برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الخميس 26 يناير 2012 يوتيوب كاملة
بلدنا: مرت سنة والميدان زي ما هو .. ثورة
يسعد مساكم وحلقة جديدة من بلدنا بالمصري.. هنبدأها بطلة على ميدان التحرير من فوق من أعلى نقطة ممكن تبص عليه.
الصورتين دول وعلى عكس ما يبدو، ما اتاخدوش في ساعة واحدة ولا في يوم واحد ولا في نفس الشهر ولا حتى في نفس السنة!!!
(صورة 2011): ديه صورة لميدان التحرير في عز أيام الثورة ال18: وتحديداً من بعد الجمعة 2 فبراير الموافق موقعة الجمل.
(صورة 2012): وديه صورة ميدان التحرير امبارح في الذكرى الأولى للثورة.. دة غير اللي كانوا بيلفوا ويدوروا في شوارع القاهرة في مسيرات مالهاش أول من آخر.. غير اللي كانوا بيلفوا ويدوروا في مسيرات في بقية شوارع مصر.. غير اللي كانوا موجودين في بقية ميادين التحرير في مصر...
الفرق بين الصورتين دول.. او بمعنى أصح الشبة الخالق الناطق بين الصورتين دول مع ان الفرق بينهم سنة: جواب بعلم الوصول وباين من عناوينه وشرحه يطول.. هنقراه بالتفصيل كلمة كلمة وحرف وحرف في فقرتنا اللي جاية بعد آخر أخبار بلدنا
بلدنا: ميدان التحرير يستعد لجمعة ٢٧ يناير
بس على ما ييجي أوانها خلونا نطل طلة على ميدان التحرير النهاردة
بلدنا بالمصري: حالة المعتصم الذي أحرق نفسة
و عن حالة المعتصم الذي أحرق نفسة خلينا نعرف من د/ هشام شيحة وكيل أول وزارة الصحة للطب العلاجي
بلدنا: مسيرة ماسبيرو في الذكرى الأولى للثورة
من ضمن الفعاليات بكرة في جمعة الغضب في مسيرة هاتمشي من التحرير الي ماسبيرو للمطالبة بتطهير الأعلام من الفساد ... بس دة ماينمنعش أن كان في ماسيرتين إمبارح و النهاردة
بلدنا: براءة في قتل المتظاهرين أمام قسم عين شمس
بكرة جمعة الغضب التانية، في الذكرى الأولى لجمعة الغضب في 28 يناير 2011.. فيشاء السميع العليم إنه يصدر النهاردة الحكم ببراءة الظابط المتهم بقتل المتظاهرين يوم جمعة الغضب الاولى قدام قسم عين شمس
بلدنا: الجامعة الأمريكية تنفي اتهامات العادلي
أما بقة آخر خبر بصحيح، إن آخرة المتمة طلع حرس الجامعة الأمريكية هم اللي أطلقوا النار على المتظاهرين، والعهدة على دفاع المتهم: حبيب العادلي.
بلدنا: منع أعضاء المعهد الجمهوري الدولي من السفر
من ناحية تانية، فيه خبر منتشر النهاردة على عدد من المواقع الاخبارية منها نقلاً عن سي إن إن ومنها نقلاً عن صحف أمريكية وفي كل الحالات الخبر منسوب لمصادر _فضلت عدم ذكر اسمها لحساسية الموضوع_ والمصادر: مسئول في مطار القاهرة ومسئولين في الخارجية الأمريكية.. أما الخبر فكالآتي: السلطات المصرية منعت من السفر بقرار من النائب العام 4 من أعضاء "المعهد الجمهوري الدولي" في مصر منهم واحد مصري.. والتلاتة الأمريكيين من ضمنهم رئيس المعهد "سام لهود" اللي هو في نفس الوقت ابن وزير النقل الأمريكي. ومعظم المواقع بتشير إلى ان القرار صدر يوم السبت اللي فات ضمن قضية منظمات المجتمع المدني المخالفة للقانون
بلدنا: بلاغ يتهم السباعي بتلفيق لفافة خالد سعيد
لو كان ربنا مد في عمر الشهيد خالد سعيد، كان يتم بكرة 27 يناير 2012، الا انه راح شهيد واكيد ربنا ليه حكمة وبيسبب الأسباب ويمكن حكمته ان شهادة خالد سعيد تكون مسمار في نعش النظام القديم وأول بشاير الثورة اللي يمكن هيكون لها يد في اظهار حقيقة لفافة البانجو. النهاردة، محمود عفيفي محامى أسرة الشهيد خالد سعيد قدم بلاغ للنائب العام اتهم فيه الدكتور السباعي احمد السباعي رئيس مصلحة الطب الشرعي السابق بالتزوير في أوراق رسمية باختلاق واقعة لفافة البانجو على غير الحقيقة بالتواطؤ مع كل من رئيس جهاز امن الدولة -- حسن عبد الرحمن, وعصام فؤاد مدير امن الدولة بالإسكندرية.
بلدنا: وزير الداخلية يعلن القبض على الحمبولي
وزير الداخلية أعلن النهاردة في مؤتمر صحفي في مقر الوزارة عن نجاح الأجهزة الأمنية في القصر في القبض النهاردة على ياسر الحمبولي الشهير بـ''خط الصعيد الجديد''.
بلدنا: مبادرة جلسة الميدان لاستكمال أهداف الثورة
طرح النائب محمد أنور السادات، رئيس حزب الإصلاح والتنمية، مبادرة تحت عنوان "جلسة الميدان" طالب فيها الدكتور سعد الكتاتنى، رئيس مجلس الشعب، بالقيام بدعوة النواب لعقد جلسة استثنائية فى قلب الميدان بغض النظر عن شرعيتها القانونية والدستورية، يشاركون فيها الثوار وجموع الشعب عن قرب ليعلنوا تبنيهم الكامل لمطالب الثورة، ويتشاوروا فيها بشأن أولويات المرحلة القادمة من أجل استكمال تنفيذ تلك المطالب، والعمل على إقامة مجتمع ديمقراطى سليم يحقق الحرية والعدالة الاجتماعية.
بلدنا: البورصة المصرية ترتفع في ذكرى الثورة
دلوقتي احنا بقى لنا سنة بالتمام الكمال عندنا بعبع اسمه عجلة الانتاج اللي ما بتلفش من تحت راس المظاهرات والاعتصامات والبورصة اللي قلبها خفيف وبتطب يا دوب على سيرتهم.. طب ايه رايكم بقة ان امبارح وفي نفس اليوم اللي خوفونا منه اكمن يعني" اللآيادي الخارجية والعناصر الداخلية هيبقوا ايد واحدة في اليوم دة وهينجحوا في حرق مصر واسقاط الدولة وفرض الوصاية الأجنبية بجلالة قدرها عليها.. وفي نفس اليوم دة اللي كانت فيه المظاهرات والمسيرات بتلف شوارع مصر، سبحان الله البورصة معنوياتها ارتفعت!!!
بلدنا: رسائل ميادين مصر في ذكرى الثورة
كل جواب بيبان من عنوانه زي ما احنا عارفين.. لكن لما يكون الجواب من امبارح وبعد مرور سنة على الثورة، عنوانه تقريباً "كل شوارع مصر.. يبقى وجب نسأل الجواب دة " موجه لمين.. ووصل ولا لأ وهنعمل ايه من بعده؟!!!
جماهير شعب مصر اللي لسة منورة بأهلها، بعتت امبارح وفي الذكرى الأولى لثورتها، جواب بعلم الوصول عنوانه "كل شوارع مصر".. ايه الرسايل اللي في الجواب دة سواء اللي تسد عين الشمس أو اللي نقدر نقراها بين السطور؟!!! والجواب دة موجه لمين أو بمعنى أصح لمين ولا لمين؟!!! والرسايل ديه واصله لمن يهمه الأمر ولا مش بالضرورة؟!!! والأهم من كدة وكدة في اللحظة ديه بالذات: وبعدين؟ ايه اللي جاي؟!!! كل ديه أسئلة هنطرحها وهنستعين عليها بضيوفنا النهاردة:
الدكتورة/ سالي توما: عضو المكتب التنفيذي لائتلاف شباب الثورة
- الاستاذ/ ايمن الصياد: رئيس تحرير مجلة وجهات نظر
- د.امير بسام: عضو مجلس الشعب عن الحرية والعدالة واستاذ بكلية الطب بالزقازيق
ليست هناك تعليقات:
إرسال تعليق