برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الخميس 5 يناير 2012 يوتيوب كاملة
بلدنا: المؤشرات شبه النهائية لنتائج المرحلة الثالثة
يسعد مساكم وحلقة جديدة من بلدنا بالمصري هنبدأها بآخر أخبار بلدنا وبالتحديد بالمؤشرات شبه النهائية لنتايج الجولة الأولى من المرحلة التالتة والأخيرة لانتخابات برلمان ما بعد الثورة. مع العلم إن غرفة العمليات في وزارة الخارجية انتهت من فرز أصوات المصريين في الخارج وأرسلت النتيئج النهائية للجنة العليا للانتخابات امبارح بالليل.. حوالي 50 الف مصري في الخارج صوتوا في المرحلة ديه من الانتخابات في 127 سفارة و11 قنصلية.. نتايج المرحلة التالتة أو يعني مؤشراتها النهائية خالية تقريباً من اي مفاجآات: أحزاب الحرية والعدالة والنور هم اللي في الصدارة في المراكز الأولى والتانية في نظام القوايم في المحافظات التسعة، والاعادة هتكون من نصيب الغالبية العظمى من الدواير بالنظام الفردي.
مرتضى منصور يخوض الإعادة مع مرشح الحرية والعدالة
مرتضى منصور يخوض جولة إعادة مع مرشح حزب الحرية والعدالة بالدائرة الخامسة فردي بميت غمر محافظة دمياط رغم تقدم مرشح حزب الحرية والعدالة بفارق حوالى 37 ألف صوت.
نتائج الفرز النهائية بمحافظات الصعيد بالمرحلة الثالثة
نتائج الفرز النهائية بمحافظات الصعيد التى تخوض الانتخابات فى المرحلة الثالثة وهى الوادى الجديد والمنيا وقنا.
نتائج الفرز للمرحلة الثالثة للانتخابات فى جنوب سيناء
نتائج الفرز النهاءية للمرحلة الثالثة لانتخابات مجلس الشعب بمحافظة جنوب سيناء وحصول حزب الحرية والعدالة بنسبة 50% للمقاعد بواقع مقعدين.
بلدنا: النيابة تريد إعدام مبارك والعادلي وشركاهم
"الشعب يريد إعدام الرئيس": لما كان الهتاف دة بيجلجل في ميدان التحرير بحرقة على الشهدا اللي دفعوا دم قلبهم وعلى الورد اللي فتح في جناين مصر، والرئيس اللي صبح مخلوع، كان لسة ساعتها في عز جبروته، كان فيه ناس بتضرب كف بكف وبتمصمص شفايفها على آخرة المشي ورا شوية عيال مخها طاقق وعقلها طار وعلى سقف مطالبهم اللي بقى في العلالي ولا عشم ابليس في الجنة.. لكن النهاردة وقبل ما تعدي السنة، المطلب اللي جلجل بيه الناس بأعلى الصوت في الميادين، هو نفسه المطلب اللي طالبت بيه النيابة النهاردة في المحكمة قبل ما تنهي مرافعتها بكلام ربنا: "ولكم في القصاص حياة يا أولي الألباب".
بلدنا: وزير الداخلية يوضح تصريحاته المثيرة للجدل
تصريحات اللواء محمد إبراهيم في تبرير عدم ادلاء وزارة الداخلية باي معلومات او ادلة للنيابة بان الوزارة انهارت يوم 28، أدلى بيها في لقاء موسع النهاردة مع الصحفيين، كان ليه خلاله عدد من التصريحات التانية أهمها إنه حاول يوضح التصريح اللي صدر عنه من حوالي 3 ايام اثناء زيارته لقسم شرطة الفيوم واللي قال فيه بالنص: " أن كل ضابط قام بإطلاق النيران على تشكيل عصابى أو بلطجية بشرط مبادرة البلطجية بإطلاق النيران.. يكون الضابط فى حالة دفاع شرعى عن النفس وفقًا لقانون الإجراءات الجنائية، موضحا أن من يقوم من الضابط بإطلاق النار على هولاء البلطجية ويرديه قتيلا سيحصل على مكافأة بمجرد إخطاري بذلك عبر الـ"اللاسلكى"!!!!
بلدنا: محامي المتهم بمنع المطافي يرد على الداخلية
من ضمن ما أعلن عنه وزير الداخلية في تصريحاته النهاردة للصحفيين، خبر القبض على الشخص اللي وصفه بانه قام بمنع عربية المطافي من اطفاء حريق المجمع العلمى خلال أحداث مجلس الوزرا، واستقل السيارة بعيدًا عن المبنى، قبل ما يتم العثور عليها بعد ما سابها وهرب.. وزير الداخلية ذكر اسمه: طارق شمس الدين أحمد على.. وقال انه تم القبض بإذن من النيابة العامة بعد تحديده من خلال لقطات مصورة اتنشرت على الانترنت. احنا قدرنا نوصل للقطات ديه ويمكن محامي المتهم عنده تعليق عليها.
بلدنا بالمصري: تشكيل لجنة لتصحيح مسار الثورة
في عز حملات تشويه الثورة والثوار واللي يتشدد لهم وفي عز حملات التخويف والترويع من يوم 25 يناير ومن اي حد معدي في الشارع بيقول للناس "انزلوا"، كل مجموعة بتحاول تعمل اللي تقدر عليه مرة بحملة كاذبون _اللي كانت بالمناسبة واخدة حدها النهاردة تقريباً في كل المحافظات_ ومرة بحملة لنصرة الثورة ومواجهة التدليس ضد الثوار وغيرها من الحملات والمبادرات، آخرها كانت النهاردة من مجموعة كبيرة من الشخصيات العامة والسياسية المحسوبة يا ولداه على الثورة_منها اللي اتشوه ومنها اللي بيتشوه ومنها اللي متأكد ان الدور عليه جاي جاي هيروح منهم فين_؟!!! المهم الشخصيات ديه كلها حوالي 35 قرروا تشكيل لجنة لتصحيح مسار الثورة.
بلدنا: إسقاط تهمة قلب نظام الحكم عن أعضاء ٦ أبريل
النهاردة تم إخلاء سبيل أعضاء حركة 6 ابريل التلاتة اللي كان تم القبض عليهم يوم الاتنين اللي فات في مصر القديمة.. تم اخلاء سبيلهم بكفالة على ذمة التحقيقات بتهمة تكدير الأمن العام وتوزيع منشورات بدون ترخيص بعد ما سقطت عنهم والحمد لله تهمة "قلب نظام الحكم".. وهيكون لنا كلام كتير في القصة ديه معاهم هم شخصياً بس في فقرتنا اللي جاية.
بلدنا: شر البلية .. القطر رجع بظهره ٣ ساعات
صدق اللي قال ان مصر ديه أم العجايب.. طب بالذمة ممكن القطر يرجع بضهره لاكتر من 3 ساعات ويلف كعب داير والركاب مش عارفين راسهم من رجليهم الا في مصر؟!!! الحدوتة بحذافيرها وزي ما عاشها هو بنفسه هنعرفها من الكاتب والروائي: إبراهيم عبد المجيد اللي كل ذنبه هو واللي معاه انهم يروحوا اسكندرية بالقطر
بلدنا: تكريم نور عين مصر أحمد حرارة
مسك الختام بقة قبل الفاصلن مشوار لحد نقابة الصحفيين تكريماً لنور عين بلدنا: أحمد حرارة
بلدنا: لسه بنبتسم .. لسه في أمل
وبالمناسبة ديه، لكل اللي بيشاور عقله ييأس أو يفقد الأمل: طلوا طلة كدة.. طول ما الناس الحلوة ديه واللي زيهم لسة قادرة تبتسم يبقى أكيد لسة فيه أمل.
بلدنا: دور برلمان بعد الثورة في كشف الفساد
صحيح انه لحد النهاردة لسة فيه لبس مش بطال حوالين صلاحيات مجلس الشعب اللي انتخبناه بعد الثورة وبالتالي المهام اللي من حقه ومن واجبه يقوم بيها على الأقل لحد كتابة الدستور، بس دة ما يمنعش انه لازم هيكون ليه دور في كشف ومحاربة الفساد اللي للأسف لسة معشش في بلدنا وبيمص دمها مع اننا سبحان الله بقى لنا سنة قايمين بثورة مالهاش مثيل في جمالها، لكن كمان مالهاش مثيل في سخرية القدر منها والحمد لله على كل حال.. احنا النهاردة معانا نائبين من اعضاء مجلس الشعب المنتخبين اللي عندهم بالضرورة تصورات عن دورهم سواء الرقابي أو التشريعي لكشف ومحاربة الفساد.
- أبو العز الحريرى: القيادى في حزب التحالف الشعبى الاشتراكي
- د. عمرو حمزاوى: أحد مؤسسي حزب مصر الحرية
بنغني لشعب مصر الحي مع سلمى صباحي
هنتأمل الصورة ونضرب تعظيم سلام لست الكل ونبصم بالعشرة انه شعبنا حي على حس بنت مصرية من اللي بميت راجل اسمها: سلمى صباحي
زوجة المتهم فى حادث سيارة الإطفاء ترد على الداخلية
ليست هناك تعليقات:
إرسال تعليق