برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الخميس 12 يناير 2012 يوتيوب كاملة
إخلاء سبيل إبراهيم فرج المتهم بقتل شهداء السويس
يسعد مساكم وحلقة جديدة من بلدنا بالمصري.. احنا اصطبحنا النهاردة واصطبح الملك لله بخبر بيقول ان: محكمة جنايات السويس المنعقدة في التجمع الخامس قررت تأجيل محاكمة المتهمين بقتل ثوار السويس واصابتهم لجلسة 6 مارس لسماع أقوال مدير قطاع الأمن المركزى في الإسماعيلية، ومأمور قسم الاربعين... --لحد هنا وماشي الحال_ لكن المحكمة قررت كمان إخلاء سبيل 2 من أمناء الشرطة بضمان مالى 2000 جنيه، وإخلاء سبيل رجل الأعمال إبراهيم فرج_اللي اهالي السويس مسميينه سفاح السويس_ وأبنه عادل بضمان مالى 10 ألاف جنيه لكل واحد فيهم.. ولكم ان تتخيلوا رد فعل أهالي الشهدا في قاعة المحكمة أو قدامها واللي ما اختلفش كتير الحقيقة عن رد فعل كتير من أهالي السويس والأمر ما يسلمش في لحظة غضب من التفكير والاعلان عن النية في "أخد تار الشهدا" بالايد وبالدراع!!! لكن النيابة ما كدبتش خبر ، والنائب العام والمحامى العام لنيابات السويس استئنفوا فورا ضد قرار المحكمة بإخلاء والمفروض انه تم إيقاف إجراءات الإفراج عنهم.
بلدنا: إخلاء سبيل 62 متهماً في أحداث مجلس الوزراء
فيه قرار تاني باخلاء سبيل متهمين، لكن القرار دة على عكس اللي قبله نزل بردا وسلاما.. القرار خدته محكمة جنايات القاهرة بقبول التظلم المقدم من 62 متهم فى أحداث مجلس الوزرا على قرار قضاة التحقيق بحبسهم 30 يوم على ذمة التحقيقات، وقررت المحكمة إخلاء سبيلهم جميعاً المتهمين من غير أي كفالات مالية
بلدنا بالمصري: ممدوح حمزة رجع يحارب قرار التحقيق معاه
لكن لسة فيه ناس كمل مطلوبة على ذمة التحقيقات في أحداث مجلس الوزرا ومنهم اللي صدر قرار بمنعه من السفر من غير ما يتحقق معاه بما انه ماكانش في مصر اصلاً لما وصل جواب استدعاؤه رسمياً قدام قضاة التحقيق.. لكن المهندس الاستشاري الدكتور ممدوح حمزة، رجع مصر النهاردة بعد ما قرر يقطع رحلة علاجه ويرجع يشوف صرفة في اللي بيحصل دة، مع التأكيد على انه مش راجع عشان يمثل قدام جهات التحقيق لكن راجع يحارب قرار التحقيق معاه أصلاً وبكل السبل القانونية --على حد تعبيره_
بلدنا بالمصري: مفاجأة بالفيديو في قضية علاء عبدالفتاح
أما في قضية ماسبيرو، فالنهاردة كان فيه مفاجأة سارة ومن العيار التقيل أثناء سماع قاضي التحقيق لشهود النفي في الاتهامات الموجهة للناشط والمدون علاء عبد الفتاح.
سير العمل في المجلس القومي لرعاية الشهداء والمصابين
خلونا نوصل لحد مقر المجلس القومي لرعاية أهالي الشهدا والمصابين نطمن على ان العمل بيحاول يمشي على قدم وساق وانه فيه امل ان حقوق الناس ديه ما تروحش هدر ويترد لهم ولو جزء من اعتبارهم اللي اتبهدل واتمرمط واتخسف بيه الأرض بطول السنة اللي فاتت وعرضها.
بلدنا بالمصري: مبادرة عودة البصر لمصابي الثورة
مسؤولية علاج المصابين بالذات ورعايتهم ماهياش بس مسؤولية الدولة، هي كمان مسؤولية المجتمع اللي ضحي المصابين عشان خاطر عيونه ومنهم اللي ضحى بنور عينيه.. والحقيقة انه لحد النهاردة، على الأقل المجتمع المدني ما قصرش ويمكن حتى تحمل العبء الأكبر.. خلونا نشوف عينة للنوع دة من المبادرات وتحديداً "مبادرة عودة البصر لمصابي الثورة".. انشالله يا رب.
انت مش لوحدك أسبوعياً في بلدنا بالمصري
قبل ما نكمل آخر أخبار بلدنا، عايزة اقول لكم بس ان وعد الحر دين عليه وزي ما وعدناكم ان الدكتورة منال عمر، استشاري الطب النفسي وواحدة من أعضاء "المبادرة المجتمعية لاحتواء اضطراب كرب ما بعد الصدمة"، الشهيرة بمبادرة "انت مش لوحدك"، هتكون معانا في فقرة اسبوعية ثابتة في بلدنا بالمصري كل يوم حد، ابتداءاً من يوم الحد اللي جاي.. والهدف من الفقرة اننا وبوسائل مختلفة نحط "كربنا على كرب بعض" في محاولة لتهوين المواجع والشفا منها لو أمكن.. وبالتالي هنسميها على اسم المبادرة نفسها "انت مش لوحدك".. وما اخبيش عليكوا انه من ساعة ما كانت الدكتورة منال عمر معانا المرة اللي فاتت واتكلمت عن أعراض كرب ما بعد الصدمة، وأنا حاسة اني أنا شخصياً عندي شوية أعراض منهم، وخايفة يكون دة طالع عليكوا بشكل أو بآخر واحنا مش داريانين.. وبالتالي، يوم الحد اللي جاي أنا هابدأ بنفسي مع الدكتورة منال في جلسة علنية على الهواء مباشرة وربنا يجيب العواقب سليمة
وحضراتكوا تقدروا تتواصلوا معانا ومع الدكتورة منال من خلال صفحة "بلدنا بالمصري" على فيس بوك: هنستقبل اسئلتكم واقتراحاتكم وكل اللي شاغل بالكم ومش بس كدة، اللي منكم كمان حابب أو مستعد يفضفض بكربه مع الدكتور منال على الهوا ومن خلال بلدنا بالمصري، يا أهلاً وسهلاً بيه وخطوة عزيزة.
بلدنا بالمصري: اعترافات فرافيرو بعد القبض عليه
امبارح كانت ليلة القبض على "فرافيرو".. فرافيرو هم اسم الشهرة لأخطر مسجل خطر في القليوبية.. امبارح تم القبض عليه هو وأفراد العصابة كلها ونيابة شبين القناطر أمرت بحبسهم أربعة أيام على ذمة التحقيق بتهمة حرق نقطة شرطة نوى في قرية شبين القناطر.
بلدنا: شحنة صواعق كهربائية لهيئة الأمر بالمعروف
طيب على ذكر الخطر بقة ولو انه مش جاي من ناحية أي مسجلين خطر لسة.. صفحة " هيئة الأمر بالمعروف والنهي عن المنكر" على فيس بوك أعلنت عن تسلمها والحمد لله شحنة من "الصواعق الكهربائية" ليستخدمها أعضاؤها فى عملهم الميدانى، ولصد الاعتداءات عليهم!!!
بلدنا: تعرض ماما خديجة لمحاولة خطف
طيب في حاجة غريبة حصلت . على ما يبدو أن ماما خديجة أوالسيدة خديجة الحناوي تعرضت للخطف أو ما شبة ذلك . هي معانا هاتحكلنا عن التفاصيل
بلدنا -- الجنزوري: المصري مش هيقبل حد يلوي دراعه
على أي حال، الدكتور كمال الجنزوري رئيس الوزرا أكد النهاردة في مؤتمر صحفي على ان المواطن المصري بدأ يحس بتحسن في الحالة الامنية وانه مش "هيقبل ان حد يلوي دراعه"
المركزي ينفي وجود حسابات لمبارك بـ 9 مليارات دولار
نفى البنك المركزي المصري وجود حسابات لديه بقيمة 9 مليارات دولار مملوكة للرئيس السابق حسني مبارك مودعة لدى البنك. وقال البنك المركزي في بيان له اليوم إن ما نشر في بعض وسائل الإعلام المصرية وشبكات التواصل الاجتماعي خلال اليومين الماضيين في هذا الشأن والتى أشارت إلى تهريب جانبا من هذه الأموال في أعقاب ثورة 25 يناير و استخدام جزء منها في أغراض شخصية قبل هذا التاريخ تعد أخبارا غير صحيحة وشائعات.
بلدنا: إستقبال المصريين لرضا عبد العزيز
خلونا نروح نطل طلة على رضا عبد العزيزالشاب اللي فقد عينية الاثنين في مطار القاهرة
بلدنا: جبهة الدفاع عن حرية الفكر والإبداع في مصر
لما الأدباء والمفكرين والفنانين والمثقفين في بلدنا يقرروا النهاردة وبعد ثورة قامت تنادي بالحرية والكرامة الانسانية وحقوق الانسان على طول بعد العيش وكتف بكتف مع العدالة الاجتماعية، لما ييجوا بعد كدة ويقرروا تشكيل جبهة بحالها للدفاع عن "حرية التعبير وحق المعرفة" ومش بس كدة، ويكون شعار الجبهة "مصر مصرية": فدة معناه ان المبدعين في بلدنا مش بس خايفين على حرية الرأي والتعبير دول خايفين على "مصرية" مصر أصلاً!!! خايفين عليها من ايه ومن مين وبأمارة ايه وازاي هيكونوا على الجبهة للدفاع عنها؟!!! دة اللي هنناقشه مع مجموعة من فنانين بلدنا وكلهم اعضاء في "جبهة الابداع المصري"
دينا ابو الفتوح: باحثة بمؤسسة حرية الفكر والتعبير
د.محمد العدل: منتج سينمائى
محمد عبلة: فنان تشكيلى ورئيس مجلس إدارة أتيلييه القاهرة
ليست هناك تعليقات:
إرسال تعليق