نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون السبت 25/5/2013 من قناة ONTV يوتيوب كاملة
السادة المحترمون: مواطن يتنازل عن أولاده من أجل عيشه كريمة
يوسف الحسيني في السادة المحترمون يعضر مواطن مصري يتنازل عن أولاده مقابل عيشة كريمة وحياة عادلة
السادة المحترمون: المحكمة الدستورية تقرر عدم دستورية مواد في قانوني مجلس النواب والحقوق
السادة المحترمون يوسف الحسيني يوضح أن المحكمة الدستورية تقرر عدم دستورية مواد في قانوني مجلس النواب والحقوق
يوسف الحسيني: مصر مبقاش ليها قيمة في أفريقيا بعد زيارة مرسي لأديس أبابا
عموما ، الدكتور مرسى صاحب أكبر عدد من الرحلات المكوكية خارج أرض الوطن اللى ما شفناش إلى الأن أى نتائج ملموسة على الأرض من هذة الزيارات ، الهم الدكتور مرسى سافر امبارح للعاصمة الأثيوبية أديس أبابا للمشاركة فى القمة الأفريقية بمناسبة مرور 50 عاما على انشاء الاتحاد الأفريقى ، الغريب فى الزيارة أن مرسى لما وصل وزيرة التعدين وزيرة التعدين الإثيوبية سينكنيش إيجو هى اللى استقبلته !
اللى بيحصل ده اهانه فعلا لمصر ، يعنى لما سافر روسيا عمدة ولايه سوتشى هو اللى استقبله ، وكمان يسافر أثيوبيا ووزيرة التعدين اللى تستقبله ، مصر معدش لها أى قيمة خالص حتى مع الدول الأفريقية اللى مصر فى عهد عبدالناصر ساهمت بدور كبير فى تحرير هذة الدول من الأستعمار الأجنبى.
الغريب أن رئيس الوزراء الأثيوبى الراحل ميلس زيناوى لما كان فى زيارة لمصر فى سبتمبر 2011 اللى كان فى استقباله فى المطار رئيس الوزراء عصام شرف ، رئيس وزراء مش وزير تعدين يادكتور مرسى
زيناوى فى زيارته لمصر فى 2011 زى ما شفتم اللى استقبله فى المطار رئيس الوزراء المصرى وقتها الدكتور عصام شرف ، اما مرسى وزير التعدين اللى استقبلته وليس رئيس الوزراء الأثيوبى الحالى "هايليماري ديسالن".
السادة المحترمون: استقبال شباب الإخوان لمحمد بديع في مؤتمر للحزب
خلونا نروح للدكتور محمد بديع المرشد العام لجماعة الإخوان المسلمين المحظورة مهما فعل الإخوان ستظل محظورة ووجودها مخالف للقانون طالما لم تخضع أموال الجماعة لمراقبة الجهاز المركزى للمحاسبات ، بديع وسط أعضاء الجماعة له وضع خاص يعتبرونه القائد ومنصبة أكبر من منصب رئيس الجمهورية ، ما تيجو نشوف ازاى شباب الإخوان أو "أشبال الإخوان" بيستقبلوا بديع
السادة المحترمون: مرشد الإخوان يتحدث عن شنطة رمضان !
عموما ، بديع بما أن القائد الأعلى للكتائب الإخوانية فبينظر لمكونات المجتمع بنظرة استعلائية ، لدرجة أنه شايف ان عمل الخير مقتصر فقط على جماعة الإخوان وأن غيرهم بيعملوا الخير لأهداف دنيوية ، على سبيل المثال بديع شايف أن شنطة رمضان اللى بيعملها الإخوان وبيوزعوها على فقراء المصريين مختلفه عن شنطة رمضان اللى بيوزعها الأخرين أى والله !! نشوف
بديع بيقول ان لله عبادا اختصهم "طبعا هنا بيقصد الإخوان" - وانهم لما جم يعملوا شنطة رمضان لقوا الناس عملت زيهم شنطة رمضان ، ياسلام يعنى شنطة رمضان والمتاجرة بجوع فقراء مصر صناعة إخوانية بالأساس ، لأ والغريب أن بديع بيقول لما جم يعملوا شنطة رمضا لقوها غير شنطة رمضان بتاعتهم ، يمكن معلهاش استيكر الحرية والعدالة ولا استيكر المرشد ، والمحزن أنه لما حب يجيب تشبيه مع المختلفين معه واللى بيوزعوا شنط رمضان شبههم بكفار مكة !
السادة المحترمون - عبد الرحمن البر: القدس يتحرر علي يد محمد الثالث " مرسي"
على أى حال ، نروح لعبدالرحمن البر مفتى جماعة الإخوان اللى شايف أن مرسى رئيس شرعى لا يجوز الخروج عليه ، البر كان فى مؤتمر امبارح فى بنى سويف ، واكلم عن تحرير القدس وفلسطين ، قال البر أن القدس لن يحررها محمد القادم ولا الذى يليه بل سيحررها محمد مرسى الثالث
السادة المحترمون: مرسي يلتقي بحملة الماجستير والدكتوراة المحتجين أمام منزله
نروح للدكتور مرسى اللى معودنا فى كل كلامة وخطاباته يكلم عن القلب والعين والعواطف ، امبارح كان فى مظاهرة لحملة الماجستير والدكوراه امام منزلة فى التجمع الخامس للمطالبة بالتعيين ، مرسى طبعا حب يعمل منظر وشو ، فنزل واكلم معاهم وقالهم من العين دى قبل العين دى ، مرسى شاور بإيده وقال للمتظاهرين من حملة الماجستير والدكتوراه "بكرة بكرة" وقال من العين دى قبل العين دى ، الكلام ده كان امبارح ياترى النهاردة عملت ايه للناس دى يادكتور مرسى ، مش انت قلت من العين دى قبل العين دى وقلتلهم بكرة ، فين بقى يعنى مش هنشوف حضرتك بتنفذ وعد انت قلته خالص قبل ما نموت ، ولا انت عادى بتقول الكلام وبتعطى الوعود علشان تخلص وبعدها ربنا يسهل .اللى الدكتور مرسى ما يعرفوش ان حملة الدكتوراه والماجستير اللى وعدهم امبارح بالتعيين وقالهم بكرة "اللى هو النهاردة" ، بيتظاهروا من شهور للمطالبة بالتعيين من تظاهرات امام مجلس الوزراء لتظاهرات امام منزل هشام قنديل فى الدقى لتظاهرلات امام مجلس الشورى ولا حد معبرهم لدرجة لما اعتصموا امام منزل قنديل الأمن اعتدى عليهم وطردهم ، خلونا بس نشوف تظاهرات حملة الدكتوراه والماجستير المطالبين بالتعيين أمام منزل قنديل فى يناير الماضى ، ده كان فى يناير الماضى الناس متبهدله حاصلين على درجات الماجستير والدكتوراه على وعد أنهم يتعينوا لكل مفيش فايده ، الناس دى يادكتور مرسى منتظرين وعدك لهم امبارح ، انت قلت من العين دى قبل العين دى ، من نحيتنا هنتابع الموضوع ده
السادة المحترمون: الشورى يقرر الموافقة علي نظر قانون السلطة القضائية والنواب يعترضون
النهاردة مجلس الشورى المشكوك فى شرعيته أقر بالموافقة على تحويل قانون السلطة القضائية اللى مقدمة الحرية والعدالة إلى لجنة الشئون الدستورية ، ما يعنى ان القانون خلاص دخل إطار المناقشه وإقراره أصبح على الأبواب ، موافقه مجلس الشورى على قبول مقترح القانون وتحويله للجنة الشئون الدستورية خلى نواب القوى المدنية يعترضوا وهتفوا باطل باطل
حد له شوق فى حاجة ، مرسى ولا فى دماغة ، مرسى اللى قعد مع رؤساء الهيئات القضائية وقالهم مفيش نقاش ولا اقرؤار لقانون السلطة القضائية المعروض على الشورى ، وان اللى هيخرجوا بيه من مؤتمر العداله هو اللى هيتعرض على الشورى لكن زى ما شرحنالكم الأسبوع الماضى أن فى توزيع أدوار مرسى بيقوم بدور والشورى بيقوم بدور والإرشاد بيقوم بدور ، وما ننساش ان جميع الهيئات القضائية اعلنوا مقاطعتهم لمؤتمر العدالة اللى دعا له مرسى ، الإخوان مصممين على ذبح السلطة القضائية وتنفيذ ما أعلن عنه عاكف من التخلص من 3500 قاضى ، وهو ما جارى العمل عليه - وللتأكيد خلونا نشوف الفلوطة صبحى صالح اليوم 3 ساعات قبل موافقة مجلس الشورى من حيث المبدأ على القانون بيقول ايه
السادة المحترمون - رئيس حزب النور: الدولة هي من تتصدى للعدو الصهيوني وليس الجماعات المسلحة
خلونا نروح للدكتور يونس مخيون رئيس حزب النور السلفى ، اللى أكد امبارح بعد صلاة الجمعة فى مرس مطروح أن الدولة هى المنوط بها حمل السلاح ومحاربة الصهاينة وليست الجماعات المسلحة فى سيناء
الدكتور يونس مخيون بيؤكد على ضرورة القبض على الخاطفين فى سيناء ، وكمان بيؤكد أنهم ضد العنف وأن استخدام السلاح ضد الصهاينة يكون من خلال الدولة وليس من خلال الجماعات المسلحة ، لو لحظتوا ان موقف الدكتور يونس مخيون مختلف تماما عن موقف الأسد المغوار حازم صلاح أبواسماعيل اللى اعتبر أن خطف الجنود مؤامرة من جهة ما ليسمح لقوات الجيش والأمن بالانتشار فى سيناء.
السادة المحترمون: الإعتداء علي مسيرة للاحتجاج علي ذبح السلطة القضائية
عموما ، القوى المدنية والثورية نظمت اليوم تظاهراة أمام مجلس الشورى أثناء نظر المجلس لقانون السلطة القضائية أو بمعنى أصح قانون ذبح السلطة القضائية ، والغريب أن الامن اعتدى على التظاهرة ومنع استكمال المسيرة لأبواب مجلس الشوري
شرطة محمد ابراهيم وزير الداخلية بتنفذ الأوامر ، أى هتاف وقوى ضد الإخوان اضرب ، شعار التظاهرة كان القضاء خط أحمر ، ويسقط يسقط حكم المرشد ، ده كان هتاف القوى المدنية والثورية اللى متضامنين مع القضاة فى معركتهم مع الدكتور مرسى والإخوان ، الجماعة تسعى حثيثا إلى ضرب السلطة القضائية واخضاعهم لاملائتهم ، يحاولون اخضاع القضاة خاصة قضاة المحكمة الدستورية العليا بقانون السلطة القضائية الذى وافق عليه مجلس الشورى من حيث المبدأ.
السادة المحترمون: السبت 25 مايو 2013
