برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاحد 22 يناير 2012 يوتيوب كاملة
بلدنا بالمصري: انت مش لوحدك بيكوا وليكوا
يسعد مساكم وحلقة جديدة من بلدنا بالمصري.. هنبدأها كالمعتاد بآخر أخبار بلدنا وهنختمها بفقرتنا الاسبوعية "انت مش لوحدك" لعلاج كرب ما بعد الصدمة مع الدكتورة منال عمر، استشاري الطب النفسي والعضو المؤسس في مبادرة "انت مش لوحدك" اللي اطلقها مجموعة من الأطباء النفسيين.. بالنسبة للفقرة ديه عاوزين نوضح اكتر من نقطة: أولاً: بلدنا بالمصري متبني المبادرة وبيدعمها وهيدعمها باشكال مختلفة من ضمنها "اقتباس اسم المبادرة" لفقرة ثابتة بتحاول تلعب نفس الدور لكن باشكال مختلفة، بس دة مش معناه اطلاقاً ان المبادرة والفقرة كيان واحد، كل واحدة منهم مستقلة بذاتها والقاسم المشترك بينهم هو الاسم والفكرة والدكتورة/ منال عمر... تاني حاجة وديه تخص المبادرة: ديه الأرقام المتاحة للاتصال بالمبادرة في توقيتات معينة هي: (اكتبو لي الارقام والتوقيتات وخلوها على الشاشة)... اما بالنسبة للفقرة فالفقرة ديه هتطور دايماً على ايديكوا وبمشورتكم ومن خلال مشاركاتكم بوسائل مختلفة.. منها: اسئلتكم ومقترحاتكم للموضوعات اللي انتوا عايزينا نتكلم فيها ودول تقدروا توصلوهم لينا من خلال صفحة بلدنا بالمصري على فيس بوك (اكتبوا لي اللينك وخلوه معانا على الشاشة).. ومن الاسبوع اللي جاي هنقدر نستقبل تليفوناتكم ورسايلكم على أرقام معينة هنعلن عنها أول ما تجهز.. وهنستقبل التليفونات والرسايل على الارقام ديه سواء أثناء الفقرة لو احنا فاتحين مداخلات أو خلال الأسبوع من الحد للحد.. وعلى نفس النمر ديه اللي هنعلن عنها قريب جداً: هنستقبل كمان رغباتكم في انكم تكونوا معانا على الهوا كجزء من مجموعات العلاج اللي بدأناها الاسبوع اللي فات بنفسي وهنكملها النهاردة لكن بمجموعة اكبر بعد نا تلقينا رغبات بالمشاركة على فيس بوك وعلى تويتر.. بس عشان تبقى الأمور واضحة وشفافة وحقانية على الآخر، بمجرد ما نعلن عن الارقام هتكون المكالمات والرسايل هي الوسيلة الوحيدة لاستقبال رغبات الظهور في البرنامج مع الدكتورة/ منال عمر.. ومافيش أي خيار فقوس والظهور هيكون بأولوية الاتصال أو ارسال الرسالة وكله هيكون متسجل بالدقيقة والثانية.. وزي ما قلت الفقرة ديه بتاعتنا كلنا وهتطور طول الوقت بيكم ومعاكم وبمشورتكم وبالشفا انشاءالله..
فقرتنا اللي جاية على طول بعد آخر أخبار بلدنا هتكون قراءة في التقرير السنوي لمنظمة هيومن رايتس ووتش عن حالة حقوق الانسان في العالم واللي اعلنت عنه النهاردة ولاول مرة من القاهرة ومن الشرق الاوسط عموماً والبركة في الربيع العربي
بلدنا: اغتيال الشهيد محمد جمال في اعتصام القضاة
نروح بقة لآخر أخبار بلدنا، وهنبدأها للأسف بخبر كئيب ومريب في نفس الوقت_معلش اعذرونا احنا عارفين ان فيه من حضراتكوا اللي شايف اننا مش مبهجين كفاية ويفضل يشوف فيلم كوميدي أو فيلم ابيض واسود بدل الكآبة بتاعتنا، ودة حقه بالتأكيد، زي ما هو من حقه كمان اننا ما نخبيش عليه لان ببساطة انتوا حقكوا علينا المعرفة واحنا ما بنفصلش اللي بيحصل على ايدينا والود ودنا يبقى كل خير، لكن ما باليد حيلة_ الخبر الكئيب والمريب هو خبر اغتيال الناشط محمد جمال، واحد من انشط شباب الثوار من أول يوم في الثورة ومن سكات من غير لا دوشة ولا تهليل.. محمد جمال الشهير ب"فارس النيل" وعضو التراس أهلاوي وواحد من مؤسسين "التراس حرية" اتقتل امبارح في ظروف غامضة ومش مفهومة لحد دلوقتي اثناء اعتصام القضاة قدام دار القضاء العالي، وتقرير الطب الشرعي المبدئي بياكد ان سبب الوفاة طعنة نافذة في القلب.. والغريب سبحان الله ان زي ما يكون كان قلبه حاسس لدرجة ان في يوم تأبين الشهيد مينا دانيال في مسرح روابط في وسط البلد أقسم على انه "الشهيد اللي جاي" (الفيديو)
أما كريم أبوزيد، عضو ائتلاف شباب الثورة في الغربية فمات في حادثة عربية اثناء سفره مع وفد الائتلاف للمنيا لحضور المؤتمر التأسيسي التاني للمجلس الثوري لثوار مصر. وتم الغاء المؤتمر بسبب الحادثة اللي اصيب فيها اربعة تانيين من اعضاء الائتلاف.
بلدنا: الأمن يعتدي على أسرة سجين الرأي مايكل نبيل
بس زي ما فيه اخبار مرة فيه كمان أخبار حلوة، وهي خبر الافراج عن حوالي 2000 معتقل من المدنيين اللي اتحاكموا عسكرياً بقرار بالعفو عنهم من المشير حسين طنطاوي من بينهم الناشط والمدون مايكل نبيل، اللي بغض النظر عن اتفاقنا او اختلافنا مع رأيه لكن هو بالتأكيد كان سجين رأي وأول سجين رأي بعد الثورة.. بس الحلو ما يكملش.. التفاصيل هنعرفها من
بلدنا: العسكري يصدر مرسومًا بميدالية 25 يناير
أصدر المجلس الأعلى للقوات المسلحة مرسوما بقانون بشأن تخليد ذكرى ثورة يناير المجيدة الأولى، نص فيه على إنشاء ميدالية تذكارية يطلق عليها "ميدالية 25 يناير " وتكون من طبقة واحدة من البرونز، تلي في الترتيب الميداليات العسكرية التي صدرت حتي الآن.
بلدنا: الرسالة رقم 1 للمجلس العسكري .. من جديد
الرسالة رقم 1 لعام 2012 للمجلس الأعلى للقوات المسلحة على صفحته الرسمية على موقع التواصل الاجتماعي الشهير فيسبوك
بلدنا: مين هيأمن الميادين 25 يناير 2012
على ذكر بقى يوم 25 يناير محدش عارف ميت اللي هايقوم بتأمين الميدان و قد ذكرت بعض مصادر الأخوان المسلمين و حزب الحرية و العدالة أن شبابهم هيقوموا بدا
بلدنا: استعدادات الأمن المركزي لـ 25 يناير 2012
على ذكر يوم 25 يناير بردو هانوصل لحد معسكر الأمن المركزي بالدراسة و دا بيحصل لاول مرة أن كاميرا محطة تليفيزيونية تدخل مقر الأمن المركزي
بلدنا: المخلوع مبارك لسه الرئيس والمتهمين مش متهمين
ولما كانت المرافعة الخامسة دفاعاً عن الرئيس المخلوع، طلع اننا كلنا فاهمين غلط وان الرئيس المخلوع لسة هو رئيس الجمهورية وان محاكمته هو واولاده باطلة وقانونية وغير دستورية.. ديه آخر مفاجآت الاستاذ فريد الديب بعد الكام مفاجأة اللي فاتوا وأولهم ان المتهمين مش متهمين لإن الجيش تولى مسؤولية الأمن في البلاد ابتداءاً من الساعة 4 يوم 28 يناير ودة اللي اتفسر على انه نوع من التوريط للقوات المسلحة.. وبعدين ان الرئيس المخلوع لسة عسكري وقائد للقوات الجوية برتبة فريق وبالتالي لا تجوز محاكمته غلا قدام القضاء العسكري.. وبعدين ان الرئيس المخلوع مالوش لا ناقة ولا جمل في موضوع تصدير الغاز لاسرائيل وان المخابرات المصرية هي المسؤولة وعمر سليمان هو اللاعب الأساسي وحسين سالم هو ر اجلهم الأول.. وآخرها ان الرئيس المخلوع هو رئيس الجمهورية!!!
إستعدادات البرلمان والشارع لأولى جلسات مجلس الشعب
بكرة الجلسة الافتتاحية لأول برلمان بعد أول ثورة شعبية في تاريخ بلدنا، هتعدي علينا ذكراها بعد يومين اتنين من افتتاح البرلمان.. هي بالضرورة جلسة اجرائية لكن مش ممكن نرضى بيها الا تاريخية.. وبالتأكيد مش هتعدي مرور الكرام خاصة ان الشارع مش سايبها في حالها..
بلدنا: ترشيح عصام سلطان أمام الكتاتني
أخر خبر عندنا فيما يخص رئاسة مجلس الشعب هو مرشح حزب الحرية و العدالة د/ سعد الكتاتني أما أخر خبر وصلنا حالاً أن أ/عصام سلطان قرر ترشيح نفسة لا رئاسة البرلمان
النيل للأخبار يعتصمون احتجاجًا.. وثوار مصر يتضامن معهم
عددا كبيرا من العاملين بقناة "النيل للأخبار"، بدأوا عصر اليوم، اعتصاما مفتوحا مع التزامهم بتقديم موجز صغير على رأس كل ساعة وأفلام تسجيلية فقط حتى تنفيذ مطالبهم، اعتراضا على السياسة التحريرية للقناة.
بلدنا: أوقفوا دعم المستبدين وساندوا الربيع العربي
"يجب مساندة الربيع العربي": ديه خلاصة القول ومربط الفرس والجواب الباين من عنوانه اللي وجهته منظمة هيومن رايتس ووتش للنظم اللي من المفترض انها ديمقراطية ومع ذلك ياما كانت ستر وغطا ونعم السند للأنظمة المستبدة اللي ثارت ضدها شعوب الربيع العربي ومازالت بتعافر لاسقاطها.. دة مجرد العنوان والتفاصيل
آدي اللي خدناه من الثورة ومن الربيع العربي كله: لأول مرة في تاريخها منظمة هيومن رايتس ووتش تعلن تقريرها السنوي عن حالة حقوق الانسان في العالم من القاهرة قلب الربيع العربي.. وتوجه رسالة ممكن تتوصف بانها حادة وبالتأكيد واضحة وصارمة لدول الغرب اليمقراطية مفادها "إنه آن الأوان للتوقف عن دعم المستبدين والوقوف في صف الشعوب اللي اختارت الحرية والعدالة الاجتماعية والكرامة الانسانية واحترام ارادتها ايا كانت حتى لو الارادة ديه بتعني في الوقت الحالي: الاسلام السياسي".. تفاصيل اكتر عن التقرير والرسايل اللي بيحملها لأطراف مختلفة هنناقشها مع ضيفنا النهاردة:
أ. نديم حوري: نائب مدير قسم الشرق الاوسط في منظمة هيومن رايتس ووتش
ليست هناك تعليقات:
إرسال تعليق