برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الخميس 1 مارس 2012 من قناة ONTV يوتيوب كاملة
من جديد: العبث في قضية التمويل الأجنبي
اقل حاجة ممكن اننا نوصف بيها اللي بيحصل في قضية التمويل الأجنبي بأنها مسرحية عبثية لا الواحد عارفلها بداية منطقية وحتى نهايتها ..نهاية عبثية تخلينا نقول اننا مش رجعنا 20 ولا 30 ولا 40 سنة احنا رجعنا لعصر المندوب السامي البريطاني. لو حضراتكو تتذكروا من بداية القضية نسمع كل شوية مش حنقبل بالتدخل في اعمال القضاء مش حنقبل بالايادي الخارجية .. مصر مش حتركع .. وتحديدا كلمة مصر مش حتركع سمعناها فوق الخمستاشر مرة .. انا عاوزة اعرف ايه معنى العبث اللي احنا فيه دلوقتي يعني ايه يتم الضغط على قاضي بالطريقة ديه عشان القضية تخلص بالطريقة المهينة ديه بعد ما تنحى القاضي الفاضل محمد شاكر بعد ساعات من الكلام اللي قالته هيلاري كلينتون عن قرب التوصل لحل للقضية. غير الجزء العبثي ده الجزء العبثي الأخطر وهو التصريحات المنسوبة للمستشار عبدالمعز ابراهيم رئيس محكمة الاستئناف اللي اعلن ان القاضي اتنحى عشان ابنه في شركة امريكية .. وكلام من النوع ده وده اللي دفع المستشار شكري ان يرد بقوة في تصريحات على بوابة الأهرام وأكد ان حيكتب مذكرة لرئيس مجلس القضاء الأعلى.
من جديد: جريمة رفع حظر السفر عن الأمريكان
ردود الأفعال اللي صدرت أقواها كان من النائب محمد عبد العليم داود، وكيل مجلس الشعب، تقدم باستجواب للدكتور كمال الجنزورى، رئيس مجلس الوزراء ووزير العدل، حول ما وصفها بـ"جريمة" رفع الحظر عن سفر الأمريكيين المتهمين فى قضية التمويل الأجنبى،وطالب بسرعة إدراج الاستجواب فى أقرب جلسة ممكنة، نظراً لخطورة القضية وتهديدها للأمن واستقرار الوطن..
الأمريكان مشيوا في عربيات مدرعة وطيارة أمريكية
من المفترض ان البهوات الـ16 غادروا مصر من مطارها بعد ما دخلوا المطار على الطريقة الأمريكاني في 4 عربيات مدرعة والتفاصيل حنعرفها من الأستاذ أحمد سعيد مراسل اليوم السابع
من جديد: 6 أبريل تستنكر التدخل في عمل القضاء
موجة الاستنكار ما كانتشي بس من البرلمانيين ، حركة 6 إبريل استنكرت فى بيان ليها ما وصفته بـ"التدخل الفج" فى السلطة القضائية . البيان طرح تساؤلات كتيرة عن ازاي يتم الافراج عن المتهمين وازاي يتم السماح بسفرهم .. اسئلة كتيرة ححنعرفها من
من جديد: تجاهل المصريين في السجون الأمريكية
بس بعيدا عن اي حاجة ليها علاقة بالقضية شوفنا نموذج للدول اللي ما بتسبشي مواطنيها في نفس الوقت ايفين نموذج ازاي تسيب البلد ولادها الجماعة الإسلامية، أدانت اللي سمته بـ"تجاهل" المجلس العسكرى المطالبة بتسلم 50 مواطناً مصرياً فى السجون الأمريكية، على رأسهم العالم الأزهرى الدكتور عمر عبد الرحمن، والاهتمام بقضيتهم، كما اهتمت أمريكا بأبنائها، متسائلة، "هل لا يساوى المواطن المصرى الاهتمام به وبقضاياه، فى حين أن الحكومة الأمريكية أقامت الدنيا ولم تقعدها من أجل مواطنيها".
من جديد: م. يحيى حسين عبدالهادي يترشح للرئاسة
احدث المنضمين لسباق الرئاسة هو المهندس يحيى حسين عبد الهادى وكيل أول وزارة الاستثمار أعلن عن ترشحه للإنتخابات الرئاسية وبدأ حملته الانتخابية بفرع شركة عمر أفندى بشارع عدلى بوسط القاهرة.
من جديد: أيمن نور يعلن مجلس الثورة المصرية
الدكتور ايمن نور مؤسس حزب غد الثورة أعلن عن تأسيس مجلس الثورة المصرية، واللي يهدف من خلاله إلى توحيد كافة الحركات والائتلافات التى شاركت فى الثورة، وتوحيد كلمتها...
من جديد: ولسه مصابين الثورة مخدوش حقوقهم
الغريب ان مع كل الي بيحصل عشان توحيد القوى الثورية لسه لغاية دلوقتي فيه مصابين الثورة واهالي الشهدا ما اخدوش حقهم.
من جديد: لجنة مجلس الشعب لتفقد أحوال مساجين طرة
النهاردة توجهت لجنة حقوق الإنسان بمجلس الشعب لسجن طرة صباح اليوم، للوقوف على أحوال السجون بعد ثورة 25 يناير وكيفية معاملة السجناء.الوفد البرلماني تفقد 5 سجون بطرة؛ وهى سجون ليمان طرة والمزرعة والشديد الحراسة وسجن العقرب وعنبر الزراعة وملحق المزرعة.
من جديد: لجنة الدفاع تبحث الإعتداء على النواب
النهاردة ناقشت لجنة الدفاع والأمن القومي الحوادث الأخيرة لعدد من السياسين وأعضاء مجلس الشعب.
من جديد: إزاي بنعرف اننا داخلين على موجة ساقعة
قبل الفاصل حنروح نشوف ازاي بيتم رصد الأحوال الجوية وازاي بنعرف اننا داخلين على موجة ساقعى زي اللي احنا فيه دلوقتي.
الأسطى زلطة: يا بخت من قدر وعفي
إحنا قررنا نوجة أسئلتنا للأوسطى زلطة أو أحد العارفين ببواطن الأمور ... و سئولنا الأول عن موقفه من الأمريكان المتهمين بقضية التمويل الخارجي و بعد كدا سفروا
الأسطى زلطة العارف ببواطن الأمور في من جديد
احنا نتيجة للحالة العبثية اللي بنمر بيها وماقاش حد عارف راسه من رجله قررنا اننا نوجه اسئلتنا للاسطى زلطة احد العارفين ببواطن الامور واللي بيجيبوا من الآخر خاصة في الظروف الدقيقة اللي بتمر بيها البلاد .. اهلا بيك يا أسطى زلطة وقبل ما نتكلم جد مع حضرتك حنتكلم شوية في السياسة.
ليست هناك تعليقات:
إرسال تعليق