شارك مع اصدقائك

29 يناير 2012

برنامج بلدنا بالمصرى تقديم ريم ماجد على قناة ONTV حلقة الاحد 29 يناير 2012 يوتيوب كاملة - انتخابات الشورى .. لم يحضر أحد - حلول أبو إسماعيل للأزمة السياسية - مش غلط .. ومش لوحدنا ..

نشاهد اليوم

برنامج بلدنا بالمصرى

تقديم ريم ماجد

على قناة ONTV


يوتيوب كاملة

تقديم ريم ماجد



يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين


شارك الخبر مع اصدقائك على الفيس بوك و تويتر و جوجل +1

اتمنى مشاهدة ممتعة

ونبدا


برنامج بلدنا بالمصرى تقديم ريم ماجد على قناة ONTV حلقة الاحد 29 يناير 2012 يوتيوب كاملة

بلدنا بالمصري: انتخابات الشورى .. لم يحضر أحد


يسعد مساكم وحلقة جديدة من بلدنا بالمصري.. حلقة يوم الأحد 29/12/2012، الموافق اليوم الأول من المرحلة الأولى لانتخابات مجلس الشورى المثير للجدل ما بين انه لا منه ولا كفاية شره وما بين ان الغاءه يعتبر التفاف على الارادة الشعبية.. ولو ان الارادة الشعبية على ما يبدو انها ماكانتش ملهوفة اوي على مجلس الشورى_على الأقل النهاردة_بما ان كل التقارير الرسمية أو الصادرة عن منظمات المجتمع المدني بتاكد ان نسبة المشاركة النهاردة في المحافظات ال13 اللي عليها الدور في المرحلة الأولى كانت ضعيفة جداً وكان الشعار في عدد لا بأس بيه أبداً من اللجان "لم يحضر أحد"..




بلدنا: حلول أبو إسماعيل للأزمة السياسية


في دعاوى كتير كانت يتنادي بألغاء مجلس الشورى و لما تعالت الأصوات اللي بتنادي بتسليم السلطة في أقرب وقت ممكن و من ضمن هذة المبادرات و االي صدر بيها بيان ليلة 25 يناير هو بيان من المرشح المحتمل لرئاسة الجمهورة أ/ حازم صلاح أبو إسماعيل و أول بند في بيان هو صدور أعلان دستوري فوري هو و على أي حال سبق السيف العزل وبدأت انتخابات مجلس الشورى واللي كان كان، لكن دة ما يمنعش ان "تسليم السلطة" النهاردة قبل بكرة لسة مطلب مرفوع ومرفوع بعلو الصوت في كل شوارع وميادين مصر وعلى ما يبدو انه مازال ممكن في ظل كم المبادرات اللي بدات تظهر للااجابة على سؤال "تسليم السلطة لمين وازاي"؟!!! في فقرتنا اللي جاية على طول بعد آخر أخبار بلدنا هنعرض وهنناقش عدد من مبادرات تسليم السلطة المقترحة من اطرف مختلفة ومدى امكانية تنفيذها ومدى امكانية الاتفاق عليها من حيث الأصل.




بلدنا بالمصري: مش غلط .. ومش لوحدنا


أما فقرتنا الأخيرة وزي كل يوم حد هتكون فقرة "انت مش لوحدك" مع الدكتورة منال عمر وهنكمل اللي بدأناه الأسبوع اللي فات مع نفس المجموعة المكونة من الدكتورة منال ورشا وأسماء والعبدة لله.. الأسبوع اللي فات اكتشفنا حاجة مرة وحاجة حلوة والحاجتين مرتبطين بالناس سواء اللي نعرفهم وبنعزهم وبنثق فيهم أو اللي ما فيش اي سابق معرفة بيننا وبينهم بس يهمونا.. الحاجة المرة كانت ان جزء من الكرب هو كرب ما بعد الصدمة في الناس القريب اولاً قبل الغريب.. أما الحاجة الحلوة فكانت ان جزء من علاج الكرب هو بالانتماء لناس ما نعرفهمش وماكانش ممكن نعرفهم الا في الشدة اللي احنا فيها فنحس معاهم بالعزوة والونس اللي ممكن يعوضونا عن احساس بالغربة أحياناً بيكون مع اقرب الناس لينا.. عشان كدة يمكن الونس اللي في شارع من يوم الأربع اللي فات، من يوم 25 يكون شفا كتير من مواجع الكرب المرتبط بالناس وخصوصاً بالنسبة للناس اللي كانت بدأت تحس زي أسماء كدة انها "الوحيدة اللي غلط في وسط ناس كتير صح"، الناس ديه يمكن بدأت تحس انها يمكن "مش غلط" وبالتأكيد "مش لوحدها" ..





بلدنا: الاعتداء على معتصمي ماسبيرو ورد فعل أهل بولاق



النهاردة وعلى ما يبدو والله اعلم ان كل الريمات رجعت لعادتها القديمة وبالتحديد في ماسبيرو.. عدد المعتصمين اللي بقى لهم يومين كافيين خيرهم شرهم قل بشكل وملحوظ ومع ذلك استمروا في اعتصامهم.. وكالعادة الطرف التالت استفرد بيهم وكالعادة حاول يجر شكلهم هم وقوات الأمن المسؤولة عن تأمين المبنى بحيث ينتهي بيهم المطاف ماسكين في بعض لكن قدر ولطف.. أول توصيف التلفزيون الرسمي للحالة كان: اشتباكات بين المعتصمين وأهالي بولاق ابو العلا بسبب اعتراض الأهالي على الاعتصام الذي يقولون انه يعطل مصالحهم!!! (والغريب في الموضوع ان أهالي بولاق ابو العلا ما يحسوش ان الاعتصام معطل مصالحهم الا بعد ما اعداد المعتصمين تقل في حين انه لما كانت الاعداد كبيرة في الكام يوم اللي فاتوا أهالي بولاق ابو العلا ما حدش سمع لهم حس)!!! لكن المختلف النهاردة أهالي بولاق أبو العلا نفسهم كان لهم رد فعل يسد عين الشمس على المنسوب اليهم من اعتداءات على المعتصمين.





بلدنا: إحياء ذكرى شهداء الثورة في أماكن استشهادهم


ال18 يوم اللي احنا فيهم دول من يوم 25 ليوم 11 قبراير ويمكن لبعد كدة كمان، هنفضل نعيش ونفتكر كتير من اللحظات الحلوة وكتير من اللحظات المرة اللي عدت علينا.. يعني زي النهاردة مثلاً راح مننا 64 شهيد برصاص القتاصة اللي لحد النهاردة ما حدش عارف اصلهم من فصلهم وآخرة المتمة طلعوا: "حرس الجامعة الامريكية" من وجهة نظر دفاع المتهم حبيب العادلي.. وبالمناسبة ديه كانت المسيرة اللي اتحركت النهاردة من شارع محمد محمود من مكان ما استشهدوا، لحد ماسبيرو وبمشاركة أهاليهم

لكن المسيرة النهاردة مش أول ولا آخر لحظة لسة بنعيش ونفتكرها عشان عمرنا ما ننساها.. امبارح كمان الساعة سبعة كان فيه وقفة بالشموع في نفس الوقت وفي نفس المكان في شارع القصر اللي اندهس فيه اكتر من 21 من زينة الشباب تحت عجل العربية الدبلوماسية اياها اللي اخنا برده لسة مش عارفين أصلها من فصلها

لكن المشهد المهيب امبارح كان مشهد صلاة الغائب على كوبري قصر النيل، احياءاً لذكرى أول شهداء سقطوا يوم جمعة الغضب في نفس المكان وفي نفس الوقت وحتى صلاة العصر جماعة ما رحمتهمش لا من المية ولا من النار





بلدنا - طنطاوي: من ينتقد المجلس العسكري ليسوا خونة



أما القائد العام رئيس المجلس الاعلى للقوات المسلحة المشير حسين طنطاوي، فاكد النهاردة على ان مصر ستبقى قوية وزعيمة ولن نسمح لاحد من الداخل اوالخارج ان يؤثر على مصر، او يؤثر على مسيرة هذا الشعب"!!! واكد انه بيربأ بنفسه من ان يقول "أن هناك مصرى خائن، فهم ليسوا خونة، وانما غير فاهمين''!!! تصريحات المشير طنطاوى، أدلى بيها خلال كلمته اللي القاها في حفل إنتهاء فترة الإعداد العسكرى والتدريب الاساسى لطلبة الكليات العسكرية والمعهد الفنى، في الكلية الحربية.





بلدنا: مبارك وشركاه هم اللي حموا الثورة وساندوها



في عز الأيام اللي بتتقلب علينا فيها المواجع خاصة اننا لحد النهاردة لسة مش عارفين أصل وفصل مواجع كتير من اللي صابتنا ولسة ما حدش جزاؤه عنها، في نفس الأيام ديه دفاع المتهمين في قضية قتل المتظاهرين وأولهم الرئيس المخلوع ووزير داخليته واعوانه، مصممين انهم مش بس مش المسؤولين لكن انهم كمان ايدوا الثورة وحموها وتهاملوا معاها بأقصى درجات ضبط النفس.





بلدنا: تأجيل قضيتي كشف العذرية ودهس شهداء ماسبيرو



اما المحكمة العسكرية فقررت النهاردة تأجيل نظر القضية الشهيرة بقضية كشف العذرية ليوم 5 فبراير للاطلاع على التقارير الطبية الخاصة بالقضية المتهم فيها الطبيب المجند عادل محمد الموجي وتأجيل القضية المتهم فيها عدد من جنود الجيش بدهس المتظاهرين أثناء مظاهرات ماسبيرو ليوم 6 فبراير لنظر طلبات الدفاع.





بلدنا بالمصري: انت مش لوحدك - 29 يناير 2012



"انت مش لوحدك" مع الدكتورة منال عمر وهنكمل اللي بدأناه الأسبوع اللي فات مع نفس المجموعة المكونة من الدكتورة منال ورشا وأسماء والعبدة لله.. الأسبوع اللي فات اكتشفنا حاجة مرة وحاجة حلوة والحاجتين مرتبطين بالناس سواء اللي نعرفهم وبنعزهم وبنثق فيهم أو اللي ما فيش اي سابق معرفة بيننا وبينهم بس يهمونا.. الحاجة المرة كانت ان جزء من الكرب هو كرب ما بعد الصدمة في الناس القريب اولاً قبل الغريب.. أما الحاجة الحلوة فكانت ان جزء من علاج الكرب هو بالانتماء لناس ما نعرفهمش وماكانش ممكن نعرفهم الا في الشدة اللي احنا فيها فنحس معاهم بالعزوة والونس اللي ممكن يعوضونا عن احساس بالغربة أحياناً بيكون مع اقرب الناس لينا.. عشان كدة يمكن الونس اللي في شارع من يوم الأربع اللي فات، من يوم 25 يكون شفا كتير من مواجع الكرب المرتبط بالناس وخصوصاً بالنسبة للناس اللي كانت بدأت تحس زي أسماء كدة انها "الوحيدة اللي غلط في وسط ناس كتير صح"، الناس ديه يمكن بدأت تحس انها يمكن "مش غلط" وبالتأكيد "مش لوحدها"