برنامج بلدنا بالمصرى تقديم ريم ماجد على قناة OTV حلقة الاحد 10/7/2011 يوتيوب كاملة
بلدنا بالمصري: الشعب والشعب إيد واحدة - الثورة أولاً
يسعد مساكم وحلقة جديدة لانج من بلدنا بالمصري، بتفكرنا مش بس بحلقاتنا في عز الثورة لكن كمان ببلدنا في عز الثورة.. الكام اليوم اللي فاتوا من يوم الجمعة اللي فاتت، زيهم زي أيام الثورة فيهم الحلو وفيهم المر وزي ما قلبوا علينا المواجع اللي لسة ما خفتش، زي ما رجعونا لأيام حلوة كان فيها الشعب والشعب إيد واحدة.. وبالمناسبة دة كان واحد من أجمل الهتافات اللي جلجلت يوم الجمعة في ميدان التحرير وفي كل ميادين التحرير في مصر، اللي بقى واضح وضوح الشمس إنها من هنا ورايح مش هترضى أبداً بقليلها
بلدنا بالمصري: جمعة الثورة أولاً في لندن
من ضمن الحاجات كمان اللي بتخلينا نفتكر أيام الثورة اليومين دول، إن مظاهرة الثورة أولاً يوم الجمعة ما كانتش بس في ميادين التحرير في مصر، لكن المصريين اللي عايشين برة مصر وقلوبهم هنا معاها، نقلوا ميدان التحرير ما كان ما يكونوا.. احنا معانا عينة واحدة بس بينة من وسط البلد في لندن.. ديه المظاهرة اللي نظمها شباب الجالية المصرية في لندن، ورفعوا فيها نفس المطالب ورددوا نفس الشعارات.. التفاصيل هنعرفها من الدكتور/ خالد فهمي
بلدنا بالمصري: رد فعل الشارع على بيان د. عصام شرف
من ساعة ما الناس نزلت في عز الشمس والحر يوم الجمعة الصبح، لدرجة انه من ضمن الشعارات اللي ظهرت يوميها "الشعب يريد تكييف الميدان"، وبقت الناس تتحسر على الأيام اللي كانت الشرطة بترشهم بيها بالمية.. من ساعتها والناس ريقها نشف من كتر المهاتية، من باب إن الشعب يريد "حد يرد عليه ويبل ريقه"، لحد ما الدكتور عصام شرف قال كلمته.. هو قالها من هنا وخيبة الأمل ركبت الجمل وخدت بعضها ونزلت الشارع عدل من غير لا إحم ولا دستور
بلدنا بالمصري: وزير الداخلية وإنهاء خدمة الضباط
دة كان رد فعل الشارع ولسة حنيجي لرد فعل القوى الوطنية وائتلافات شباب الثورة، بس قبلها وزي ما حضراتكوا شوفتوا وسمعتوا كدة، إن من ضمن القرارات اللي الدكتور عصام شرف أعلن في كلمته إنه خادها، وتحديداً في البند ثانياً، قال بالحرف الواحد: "أصدرت تعليمات مُباشرة لوزير الداخلية بضرورة إصدار قرار بإنهاء خدمة كافة القيادات والضباط المُتهمين في قضايا قتل الثوار".. لكن البند دة بالذات ما عداش بالساهل كدة مش بس على وزير الداخلية، لكن كمان على ائتلاف ظباط الشرطة_اللي رجع تاني لقواعده سالماً_ وعلى عدد من ائتلافات شباب الثورة... وزير الداخلية، اللوا منصور العيسوي، قابل النهاردة الدكتور عصام شرف، وصرح بعد اللقاء لوكالة أنباء الشرق الأوسط إن: " قال منصور عيسوي، وزير الداخلية، إنه التقى صباح الأحد، رئيس مجلس الوزراء الدكتور عصام شرف، وأكد أنه «لن ينفذ أي قرار خاص بالضباط المتهمين بقتل المتظاهرين إلا وفقاً للقانون». وإن " رئيس مجلس الوزراء مش من اختصاصه إصدار أى قرار يخص الضباط الذين يمثلون حالياً أمام محاكم الجنايات بتهمة قتل المتظاهرين وإن القرار دة في ايدين وزارة الداخلية لوحدها». لدرجة إنه هدد بالاستقالة لو القرارات ديه اتنفذت
بلدنا بالمصري: ائتلاف ضباط الشرطة يرفض بيان د. عصام شرف
ائتلاف ضباط الشرطة رافضين لإقالة الظباط
بلدنا بالمصري: رد القوى السياسية على بيان د. عصام شرف
تعالوا بقة نروح نطل طلة على ميدان التحرير النهاردة، خاصة إن القوى السياسية_حوالي من 120 ل130 حركة وحزب_ أعلنوا النهاردة في مؤتمر صحفي في قلب الميدان عن رد فعلهم على كلمة الدكتور عصام شرف في بيان مشترك بدأ بإن بعد 6 شهور من ساعة ما الثورة قامت لسة مطالبها الرئيسية ما اتحققتش وانتهى بإعلان اعتصام مفتوح في كل ميادين مصر لحد ما تتحقق المطالب مع التأكيد على حق الشعب في اللجوء لكل الوسائل المشروعة لتحقيق المطالب بما فيها العصيان المدني.. وقصة العصيان المدني هيكون لنا فيها كلام كتير
بلدنا: السوايسة ولعوها .. ردود فعل السويس على بيان د. شرف
اللي حصل النهاردة في السويس وعلى طريق السويس_العين السخنة، قبل ما تنجح قوات الجيش في فض اعتصام الأهالي على الطريق، كرد فعل من ضمن ردود الأفعال على كلمة رئيس الوزرا امبارح اللي بدل ما تهدي النفوس، واضح إنها قادت في النار زيادة
بلدنا بالمصري: دعوات العصيان المدني - اعتصام 8 يوليو
الكاتب الصحفي/ سعد هجرس يشاركنا الحوار حم عريم ماجد على ONtv
بلدنا بالمصري: مضربون عن الطعام في السويس والتحرير
من ضمن الإجراءات التصعيدية، اللي ظهرت النهاردة في عدد من ميادين التحرير وبالتحديد، ميدان التحرير في القاهرة وميدان الأربعين في السويس: الإضراب عن الطعام.. في ميدان التحرير فيه على الأقل 20 وفي ميدان الأربعين.
بلدنا بالمصري: نفي استقالة د. شرف ولقائه بالقوى الثورية
عدم صحة ما تردد عن استقالة د. عصام شرف رئيس الوزراء ولقائه بالقوى الثورية
مفاجأة .. إعلان دستوري جديد - الإنتخابات نهاية سبتمبر
أنباء عن قرب إصدار المجلس العسكري بيان دستوري جديد تكتبه لجنة الدستور بمؤتمر الوفاق القومي وأن موعد الانتخابات قد تحدد بنهاية سبتمبر .. التفاصيل في بلدنا بالمصري
بلدنا بالمصري: قراءة في بيان د. عصام شرف
قراءة في بيان د. عصام شرف بعد جمعة 8 يوليو مع الكاتبة والأديبة د. أهداف سويف و أ. أحمد الكيلاني وأ, السعيد عبدالحي قاسم .. في بلدنا بالمصري
بلدنا: تحليل نفسي ولغة جسد د. عصام شرف أثناء البيان
أ. د. يحيى الرخاوي أستاذ الطب النفسي و أ. رغداء السعيد خبيرة لغة الجسد في مصر في بلدنا بالمصري
بلدنا بالمصري: عودة وزارة الإعلام
عودة وزارة الإعلام .. المذيعة ريهام سالم والإعلامي يوسف الحسيني و د. صفوت العالم .. في بلدنا بالمصري
ليست هناك تعليقات:
إرسال تعليق