برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الخميس 9 فبراير 2012 يوتيوب كاملة
بلدنا بالمصري: آخر الاستعدادات لإضراب 11 فبراير
يسعد مساكم وحلقة جديدة من بلدنا بالمصري.. هيكون لدعوات الاضراب العام يوم 11 فبراير باللي ليها واللي عليها نصيب كبير منها.
آخر الترتيبات والاستعدادات ليوم 11 فبراير اتفق عليها النهاردة بشكل نهائي 40 من القوى والحركات الثورية اللي وقعت على بيان النهاردة تحت شعار "لنرفع راية العصيان.. ونسقط حكم العسكر"
بلدنا بالمصري: مسيرة من الأسكندرية الي القاهرة
المسيرات بكرة من في كل المحافظات لكن الجديد أن في بكرة مسيرة من الأسكندرية الي القاهرة عشان نعرف معلومات أكتر معانا المنسق للمسيرة أ/ هيثم الحريري
بلدنا بالمصري: خريطة مسيرات الجمعة 10 فبراير
الدعوة للاضراب العام زي ماليها داعين ومؤيدين من حركات وأحزاب وقوى عمالية وطلابية ليها كمان معارضين ورافضين من أحزاب وحركات وجهات رسمية ومؤسسات دينية.. بس قبل ما نروح لهم ونعرف وجهة نظرهم خلونا نطل طلة على مسيرات بكرة تحديداً في القاهرة.
بلدنا بالمصري: بيانات الرافضين لإضراب 11 فبراير
أهم الأحزاب اللي أعلنت رفضها المشاركة في الاضراب العام ودعت الجماهير لعدم الاستجابة: أحزاب الحرية والعدالة والنور والوفد..
بلدنا بالمصري: أحزاب حسمت موقفها من الإضراب
أما أهم الأحزاب اللي حسمت موقفها بشكل نهائي فهي: المصري الديمقراطي الاجتماعي والمصريين الاحرار والوسط.و شباب حزب الوفد
بلدنا بالمصري: حركة الأغلبية الصامتة ترفض الإضراب
ومن ضمن الحركات الرافضة، حركة صوت الاغلبية الصامتة اللي وصفت الدعوة بالمشبوهة ووصفت الحركات الداعية ليها بان أهدافها تخريبية.
بلدنا: موقف ائتلاف شباب البترول من الإضراب العام
الموقف من الدعوة للاضراب العام كان حاضر كمان وبقوة في ندوة ائتلاف شباب البترول في نقابة الصحفيين.
بلدنا: منصور حسن يرفض دعوة الإضراب العام
من ناحية تانية، رئيس المجلس الاستشاري، منصور حسن رفض دعوة بعض الحركات السياسية الإضراب العام فى 11 فبراير ووصفها بأنها دعوة للتخريب والغوغائية وليست دعوة ثورية.
بلدنا: النيابة الإسبانية تؤيد تسليم حسين سالم لمصر
النهاردة كانت الجلسة الختامية للنظر في الطلب المصري بتسليم رجل الأعمال الهارب حسين سالم قدام المحكمة الدولية في مدريد..
بلدنا: منع القسان فليوباتير وماتياس من السفر
نروح بقة للتحقيقات والمحاكمات عندنا تحقيقات كتير من محاكمة مبارك و محامكمة مدير امن الشرقية و أخرتطورات لجنة تقصي الحقائق في بورسعيد و أيضاً منع فيلوباتير وماتياس ونجيب جبرائيل من السفر في أحداث ماسبيرو
بلدنا: استدعاء النائب العام ومحافظ البنك المركزي
من ناحية تانية، لجنة تقصى الحقائق لاسترداد الأموال المهربة للخارج، اللي شكلها مجلس الشعب الأسبوع اللي فات بدأت اعمالها النهاردة باجتماع مغلق برئاسة الدكتور عصام العريان، رئيس لجنة الشؤون الخارجية لوضع خطة عملها وتم الاتفاق على استدعاء النائب العام ومحافظ البنك المركزى واللجنة القضائية في وزارة العدل المكلفة باسترداد الأموال لسؤالهم عن الإجراءات التى اتبعوها فى طريق استرداد الأموال.
بلدنا بالمصري: إنتخابات اتحاد طلاب المدارس
وقبل الفاصل، خلونا نختم آخر أخبار بلدنا بحاجة تشرح القلب.
بلدنا بالمصري: هناخد إيه من ورا إضراب 11 فبراير
الدعوة للاضراب العام يوم 11 فبراير وعلاقتها بحالتنا الاقتصادية: هتجيبنا الأرض واحنا مش ناقصين.. ولا لامنها ولا كفاية شرها ولا تمن غالي لكن لابد منه. الاضراب العام لو بدأ فعلاً يوم 11 فبراير، هناخد ايه من وراه: الخراب المستعجل زي ما البعض شايف ولا مش بالضرورة ولا هو تمن غالي بس لازم ندفعه ووجع ساعة ولا كل ساعة؟!!! دة السؤال اللي شاغل بال المصريين النهاردة وموقع قلبهم ومطير النوم من عينيهم واللي هنحاول نجاوب عليه من وجهات نظر مختلفة.
د. رباب المهدى: استاذ العلوم السياسية بالجامعة الامريكية
د. رشاد عبده: استاذ الاقتصاد بجامعة القاهرة
بلدنا بالمصري: تطهير الإعلام ولا الرقابة عليه
المؤكد انه آن الأوان لإصلاح منظومة الاعلام في بلدنا لكن اللي يمكن مش مؤكد لسة ان مفهوم "الاصلاح" واحد في أذهان الأطراف المعنية.. هيبان بقة .. الشعب ريقه نشف يقول بعلو الصوت انه يريد تطهير وتهذيب واصلاح الاعلام.. والاعلام من الناحية التانية جاني ومجني عليه في نفس الوقت.. والأصل في الموضوع ان الاعلام في بلدنا جزء منه سلاح من اسلحة السلطة والجزء التاني ماشي بالبركة وكل واحد بقة وعلامه وكل واحد وضميره وكل واحد ومهنيته وكل واحد ومدى احساسه بالمسؤولية ومدى قدرته على الصمود في مواجهة الضغوط المباشرة وغير المباشرة وهكذا وبختك يا ابو بخيت.. والنتيجة ان الكل خسران.. وبالتالي آن أوان الاصلاح.. لكن السؤال ازاي نصلح الحال ونعدل المايلة وفي نفس الوقت نعلي سقف حرية الرأي والتعبير بضوابط وآليات للحماية وللمحاسبة؟!!! ازاي نحقق المعادلة ديه اللي تبدو صعبة لكن بالتأكيد مش مستحيلة؟!!! دة اللي هنحاول نجاوب عليه مع ضيوفنا النهاردة:
لنائب: محمد عبد المنعم الصاوى: رئيس لجنة الثقافة والسياحة والإعلام بمجلس الشعب
د. ياسر عبد العزيز: الخبير الإعلامى
هشام قاسم: الناشر الصحفى
ليست هناك تعليقات:
إرسال تعليق