برنامج مصر فى اسبوع حلقة الجمعة 28/10/2011 من قناة ONTV يوتيوب كاملة
مصر في أسبوع: ميدان التحرير في جمعة الثورة مستمرة
النهاردة ميدان التحرير على موعد مع جمعة الثورة مستمرة اللى دعى اليها عدد من القوى السياسية منها حركة 6 ابرايل وحزب غد الثورة و22 حركة تانية واحتشد العشرات فى ميدان من الصباح تفاصيل اكتر على اللى حصل فى الميدان النهاردة فى التقرير اللى جاي
مصر في أسبوع: تفاصيل وقرارات الجمعية العمومية للقضاة
النهاردة قضاة مصر كانت على موعد مع الجمعية العمومية اللى عقدت النهاردة بدار القضاء العالى للرد على الاعتداء على القضاة فى المحاكمة خلال الفترة الماضية ..تفاصيل اكتر عن اللى حصل فى الجمعية العمومية وعن القرارات اللى تم اتخاذها فى التقرير اللى جاى
مصر في أسبوع: رأي الشارع في اعتصام الشرطة
الاسبوع اللى فات شهد احتجاجات واسعه من امناء وافراد الشرطة للمطالبة ببعض المطالبة اللى طبعا حطوا فى مقدمتها وعلشان الناس متقولش حاجة التطهير ...لكن بواطن الامور كان فيه مطالب فئوية كتيرة ...تعالو نروح نشوف راى الناس ايه فى احتجاجات افراد الشرطة
م ف أ: قرارات وزير الداخلية لتلبية مطالب المعتصمين
لسه مع موضوع احتجاج امناء الشرطة وزير الداخلية اللواء منصور عيسوي اصدر عددا من القرارات تحقق مطالب افراد هيئة الشرطة، بما يتوافق مع القانون ولوائح الجهاز الشرطي، ولا يخل باداء الأفراد لمسئولياتهم تجاه الوطن
وقد تضمنت قرارات العيسوي- قرارا رقم 1772 لسنة 2011 بشأن عدم احالة افراد الشرطة للمحاكم العسكرية في الوقائع الانضباطية. وأصدر قرارا رقم 1773 لسنة 2011 بتسليم افراد هيئة الشرطة اسلحة كعهدة شخصية
كما نص قراره، رقم 1774 لسنة 2011، على تشكيل لجنة لتعديل أحكام التدرج الوظيفي لأفراد هيئة الشرطة
وفي قراره رقم 1175 لسنة 2011، أمر وزير الداخلية بتخصيص مستشفى الشرطة بمدينة نصر لعلاج أفراد الشرطة والعاملين المدنيين بالوزارة وأسرهم
وكان عدد كبير من أمناء الشرطة والأفراد قد دخلوا في احتجاجات واعتصامات من ايام امام مقر مبنى وزارة الداخلية ومديريات الأمن بالمحافظات للمطالبة بتحسين أوضاعهم المالية والاجتماعية والوظيفية، وأبدى اللواء منصور عيسوي استعداده لتنفيذ كافة المطالب بما يتوافق مع القانون ولوائح الجهاز الشرطي، وبما لا يخل بأداء الأفراد لمسئولياتهم تجاه الوطن في حفظ الأمن
مصر في أسبوع: أول انتخابات لنقابة العلميين من ١٧ سنة
نقابة العلميين ودى تعتبر نقابة مهمة جدا فى اى دولة عايزة تتقدم عليما النقابة دى كانت فى التلاجة من 17 سنه تعالو نشوف اول انتخابات فى النقابة دى كانت عاملة ايه فى التقرير اللى جاى
م ف أ: افتتاح الدورة الرابعة لمهرجان شخصيات مصرية
شهدت اسوان امبارح ولاول مرة ايضا افتتاح الدورة الرابعة لمهرجان شخصيات مصرية بمشاركة 33 قبيلة من مختلف محافظات الجمهورية تستمر فعاليات المهرجان ثلاثة ايام ويقام المهرجان بجزيرة هيسا اروع واقدم الجزر النوبية باسوان ويهدف المهرجان الى التقارب بين القبائل العربية
مصر في أسبوع: ندوة المفاهيم الأساسية للانتخابات
امبارح باليل فى نادى هليوبلوس مصر الجديدة كان فيه ندوة ندوة عن المفاهيم الاساسية للانتخابات بحضور الدكتور عمرو الشوبكى والدكتور معتزبالله عبدالفتاح المستشار السياسى السابق لرئيس الوزراء
حوار مع اللواء محمد عبدالمنعم محافظ السويس
زى ما متعودين مع حضراتكم كل اسبوع هيكون معانا فى مصر فى اسبوع محافظة لمحافظة من محافظات مصر النهاردة وبالتزامن مع احتفال المحافظة الباسلة " السويس " بعيدها القومى احنا النهاردة معانا محافظ السويس اللواء محمد عبدالمنعم هيكون لينا معاه حوار بصريح العباره حول مشاكل السويس وايه مستقبل تلك المحافظة اللى قدمت ابنائها شهداء فى الثورة .
مصر في أسبوع: سبل محاصرة الفلول بدون العزل
احنا داخلين على انتخابات ظروفها متشابكة للغاية محدش عارف الامور هتمشى ازاى لحد النهاردة مفيش قانون عزل سياسى صدر لحد النهاردة رفم الوعود من مجلس الوزراء بصدور القانون مش عارفين هيطلع امته وهيطبق ازاى ..لكن احنا من النهاردة هنلعب دورنافى تنوير المواطنين فى اختيار المرشحين لانتخابات مجلس الشعب ...وطالما قانون العزل مش هيطلع احنا بقى هنطبق العزل ذاتيا ومش هنتخب فلول وهنط دايرة سوداء على المرشحين اللى بينوا الى النظام السابق
- المستشار محمد حامد الجمل رئيس مجلس الدولة الاسبق
مصر في أسبوع: مطرب ثورة سوريا خاطر ضوا
ضيفنا النهاردة بيطلق عليه فى سوريا مطرب الثورة ارتبط بوجدان الناس فى سوريا خلال ايام الثورة هو بيقول انه عمره ما هيكون بخير طول ما سوريا مش بخير ...هيكون لينا طلة النهاردة على الوضع فى سوريا لكن من خلال منظور مختلف منظور فنى من وجهة نظر مطرب الثورة فى سوريا
شو بيقربك ياحمزة - خاطر ضوا
ياسوريا لاتسجلينا غياب - خاطر ضوا
ياشام هلّ النصر - خاطر ضوا
ليست هناك تعليقات:
إرسال تعليق