برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 17 يناير 2012 يوتيوب كاملة
طنطاوي يحذر من الأخطار التي تتعرض لها مصر
يسعد مساكم وحلقة جديدة من بلدنا بالمصري.. هنبدأها كالعادة لو ماعندناش كلمتين بالمفتشر، بآخر أخبار بلدنا.. وبعدها هنتكلم بصريح العبارة عن سيناريوهات الله أعلم ان كانت حقيقية ولا مفتعلة، لكن في النهاية كتر ألف خير اللي يتعرض لها بشكل مباشر ومستمر على مدار سنة طويلة عريضة على الأقل ويفضل بعقله وكتر ألف خيره برده لو تحول بعدها ل"مواطن صالح" لكن بيشك في صوابع في ايديه وخايف من خياله ومستعد يرضى بقليله ويتعلق بأي قشاية ومش بعيد كمان يقول "حقي برقبتي" ويبقى معذور!!!
نروح لاخر أخبار بلدنا وأولنا تصريحات القائد العام رئيس المجلس الأعلى للقوات المسلحة، المشير حسين طنطاوى، عن الأخطار الكبيرة اللي بتتعرض لها مصر كما لم يحدث من قبل مع التأكيد على إن مصر هتعبر المرحلة بقوة الجيش وإرادة الشعب والتأكيد على أن الشعب بأغلبيته العظيمة يثق فى القوات المسلحة ودورها الوطنى وعلى أن القوات المسلحة لن تستسلم لمحاولات النيل من مصر وشعبها العظيم.. وحث الشعب على اليقظة لإدراك وإحباط ما يحاك لمصر من مخططات ومؤامرات.. والتأكيد على إن القوات المسلحة هى العمود الفقرى الذى يحمى مصر، وأن هدف المخططات هو ضرب هذا العمود.. لكن القوات المسلحة لن تنساق أو تنجر لأية مخططات خارجية تسعى لإشعال مصر والإضرار بشعبها.. وأعاد المشير التأكيد على أن الشعب بأغلبيته العظيمة يثق فى القوات المسلحة ودورها الوطنى، مشدداً على أن القوات المسلحة لن تستسلم لمحاولات النيل من مصر وشعبها العظيم. تصريحات المشير جسين طنطاوي ادلى بيها بعد حضوره المرحلة الرئيسية للمشروع التدريبى بالذخيرة الحية (نصر -6) اللي نفذه أحد تشكيلات الجيش الثانى الميدانى.
بلدنا: بدء مرافعة دفاع مبارك ونجليه علاء وجمال
النهاردة كانت الجلسة الأولى من جلسات محاكمة المخلوع وأعوانه اللي هيترافع فيها دفاع المتهمين.. والدور النهاردة كان على مرافعة محامي دفاع المتهمين: محمد حسني السيد مبارك وأولاده علاء وجمال، واللي ركزت في جزء كبير منها على نقد آداء النيابة العامة ومرافعتها اللي اتهمها بالتجاوز وتعمد تجريح المتهمين.. دة جزء والجزء التاني ركز على نشأة المتهم حسني مبارك وتاريخه وانجازاته على مدار ال30 سنة اللي حكم فيهم مصر قبل مصر ما تقوم عليه بثورة وتطالب باسقاطه هو ونظامه.
بلدنا: الرد الرسمي على قصة ليها العجب
قبل بس ما نكمل آخر أخبار بلدنا، في حلقة بلدنا بالمصري بتاريخ 2 يناير كنا عرضنا قصة وقلنا انها لو صحت يبقى ليها العجب.. القصة كانت على عهدة أعضاء من اللجنة النقابية لشركة خدمات البترول الجوية وطلع الرد الرسمي عجب بردةا
بلدنا: طارق مش بلطجي ومش هيكون كبش فدا
امبارح كانت جلسة تجديد حبس، طارق شمس الدين المتهم في أحداث مجلس الوزرا بمنع عربية المطافي من اطفاء حريق المجمع العلمي، استناداً على فيديو تم نشره على الانترنت، في حين ان معظم شهود العيان على الواقعة اللي صرحوا لينا أو لغيرنا من وسائل الاعلام، ان الفيديو دة تم تصويره اثناء حريق هيئة الطرق والكباري قبل حريق المجمع العلمي بيوم.. قضاة التحقيق قرروا حبس طارق شمس الدين 30 يوم على ذمة التحقيقات.. قبل جلسة التجديد بيوم واحد كان فيه وقفة احتجاجية على سلالم دار القضاء العالي للمطالبة بالافراج عن طارق والتأكيد على ان طارق مش بلطجي ومش هيكون كبش فدا.
بلدنا: لا تراجع عن إقامة محطة الضبعة النووية
فيما يخص أرض الضبعة وبعد احتجاجات الأهالي اللي مازالت مستمرة، كل التصريحات الرسمية النهاردة بتأكد إن "إقامة المحطة النووية على أرض الضبعة" قائمة ولن يتم التراجع عنها.. نفس المعنى دة صرح بيه رئيس الوزرا الدكتور كمال الجنزوري وصرحت بيه فايزة أبو النجا، وزيرة التعاون الدولى والتخطيط، فى مؤتمر صحفى النهاردة.
بلدنا: الأهالي متمسكون بأرضهم في الضبعة
الاهالي متمسكين بأردهم في الضبعة و معانا أ/ يونس عبد الكافي نقيب المعلمين في الضبعة و أحد المتضررين
بلدنا: الجمعة الجاية جمعة حلم الشهيد
يوم الجمعة اللي جاية، هي جمعة "حلم الشهيد" حسب صفحة حلم الشهيد على فيس بوك وحسب البيان المنشور عليها والموقع من عدد من القوى الثورية.
بلدنا: حزب النور يطلق مبادرة المسؤولية السياسية
مبادرة المسؤولية الوطنية هي أول مبادرة سياسية لحزب النور أطلقها من قلب جامعة القاهرة النهاردة لتفعيل الدور الرقابي للشارع المصري على البرلمان وإنهاء الحكم الاستثنائي وتحقيق العدالة الانتقالية
بلدنا: مهند من شاهد مصاب الي متهم مصاب برده
مهند مصيلحي واحد من المتهمين في نفس القضية مهند كمان راح بنفسة لحد عندهم و هو مصاب عشان تم إستدعائة كشاهد فتحول الي نتهم مازال محبوس على ذمة التحقيقات و ماذال مصاب
بلدنا: إيه المطلوب من شعب مصر العظيم وكان ليه؟
دلوقتي احنا محتاجين نعرف: ايه المطلوب بالظبط من "شعب مصر العظيم" بعد سنة طويلة عريضة بدأت بثورة عبقرية بيضة وزي الفل و"مجيدة" بشهادة الشهود من أهلها ومن غير أهلها وبشهادة المجلس العسكري نفسه، وبتجيب آخرها والناس جايبة آخرها وخايفة من الثورة والثوار واللي يتشدد لهم وخايفة من خيالها.. ايه المطلوب وليه دة كله؟!!
من أول العناصر الإثارية وكرات اللهب لحد أزمة البنزين --اللي ما عندناش، مرورا بالانفلات الأمني وعجلة الانتاج اللي مش راضية تلف، وشبح الفلس اللي هنفلسه والجوع اللي هنجوعه ولحم الحي اللي هنقطع منه، لحدودنا المفتوحة على البحري لكل من هب ودب، للبلطجية اللي دايرين على حل شعرهم، للدولة اللي هتسقط ومصر اللي هتتحرق والوصاية الأجنبية اللي هتتفرض عليها على غفلة وفي يوم وليلة، للثوار اللي اتحولوا بقدرة قادر من شباب طاهر لبلطجية ومخربين وعصبجية وقتالين قتلة يستاهلوا الحرق في افران هتلر وبنات (استغفر الله العظيم) يستاهلوا كل اللي يجر لهم... أو على الأقل محرضين وخونة وعملا وقابضين بكل العملات الحية والميتة ومقابل القرشين دول مستعدين يدفعوا دم قلبهم ونور عينيهم وحياتهم كلها بس لجل ما تخرب مصر: دكاترة بقة ومهندسين وصحفيين واعلاميين وشيوخ كبار وصغيرين ورجالة وستات....الخ ايييه دة كله؟وليه دة كله وعشان ايه؟! عشان احنا فعلاً في خطر ولا عشان ناخدها من قاصرها ونخاف تاني من خيالنا ونمشي تاني جنب الحيط ونرضى تاني بقليلنا ونتعلق بقشاية؟!!! هنستعين على اجابة السؤال دة بضيوفنا النهاردة وهنحاول على قد ما نقدر تكون الاجابات من النوع اللي يريح البال ويهدي النفوس.
- اللوا/ عبد الحميد عمران
- الدكتور/ محمد الجوادي
- وائل جمال: مدير تحرير جريدة الشروق
ليست هناك تعليقات:
إرسال تعليق