برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 6 فبراير 2012 من قناة ONTV يوتيوب كاملة
من جديد: "لم" الجنزوري .. كأن الناس هتصدق
أخيرا وبعد اكتر من 4 أيام على مهزلة سفر المتهمين الأجانب الدكتور كمال الجنزورى، رئيس مجلس الوزراء، عقد مؤتمر صحفي اللرد على الهجوم الشديد اللي استهدفه ..
الجنزوري لم يخجل من استخدام عبارة ان مصر لن تركع .. وكمان استخدم الفعل الماضي منها ان مصر لم تركع وكأن المتهمين لسه موجودين وفي انتظار المحاكمة وكأن كل اللي احنا شفناه ده مش موجود وكأن امريكا ما اعلنتشي عن قرب حل القضية قبل الافراج عنهم بيوم وكأن الناس هيه هيه ولسه ما اتغيرتشي وانها حتصدق أي كلام يطلع من الحكومة
من جديد: انبطحنا مش ركعنا .. الست فايزة فخورة
الصراحة الرد على الجنزوري ما كانشي في المؤتمر الصحفي الرد عليه كان في مجلس الشورى اللي قال فيه النائب سيد حزين النائب عن الحرية والعدالة أحنا انبطحنا مش ركعنا بس .. كلام النائب جه في جلسة مجلس الشورى اللي شهدت مواجهة بين النواب وبين الوزيرة فايزة أبو النجا
بطلة القضية اللي زي ما حضراتكو تفتكروا انها اعلنت انها ما عرفتش الموضوع إلا من خلال الجرايد تاني يوم والنهاردة الوزيرة وقفت في مجلس الشورى وأكدت انها فخورة بكل اللي عملته
من جديد: الفضيحة حصلت بمعرفة مسئولين كثير
من ضمن كمان اللي اتكلموا في الموضوع وزير الطيران حسين مسعود اللي من المتوقع كلامه انه يثير أزمة جديدة وهي ان اللي حصل كله ما كانشي ممكن يحصل إلا من خلال معرفة مسئولين كتير في البلد.
من جديد: الأسطى زلطة هو اللي جاب م الآخر
الصراحة احنا مالقناش أفضل تعليق على اللي حصل النهاردة إلا الكلمتين اللي قالهم عندنا الاسطى زلطة يوم الخميس اللي رغم انهم اقدم من كلام المسئولين إلا أنهم أفضل رد ممكن يتقال واللي حنعرضها عليكو بناء على طلبات الجماهير.
من جديد: سفر المتهمين الأجانب قانوني
النهاردة أكد المستشار مجدى عبد البارى، الرئيس بمحكمة استئناف القاهرة، رئيس دائرة المحكمة التى أصدرت قرارها بتمكين المتهمين الأجانب فى قضية التمويل الأجنبى غير المشروع لمنظمات المجتمع المدنى من السفر، أن قرار رفع منع سفر المتهمين فى القضية يتفق وصحيح حكم القانون إعمالا لأحكام المحكمة الدستورية العليا ومحكمة النقض والقانون.
من جديد: البلكيمي بيكذب تاني !! سبحان الله
تحقيقات النيابة العامة كشفت النهاردة عن مفاجأة كبيرة في قضية النائب أنور البلكيمى عضو مجلس الشعب واللي تم إقالته من حزب النور .. النائب كان قال أن أقواله في المحضر كانت تحت تأثير البنج بعد ما أجرى عملية التجميل، لكن تحقيقات النيابة النهاردة أكدت إن كلام البلكيمي كذب لان تأثير البنج لن يتجاوز ساعة واحدة في حين ان كلامه كان بعد كدة بكتير.
من جديد: حكم بتسليم ماجدة حسين سالم لمصر
النهاردة السفير أيمن زين الدين سفير مصر فى مدريد، أعلن بأن القضاء الاسبانى أصدر قرارا بتسليم ماجدة حسين سالم إلى مصر، وإحنا عارفين إن المحكمة الأسبانية قد أصدرت منذ أيام قرارا بتسليم حسين سالم إلى القاهرة خلال 30 يوما وفقا لثلاثة شروط ألا يحكم على سالم حكما بالإعدام وأن تتم محاكمته حضوريا وأن يقضى العقوبة فى أسبانيا.
من جديد: الوزراء في ترف .. والمواطن مش لاقي
انتقدت اللجنة الاقتصادية والمالية بمجلس الشورى استمرار حالة الترف فى الإنفاق الحكومى على المسئولين والوزراء ، محمد عبد المجيد الفقى رئيس اللجنة وضرب مثل بإن كل محافظ لديه 3 سيارات خاصة..
من جديد: العسكري يطالب عمر سليمان بعدم الترشح للرئاسة
النهاردة موقع اليوم السابع نشر خبر كشف خلاله أن المجلس الأعلى للقوات المسلحة، نصح اللواء عمر سليمان نائب رئيس الجمهورية السابق، بعدم خوض انتخابات رئاسة الجمهورية، وطلب منه أعضاء المجلس العسري بألا يخضع للضغوط التى تطالبه بخوض الانتخابات....
من جديد: مجمع اللغة العربية يبرئ العليمي من سب المشير
لو حضراتكم تفتكروا أن النائب زياد العليمي كان طلب اللجوء للمجمع اللغوي للجملة التي اتقالت في إحدى المؤتمرات فقد طلب بتحليلها من المجمع اللغوي , المجمع اللغوي رد على طلب زياد العليمي ويبرئه من الجملة التي قد فهمت بشكل خطأ , تفاصيل أكثر معانا على الهاتف الأستاذ عمر المليجي الصحفي بجريدة اليوم السابع
من جديد: أخيراً .. نقابة الدعاه رسمياً
أخيرا وبعد طول إنتظار تم تدشين نقابة للدعاه بشكل رسمي وأن الدعاه لابد أن يكون لهم نقابة
من جديد: ماذا تفعل لو كنت وزيرا للداخلية ؟!
احنا اتعودنا معاكم في من جديد اننا نحاول قدر الامكان نكون ايجابين، مش بس بنطرح المشاكلة لكن كمان بنقدم لها الحلول، اتعودنا اننا نكون الطرف الايجابي وعشان كدة حنحاول نطرح حلول في فقرتنا لنهاردة لحل مشكلة الانفلات الأمني واكيد مش حنخترع العجلة لان تجارب الدول التانية في السيطرة على الشغب والعنف والبلطجة موجودة ومعروفة بس فين اللي يقرا وفين اللي ينفذ.
والشئ المحزن والمؤسف والمخزي .. لما نسمع أن فية دولة زي بريطانيا شهدت في اغسطس اللى فات اكبر موجه عنف وشغب في البلاد امتدث لاربع مدن ... لكن الحكومة البريطانية قدرت في خلال 3 شهور بس انها تنهي تماما على اعمال البلطجة والعنف في البلاد ... في حين احنا هنا في مصر ام الدنيا بلد العجائب ، مر علينا 13 شهر ومش عارفين نشوف حل جذري لمشكلة الانفلات الامني بل بالعكس الامور بتزيد سوء كل يوم .. يبقا بالتأكيد في عندنا خلل... الخلل فين وايه الحل ده اللي حنحاول نجاوب عليه مع ضيوفنا اللواء رفعت عبد الحميد الخبير في العلوم الجنائية والاستاذ خالد ابو بكر عضو الاتحاد الدولي للمحامين
ليست هناك تعليقات:
إرسال تعليق