برنامج مال مصر
و الذى يذاع على قناة ONTV
تقديم حازم شريف
يأتيكم السبت في الساعة 8:00 مساءا
الاقتصاد و السياسة وجهان لعملة واحدة , برنامج مال مصر يتناول كل ما يدور في عالم المال و تأثير السياسة على الاقتصاد المصري . تقديم حازم شريف رئيس تحرير جريدة المال
شارك الخبر مع اصدقائك على الفيسبوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبدأ
برنامج مال مصر حلقة السبت 14 ينايير 2012 من قناة ONTV يوتيوب كاملة
خسرنا البرادعي لكننا نملك إرادة التغيير .. مال مصر
الدكتور محمد البرادعي اعلن النهارده عن انسحابه من معركة الترشح لمنصب رئيس الجمهورية,دا بالنسبة لي ,واعتقد لكتير غيري,كان خبر مؤسف جدا. الدكتور محمد البرادعي ,مكانش مجرد مرشح للرئاسة,وحتى لو كلامي دا ,زعل ناس كتير,مقدرش ما اقولوش, لان الثورة ,علمتنا اننا نجاهر ونرفع صوتنا ,بما نعتقد انه الحق,وما نخفش ,وما نقعش اسرى لحسابات خاصة ضيقة, واحيانا اسرى لحسابات خاصة ضيقة و للاسف مش شريفة . علشان كدا بأقول,وهأقول بوضوح,ان الدكتور محمد البرادعي مكانش مجرد مرشح للرئاسة,وانما كان في ظني احد تلت اسباب,ساعدت على قيام ثورة 25 يناير, بمشاركة هذه الكتل الهائلة من الشعب المصري,اول سبب من التلاتة,وبالترتيب الزمني مش بترتيب الأهمية ,هوا ظهور الدكتور محمد البرادعي ,قبل اكتر من عام على اندلاع الثورة ,كمعارض للنظام من الوزن التقيل,معارض يتمتع بالنزاهة والسمعة الطيبة على المستويين المحلي والدولي,ودا طبعا قبل ما تبتدي حملات تشويه سمعته.الدكتور البرادعي ماظهرش كمان كمعارض تقليدي يهاجم فقط النظام في الرايحة وفي الجاية,ولكنه شخص او اعتبر مشكلة نظام مبارك الرئيسية في كونه نظام استبدادي,وان دا هوا سبب كل المشاكل الاخرى في مصر,مشاكل الفقر والجهل والامية و تخلف الاقتصاد,مش كدا وبس الدكتور لبرادعي طرح بوضوح اداة التغيير وهم الشباب, ووسيلة التغيير,وهي الدعوة للتظاهر السلمي والعصيان المدني.وهوا دا فعلا بالضبط ,اللي حصل في 25 يناير,بشهادة كل الجميع,وعلى مرأى من نظر الجميع. تاني سبب لاندلاع الثورة بكل تأكيد ,كان التزوير غير المسبوق لصالح أعضاء الحزب الوطني في انتخابات مجلس الشعب في 2010,واللي كان نتايجه مش طبيعية,ومفاجئة حتى بالنسبة لبعض قيادات الحزب الوطني شخصيا,لدرجة ان الصدمة خلتهم, يتحايلوا ويضغطوا ويهددوا مرشحي الاحزاب المعارضة ,علشان يخشوا انتخابات الاعادة اللي كانت فاضلة على شوية كراسي,ومش كدا وبس ,انهم يزوا انتخابات الاعادة ,لصالح حفنة من مرشحي المعارضة اللي قبلوا يستمروا في العملية الانتخابية, وما ينسحبوش زي ماغيرهم عمل .تالت سبب بالتأكيد في التعجيل بقيام الثورة,كان نجاح ثورة الشعب التونسي السلمية ,في اقصاء زين العابدين بن علي,ودي التجربة , اللي برهنت لشباب مصر,علىى امكانية نجاح ثورة سلمية في الاطاحة بنظام اكثر استبدادا من نظام مبارك.
مال مصر: الائتلاف بين القوى السياسية لتشكيل الحكومة
حكومة ائتلافية ،، تعبير سمعناه بيتردد كتير في دول مختلفة ،، دول ديموقراطية الانتخابات فيها لم تفرز أي حزب او قوة سياسية تقدر تشكل الحكومة لوحدها ،، سمعنا عن ده في اسرائيل وايطاليا وبريطانيا وفرنسا ،، صحيح ان الدول دي كلها دول نظامها السياسي برلماني او نظام مختلط ،، لكن برضة سمعنا كتير عن دول نظامها رئاسي زي اللى عندنا لحد دلوقتي وتم تشكيل حكومات ائتلافية فيها ده طبعا في ظروف استثنائية زي الحروب او زي الكوارث او الاوضاع الاستثنائية
طبعا اعتقد ان الثورة في حياة الشعوب هي حدث استثنائي ،، بيتطلب من كل القوى السياسية في أي مجتمع انها تتحالف وتتالف لانجاز مهام معينة ،، وفي مصر بعد ثورة يناير وبعد الانتخابات البرلمانية اللي فاتت سمعنا كلام كتير عن حكومة ائتلافية ،، حكومة بتضم كافة القوى السياسية ،، الحكاية دي طبعا خلتنا نسأل القوى دي حتتالف على ايه بالضبط ،، وهل في برنامج موحد بيتفق عليه الاخواني والسلفي والليبرالي واليساري علشان يتم تنفيذه خلال فترة معينة ،، والا الموضوع كله مجرد تمني اكثر منه واقع قابل للتحقق على ارض الواقع.، عن فكرة الائتلاف الحكومي والبرنامج الواحد اللي ممكن يجمع كل القوى السياسية دي ،، بتدور فقرتنا الاولى واللي بيشرفنا ان يكون معانا فيها
· د/ نصر عبد السلام رئيس حزب البناء والتنمية
· ابو العز الحريري عضو مجلس الشعب عن التحالف الشعبي الاشتراكي
مال مصر: مناظرة بين مرشحي نقيب المرشدين السياحيين
مفيش قطاع ثار جدل حوله وحول مستقبله بعد الثورة,اد قطاع السياحة اللي مش بس اتأثر بحالة الانفلات الأمني المتعمدة,وحملات مطاردة الأجانب بحجة مكافحة التجسس,ولكن ايضا قطاع السياحة اتأثر بدرجة كبيرة بالتصريحات المتضاربة لقوى الاسلام السياسي ,لكيفية رؤيتهم وتعاملهم مع السياحة,بعد وصولهم للحكم.نقابة المرشدين السياحيين,من اكثر كيانات قطاع السياحة حيوية وديناميكية,وبتعبر عن مصالح محددة داخل القطاع,يمكن مالهاش علاقة اوي بسياحة الشواطئ,ولكن بالتأكيد مصالح هؤلاء المرشدين واسرهم,هي ايضا على المحك وفي مفترق طرق.علشان كدا حرصنا النهارده,اننا نستضيف ثلاثة مرشحين على منصب النقيب,في اول انتخابات لمجلس نقابة المرشدين السياحيين بعد الثورة ,للتعرف على امالهم وتطلعاتهم لمستقبل النقابة وقطاع السياحة ككل في الفترة القادمة. يسعدني انه يكون معانا النهارده كل من
ليست هناك تعليقات:
إرسال تعليق