إبراهيم، رئيس محكمة استئناف القاهرة، بسبب قضية التمويل الأجنبى واكدوا ان كل الخيارات مفتوحة فى حالة عدم التحقيق فى الشكاوى والبلاغات اللي اتقدمت لمجلس القضاء الأعلى والنائب العام ووزير العدل ضد المستشار "عبد المعز" وبعض القضاة للتحقيق معهم.. وبالتأكيد تحركات القضاة هيكون لها نصيب كبير من فقرتنا اللي جاية.. لكن قبل ما نكتفي مؤقتا بهذا القدر من الكلام عن القضية ديه، لازم بس نقول انه في عز ما القضية ديه ما هي واخدة راقات من الجميع على أرض مصر المستشار عبد المعز ابراهيم، رئيس محكمة استئناف القاهرة سافر النهاردة الصبح كينيا بصحبة وفد قضائي رفيع المستوى لمناقشة سبل التعاون القضائي بين البلدين!!!
بلدنا بالمصري: الأمريكان يسافروا ورامي شعث ممنوع
في نفس الوقت اللي الطيارة خدت فيه المتهمين الأجانب وطارت.. اكتشف الناشط رامي شعث انه ممنوع من السفر على خلفية التحقيق معاه بتهمة التحريض على ارتكاب جريمة التعطيل العمدي لمرافق الدولة وتحريض موظفين عموميين لترك عملهم والامتناع عن ممارسة أعمالهم.. وقضاة التحقيق المنتدبين في قضية أحداث مجلس الوزرا قرروا النهاردة تجديد حبس الناشط والمدون أحمد دومة احتياطي لمدة 30 يوم تانيين على ذمة التحقيقات.
بلدنا بالمصري: تجديد حبس أحمد دومة ٣٠ يوم
قضاة التحقيق المنتدبين في قضية أحداث مجلس الوزرا قرروا النهاردة تجديد حبس الناشط والمدون أحمد دومة احتياطي لمدة 30 يوم تانيين على ذمة التحقيقات. و لمزيد من المعلومات إحنا معانا أ. إيهاب عزت محامي أحمد دومة
بلدنا: إحالة ٥٠٠ شركة للنائب العام لمخالفات مالية
غير اجتماع اللجنة الاقتصادية اللي اكدت فيه الوزيرة فايزة أبو النجا انها اتفاجئت كدة زينا زيها، كان فيه تحت قبة البرلمان اجتماع للجنة الصناعة والتجارة في حضور وزير الصناعة والتجارة الداخلية، الدكتور محمود عيسى.. واكد في كلمته على مجموعة من النقاط المهمة من ضمنها: إحالة حوالي 500 شركة كبرى للنائب العام
بلدنا بالمصري: ضد الفساد في وزارة الثقافة
وبما ان الفساد كان من الساس للراس قبل الثورة، وبما ان لسة ما فيش حاجة اتغيرت بصحيح بعد الثورة، فالبتالي كل مجموعة من المصريين مضطرة انها تعمل معركتها ضد الفساد في مكانها على ما تفرج.. والمكان النهاردة كان وزارة الثقافة.
بلدنا بالمصري: أزمة مديري التصوير في ماسبيرو
أحنا هانروح لماسبيرو عشان واضح أن ماسبيرو دا مابيهداش ... في مشكلة جديدة و هي أزمة مديري التصوير و هانعرفها من أ/ أمير حشاد مدير التصوير
بلدنا بالمصري: أهالي الدويقة يقتحمون محافظة القاهرة
النهاردة عدد من أهالي الدويقة اتجمعوا قدام مبنى محافظة القاهرة للمطالبة بانهم يستلموا الشقق البديلة، الوقفة اللي ابتدت بمظاهرة قدام المحافظة انتهت باقتحام الأهالي للمبنى وما بينهم أصيب واحد من الأهالي خبطته عربية شرطة وهي بتحاول تفرق المتظاهرين.
بلدنا بالمصري: البلكيمي .. جراحة تجميل أم حادثة سطو
في تطور مفاجئ وفريد بواقعة الاعتداء على نائب حزب «النور» أنور البلكيني، تقدم مدير مستشفى تجميل بالجيزة ببلاغ إلى أجهزة الأمن، يفيد بأن النائب دخل المستشفى وأجرى جراحة تجميل في أنفه عصر الثلاثاء الماضي، وأضاف في بلاغه أن النائب أصر على مغادرة المستشفى فى ساعة متأخرة، على الرغم من إحضاره 8 شهود على خروج النائب المريض على مسؤوليته الخاصة. و إحنا معانا على الهاتف د / محمود ناصف إستشاري جراحة التجميل بطب الأزهر
بلدنا بالمصري: سوهاج ومعاناة الحمى القلاعية للماشية
أهالي مصر المحروسة في كل شبر في أرضها ليهم دايما نصيب في البرنامج زي ما وعدناكم دايماً و النهاردة نصيب أهالي سوهاج و معاناة الحمى القلاعية للماشية
بلدنا بالمصري: تعالوا ننضف ميدان التحرير
أما وان الميدان بعد أول سنة ثورة ما عادش شبه الميدان اللي عرفناه واللي اتولدنا فيه من جديد، فاضعف الايمان، تعالوا ننضف الميدان.
بلدنا بالمصري: الفن ميدان في عابدين
من ميدان التحرير لميدان عابدين وغيره من الميادين في بر المحروسة، ومن بعد الثورة، احياناً بيكون الفن كمان ميدان.
بلدنا بالمصري: يا ترى مصر حتكون إزاي في 2013
يا ترى مصر حتكون ازاي في 2013 ده سؤال يا ريت يتجاوب عليه في التقرير اللي جاي اللي بعديه حنطلع فاصل ونرجع نلتقي مع الدكتور حسن نافعة
بلدنا بالمصري: بتوع الثورة ونص الكباية
وفبل الفاصل، ما تخلونا نشوف بتوع الثورة دول عايزين ايه وبالمرة نبص لنص الكوباية المليان.
بلدنا: سفر الأمريكان والهيبة اللي بالويبة وجلاجل
بعد الفاصل ولحد ما نلاقي جواب يشفي غليلنا هنفضل نسأل مين وبأي حق وجزاؤه ايه اللي سهانا وشاور لنا على العصفورة ومسافة ما رفعنا راسنا بصينا لقيناها متمرغة في التراب واللي طار في الهوا 16 متهم أجنبي على ذمة قضية وصفوها بانها قضية بتمس الأمن القومي وسيادة وهيبة الدولة.. وآخرتها خدتهم طيارة عسكرية أمريكاني وطارت وسابت لنا الهيبة بس بالويبة وبجلاجل!!!
آدي الحكاية من أولها اللي بدأت من غير لا احم ولا دستور وختمت من غير بالإذن ولا بخاطركم ولا يحزنون!!! اللي احنا فيه دة اسمه ايه؟!!! والحكاية ديه كلها واقفة علينا بخسارة ولا فيه من وراها اي مكسب؟!!! وهل ينفع نفرح بالقرشين ونبوس ايدينا وشنا وضهر على ال32 مليون جنيه اللي جولنا كدة من الهوا واحنا مش لاقيين اللضة وفدانا بقة استقلال القضاء وسيادة القانون على سيادة الدولة على هيبتها كل دة ينزل الأرض المرة ديه واهيه مرة تفوت ولا حد يموت ولا لا يمكن تنزل المرة ديه؟!!! والأهم من كل دة مين اللي عمل فينا كدة_أو بمعنى اصح مين ولا مين_؟!!! وبأي حق؟!!! وهيكون حسابه ايه ومين اللي هيحاسبه بالنيابة عننا؟!!!
بلدنا: البلكيمي يتسقيل من البرلمان ومن حزب النور
أخر التطورات عن النائب أنور البلكيمي أن حزب النور أعلن إقالته من الحزب و أرسل برقية لرئيس البرلمان لوقفه و كان تاني تطور أن انائب أنور البلكيني أعلن إستقالته من مجلس الشعب
بلدنا بالمصري: الألمانية .. هم الطلبة الخط الأحمر
هم الطلبة الخط الأحمر.. وطلبة الجامعة الألمانية عينة بينة
الأزمة الحالية ماهياش أول أزمة ما بين طلبة الجامعة الألمانية وإدارتها لكن هي الأخيرة على الأقل لحد دلوقتي والأصل دايماً في الموضوع هو الخلاف على ايه اللي للطلبة وايه اللي عليهم.. ايه اللي من حقهم وايه اللي من حق الاداره عليهم وعلى أي أساس وبموجب اي قانون.. والأهم من كل دة ان أزمة طلبة الجامعة الألمانية هي مجرد عينة بينة للطلبة اللي زيهم زي بقية الشعب لسان حالهم من هنا ورايح "احنا الطلبة واحنا الشعب الخط الأحمر"
- الدكتورة/ ليلى مهران: نائب رئيس الجامعة الألمانية لشؤون الطلاب
بلدنا بالمصري: ليه انت مش لوحدك ؟
بعد الفاصل وزي كل يوم حد "انت مش لوحدك" مع الدكتورة منال عمر.. بس النهاردة الموضوع هيكون مختلف الى حد ما واستثنائي.. لإننا النهاردة مش هنكون لوحدنا وهنستعين بصديق هو الدكتور/ نبيل القط استشاري الطب النفسي وعضو المبادرة المجتمعية لعلاج اضطراب كرب ما بعد الصدمة.. وهنستعين بيه للاجابة على كام سؤال وجب نسألهم بعد ما مرت فترة مش بطالة من ساعة ما بدأنا نحط كربنا على كرب بعض.. أهمهم: احنا ليه بنعمل كدة؟! وايه جدوى اللي احنا بنعمله؟ والأهم من كدة هل فيه اي تعارض ما بين اللي احنا بنعمله وتحديدا اننا نقدم نماذج مختلفة لجلسات لعلاج الكرب على الهواء مباشرة متجاوزين القاعدة الأولى وهي سرية الجلسة، وما بين أخلاقيات مهنة الطب النفسي؟!!! وهل دة لمصلحة المتطوعين للظهور باختيارهم وكامل ارادتهم ولا ممكن يضرهم في حالات بعينها؟!!! كل ديه أسئلة هنجاوب عليها.
زي ما اتفقنا، اننا هنستعين النهاردة بالدكتور/ نبيل القط/ استشاري الطب النفسي وعضو المبادرة المجتمعية لعلاج اضطراب كرب ما بعد الصدمة.. وهنستعين بيه للاجابة على أسئلة لازم نجاوب عليها في المرحلة ديه من مبادرة انت مش لوحدك في بلدنا بالمصري، عشان نقدر كلنا نكمل واحنا ضمايرنا مرتاحة على المستوى الانساني وعلى المستوى المهني.. وهتستعين بيه مجموعتنا النهاردة في استكمال للجلسة اللي بدأناها الحد اللي فات مع مجموعة من المتطوعين للعمل مع المصابين وأهالي الشهدا وعلى ما يبدو ان كربهم عظيم يليق بمقام وعظمة الدور اللي هم بيلعبوه.
ليست هناك تعليقات:
إرسال تعليق