برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 15 يناير 2012 يوتيوب كاملة
بعد انسحاب البرادعي .. العسكري يحدد موعد الترشح للرئاسة
يسعد مساكم وحلقة جديدة من بلدنا بالمصري.. مش هنبدأها بان الدكتور/ محمد البرادعي أعلن امبارح بإنه مش ناوي يخالف ضميره وبالتالي مش هيشرح نفسه للرياسة أو لأي منصب رسمي إلا في ظل نظام ديمقراطي حقيقي، جوهره ديمقراطي مش بس شكله.. لكن هنأجل الكلام في الموضوع دة لإن شرحه يطول لفقرتنا اللي جاية بعد الفاصل.. ومعظم الكلام هيكون من وجهة نظر "الشباب" اللي راهن ومازال بيراهن عليهم الدكتور البرادعي وراسه وألف سيف ما يشتغل إلا معاهم.. ومادام شباب الثورة ماحكمش يبقى فيه حاجة غلط هيحط ايده في ايدهم لتصحيحها من نفس الخندق اللي هم يختاروه واللي هو بالضرورة برة الاطار الرسمي... ديه وجهة نظر الدكتور البرادعي ورسالته لأهله "أهل مصر" زي ما بدأ بيانه ورسالته للشباب اللي هم أمله، لكن الشباب استقبل ازاي الرسالة وناوي يعمل ايه بيها وناوي يعمل إيه مع صاحبها؟!!! في الفقرة اللي جاية إنشاءالله وعليكوا خير
من ضمن الأسباب الرئيسية لقرار الدكتور البرادعي، هو اللي وصفه بالتشوه في مسار العملية الانتقالية وأول مظاهره من وجهة نظره وعلى حد تعبيره اننا ما بدأناش باللي سماه "لم الشمل" واللي فسره بإنه "الدستور التوافقي" اللي كان المفروض يكون الأساس المتين لكل خطوة هنخطيها ولكل طوبة هنعليها في البنا اللي هنبنيه.. لكن دة ما حصلش والنتيجة ان فيه أسئلة كتير جداً عن اللي جاي يا امل ما حدش عارف يلاقيلها اجابة أو ما حدش متفق لها مع التاني على اجابة.. زي مثلاً: هنحط الدستور الأول ولا هننتخب الرئيس الأول ولا هنعمل الاتنين في وق واحد؟! طب هنحل البرلمان بعد الدستور ونعمل انتخابات من أول وجديد على أساس الدستور الجديد ولا البرلمان هيكمل مدته؟!!! طب البرلمان دة ايه صلاحياته وهل من ضمنها تشكيل الحكومة ولا لأ؟!!! طب حكومة الدكتور الجنزوري مكمل معانا لحد امتى.. لحد تشكيل البرلمان ولا انتخاب الرئيس ولا قبل كدة ولا بعد كدة؟!!! طب لو انتخبنا الرئيس قبل الدستور هيبقى بأي صلاحيات؟! ولو انتخبنا الرئيس قبل الدستور هنعزله بعد الدستور ولا هيكمل لنهاية المدة وايه اللي يضمن انه يوافق على الصلاحيات الجديدة وايه اللي يضمن ان الشعب يوافق على صلاحيات لرئيس انتخبه على أساس صلاحيات تانية....؟!!! وغيرها من الأسئلة ومعظمها اجابتها ما يعلم بيها الا ربنا.. الا إن اللوا/ محسن الفنجري جاوب النهاردة على سؤالين تقريباً وسؤال منهم اجابته مش كاملة وهو السؤال الخاص بتاريخ فتح باب الترشيح لانتخابات الرياسة.. اللوا محسن الفنجري اعلن في حوار لقناة صدى البلد ان المجلس العسكري قرر فتح باب الترشيح منتصف إبريل، لكن هنكون في أي مرحلة بقة من مراحل كتابة الدستور، الله أعلم!!! والسؤال التاني اللي جاوب عليه في نفس الحوار، هو السؤال الخاص بحق البرلمان في تشكيل الحكومة وكانت الاجابة انه لحد كتابة الدستور الجديد، مصر نظامها رئاسي وليس برلماني وانوالرئيس القادم، هو المعني بتكليف الحكومة الجديدة وليس البرلمان، لأن أي شكل غير كدة من انظمة يحتاج لتعديل تشريعي..
مظهر شاهين والخولي ونوارة شهود في أحداث مجلس الوزراء
الشيخ مظهر شاهين خطيب مسجد عمر مكرم، والناشطة والمدونة نوارة نجم، وطارق الخولي المتحدث الرسمي باسم 6 ابريل الجبهة الديمقراطية، اتحولوا النهاردة من متهمين في احداث مجلس الوزرا لشهود عيان في نفس القضية، في حين ان الدكتور/ أيمن نور مازال متهم وممنوع من السفر على ذمتها والدكتور/ ممدوح حمزة يتحدد مصيره على ذمة القضية يوم الاربع اللي جاي.
انتهاكات المجلس العسكري مستمرة في قضية مجلس الوزراء
جبهة الدفاع عن متظاهري مصر نظمت النهاردة مؤتمر صحفي للاعلان عن تطورات التحقيقات في قضية أحداث مجلس الوزرا أكدت فيه على انها مش أول قضية قضية يحدث فيها انتهاكات جسيمة من قبل المجلس العسكري وربما ما تكونش الأخيرة.
بلدنا: تأجيل قضية طبيب كشف العذرية لـ 29 يناير
المحكمة العسكرية قررت النهاردة تأجيل تأجيل القضية المتهم فيها طبيب مجند بإجراء كشف العذرية على سميرة إبراهيم لجلسة يوم29 يناير.. والتأجيل تم بناءا على طلب المحامي المكلف من نقابة الأطباء لالدفاع عن الطبيب المتهم بارتكاب فعل علني مخل بالحياء وإهمال إطاعة الأوامر العسكرية. في حين ان المحكمة لسة ما ردتش على طلبات محامي سميرة بتعديل الاتهام من فعل مخل بالحياء لهتك عرض والطلب التاني باثبات حضوره لتولي الدفاع عنها قدام المحكمة العسكرية.
بلدنا: دعوى ضد العسكري لفتح الشوارع المغلقة
النهاردة كان يوم حافل بالدعوات القضائية المرفوعة قدام مجلس الدولة مختصمة المجلس العسكري.. أولهم الدعوى المرفوعة من المركز المصري للحقوق الاقتصادية والاجتماعية والمبادرة المصرية للحقوق الشخصية، باسم الصحفى خالد البلشى، رئيس تحرير جريدة وموقع البديل.. الدعوى بتتطالب بإعادة فتح الشوارع المغلقة بحواجز أمنية وجدران عازلة واسلاك شائكة في وسط البلد وتحديداً: القصر العيني ومحمد محمود والشيخ ريحان.
بلدنا: دعوى قضائية لمنح شهداء الثورة قلادة النيل
أما الدعوى التانية فبتتطالب بمنح شهداء الثورة قلادة النيل.. التفاصيل هنعرفها من مقدم الدعوى: طارق العوضى: رئيس مركز دعم دولة القانون
بلدنا: إسبانيا تنظر تسليم نجلي حسين سالم غداً
بلدنا: سير المرحلة التكميلية لانتخابات مجلس الشعب
النهاردة كان الدور على المرحلة التكميلية لانتخابات مجلس الشعب في عدد من الدواير هي بالتحديد: دوائر هي جنوب سيناء على مقاعد القوائم والفردي، والدائرة الأولى بقسم شرطة المنصورة على مقعد العمال فردي، والدائرة الثالثة بنجع حمادي على مقعدي العمال والفئات فردي، والدائرة الأولى بقسم شرطة بنها على مقعدي العمال والفئات فردي.
بلدنا: نواب البرلمان في غرفة التجارة الأمريكية
أما نواب البرلمان المنتخبين فكانوا مدعوين النهاردة من غرفة التجارة الامريكية لمناقشة السياسات الاقتصادية..
بلدنا بالمصري: أزمة البنزين والسولار بعد أزمة الأنابيب
غير أزمة الأنابيب اللي واخدة مننا راقات، طلعت لنا أزمة السولار والبنزين في المقدر جديد ولعل المانع خير أو على الأقل فاهمين له سبب.
بلدنا: وضع السياحة في مصر بعد سنة أولى ثورة
السنة اللي فاتت عدت باللي ليها واللي عليها وآن أوان الحساب، بالكلمتين دول افتتح النهاردة الدكتور منير فخري عبد النور مؤتمره الصحفي عن وضع السياحة في بلدنا بعد سنة أولى ثورة.
وزير التعليم يتهم الإعلام بتسييس الامتحانات
بلدنا: مسيرة النساء بالنعوش من أجل تطهير الإعلام
على أي حال، شئنا أم أبينا، الثورة لسة ما وصلتش للاعلام في بلدنا، وخصوصاً الاعلام الرسمي وجزء كبير ولا بأس بيه أبداً من الاعلام الخاص.. فلما فاض بيهم، " النساء من أجل تطهير الاعلام" نظموا مسيرة النهاردة بالنعوش من عمر مكرم لحد ماسبيرو للمطالبة بتطهير الاعلام.
بلدنا: مصرية وأصيلة وجدعة وبنت بلد وتشرح القلب
في مؤتمر جبهة الابداع المصري للدفاع عن حرية التعبير والحق في المعرفة.. مصر كانت مصرية وأصيلة وجدعة وبنت بلد وتشرح القلب بصحيح.
بلدنا: زغروطة حلوة رنت في شارع طلعت حرب
خلونا نسمع زغرودة حلوة رنت في شارع طلعت حرب والمهر: حرية وعدالة اجتماعية وكرامة انسانية.
الشباب ناويين على ايه بعد تراجع البرادعي
بالنسبة للدكتور محمد البرادعي: الشباب هم دايماً حصانه الرابح ورهانه الكسبان اللي لسة بيراهن عليه حنى وهو بيعلن عدم ترشحه للرئاسة مادام الوضع على ما هو عليه و"كأن ثورة لم تقم.. وكـأن نظاماً لم يسقط" على حد تعبيره في البيان.. وبالتالي لازم أول ما نبص على الصورة نبص عليها بعيون الشباب: الرسالة وصلت ولأ؟! بتشد حيلهم ولا بتقطم ضهرهم؟! بتزقهم لقدام ولا بتجيبهم ورا؟! وناويين يعملوا بيها إيه؟!!!
بلدنا بالمصري: انت مش لوحدك -- 15 يناير 2012
"انت مش لوحدك" هي أولاً اسم المبادرة اللي أطلقها من عندنا من بلدنا بالمصري مجموعة من الأطباء النفسيين المتطوعين لعلاج مصابين الثورة بكرب ما بعد الصدمة من خلال الدكتورة/ منال عمر: استشاري الطب النفسي.. لكن "انت مش لوحدك" هي كمان ومن هنا ورايح فقرة ثابتة كل يوم حد في بلدنا بالمصري لحد ما نعدي الكرب ونبقى صاغ وسليم احنا وبلدنا انشاءالله.. احنا هنستنى كلامكم وأسئلتكم أو أي نوع من أنواع الفضفضة الي تيجي على بالكم من خلال مداخلاتكم او من خلال مشاركتكم على صفحة بلدنا بالمصري على فيس بوك (اكتبوا لي اللينك وخلوه معانا على الشاشة).. بس انتوا هتسمحوا لي النهاردة ابدأ بنفسي.
ليست هناك تعليقات:
إرسال تعليق