برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاحد 26 فبراير 2012 يوتيوب كاملة
بلدنا: بيان الجنزوري أمام البرلمان .. جت سليمة
يسعد مساكم وحلقة جديدة من بلدنا بالمصري.. هنبدأها كالعادة بآخر أخبار بلدنا وهنختمها كالعادة وزي كل يوم حد مع الدكتورة/ منال عمر عشان كل واحد مننا يطمن على الأقل انه مش لوحده واننا كلنا في الكرب سوا، لكن ما دمنا سوا وقلوبنا على قلوب بعض كله يهون إنشاءالله..
آخر أخبار بلدنا هنبدأها من تحت قبة البرلمان، واللي جت على عكس ما اشتهت أو على على الأقل على عكس ما توقعت بعض مانشيتات الجرايد اللي طلعت النهاردة بالبنط العريض بما معناه ان "مصير حكومة الدكتور الجنزوري النهاردة قدام مجلس الشعب" وفي اللي راح لأبعد من كدة وتوقع الاستقالة أو أقل ما فيها ان " بيان الأول للحكومة أمام مجلس الشعب ما هو الا تمهيد لسحب الثقة منها".. ويمكن المانشيتات ديه معذورة حيث انه يمكن التوقعات ديه كانت على حس تصريح المجلس الدكتور سعد الكتاتني يوم التلات اللي فات اللي اكد فيه إن البيان السنوي للحكومة هو اللي هيحدد بقاءها من عدمه.. لكن ديه كانت مجرد توقعات وراحت لحالها لإن الواقع على الأقل النهاردة انه حصل خير وجت سليمة
بلدنا بالمصري: وعود حكومة الإنقاذ للشعب أمام البرلمان
طيب.. دة كان أول بيان للحكومة اللي سمت نفسها أو اللي سموها "حكومة الانقاذ الوطني برئاسة رئيس حكومة بصلاحيات رئيس جمهورية" قدام أول مجلس للشعب بعد الثورة"، وبالمناسبة ديه خلونا نطل طلة على وعود حكومة الانقاذ الوطني لشعب مصر العظيم وايه اللي اتحقق منها وايه اللي لسة مستني لحين ميسرة وعلينا خير انشاء الله.
بلدنا بالمصري: ردود الأفعال على بيان الجنزوري
ما بين وعود حكومة الانقاذ من ساعة ما قالت يا هادي يا رب وبين بيان انقاذ الحكومة بعد كل المياه اللي جرت في النهر وكل دم القلب اللي اتدفع، خلونا كدة نجس نبض ردود الأفعال أحنا معانا على الهاتف د / حمدي عبد العظيم رئيس أكاديمية السادات للعلوم الإدارية سابقاً
بلدنا بالمصري: إحالة العليمي للجنة القيم لسب طنطاوي
لسة تحت قبة البرلمان.. هيئة مكتب المجلس قررت النهاردة احالة النائب زياد العليمي للجنة القيم في الواقعة اللي تم اعتبارها "سب المشير".. أما النائب زياد العليمي نفسه فطالب قبل تحويله للجنة القيم برأي مجمع اللغة العربية في أقواله لتحديد اذا كانت من باب السب ولا من باب الوصف المجازي.
بلدنا بالمصري: العليمي مش أقل من مصطفى بكري الفلول
رسالة من أبناء الأزهر رغم أنف الحاقدين إلى الدكتور المحترم سعد الكتاتنى
قال الله تعالى (إن الله يأمركم أن تؤدوا الأمانات إلى أهلها وإذا حكمتم بين الناس أن تحكموا بالعدل)
نطالبك بالتحقيق العاجل والفورى مع النائب مصطفى بكرى وإحالته الى لجنة القيم أسوة بمحاكمة النائب زياد العليمى وذلك لسبه وقذفه العلنى بدون اى دليل للدكتور محمد مصطفى البرادعى على مرأى ومسمع من اعضاء البرلمان وابناء الشعب حيث أن الرجل لم يثبت فى حقه اى اتهام بالخيانة أو العمالة أو التمويل الأجنبى من قبل اى هيئة قضائية او اى منظمة حقوقية فالرجل شريف طاهر اليدين وقد اعترفت قيادات جماعة الإخوان المسلمين بذلك على لسان أكثر من متحدث باسم جماعة الإخوان المسلمين وبناء عليه نطالبك بما سبق أن طلبناه منك فى أعلى هذه الرسالة وإلا فستكون انت مشترك فى ما قاله مصطفى بكرى الفل الكبير القابع تحت قبة برلمانكم الموقر بسلبيتك وعدم انصافك لأبناء الشعب الذين ائتمنوك على مجلسهم فطنطاوى ليس أفضل من الدكتور البرادعى والنائب المحترم زياد العليمى ليس أقل من مصطفى بكرى الفلول
هذا والله الموفق والمستعان
بلدنا بالمصري: الاجتماع المشترك للشعب والشورى ٣ مارس
قبل ما نطلع من تحت القبة لازم بس نقول انها هانت وكلها كام يوم وهينعقد الاجتماع المشترك لمجلس الشعب ومجلس الشورى لاختيار لانتخاب الجمعية التأسيسية للدستور أو لجنة المائة طبقا لنص المادة 60 من الإعلان الدستوري، بعد وصدور قرار من المشير حسين طنطاوي، رئيس المجلس الأعلي للقوات المسلحة، بالدعوة للاجتماع المشترك يوم السبت اللي جاي.. ومن هنا ليوم السبت، القوي السياسية والحزبية الممثلة فى المجلسين هيبقى شغلهم الشاغل للاتفاق علي معايير اختيار اللجنة التأسيسية، وعدد اللي هيتم اختيارهم من أعضاء المجلس وعدد اللي هيتم اختيارهم من برة المجلس.. لكن الأهم من كدة واللي احنا مش عارفين لسة اذا كان فيه حد من أعضاء المجلسين واخد باله منه ولا لأ: هو ان المادة 60 من الاعلان الدستوري بتنص على انتخاب مش على اختيار!!!
وعلى ذكر لجنة المئة، بس مش اللي هتنتخب أعضاء الجمعية التاسيسية، بعد آخر أخبار بلدنا هيكون معانا عدد من أعضاء لجنة تانية سمت نفسها أو اتسمت برده "لجنة المئة" اجتمعت النهاردة لاختيار عدد واحد رئيس واتنين نائب يكونوا معبرين عن روح الثورة.. مين هم وبيعبروا عن مين وبيختاروا على أي أساس وبأي أمارة وناويين على غيه بعد ما يختاروا؟!!! كل دة بعد آخر الأخبار وعلينا خير
بلدنا: مظاهرة حملة الماجستير والدكتوراة أمام البرلمان
أول ما نخطي برة البرلمان، هنلاقي وقفة احتجاجية لحملة الماجيستير والدكتوراه بيطالبوا بحقهم في التعيين في الجامعات والمعاهد والمراكز البحثية.
بلدنا بالمصري: رغم المحنة .. جامعة النيل تحتفل بعيدها
تعددت الأسباب ومواجع البحث العلمي في بلدنا واحدة.. 7 صنايع وعقول زي الدهب الحر وايدين تتلف في حرير وكان الله بالسر عليم.. ولنا في جامعة النيل عينة بينة.. ولكن رغم المحنة احتفلت جامعة النيل النهاردة بعيد ميلادها الخامس على أمل يتكتب لها عمر جديد.
بلدنا بالمصري: مفاجأة .. محكمة قضية التمويل غير مختصة
نروح بقة للمحاكم والقضايا، وهنبدأها بأول جلسة من جلسات القضية الشهيرة بقضية التمويل الأجنبي لعدد من منظمات المجتمع المدني.
بلدنا بالمصري: حجز قضية كشوف العذرية للنطق بالحكم
من جنايات القاهرة للقضاء العسكري، المحكمة العسكرية كانت بتنظر النهاردة في القضية الشهيرة بقضية كشوف العذرية واللي المفروض كانت مخصصة لسماع شهود الاثبات على صحة الواقعة اللي اتعرضت ليها المجني عليها في القضية سمير ابراهيم، ومن ضمنهم رشا عبد الرحمن واحدة من البنات السبعة اللي من المفترض انهم اتعرضوا لكشف على عذريتهم على ايد أفراد من الجيش المصري.. القضية اتحجزت النهاردة للنطق بالحكم. و لمزيد من المعلومات أحنا معانا على الهاتف أ / أحمد حسام محامي سميرة إبراهيم
بلدنا: بنك القاهرة يحذر من رسائل للنصب على عملائه
يا أهالي مصر المحروسة اسمعوا واعوا هذا التنبيه الهام من بنك القاهرة. و للتعليق عن البيان أحنا معانا على الهاتف أ/ منير زاهد رئيس مجلس إدارة بنك القاهرة
بلدنا بالمصري: غرق قرية فارس بأسوان ومأساة الأهالي
وقبل الفاصل خلونا نوصل لحد قرية فارس في مركز كوم امبو في أسوان.. الأهالي هناك ريقهم نشف من مر الشكوى بسبب المياه الجوفية.. وماعادش هناك محصول الا ومصيره التلف ولا حتة أرض الا وغرقانة لشوشتها.
بلدنا بالمصري: لجنة المائة للتوافق حول رئيس ونوابه
مبادرة مئوية لاختيار رئيس "توافقي" ونائب "توافقي" مش محسوبين غير على الثورة واللي اتشددوا لها على الأقل من وجهة نظر ال100 اللي هيختاروا.. مين هم؟! وتوافقي المرة ديه بمعنى ايه؟! وهم بيختاروا بامارة ايه وباي صفة؟!
حسب المنشور اجتمعت النهاردة ولأول مرة اللجنة اللي سمت نفسها أو اللي اتسمت "لجنة المئة" بهدف التوافق على شخصين أو تلاتة بيصموا عليهم بال100 باعتبارهم المرشح للرئاسة ونوابه "المعبرين عن روح الثورة".. طيب قبل ما نسأل عن التلاتة، لازم الأول نسأل مين هم ال100 وبيعبروا عن مين وبيختاروا بأمارة إيه؟! وايه معايير "التعبير عن روح الثورة" بالنسبة لهم؟!! والتوافق ما بينهم على التلاتة يعني ايه عملياً؟! وقبل كل دة: ما كان من الأول، ليه دلوقتي على آخر لحظة ويمكن حتى في الوقت الضايع؟!!! كل ديه أسئلة هنطرحها على ضيوفنا:
- الدكتور/ سمير عليش: الامين العام للمركز الوطنى لمساندة المنظمات الاهليه
- وائل قنديل: مدير تحرير جريدة الشروق
- الدكتور/ كمال الهلباوي
بلدنا بالمصري: انت مش لوحدك - دوق وجع ضحايا الثورة
اكيد انت مش لوحدك، وخصوصاً لو كنت واحد أو واحدة من اللي اختاروا بكامل ارادتهم وبكامل قواهم العقلية والانسانية انهم يدوقوا مواجع المصابين وأهالي الشهدا على الأقل عشان يطمنوا انهم مش لوحدهم في الحزن وفي الهم وفي وجع القلب وشيل الحمول.. لو كنت واحد أو واحدة من الجنود المجهولين دول، من حقك انت كمان تتأكد انك مش لوحدك وان كربك زيه زي كرب ناس كتير زيك وان الكرب صحيح مش بيزول بالساهل لكن اكيد بيهون لما تهرف انك مش لوحدك وان فيه زيك كتير من ضمنهم:
- أمينة زكي
- جاين فهمي
- أحمد البحار
- الدكتورة/ منال عمر: استشاري الطب النفسي وعضو المبادرة المجتمعية لعلاج اضطراب كرب ما بعد الصدمة اللي هم برده مجموعة من الناس بالصدفة أطباء نفسيين قرروا بكامل ارادتهم يكونوا جزء من كرب المكروبين لعل وعسى يهون على ايديهم.. ودة كمان مش بالساهل
ليست هناك تعليقات:
إرسال تعليق