برنامج مصر فى اسبوع حلقة الجمعة 7/10/2011 من قناة ONTV كاملة يوتيوب
مصر في أسبوع: جمعة شكراً .. عودوا إلى ثكناتكم
النهاردة ميدان التحرير كان على ميعاد مع جمعة عودوا الى ثكناتكم اللى دعا اليها عدد من القوى السياسية تعالو نشوف ايه شكل الميدان النهاردة وايه اللى حصل فى التقرير اللى جاي
مصر في أسبوع: اتحاد شباب ماسبيرو ينسحب من ميدان التحرير
أعلن اتحاد شباب ماسبيرو، عن انسحابه من التواجد بميدان التحرير والمشاركة بعيادته الطبية فى مليونية "شكرا.. عودوا إلى ثكناتكم"، وذلك للتركيز على الوقفة الاحتجاجية التى من المقرر تنظيمها يوم الأحد القادم، احتجاجًا على أحداث كنيسة المريناب بأسوان، ولحين استجابة المسئولين لمطالبهم.
مصر في أسبوع: حوار مع د. عزازي علي عزازي محافظ الشرقية
النهاردة وزى ما متعودين معاكوا فى مصر في أسبوع أننا نجتهد وهيكون معانا كل أسبوع محافظ لمحافظة من محافظات مصر علشان نقدر نقرب أكتر الى الناس ومشاكلهم ونسمع منهم المشاكل على أرض الواقع يمكن يكون لينا ندور ونقرب المشاكل على المسئولين ...ضيفنا النهاردة هو محافظ ثائر فعلا من قلب ميدان التحرير معروف انتمائه السياسى المعارض للنظام السابق على مدار 30 سنه اعتقل اتبتهدل ....ولفت الايام جت الظروف انه يكون مسئول عن محافظة من اكبر محافظات الجمهورية من حيث المساحه والسكان ...ضيفنا النهاردة محافظ الشرقية اللى هنعرض ليه مشاكل المحافظة اللى جت لينا وهنحاول نلاقى ليها حل ان شاء الله .
- الدكتور عزازى على عزازى محافظ الشرقية
مصر في أسبوع: نقابة الأطباء على صفيح ساخن جداً
اسبوع واحد فقط وتجرى انتخابات نقابة الاطباء اللى مجمدة بقالها 19 سنة ،والصراع الان على اشده على منصب النقيب وكمان اعضاء المجلس ،لان طبعا المجلس ده هيكون امل كل الاطباء وهيكون اول مجلس يعبر عنهم بشكل حقيقى منذ 19 عام تجمد فيها العمل النقابى للاطباء.
صراع شديد بين الاخوان اللى البعض بيتهمهم بانهم عايزين يسيطروا على النقابة زى ما كانو مسيطرين عليها قبل كدة وافسدوها ،وبين بقية الاطياف. وكمان فى جدل شديد على القرارات اللى بتصدرها اللجنة المشرفة على انتخابات النقابة واخرها كان قرار تغيير مقر الانتخابات من قاعة مؤتمرات الازهر الى قاعة مؤتمرات معهد ناصر لان القرار جاى قبل الانتخابات بعشرة ايام وبعد ما المرشحين طبعوا الدعاية بتاعتهم ووزعوها مكتوب عليها المقر الاول اللى هو قاعة المؤتمرات بالازهر
تفاصيل ما يجرى فى العملية الانتخابية هنتكلم فيه مع ضيوفنا اللى بيمثلوا كل ااتجاهات داخل نقابة الاطباء
- الدكتور عبدالفتاح رزق من قائمة الاخوان المسلمين
- الدكتور اسامه عبدالحى عضو قائمة الاستقلال
- الدكتور احمد عضو عضو ائتلاف شباب الاطباء
مصر في أسبوع: المجموعة العالمية لراكبي الدرجات
معانا دلوقتى مجموعة من الشباب أعضاء فريق قد يثير إعجاب البعض وقد يثير الدهشة ،فريق غريب الى حد ما هو فريق مؤسسي المجموعة العالمية لراكبي الدرجات -- فريق جلوبال بايكنج إنشياتف (جي بي آي) الفريق ده بيعمل رحلات عبر العالم لكن بالدراجات وبتكون الرحلة بتاعتهم عبارة عن شوية تحديات مع بعضها ،بيتحدوا فيها نفسهم عشان يوصلو لهدفهم ،واثناء الرحلات بتاعتهم بيحطوا هدف خيرى عن طريق انهم يلموا تبرعات يوجهوها لحاجة خيرية تعود بالنفع على المجتمع
ليست هناك تعليقات:
إرسال تعليق