برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاثنين 23 يناير 2012 يوتيوب كاملة
بلدنا: لولا الثورة والثوار مكانش البرلمان
يسعد مساكم وحلقة جديدة من بلدنا بالمصري.. وبغض النظر عن قد إيه سعداء بالجلسة الافتتاحية لأول برلمان بعد الثورة، أو محبطين منها.. قد إيه كانت على مستوى التوقعات من عدمه.. قد ايه كانت لايقة أو لأ بمقام الثورة وبالتمن الغالي اللي اتدفع ولسة بيتدفع فيها، وبغلاوة اللي دفعوا التمن من دم قلبهم ومن نور عينيهم ومن ضناهم الغالي ومن قوت يومهم ولقمة عيشهم ومن احساسهم بالأمان وحتى من سمعتهم.. بغض النظر عن كل دة، بالتأكيد النهاردة يوم تاريخي ونالوش زي في حياة بلدنا وهنيالنا اننا عشنا وشفناه.. والبرلمان اللي حلف اليمين النهاردة حتى لو ما نقدرش نسميه بقلب جامد برلمان الثورة من حيث التركيبة، لكن هو بالتأكيد برلمان الثورة واسم على مسمى لإنه لولا الثورة واللي عملوها واللي دافعوا عنها واللي راحوا فداها وفدانا، عمر البرلمان دة ما كان هيشوف النور وبالذات بالتركيبة ديه ولا بعد ميت سنة.. ولولا الثورة، الغالبية العظمى من النواب _ان ماكانش كلهم_اللي حلفوا اليمين النهاردة كنواب للشعب اللي انتخبهم بارادة حرة، عمرهم ما كان ممكن يبقى لهم مكان تحت قبة البرلمان المصري الا لإنه برلمان الثورة.. وبالتالي فأعضاء برلمان الثورة بالمعنى دة مدينين ليها.. وحمايتها وتحقيق مطالبها وأهدافها دين في رقبتهم حتى ولو ما اقسموش عليه.
بلدنا: دم الشهدا أمانة في رقابينا كلنا
سقطت سقطت احمل عزتي.. يغلي دم الشرفاء في شرياني.. والى لقاء...": ديه الأمانة اللي في رقبة كل عضو في"ئ مجلس الشعب هيفضل مدين بيها لأم الشهيد.. والحقيقة انها مش بس في رقبة عضو مجلس الشعب_هي في رقبته من باب أولى_ لكن هي كمان في رقبة كل واحد فينا دفع الشهيد حياته عشان احنا يعيش حياة أفضل.. رد جميل للشهدا اكيد بالقصاص ومن قبله ومن بعده اننا نعيش الحياة اللي هو حلم بيها ومات عشان نعيشها احنا حقيقة وما نقبلش بأقل منها مهما كان التمن..
طول ما الشعب لسة صاحي: أهالي وعمال وفلاحين وطلبة ومثقفين ولسة عصمته في ايده طول ما بلدنا في أمان لحد ما ننول المراد وخصوصاً لو الشعب والمجلس اللي اختاره ايد واحدة وخطوة بخطوة على نفس الطريق لبر الأمان
بلدنا: حق المصابين أمانة في رقابينا
مفهوم طبعاً ومش محتاجة قوالة ان مش بس الشهدا وأهاليهم اللي دفعوا تمن غالي عشان نعيش ونشوف اليوم دة.. جميل المصابين وحقوقهم كمان في رقبتنا وفي رقبة البرلمان.. معوض عينة بينة للي دفعوا ولسة بيدفعوا التمن غالي.
بلدنا: الكتاتني يتعهد بحماية أهداف الثورة
حتى ولو ان النواب ما اقسموش على على حماية اهداف الثورة وحقوق الشهداء، الا ان رئيس المجلس المنتخب الدكتور/ محمد سعد الكتاتني تعهد في أولى كلماته على مقعد الرئاسة تحت قبة البرلمان بحمايتهم وعدم التفريط فيهم.
بلدنا: حمزاوي يجمع التوقيعات لجلسة طارئة
النهاردة يوم من أطول الايام تحت قبة البرلمان، وكان معروف من البداية ان الجلسات اجرائية وانها هتاخد وقت طويل، لكن دة ما منعش النائب عمرو حمزاوي، من انه يتقدم بطلب بعد جمع توقيعات عدد من النواب عليه، لعقد جلسة عاجلة وطارئة بعد الجلسة الإجرائية، لبحث وإقرار مجموعة من الطلباتا:
بلدنا بالمصري: أول جلسات مرافعة دفاع العادلي
صحيح احنا النهاردة مالناش ولا هيكون لنا سيرة غير بشاير برلمان ما بعد الثورة، لكن ما ينفعش تفوتنا كمان أول جلسة من جلسات محاكمة مبارك أعوانه، يترافع فيها دفاع المتهم حبيب العادلي.
بلدنا: جلسة افتتاح البرلمان، ما لها وما عليها
الجلسة الافتتاحية لأول برلمان بعد الثورة باللي ليها واللي عليها أولاً من الناحية الاجرائية
زي ما قلنا في البداية وبغض النظر عن أي حاجة جلسة افتتاح برلمان ما بعد الثورة هي بالتأكيد جلسة تاريخية، لكن دة ما يمنعش انها من الناحية الاجرائية ليها اللي ليها وعليها اللي عليها.. ودة اللي هنحاول نفهمه من: د/ علي الصاوي أستاذ العلوم السياسية بجامعة القاهرة
بلدنا: بشاير أولى جلسات برلمان ما بعد الثورة
بشاير برلمان ما بعد الثورة وعلاقتها بالشارع ممكن توصلنا لأي نتايج.. المثل المصري الفصيح بيقول: الجواب بيبان من عنوانه.. هنحاول نقرا الجواب اللي بدا يبان النهاردة من العناوين الرئيسية للجلسة الافتتاحية لمجلس الشعب وهنستعين عليه
ليست هناك تعليقات:
إرسال تعليق