برنامج مصر فى اسبوع
من قناة ONTV
من تقديم الاعلامية امانى الخياط و حسن فودة
شارك الخبر مع اصدقائك على الفيس بوك و تويتر و جوجل +1 من اعلى الصفحة
كاملة يوتيوب
تقديم اماني الخياط وحسن فودة
يأتيكم الجمعة في الساعة 10:00 مساءا
مصر في أسبوع يأتيكم كل جمعة و سبت و يناقش كل ما ورد في أرجاء المحروسة خلال الأسبوع. مصر في أسبوع تقديم حسن فوده و أماني الخياط
اتمنى مشاهدة ممتعة
برنامج مصر فى اسبوع تقديم امانى الخياط و حسن فودة حلقة الجمعة 17 فبراير 2012 من قناة ONTV كاملة يوتيوب
مظاهرات سلمية في التحرير 17 فبراير 2012
قرية الناصرية بدمياط تتعرض يومياً للسطو المسلح
إطلاق النيران مازال مشتعل بين الأشراف والحميدات
الأشراف والحميدات مازلوا يتبادلوا ضرب النيران حتى الأن
إضراب عمال ميناء العين السخنة بين الحل والتعقيد
مازال عمال ميناء السخنة يواصلوا إضرابهم ومعنا على الهاتف الأستاذ محمد الصغير قيادي عمالي بميناء العين السخنة
محافظ الشرقية ينهي أزمة ميت بشار الطائفية
معنا على الهاتف الدكتور عزازي علي عزازي محافظ الشرقية حول أزمة ميت بشار الطائفية وحاولة إخماد تلك الفتنة
إفتتاح المرحلة الأولى للخط الثالث لمترو الأنفاق
الدكتور كمال الجنزوري يفتتح المرحلة الأولى من الخط الثالث لمترو الأنفاق المتجه من العتبة إلى العباسية
د/ جلال السعيد وزير النقل إلتقى اليوم مع رئيس مجلس الوزراء كمال الجنزوري في تمام الساعة الواحدة والنصف ظهر اليوم حول إفتتاح المرحلة الأولى من خط مترو الأنفاق الثالث يوم الثلاثاء المقبل 21 فبراير 2012
جامعات مصر تحتفل بذكرى مظاهرات الطلبة على كوبري عباس
21 فبراير ذكرى فتح كوبري عباس على مظاهرات الطلبة سنة 1946 ويوم الطالب العالمي
ومعنا على الهاتف الأستاذ أحمد إسماعيل عضو اللجنة العليا لإضراب الطلبة ويقل أنه سيكون هناك مسيرة من أمام جامعة القاهرة إلى كوبري عباس في ذكرى إفتتاحه وستكون الوقفه لمدة الربع الساعة وستتجه المسيرات إلى مجلس الشعب
مصر في أسبوع: بورسعيد الباسلة بين العزل والحصار
ما اعتقدش ان كان فى حد فى مصر ممكن يتوقع او يخطر بباله المجزرة اللى حصلت فى الاربعاء الاسود ببورسعيد بسبب ماتش كورة واللى راح ضحيتها 73 شهيد بخلاف المصابين ،ورغم ان جهات التحقيق لم تنته حتى الآن من تحديد الجناة الذين ارتكبوا مجزرة استاد النادى المصري، ورغم أن لجنة تقصى الحقائق قد أشارت فى تقريرها إلى تورط محافظ بورسعيد وأجهزة الأمن ومسئولى الاستاد ومسئولى النادى المصرى وبعض مشجعى ذات النادى فى المجزرة ،فى اتهامات لبورسعيد كلها وهو اتهام فى الحقيقة لا يجوز ولا يليق بشعب بور سعيد ولا على بورسعيد اللى اصطلح المصريين على تسميتها المدينة الباسلة وفوق كل ده وده تدخل المدينة فى حصااار ونسمع ان فى قوافل بتتجه من القاهرة لبورسعيد لفك الحصار ،الكلمة اللى اتعودنا اننا نسمعها عن غزة اللى فرض عليها الصهاينة حصارا ظالما استمر لسنوات ،معقول الكلمة دى بقت تنطبق على المدينة اللى بيقيم فيها اكتر من 604 الف مواطن مصرى وبيحاصرهم اخوانهم فى الوطن ......يظهر ان بورسعيد اتعودت على الايام الصعبة فهى مدينة اتعودت ان يتم تدميرها كل عشر سنين وكانت بتعانى حياة الغربة مع كل حرب لكن المرة دى اعتقد انها اصعب المرات لانها جاية مننا فينا يعنى المصريين هما اللى بيحاصرو بعضهم ...الملف ده هنفتحه بدون ما نحط قيود هنشوفه ابعاده وهناقش مين المسئول عن عزل المصريين بعضهم عن بعض
- الفنان عمرو واكد احد ابرز الفنانين المشاركين فى المسيرة اللى اتوجهت النهاردة لبورسعيد
- الاستاذ وائل قنديل مدير تحرير جريدة الشروق
حوار مع د. محمد النشائي المرشح لرئاسة الجمهورية
سباق الترشح لرئاسة الجمهورية بداء يشتد فى ظل ان العد التنازلى لفتح باب الترشيح لانتخاب رئيس جمهورية مصر بعد الثورة اللى من المفترض هيكون فى العاشر من مارس القادم وفقا لاعلان اللجنة المشرفة على الانتخابات ...لحد دلوقتى الكلام عن المرشحين على اساس انهم محتملين ...لكن ششوف مرشح محتمل بخليفة عسكرية ومرشح محتمل بخلفية سياسية لكن مرشح محتمل بخلفية علمية ده كان جديد علينا واضحة هيكون لينا لقاء مع احد عقول مصر المتميزة اللى اعلن مؤخرا عن نيته للترشح لرئاسة الجمهورية ليكون اول عالم مصرى مرشح لرئاسة ا لجمهورية ،لقاءنا هيكون مع الدكتور محمد النشائى عالم النانو تكنولوجى واللى اتقال عنه انه ثالث عقل بعد نيوتن واينشتاين ، اكيد العقل المصرى المتميز ده هيكون ليه رؤية مختلفة لما يفكر يترشح لرئاسة مصر فى الوقت الصعب ده هنتكم معاه دلوقتى وهنحاول نفتش فى ثنايا عقله وهنعرف هو مجهز ايه لمصر ونفسه يعمل ايه للمصريين
- الدكتور محمد النشائى عالم النانو تكنولوجى والمرشح المحتمل لرئاسة الجمهورية
مصر في أسبوع: مطربين وملحنين ميدان التحرير
من بداية ثورة 25 يناير واحنا لاحظنا اعمال غنائية كتيرة عبرت عن مشاعر المصريين تجاه الثورة المصرية وتجاه الشهداء وغيرها من المشاعر اللى فى الاطار ده ،كان فى نجوم كتير قدموا اغانى للثورة زى على الحجار ومحمد منير وحمادة هلال وعزة بلبع وغيرهم لكن الملفت للنظر ان فى جيل جديد من الشباب مكانش ليهم علاقة بالفن سابقة او كانوا مجرد هواة لكن لمعوا باغانى الثورة المصرية واغانيهم حققت نجاح كبير على الرغم من ان الامكانيات المتاحة قدامهم محدودة جدا ،الموضوع بقى اشبه بظاهرة وبقى فى مطربين للميدام وملحنين للميدان والشباب بقوا بيفضلوا اغانيهم يمكن عن اغانى مطربين كبار
- الأستاذ عادل سعد مدير تحرير جريدة المصور
- الشاعر خالد حلمي
- المحلن أحمد أنور
ليست هناك تعليقات:
إرسال تعليق