برنامج مصر فى اسبوع حلقة الجمعة 30/9/2011 من قناة ONTV كاملة يوتيوب
جمعة استرداد الثورة في محافظات مصر
النهاردة مصر كلها كانت على ميعاد مع جمعة استرداد الثورة ميدان التحرير كان روحه النهاردة جميلة والميدان ظهر عليه حالة من التوافق رغم تعدد المنصات تعالو نروح نشوف فى التقرير اللى جاى تفاصيل اللى حصل فى جمعة استرداد الثورة
رأي الناس في جمعة استرداد الثورة
تعالو نروح نسمع راى الناس بعيد عن الميدان فى جمعة استرداد الثورة
طارق الزمر: أعمال تخريب في استرداد الثورة
أكد الدكتور طارق الزمر، القيادى البارز بالجماعة الإسلامية ووكيل مؤسسى حزب "البناء والتنمية"، أن مليونية "استرداد الثورة" ضعيفة، متوقعاً فى تصريحات لـ"اليوم السابع" انتهاءها بأعمال تخريبية، على حد قوله
رأي الناس في مقاطعة الانتخابات
من مطالب جمعة استرداد الثورة كانت الغاء قانون الانتخابات اللى تم اقراره الاسبوع اللى فات ونص على ان الانتخابات هيكون الثلثين بالقائمة النسبية والثلث بالنظام الفردى ...قانون الانتخابات اللى طلع من قبل مجلس الوزراء واقره المجلس العسكرى .. لدرجة ان فيه دعوات كتيرة بمقاطعة الانتخابات القادمة وده اللى استقر عليه اجتماع احزاب التحالف الديمقراطى فى اجتماعهم يوم الاربعاء ....نعالو نروح نسمع راى الناس فى مقاطعة الانتخابات فى حال اقرارها .
مجلس الوزراء يدرس تعديل المادة الخامسة
النهاردة ذكر التليفزيون المصري ان مجلس الوزراء برئاسة د.عصام شرف قرر دراسة مطلب القوى السياسية بتعديل المادة الخامسة من قانون الانتخابات، والتي تحظر ترشح أعضاء الأحزاب على المقاعد الفردية، وتسقط عضويتهم حالة انضمامهم لأحد الأحزاب بعد نجاحهم كمستقلين.
وكان حوالي 60 حزبا وحركة قد أجلوا مشاركتهم بالانتخابات البرلمانية القادمة لحين نظر المجلس الأعلى للقوات المسلحة في طلبهم بشأن تعديل المادة، وبكرة تنتهى المهلة التى حددها التحالف الديمقراطى للمجلس العسكرى من أجل الاستجابة إلى مطالبهم
مداخلة مع الدكتور وحيد عبدالمجيد
أيمن نور يعلن برنامجه الإنتخابي
الدكتور ايمن نور المرشح المحتمل لانتخابات رئاسة الجمهورية اعلن برنامجه الانتخابى النهاردة فى جزيرة الوراق وكمان اتناقش معاهم فى مشاكل الجزيرة تفاصيل اكتر عن زيارته فى التقرير اللى جاي
غداً أول أيام العام الدراسي الجامعي
بكره المفترض اول العام الدراسى فى الجامعات المصرية ...العام الدراسى هيواجه تحديات كبيرة فى ظل دعوات الاضراب اللى انتشرت فى الجامعات فى الجامعات المصرية ...تعالو نروح نشوف التقرير حوالين بداية العام الدراسى فى الجامعات
مصر في أسبوع : جمعة استرداد الثورة
النهاردة مصر كلها كانت على موعد مع جمعة استرداد الثورة فى فقرتنا هنحلل اللى حصل النهاردة وايه اللى وصلنا للوضع ده وهل المجلس العسكرى هيستجيب للمطالب اللى تم رفعها النهاردة
الدكتور حلمى الجزار عضو مجلس شورى جماعة الاخوان المسلمين
الكاتب الصحفى نبيل ذكى المتحدث الرسمى باسم حزب التجمع .
الاستاذ عماد الدين حسين مدير تحرير جريدة الشروق
م ف أ : إمكانية الافراج عن الجاسوس الأمريكي
فاكرين كلنا موضوع الجاسوس الأمريكي اللى اتقبض عليه فى مصر من كام شهر وفيه كلام بيتردد أن الولايات المتحدة كثفت في الفترة الأخيرة ضغوطها على مصر، للإفراج عن الجاسوس الإسرائيلي إيلان تشايم جرابيل وكمان الوفد الامريكى اللى بيزور القاهرة دلوقتى طالب بالافراج عن الجاسوس .... وكمان القناة الثانية بالتليفزيون الإسرائيلي ذكرت أن الإدارة الأمريكية تمارس ضغوطاً على مصر للإفراج عن غرابيل، ونقلت صحيفة "يديعوت أحرونوت" تصريحات لمسؤولين أمريكيين قالوا فيها إن واشنطن بعثت برسالة بشأنه إلى مصر وقعها رئيس أركان الجيش الأمريكي، كما أرسل وزير الدفاع رسالة أخرى يطالب فيها بالإفراج عنه تنفيذاً لتعليمات الرئيس الأمريكي باراك أوباما، وأشار التليفزيون الإسرائيلي إلى أن مصر رفضت في ذلك الوقت المطالب الأمريكية، وهو ما أغضب واشنطن.....هنتكلم عن موضوع الضغوط دى مع ضيفنا النهاردة
اللواء أركان حرب حمد بخيت الخبير الاستراتيجى والامنى
مصر في أسبوع : نقابة المهندسين أخيرا .. بدون حراسة
نقابة المهندسين من النقابات اللى ظلمت فى الماضى على مدار سنوات عديدة كانت فيها تحت الحراسة القضائية بيدورها حارس مالوش علاقة برغبة المهندسين ...لكن زى كل مصر كلها لما اتحررت نقابة المهندسين اتحررت هيا كمان وداخلة على انتخابات لكن صراع القوى السياسية فى السيطرة على النقابة بقى شديد قوى فاحنا النهاردة هنناقش وضع نقابة المهندسين بعد رفع الحراسة عن النقابة وشكل الصراع الانتخابى داخل النقابة
المهندس طارق النبراوى المرشح لمنصب نقيب المهندسين ( وممثل التيار الناصرى ).
المهندس عصام ابراهيم مسئول ملف المهندسين فى جماعة الاخوان المسلمين .
الدكتور مهندس محمد عبدالغنى عضو تجمع مهندسون ضد الحراسة
مصر في أسبوع : معاق ذهنيا يحفظ القرأن كاملا
فى الحقيقة احنا حبينا فى الفقرة دى يكون معانا نموذج مشرف من نماذج مصر الحلوة ،نموذج يمكن يخلى الصحيح مننا يتكسف من نفسه ،لاننا معانا شاب من زوى الاحتياجات الخاصة ،شاب معاق ذهنيا ،لكنه لم يستسلم لاعاقته وماذا فعل،حفظ القران الكريم كااااااااااملا ،لا وكمان مجودا ومرتلا وده يعتبر معجزة مش لانه معاق ذهنيا وبس لانه كمان بيجهل القراءة والكتابة ،لكن بفضل ربنا وبجهود العاملين فى مؤسسة ابرار مصر لرعاية المعاقين قدر انه يتغلب على اعاقته ويحفظ كتاب الله بالكامل وده محتاج مننا رعاية واهتمام خاص جدا لتنمية هذه الملكة والموهبة اللى منحها ربنا ليه
معانا دلوقتى مشرفنا الشاب المعجزة حافظ القران الكريم ومعانا رئيس مجلس ادارة مؤسسة ابرار لرعاية زوى الاحتياجات الخاصة اهلا بيكم
اسماعيل طنطاوى رئيس مجلس ادارة جمعية ابرار
محمد حمدى الببلاوى معاق ذهينا يحفظ القران كامل
ليست هناك تعليقات:
إرسال تعليق