الإعتداء على متظاهري التحرير وإحراق الخيام
اللي حصل في التحرير لانه على ما يبدو انه حصلت مواجهات في التحرير حنعرف تفاصيلها من الناشطة ليليان وجدي ومن احدى البائعات في الميدان
بلدنا: السفارة الأمريكية تحذر رعاياها من جمعة 8 يوليو
سفارة أمريكا في القاهرة، حذرت رعاياها الموجودين فى مصر من اللي سمته " مخاطر المظاهرات اللي هتحصل في مصر يوم الجمعة اللي جاية وفى أيام تانية جاية_دة حسب السفارة برده".. ونشرت على موقعها على الانترنت بيان طويل عريض طلبت فيه من المواطنين الأمريكان تفادى التواجد فى أماكن المظاهرات سواء فى ميدان التحرير أو في غيره من الأماكن اللي ممكن تشهد اشتباكات مع الشرطة أو التواجد قرب أماكن عامة أو تجمعات كبيرة.. وطلبت نفس الشئ من المواطنين الأمريكان اللي بيزوروا مصر اليومين دول لأي سبب كان: سياحة أو شغل وخلافه، واكدت عليهم يبقوا يسألوا الفنادق اللي نازلين فيها عن أماكن المظاهرات ويتابعوا الأخبار كويس.. وكل دة مع إن البيان بيأكد إن الحركات اللي دعت للمظاهرات أعلنت إنها هتكون سلمية لكن ممكن جدا_حسب البيان_ انها تتحول لمواجهات تقلب بعنف.. ولو حصل السفارة والقنصلية اممكن جداً يقفلوا في أي وقت!!
بلدنا بالمصري: تأثير قنابل غاز 28 يونيو على المتظاهرين
بمناسبة المظاهرات اللي بتقلب بغم، الظاهر كدة والله أعلم إن قنابل الغاز بتاعة الثورة كانت ارحم واهون مع إنها كانت منتهية الصلاحية.. والدليل على كدة إن كل اللي نزلت قنابل الغاز ترف على دماغهم من يوم التلات بالليل ولحد الأربع الصبح، حالتهم حالة لحد النهاردة وتقريباً عندهم نفس الأعراض.. والدنيا قايمة ومش قاعدة على تويتر وفيس بوك بسبب الموضوع دة.. خلونا ناخد فكرة النهاردة عن الأعراض ديه وبكرة هنشوفها ونسمعها صوت وصورة ولحم ودم
بلدنا: ائتلاف شباب الثورة يدعو د. عصام شرف لجمعة 8 يوليو
امبارح بالليل، فيه وفد من ائتلاف شباب الثورة زاروا رئيس مجلس الوزرا، الدكتور عصام شرف في عقر داره.. والظاهر كدة والله أعلم إن الحديث كان ذو شجون.. هنعرف تفاصيله من خالد السيد عضو ائتلاف شباب الثورة
بلدنا بالمصري: تعديل بعض أحكام قانون تنظيم الجامعات
النهاردة وفي نفس اليوم اللي قرر فيه الائتلاف الموحد لأعضاء هيئات التدريس، بداية اعتصام مفتوح في حرم الجامعات لحد ما تتم الاستجابة لمطالبهم الخاصة باستقلال الجامعات وتحسين أوضاعها، قام مجلس الوزرا وافق أخيراً، فى اجتماعه برده النهاردة على تعديل بعض احكام قانون تنظيم الجامعات بحيث يسمح بإقالة أو استبعاد قيادات الجامعات المصرية من أول أغسطس.. يا ترى فيه علاقة بين الاتنين ولا لأ.. دة اللي هنعرفه أولاً وقبل أي حاجة تانية من: الدكتور/ احمد السمان: المستشار الاعلامى لرئيس الوزراء
بلدنا بالمصري: أكاديمية البحث العلمي تعلق نشاطها
أما أكاديمية البحث العلمي، فخدتها من قاصرها وقررت تعلق نشاطها في الفترة اللي جاية بسبب اعتصام مجموعة كبيرة من الحاصليين على الماجيسيتر والدكتوراه فى القاعة الكبرى في الأكاديمية.. حسب بيان الأكاديمية .
بلدنا: أولى جلسات محاكمة المتهمين في أحداث إمبابة
النهاردة كانت أول جلسة من جلسات محاكمة المتهمين في أحداث امبابة قدام محكمة جنايات أمن الدولة العليا طوارئ.. ال48 متهم حولتهم النيابة العامة للمحكمة بتهم التجمهر والقتل العمد مع سبق الإصرار والشروع فيه وتعريض السلم العام للخطر .المحكمة أجلت القضية ليوم 4 سبتمبر
بلدنا بالمصري: مؤتمر الثورة أولاً
بلا الدستور أولاً.. بلا الانتخابات أولاً.. وشكلنا هنعيده من أول وجديد و"الشعب يريد الثورة أولاً".. دة مش كلامي، دة خلاصة القول اللي اتقال خلال مؤتمر الثورة اولا اللي نظمه النهاردة مركز دراسات الشرق الاوسط.. تعالوا نشوف إيه حكاية الثورة أولاً؟!!!
بلدنا: نقابة الأثريين .. حلم الأثريين المصريين اتحقق
الأثريين المصريين الدنيا مش سايعاهم من الفرحة بعد ما اتحقق لهم النهاردة حلم عمره 20 سنة.
بلدنا: الذكرى الثالثة لرحيل د. عبدالوهاب المسيري
النهاردة بتمر تلات سنين بالتمام والكمال على وفاة المفكر والباحث والاديب الدكتور عبد الوهاب المسيرى.. الغايب اللي هيفضل حاضر دايماً بعلمه الغزير وبمواقفه اللي عمرها ما تتنسي.. نعيش ونفتكر الدكتور عبد الوهاب المسيرى واللي زيه وربنا يكتر من أمثالهم في بلدنا. (تقرير)
بلدنا بالمصري: عمال مصر كانوا فين ورايحين على فين
زيهم زي الفلاحين والموظفين واللي على باب الله، ستات ورجالة، شباب وشيوخ من ناس البلد ديه وأهلها، لولا عمال مصر ما كانت الثورة ديه قامت لها قومة ولا شافت النور.. ومش من باب رد الجميل، لكن من باب الحق والمستحق، المفروض إنه آن الأوان إنهم ياخدوا حقهم تالت ومتلت، بعد ما كان رايح هدر سنين طويلة.. ودة حمل ماهواش هين أبداً، أول من شايله على كتافه هو وزير القوى العاملة والهجرة: د. أحمد حسن البرعي
بلدنا بالمصري: يوم غضب الجامعات المصرية
د. هانى الحسيني عضو حركة 9 مارس لاستقلال الجامعات
د. شريف حامد أمين نادى أعضاء هيئة تدريس جامعة القاهرة وعضو حركة جامعيون من أجل الإصلاح
د. خالد سمير المتحدث الرسمي باسم حركة استقلال جامعة عين شمس
أعضاء هيئات التدريس في الجامعات المصرية خلاص فاض بيهم من كتر ما ريقهم نشف من المهاتية ورا استقلال واستقرار الجامعات، حيث إن الجامعات المصرية ما كانش يصح أبداً إن حالها يميل للدرجة حتى قبل الثورة، فما بالنا بقة بعد الثورة؟!!! إزاي المايلة تتعدل على الأقل من وجهة نظر الائتلاف الموحد لأعضاء هيئات تدريس الجامعات المصرية
بلدنا بالمصري: مسودة دستور الثورة .. كتبته لجنة شعبية
مين اللجنة الشعبية اللي حطت في خلال شهرين وشوية مسودة لدستور سمته "دستور الثورة".. وهنعمل بيه إيه.. ويا هلترى ممكن يكفينا شر خناقة " البيضة الأول ولا الفرخة: الدستور أولاً ولا الانتخابات أولاً".. كل ديه أسئلة هيجاوب عليها ضيوفنا النهاردة
- الاستاذ/ عصام الاسلامبولي: المحامي وعضو اللجنة الشعبية للدستور
- الدكتور/ مجدي قرقر: أمين عام مساعد حزب العمل الاسلامي المصري
- الاستاذ/ محمود عبدالرحيم: منسق اللجنة الشعبية للدستور
- الدكتور/ عمرو هاشم ربيع: رئيس وحدة الدراسات البرلمانية بمركز الأهرام للدراسات السياسية والاستراتيجية
