برنامج بلدنا بالمصرى
تقديم ريم ماجد
على قناة OTV
يوتيوب كاملة
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاحد 20 نوفمبر 2011 يوتيوب كاملة
بالمفتشر: الحق على الثورة وعلى اللي عملوها
يسعد مساكم وحلقة جديدة من بلدنا بالمصري.. هي ديتها تلات إيام اللي غبنا عنكم فيهم وقفت فيهم الدنيا على رجل وكإننا بنجيب من الأول وما أشبه الليلة بالبارحة، والحقيقة إنه يخلق من الشبه أربعين سواء هنتكلم عن الأسباب أو عن النتايج أو عن سيناريوهات التعامل وإدارة الأزمات من السياسية _دة إن وجدت_ للأمنية للإعلامية يا قلبي لا تحزن.. زي النهاردة الأسبوع اللي فات وبمناسبة ما كان مر علينا تسع شهور بالتمام والكمال على يوم خلع الرئيس اللي اعتبرناه بداية لإسقاط النظام اللي لسة ماشالله شادد حيله أربعة وعشرين وقيراط ومعشش ومتبت، قلنا إن الثورة ديه قامت عشان البلد ديه تتولد من جديد لكن الولادة متعثرة والأم والجنين في خطر طول ما احنا لسة بعبلنا.. واحنا لسة بعبلنا ولو عايزين أدلة ممكن نقعد من هنا لبكرة نعد فيهم، لكن عشان ما نروحش لبعيد خلينا في اللي احنا فيه من امبارح الصبح ولحد دلوقتي كدليل يسد عين الشمس.. ولأول مرة هاقولها بالمفتشر كدة وبالفم المليان: الحق على الثورة وعلى اللي عملوها.. والحق عليهم من الأول خالص.. ليه بقة؟! لإنه من البديهيات اللي مش عارفة تاهت عننا ليه وإزاي إن: "في الثورات "أنصاف الحلول تعني انتحار" فما بالنا بربع الحلول أو بأقل القليل وساعات حتى بعكس الحلول اللي فضلنا نرضى بيها طول التسع شهور اللي فاتوا وكإننا بننتحر انتحار جماعي واحنا مش داريانين أو داريانين وعاملين مش واخدين بالنا إن الثورة بتتعرض لعملية اغتيال منظمة مع سبق الإصرار والترصد، ويفضل الجاني وكإنه مجهول بما إننا احنا اللي انتحرنا من أول يوم بعد التنحي ومن تاني يوم كل واحد راح يغني على ليلاه وراح يدور على اللي فيه القسمة.. وآدي النتيجة الوحيدة البديهية والمنطقية: "لم ينجح أحد" لا اللي عمل الثورة ولا اللي حماها _إلا إذا كان القصد إنه كان بيحميها من نفسها_!!! أما الكسبان الوحيد لحد النهاردة، فهنياله: النظام القديم بكامل هيئته وفورمته وأدواته وأسلحة دماره الشامل وعلى راسها من فوق: "الإعلام والداخلية".. وإذا النهاردة بندور على وصف للحظة أنا شخصياً مش لاقية غير الكلمتين دول اللي كتبهم الكاتب الصحفي الأستاذ سليمان الحكيم في مقال ليه من حوالي أسبوعين بعنوان: " مبارك ليس الأفضل.. ولا نحن أيضاً": "ليس هذا وطناً، بل هو مجرد «مسودة» لوطن، نقرؤه على الورق واعداً، ونعيشه فى الواقع محبطاً! وليست هذه ديمقراطية، إنما هى مجرد «مسودة» لنظام نحلم به مشرقاً ومتسعاً بعرض طموحاتنا فى الحرية، لكننا نعيشه كابوساً يطبق على صدورنا بضيق التنفس! نتطلع إلى العدالة فلا نرى غير الظلم، ونحلم بالحرية فلا نعيش إلا الكبت، ونرنو إلى الكرامة فلا نحصل إلا على المذلة والهوان"!!!! ولكن مين عارف؟!!! رب ضارة نافعة والليلة اللي أشبه بالبارحة ديه يمكن يكون آن الأوان يطلع عليها نهار يليق بمقام الثورة وبمقام اللي حموها واللي لسة بيحموها لحد النهاردة بدمهم وبحباب عينيهم.. لكن لحد دلوقتي النهار دة حلم مش هنبطل نحلمه، أما الحقيقة لحد اللحظة اللي احنا فيها ديه أهيه.
حقيقة أحداث ميدان التحرير ١٩ و ٢٠ نوفمبر
الحقيقة لحد اللحظة اللي احنا فيها ديه أهيه .. من أول فض اعتصام مصابي الثورة بالقوة ولحد دلوقتي
محاولة الشرطة العسكرية فض اعتصام التحرير
كيف حاولت الشرطة العسكرية وقوات الأمن المركزي فض اعتصام التحرير
أطباء التحرير: مجزرة في ميدان التحرير #Nov20
مواجهة بين المتحدث الرسمي باسم وزارة الصحة مع د. محمد فتوح عضو جمعية أطباء التحرير
كيف اقتحمت الشرطة العسكرية ميدان التحرير #Nov20
د. علاء الروبي منسق مبادرة التوافق الشعبي: بدون سابق إنذار دخل قوات من الجيش بكثافة
عشرات المعتقلين فى أحداث ميدان التحرير #Nov20
ثورتنا سلمية والدم احنا اللي هندفعه
وأنا في اليونسكو في الندوة الأخيرة عن التحول الديمقراطي في دول "الربيع العربي"، من ضمن الأسئلة اللي اتوجهت للمصريين الحاضرين، إنه الثورات الأشهر في التاريخ هي الثورات اللي اتخذت اجراءات استثنائية وأحياناً دموية ضد الماضي لو مش من باب الانتقام فمن باب انها تحمي نفسها، لكن الغريب في الثورة المصرية إنها لم تلجأ لأي ممارسات استثنائية أو دموية في حين إن النوع دة من الممارسات بيمارس ضد الثوار وضد المواطنين العاديين في مصر.. وكان ردنا جميعاً كل واحد في دوره إن: "أولاً مصر أم العجايب وإن الثورة المصرية مالهاش مثيل وإن اللي حمى ثورتنا هو "سلميتها" احنا اختارناها سلمية وحافظنا عليها سلمية وهنكملها سلمية وإذا كان لسة فيه دم لازم يسيل، فمؤكد إن الدم دة مش هيسيل على إيدينا مهما حصل لكن لو حصل هيبقى تمن غالي هندفعه من دم الشهدا.. وساعتها ما كناش نعرف إن التمن دة هندفعه بعد أقل من أربعة وعشرين ساعة من دم محمد أحمد محمود وبهاء السنوسي وغيرهم.. وبالتأكيد ماكناش نعرف ولا كان يخطر لنا على بال ولا حتى في اسود الكوابيس إن التمن الغالي دة ممكن يهون لحد إنه يترمي في الزبالة
شهاب الدين شهيد التحرير على يد الشرطة العسكرية
محمد أحمد محمود وبهاء السنوسي والشهيد المسحول ماهماش آخر الشهدا، شهاب الدين الدكروري أول شهيد سقط بعد انضمام الشرطة العسكرية للأمن المركزي لاقتحام الميدان إيد واحدة، وفيه أخبار وإن كانت مش مؤكدة من أي مصادر رسمية حتى الآن عن سقوط شهداء آخرين.
سحل متظاهر بعد قتله في ميدان التحرير #Nov20
ديه الحقيقة المرة اللي لسة شرحها هيطول لكن الحقيقة المرة علقم
لواء سابق: الجيش المصري أطيب من اللزوم
بيان مجلس الوزراء قبل لقاء العسكري
دة الوضع على الأرض في الشارع، في الوقت اللي كانت الشرطة العسكرية بتضم على الأمن المركزي كانوا أعضاء مجلس الوزرا انتهوا من اجتماعهم الطارئ اللي أعلنوا عنه من امبارح وفي طريقهم للمجلس العسكري لمناقشة تداعيات الأزمة
أنباء عن استقالة وزير الثقافة عماد أبو غازي
الوزير الوحيد اللي ما حضرش اجتماع المجلس العسكري هو وزير الثقافة الدكتور عماد أبو غازي، لإنه على ما يبدو إنه مؤكد، استقال بشكل رسمي من منصبه احتجاجاً على الأحداث.
(متابعة الخبر وقصة المعرض والتعليقات: جزار اطبع لي والنبي خبر المعرض اللي انت بعتهولي)
اجتماع شرف والفنجري بشأن مصابي الثورة
الاجتماع الطارئ لمجلس الوزرا سبقه اجتماع تاني طارئ برده بين رئيس الوزرا الدكتور عصام شرف واللوا/ محسن الفنجري عضو المجلس الأعلى للقوات المسلحة ونائب رئيس مجلس إدارة صندوق مصابى الثورة، لاستعراض الخدمات اللي تم تقديمها للمصابين وأهالي الشهدا والاتنين اتفقوا على عدد من الإجراءات لكن اتفقوا قبلها على إن أغلب احتيجات ومطالب المصابين وأهالي الشهدا قد تحققت وناشدوا اللي ليهم مصالح في اللي سموه "المتاجرة بملف الشهدا المصابين بالتوقف عن ذلك وان يتقوا الله في مصر"
دعوات لاعتصام مفتوح لحين تسليم الجيش السلطة
17 حركة سياسية بميدان التحرير طالبت كافة القوى السياسية والشبابية بالدخول فى اعتصام مفتوح بميدان التحرير وكافة الميادين الرئيسية بالمحافظات، للمطالبة بإقالة حكومة عصام شرف، وتشكيل حكومة إنقاذ وطنى تتمتع بكافة الصلاحيات، على أن تتولى الإشراف على نقل السلطة والانتخابات البرلمانية والرئاسية واستكمال إدارة المرحلة الانتقالية، على أن تخلى المجلس العسكرى عن كافة صلاحياته السياسية والمدنية.
كما طالبت الحركات التجمعات السياسية ومن بينها حركة ثوار ومجلس أمناء الثورة وائتلاف واتحاد شباب الثورة وحركة شباب 6 إبريل "الجبهة الديمقراطية" وائتلاف بيت الثورة وثورة الغضب الثانية، بإجراء الانتخابات البرلمانية فى موعدها المقرر، وإجراء الانتخابات الرئاسية فى موعد أقصاه إبريل 2012.
كما شدد الموقعون بالبيان على إعادة هيكلة وزارة الداخلية واستبعاد القيادات الموالية للنظام السابق، مؤكدة على أن هذه المطالب هى مطالب القطاع العريض من الشعب المصرى الثائر الذى رفض الاستبداد ويطالب بالكرامة والحرية والعدالة الاجتماعية.
مجموعة مجهولة هاجمت مبنى الأمن الوطنى بالسويس
قامت مجموعة مجهولة بمهاجمة مبنى جهاز الأمن الوطنى بالسويس وإطلاق أعيرة نارية.
خطة لإنقاذ البلاد وتشكيل حكومة إنقاذ وطني
في عز بقة ما مجلس الوزرا بيجتمع وعنده معاد مع المجلس العسكري لبحث تداعيات الأزمة كان فيه مجموعة من الشخصيات العامة وشباب الثورة كانوا بيبحثوا "خطة لانقاذ البلاد" من ضمنها تشكيل حكومة انقاذ وطني وبعتوها فعلاً للمشير.
يسري فوده ومالك مصطفى ومصابوا عيون التحرير
الشرطة العسكرية تسحل حسن البنا الطفل #Nov20
أ. غادة شهبندر عضو المنظمة المصرية لحقوق الإنسان تروي جرائم الأمن المركزي والشرطة العسكرية في ميدان التحرير
بلدنا بالمصري: علاقة الانتخابات بأحداث ميدان التحرير
مفاجأة .. ماسبيرو متباع من ٣ سنين
مفاجأة على لسان أ. هالة الإعلامية بأن مبنى ماسبيرو تم بيعه لثري عربي منذ ثلاث سنوات ليحوله إلى فندق وسيتم تسريح عمالة التليفزيون
بلدنا: ١٠ شهداء و ٧٠٠ مصاب في أحداث التحرير
١٠ شهداء معظمهم بطلق ناري حي في الرأس والصدر وأكثر من ٧٠٠ مصاي في أحداث اليوم ٢٠ نوفمبر في ميدان التحرير
وزارة الصحة: نقل جثث ١٠ شهداء إلى مشرحة زينهم
عربات وزارة الصحة نقلت ١٠ جثث إلى مشرحة زينهم وتم نقل أكثر من ٢٦٠ مصاب إلى مستشفيات وزارة الصحة
بلدنا بالمصري: إيه آخرتها مع الإعلام المصري
إذا بلدنا كلها لسة بعبلها يعني هي جت على الإعلام؟!!! هو سؤال ورد غطاه: إيه آخرتها مع الإعلام اللي لسة بعبله؟!!!
الأستاذة الدكتورة/ عواطف عبدالرحمن
الكاتب الصحفي/ ياسر الزيات
هالة فهمي
ليست هناك تعليقات:
إرسال تعليق