برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 20 مارس 2012 يوتيوب كاملة
بلدنا بالمصري: رحل البابا شنودة تودعه الملايين
بنمسي على حضراتكم في حلقة جديدة من بلدنا بالمصري هنبدأها باللحظات الأخيرة لوجود البابا شنودة التالت على وجه الارض.. لحظات اقل ما توصف بيه انها كانت لحظات مهيبة من أول لحظة لآخر لحظة.. لحظات تشهد ليوم الدين على معزته في قلوب الملايين من محبيه وعلى قيمته في اذهان الملايين حتى يمكن من المختلفين معاه.. لحظات تليق بصاحبها وبتاريخه وبعمله في الدنيا لحد ما صعدت روحه لخالقها واستقر جسده تحت الأرض الأعز على قلبه.
بلدنا بالمصري: وصية البابا شنودة الثالث
رحل عنا البابا شنودة وليس في نفسه أي حزن من أي أحد، حسب وصيته اللي وصانا فيها جميعاً بدون تحديد وبدون تفرقة وبدون تمييز بالمحبة والتسامح والإخلاص في العبادة والطاعات.
بلدنا بالمصري: بابانا احنا ولا باباكم انتم
على قد ما كان المشهد مهيب على مدار الأيام التلاتة اللي فاتت ولحد آخر لحظة، لكن في أطراف المشهد وعلى الهوامش اللي ما شافتهاش عدسات الكاميرات كان فيه بشر من عامة الناس اللي جم من آخر الدنيا وقضوا لياليهم في الطل في عز البرد على أمل يتهنوا بنظرة اخيرة وياخدوا البركة لكن رجعوا مكسورين القلب والخاطر.. الناس دول هم اللي كتب عنهم النهاردة على موقع البديل الزميل سامح حنين اللي قرر بكامل ارادته انه يتخلى عن حياده كصحفي وينحاز على الآخر لهؤلاء، على حد تعبيره.
بلدنا بالمصري: أزايز المية .. ملناش غير بعض
صحيح ان المشهد اللي وصفه الزميل سامح حنين مؤلم من زاويته، لكن من زاوية تانية يمكن اجمل ما فيه ان ولاد البلد ديه مالهمش الا بعض ومالهمش بركة الا بعض وفي المحن وفي الشدايد مش هيلاقوا غير ايادي بعض تطبطب وتواسي وتتمد بالخير حتى لو كان بق مية نازل من بلكونة في الثبت.
بلدنا بالمصري: هل تنحى عبدالمعز قبل سحب الثقة
نروح لاخر أخبار بلدنا، وآخر خبر هو الحدث اللي بيحصل لأول مرة في تاريخ القضاء المصري ان يتنازل رئيس محكمة الاستئناف عن اختصاصاته.. دة القرار اللي المفروض انه اتخذه النهاردة المستشار عبد المعز إبراهيم، قبل انعقاد الجمعية العمومية غير العادية، اللي دعا ليها عدد من القضاة وبدأوا حملة لجمع التوقيعات لانعقادها بهدف سحب اختصاصته، على خلفية تداعيات قضية التمويل الأجنبي وتحديدا سفر المتهمين الأجانب فيها في ظروف غامضة. الخبر دة انتشر على عهدة عدد من رؤساء محاكم الاستئناف اللي بعضهم ادلى بالتصريحات ديه لبلدنا بالمصري
بلدنا بالمصري: عبدالمعز ينفي تنازله عن سلطاته
ومع ذلك، المستشار عبد المعز ابراهيم نفى في تصريحات ليه لموقع اليوم السابع انه يكون تنحى او تنازل عن اي من سلطاته لمزيد من التفاصيل إحنا معانا المستشار / زكريا عبد العزيز رئيس نادي القضاة الأسبق
بلدنا بالمصري: الموافقة على مشروع تعديل المادة ٢٠
بعد ما اعلن الستشار حاتم بجاتو، الأمين العام للجنة العليا المشرفة على انتخابات الرئاسة، اكتر مرة ان مدة الدعاية الانتخابية المحددة بثلاثة أسابيع بس وحظرها فى فترة فتح باب الترشح، غير كافية، وان نص المادة 20 فى القانون الرئاسى محتاجة لتعديل تعديل كامل من مجلس الشعب، وافقت النهاردة لجنة الاقتراحات والشكاوى على اقتراح بمشروع قانون لتعديل المادة 20.. ونص التعديل على السماح للمرشحين بعمل الدعاية الانتخابية، اعتباراً من تاريخ فتح باب الترشح للرئاسة، ولحد يومين قبل عملية الاقتراع.. وقررت اللجنة احالته للجنة الشؤون التشريعية والدستورية.
بلدنا بالمصري: تزوير توكيلات لصالح عمرو موسى
نيابة الأقصر الكلية امرت النهاردة بحبس احد الموثقين في الشهري العقاري في الأقصر، 4 أيام على ذمة التحقيقات، بتهمة تزوير توكيلات لصالح عمرو موسى، المرشح المحتمل لرئاسة الجمهورية، وأمرت بإخلاء سبيل جمال عبد العزيز، مدير مكتب الشهر العقاري في المحافظة بعد التأكد من عدم تورطه في الواقعة. لتفاصيل أكتر إحنا معانا أ/ مصطفى سالم مدير مكتب أون تي في بسوهاج
بلدنا بالمصري: حملات أمنية مكثفة لوقف أعمال البلطجة
من الشرقية الي أسوان ومن الجيزة الي الأسكندرية حملات أمنية مكثفة ومحاولات لوقف أعمال العنف والبلطجة
بلدنا بالمصري: محدش هيتحبس في قتل ثوار حدائق القبة
نروح للمحاكم والقضايا، وهنبداها بمحاكمات قتل الثوار.. النهاردة صدر أول حكم بالادانة في قضايا قتل الثوار، أصدرته محكمة جنايات القاهرة في قضية قتل المتظاهرين في حدايق القبة.ز نفس الحكم اللي برأ تلاتة من المتهمين حكم بالحبس سنة واحدة على بقية المتهمين لكن مع ايقاف التنفيذ.
بلدنا: ضرب واعتقال المتضامنين مع شهداء الإسكندرية
أما محكمة جنايات اسكندرية، فقررت التأجيل لجلسة بكرة في قضية قتل المتظاهرين في اسكندرية.. لكن قرار المحكمة بالتأجيل ما كانش نهاية المطاف وهانعرف التفاصيل من مراسلنا في الأسكندرية وائل ثابت
بلدنا بالمصري: الأهالي يقتحمون توسعات مصنع موبكو
أما في دمياط، عشرات الأهالي قطعوا الطرق المؤدية لمدينة رأس البر والطرق المؤدية لمصنع موبكو والمنطقة الحرة في مينا دمياط، وبعدين تطور الموقف لاقتحام مقر توسعات المصنع، احتجاجا على الحكم الصادر النهاردة من محكمة القضاء الاداري في المنصورة بالغاء قرار محافظ دمياط بوقف العمل والتوسع في مصنع موبكو ورفض الدعوى المرفوعة من أهالي السنانية بعد ثبوت عدم وجود اي اضرار بيئية من عمل المصنع ولمزيد من التفاصيل إحنا معانا النائب / حاتم عزام أمين سر لجنة الصناعة والطاقة بمجلس الشعب
بلدنا بالمصري: سنة على الاستفتاء ولسه الدنيا نار
من ضمن الأسباب اللي خلت المصريين اللي قالوا "نعم" من سنة فاتت للتعديلات الدستورية يقولوا "نعم" وبقلب جامد، انهم كانوا عشلى امانين عشم كبير ان الاسعار اللي ساعتها كانت في العلالي، هتقل أو على الاقل هترجع لطبيعتها والبركة في الاستقرار وعجلة الانتاج.. لكن بعد سنة بحالها يبقى الحال على ما هو عليه ويمكن زيادة شوية كمان.
بلدنا بالمصري: إبدأ مع جوجل
"ابدأ مع جوجل" دة عنوان المسابقة اللي بتنظمها جوجل العالمية في مصر للبحث عن أفضل الأفكار في مجال الإنترنت ودعمها ومساعدتها.
بلدنا بالمصري: تضامن المصريين مع الشعب السوري
وقبل الفاصل، خلونا نطل طلة على مشهد من مشاهد التضامن المصري مع الشعب السوري في محنته وفي الغمة اللي هتزول انشاء الله ان عاجلا او اجلا.
بلدنا بالمصري: العفو الشامل عن الجرائم السياسية
قانون العفو الشامل عن الجرائم السياسية اللي تم ارتكابها في الفترة من 6 اكتوبر 81 ل11 فبراير 2011، يعني طول فترة حكم الرئيس المخلوع، والمقدم من حزب البناء والتنمية الذراع السياسية للجماعة الاسلامية، وبتوقيع عدد من اعضاء احزاب الحرية والعدالة والنور والوفد وغد الثورة، أثار جدل واسع ما بين نقيضين: ما بين كونه انتصار جديد للثورة وتصحيح لاوضاع مختلة آن الاوان لتصحيحها بعد الثورة وما بين كونه بيمنح صك البراءة لرموز النظام اللي حاولت الثورة اسقاطه واولهم الرئيس المخلوع.. فاحنا هنحاول نناقش القانون باللي ليه واللي عليه مع ضيوفنا النهاردة:
د. جمال جبريل: رئيس قسم القانون العام في جامعة حلوان
د. عمرو الشوبكي: مدير مركز البدايل العربي وعضو مجلس الشعب
باسل عادل: عضو مجلس الشعب عن حزب المصريين الأحرار
محمد كامل: عضو حزب الوفد الموقع على القانون
ليست هناك تعليقات:
إرسال تعليق