برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 21 فبراير 2012 يوتيوب كاملة
بلدنا: مسيرات طلاب المحروسة في عيدهم .. البركة فيكوا
يسعد مساكم وحلقة جديدة من بلدنا بالمصري.. حلقة التلات 21 فبراير 2012، اللي ما يصحش نقول فيها يا هادي يا رب من غير ما نعيد على طلبة مصر المحروسة من اسكندرية لأسوان ونشد على ايديهم.. وتقول لهم تعيشوا وتفتكروا كل نقطة دم اتدفعت في اي عصر وفي أوان فدا البلد ديه وناسها وأهلها وفدا حريتهم وكرامتهم وعشان ما ييجي اليوم اللي يحسوا فيه بالأمان من غير مهانة ولا كسرة عين وعشان اليوم اللي يتهنوا فيه بلقمة عيشهم متغمسة بالهنا والشفا مش بالذل والعيا.. البركة فيكوا وتعيشوا وتجيبوا حقهم وتحققوا حلمهم.
لأول مرة .. عم نجيب وافق يخطي عتبة بلدنا بالمصري
وبما ان النهاردة يوم الطلبة، فمن بعد آخر أخبار بلدنا مش هيكون لنا سيرة غير عنهم ومعاهم وبالمناسبة ديه ما لقيناش هدية نهاديهم ونهاديكم ونهادي نفسنا بيها أجمل من الشاعر اللي بيترجى مصر من سنين لتقوم وتشد الحيل وبيحلف لها ان ملو قلوبنا الخير وحلمنا ورد مندي.. ويمكن يكون آن الأوان للحلم يتحقق على ايدين التلامذة اللي عشان خاطر عيونهم: عم نجيب شهاب الدين وافق يخطي عتبتنا النهاردة خطوة عزيزة جداً ما خطاهاش من سنين طويلة وبيخطيها النهاردة لأول مرة من زمان عشان خاطر الغاليين.
زعل طلبة هندسة القاهرة ميقدرش عليه بلدنا بالمصري
وعشان النهاردة يوم الطلبة، ما يهونش علي ابداً ان طلبة كلية الهندسة جامعة القاهرة المعتصمين يكونوا واخدين على خاطرهم مني أو من بلدنا بالمصري لدرجة انهم يطلعوا بيان شديد اللهجة.. فانا وعدتهم اني هافراه زي ما كتبوه وهارد عليه رد "مش شديد اللهجة".
بلدنا: مسيرات تضامن وهجوم على زياد العليمي
المسيرات النهاردة ما كانتش على قد مسيرات الطلبة.. المسيرات اللي رفعت اسم النائب زياد العليمي سواء بالطيب أو بالردي كانت كمان في مقدمة المشهد النهاردة خاصة قدام مجلس الشعب.
بلدنا بالمصري: موقف المجلس العسكري من زياد العليمي
في نفس الوقت تقريباً وتحت قبة البرلمان، كان رئيس مجلس الشعب بيتلو على النواب الرسالة اللي ارسلها المجلس العسكري بخصوص موقفه من تصريحات النائب زياد العليمي.
بلدنا بالمصري: وقفة تضامنية مع مايكل منير
من مجلس الشعب لدار القضاء العالي، من هناك بدأت مسيرة الظباط المتقاعدين ومؤيدي المجلس العسكري اللي اتجهت لمجلس الشعب، في نفس الوقت اللي كانت فيه وقفة احتجاجية للتضامن مع رئيس حزب الحياة مايكل منير قبل ما يتم اخلاء سبيله على ذمة التحقيقات في قضية ماسبيرو.
بلدنا بالمصري: افتتاح الخط الثالث لمترو الأنفاق
وقبل الفاصل، خلونا نطل طلة على افتتاح الخط التالت لمترو الأنفاق واللي غاب عنه الدكتور كمال الجنزوري رئيس الوزرا، لأسباب لسة في علم الغيب.
بلدنا بالمصري: تاريخ نضال الحركة الطلابية
لم يكن يوم الواحد والعشرين من فبراير ليكون يوما مختلفا بين أيام عديدة متشابهة لولا تضحيات الطلبة المصريين الذين انشغلوا بقضية وطنهم مبكرا، وساهموا فى كتابة تاريخ لم يعد فقط جزء من تاريخ النضال المصرى فحسب؛ وإنما فى تاريخ العالم بأكمله..
فى مثل هذا اليوم قبل خمسة وستون عاما تصاعدت احتجاجات الحركة الطلابية فى مصر إلى درجة غير مسبوقة' احتجاجا على عنف قوات الأمن المفرط مع الطلبة المطالبين بجلاء واستقلال إنجلترا عن مصر - آنذاك -- فيما يعرف تاريخيا بـ"مذبحة كوبرى عباس" الذى شهد استشهاد العشرات من طلاب جامعة القاهرة برصاص قوات الأمن، وفى أعقاب فتح الكوبرى بالطلبة المحتجين والمحاصرين من الجانبين ليموت من أفلت من رصاصات الأمن غرقا..
وعلى عكس إرادة الطغاة دائما، تسببت أحداث كوبرى عباس فى تأجيج موجة الاحتجاج المناهضة للاحتلال البريطانى، والمطالبة بجلاء المستعمر الأجنبى عن التراب الوطنى، وتضامن مع الدعوة قطاعات أوسع من المصريين؛ التفت حول نضال الحركة الطلابية الذى كان له دور بارز منذ مطلع القرن العشرين، وإن شابته فترات تراجع وجمود تعقبها موجات مد أكثر قوة وتأثيرا..
ويرجع تنظيم الطلبة كقوة فعالة في العمل الوطني إلى الزعيم مصطفى كامل الذي اهتم بتنظيم صفوف طلبة المدارس العليا لدعم الحركة الوطنية بتأسيس (نادى المدارس العليا) فى عام 1905 بهدف تنمية الوعي السياسي للطلبة وتعبئتهم ضد الاحتلال البريطاني .. ثم جاء الزعيم محمد فريد ليرعى نواة الحركة الطلابية ويطور دور الطلاب في الحركة الوطنية من خلال تنظيم الإضرابات وحركات الاحتجاج و تنظيم المظاهرات وتوزيع المنشورات أو العمل السري الموجه ضد الإنجليز والمتعاونين معهم مما أدى إلى نفيه للخارج فيما بعد..
ولم يتوقف نضال الطلبة بنفى محمد فريد؛ بل استمر وظهر أكثر قوة فى ثورة 1919 التى كان لتحركات الطلبة فى مختلف أنحاء مصر دورا كبيرا فى دعمها، وانتشارها فى مختلف أنحاء مصر؛ خاصة بعد تحرك طلاب المدارس العسكرية فى محافظات الدلتا، وصولا إلى الصعيد..
ولم يتوقف الدور النضالى للحركة الطلابية المصرية على حقبة العشرينيات، بل تصاعد ووصل إلى ذروته قبل ثورة يوليو 52، وكان لتحركات الطلاب وفعالياتهم الاحتجاجية أكبر دور فى تحقيق مطلب الاستقلال، وإن مرت الحركة الطلابية بمرحلة تراجع فى السنوات الأولى لحكم الرئيس جمال عبد الناصر، وحتى نكسة يونيو 1967 حيث عادت أكثر قوة، واستمرت فى الضغط على الحكومة المصرية مطالبة بتحرير سيناء حتى تحقيق ذلك بنصر أكتوبر 1973؛ واستمرت الحركة الطلابية على نشاطها وحتى منتصف السبعينيات، قبل أن تبدأ فى التراجع لأسباب عديدة، أبرزها التضييق الأمنى الشديد، وحظر العمل السياسى داخل الجامع..
وعادت الروح للحركة الطلابية المصرية مع انطلاق ثورة الخامس والعشرين من يناير التى كان طلاب الجامعات وجيل الشباب فى طليعتها الأولى، قبل أن تتضامن بقية فئات الشعب مع مطالبهم لينتهى الأمر بتنحى مبارك عن الحكم بعد أكثر ليصبح بذلك أول حاكم يقصيه المصريين عن الحكم، لكن ذلك لم يكن نهاية المطاف بالنسبة للحركة الطلابية التى امتدت إلى طلاب المدارس الثانوية على اختلاف انتماءاتهم وتصنيفاتهم إيذانا بدخول مصر إلى عصر جديد
شاعر الحركة الطلابية وطلاب المحروسة في بلدنا بالمصري
جعوا التلامذة للجد تاني فيا مصر قومي وشدي الحيل .. التاريخ بيعيد نفسه، لكن الجميل انه مش بيعيد بس المر، بيعيد الحلو كمان.. ومافيش احلى من اننا نحط راسنا على المخدة واحنا مطمنين ان بكرة جاي بايدين جدعان شابة وعفية ومأصلة أباً عن جد.. وناويين والنية الخالصة ليوصلوا اللي انقطع من كوبري عباس لكوبري الجامعة لقصر النيل ومنهم لبر الأمان دغري لا ليهم في اللف ولا الدوران غير في ميادين المحروسة وشوارعها يزعقوا على أهالينا بعلو الصوت على وعد ب"الحرية"اللي بالنسبة لهم جاية لابد..
- آية محمود: طالبة في كلية العلوم جامعة الأزهر
بس مافيش في ليلتنا ديه أجمل من الخطوة العزيزة اللي مخطيها لعتبتنا النهاردة وعشان خاطر عيون التلامذة -- الغني عن التعريف والمعجون بسمار نيلها النوبي، واللي زعق عليها من سنين طويلة: يا مصر قومي وشدي الحيل كل اللي تتمنيه عندي:
- عم نجيب شهاب الدين
من باب التاريخ اللي بيعيد نفسه برده ان بعد مذبحة كوبري عباس، تاه المتهم الأول ما بين رئيس الوزراء محمود النقراشي اللي وزير الداخلية في نفس الوقت وما بين حكمدار القاهرة راسل باشا وحكمدار الجيزة باتريك باشا، على أساس انهم المسؤولين عن قمع مظاهرات الطلبة بالقوة.. وحتى لما تمت اقالة حكومة النقراشي الملك مش بس عين رئيس حكومة مشهور بقدرته على قمع الحركات الوطنية (اسماعيل باشا صدقي) دة كمان ماهانش عليه النقراشي باشا فمنحه نيشان محمد علي دليل عاى ان الملك كان في وادي والشعب في وادي تاني خالص
ليست هناك تعليقات:
إرسال تعليق