برنامج مع ON Time أخبار وفعاليات محافظات وأقاليم مصر حلقة السبت 10/09/2011-تحدي المتظاهرين لقنابل الغاز - السفارة الإسرائيلية #Sep9 - مدنيون مع الأمن المركزي يقذفون المتظاهرين بالحجارة #Sep9 - مال مصر: مع وزير الصناعة د. محمود عيسى - مال مصر: ليه دايما بنغيب عقلنا - مال مصر: جمعة تصحيح المسار بين الساسة والجمهور

برنامج مع ON Time أخبار وفعاليات محافظات وأقاليم مصر حلقة السبت 10/09/2011

ON Time أخبار وفعاليات محافظات وأقاليم مصر 10/09/2011




أخبار وفعاليات أقاليم مصر اليوم من محافظات مصر المختلفة





تحدي المتظاهرين لقنابل الغاز - السفارة الإسرائيلية #Sep9





مدنيون مع الأمن المركزي يقذفون المتظاهرين بالحجارة #Sep9



مال مصر: مع وزير الصناعة د. محمود عيسى


امبارح كانت مليونية تصحيح المسار , مئات الالاف من الناس في كل مكان في مصر,خرجوا يبحثوا سبل تصحيح مسار ثورتهم ،، او ربما كانت بتبحث عن مسار حقيقي للثورة اللي لحد دلوقتي و بعد ثمانية اشهر ,مش شايفين ولاعارفين ايه مسارها ,او مصيرها ،، هذا الواقع لم يتحدث عنه الشارع فقط ولكن الحكومة ايضا تتحدث عنه ، على سبيل المثال لا الحصر ,الدكتور محمود عيسى وزير الصناعة والتجارة ،، اكد في كتير من حواراته أن الثورة لم تدخل وزارته بعد ،، بل إنها لم تدخل مؤسسات ولا وزارات كثيرة‏,‏ فمشوار تحقيق اهداف ثورة 25 يناير كما يقول وزير الصناعة لايزال طويلا‏.
اذا كنا بنطالب بنهضة ،، اذا كنا بنطالب بتقدم ورفع لمستوى المعيشة ،، اذا كنا بنطالب بخفض نسبة البطالة ،، اذا كنا بنفكر في مسقبلنا ، يجب علينا ببساطة ان نتحدث عن الصناعة وعن التجارة ،، ومن هنا تأتي أهمية لقائنا اللية مع د/ محمود عيسى وزير الصناعة و التجارة الخارجية





مال مصر: ليه دايما بنغيب عقلنا

كان نفسي العودة,تبقى سعيدة بشوية أخبار كويسة ,بعد جمعة تصحيح المسار,امبارح,ولكن للأسف,جت احداث السفارة الاسرائيلية بليل ,علشان تعكنن علينا كلنا .
الحقيقة اكتر حاجة ضيقتني أنا شخصيا من اللي حصل,مش الاحداث نفسها,يعني مش اقتحام السفارة الاسرائيلية ,ولا الاشتباكات بين المقتحمين ,وقوات الأمن, صحيح مقدرش اقول انها ماازعجتنيش ....لكن اللي ضايقني فعلا هو ردود أفعال المصريين,اللي قاعد اتابعها من امبارح بليل,ولغاية دلوقتي. على الفيسبوك والتويتر ومداخلاتهم على الفضائيات والقنوات الأرضية ...ردود الأفعال دي بتخليني اطرح سؤال واحد, باعتقد انه مهم,ليه اغلبنا دايما,لما ييجي يتفاعل مع حدث سخن بيبقى عامل كدا؟ يعني ليه بيبقى عصبي,متسرع ,عاطفي,مستفز جدا,أوقابل للاستفزاز بسهولة ,ليه اغلبنا في المواقف السخنة المفاجئة اللي زي دي, بيبقى عنده استعداد أنه يغيب,أو يستغنى عن أهم عضو عنده, عقله ,ونتيجة لكدا ,بيقى عنده ميل شديد ان يشتم علاطول,أي حد مختلف مع الكلام او الهرتلة أو الهلاوس اللي هوا بيقولها.
ليه كل واحد فينا من ساعة الثورة ما قامت في 25 بيناير اللي فات,وهوا كل حاجة ما تحصل,مبيفكرش فيها بمنطق انه يحللها ويعرف هي حصلت ليه,وبالتالي هو هيتعامل معاها ازاي على حسب موقفه والاهداف اللي عايزها تتحقق,وبدل كدا تلاقيه علاطول واخد موقف انفعالي اما ابيض او اسود,يعني اما يتقلب تماما على الثورة وتبقى الثورة دي كارثة ومؤامرات واصابع اجنبية ,وكفاية بقى مظاهرات وعايزين نرجع عجلة انتاج ,يأما على الناحية التانية نلاقي ناس بتشتم في الناس الأولانيين وقاعدين يبرروا أي حاجة أو اي غلطة أوأي سلوك,بيتم ارتكابه من حد محسوب على الثورة.
طب نعمل ايه ؟ ونفكر ازاي؟..خلينوا اقولكم الدليل اللي انا باستخدمه, لتقييم اي حدث يحصل,في الفترة الآخيرة,يمكن يعجب اي حد فيكم فيستعمله,او ميعجبوش فيركنه على جنب ,ولكن من الأول باقولكم ,ان الطريقة بتاعتي دي ,الحاجة الوحيدة اللي اضمنهلكوم بيها ,ان استعمالها,هيجنبك على الأقل العصبية والشتيمة والنرفزة,ويخليك مركز على تحقيق الأهداف اللي انت عايزها



مال مصر: جمعة تصحيح المسار بين الساسة والجمهور


التلات اللي فات ,ماتش الأهلى وكيما اسوان كان شغال زي الفول,والجماهير مبسوطة,الأهلي ركب الماتش من اوله والنتيجة'وصلت 4 صفر,حتى ضربة الجزاء اللي ضيعها لاعب الأهلي امير سعيود,مازعلتش حد ,بالعكس الناس قعدت تتريق,على الطريقة الغريبة اللي ضيعها بيها...خلص الماتش,فجأة اتقلبت بعض المدرجات لساحة معركة بين الأمن المركزي,وجماهير ألتراس الأهلي,وامتدت المعارك إلى الشوراع المحيطة بالاستاد اللي تحولت لساحة حرب,فيها كروفر,وضرب يالعصيان والشوم والطوب ,وكالعادة,اصبحت الثورة هي اللي قفص الاتهام,ليه مااعرفش؟واتقلب الموضوع خناقة بين مؤيدي ومعارضي استمرار الثورة.على اي حال..هدفنا النهارده ,اننا نعرف بالضبط ايه اللي حصل ومن الطرف اللي أغلب الناس ,وجهت له اصابع الاتهام طوال الايام اللي فاتت,وهو جماهير الألتراس,وماهو تاريخ العداء بين جماهيرالأتراس ,وجماهير الأمن المركزي؟وما هو التحليل السياسي والاجتماعي لما حدث,وما اعقبه من ردود افعال؟والأهم كيف نضمن ألا يتكرر ماحدث في المستقبل,ونحن على اعتاب بداية موسم الدوري العام؟وكيف نتعامل معه ونفهمه,لوتكرر لاقدر الله في المستقبل؟
معنا في الاستوديو لمناقشة الموضوع
-الدكتور عمار على حسن الباحث والناشط السياسي من العيار التقيل.
-رامي احمد قيادي في جروب التراس اهلاوي