برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاثنين 1 اكتوبر 2012 من قناة ONTV يوتيوب كاملة
ONTube: مظاهرة عمال الإسكان
نبدا من مصر .. و من داخل مقر وزارة الاسكان .. فيديو بيظهر فيه تظاهرة ظهر امس لعشرات من موظفى جهاز التدريب لأعمال التشييد والبناء .. التابع لوزارة الإسكان.
وبيظهر المتظاهرين وهما بيهتفوا ضد وزير الاسكان .. ومن ضمن هتافاتهم (قبض الهيئة بالالافات واحنا بنقبض بالميات) .. مطالبين بصرف الجهود بنسبة 105% .. كبدل لساعات العمل الإضافية .. خاصة أنه سبق ووعدت وزارة الإسكان بمخاطبة وزارة المالية بشان الموضوع ده .. لكن من غير اي تقدم او استجابة لمطالبهم حتي الان .. كما جاء على لسانهم.
ONTube: حريق سوق حلب الأثري
الي الدولة اللي ما زالت بتحترق .. و بتعصر معاها قلوب ملايين العرب .. و كل الأجناس حول العالم كله. سوريا.
الفيديو اللي جاي من احد اهم المدن السورية و اكثرها كثافة .. مدينة حلب .. المدينة اللي معروف عنها انها مركز للتجارة في سوريا من قديم الازل .. واللي فيها العديد من الاسواق التاريخية و الحديثة. المدينة اللي بتحتضن المسجد الاموي.
بنشوف في الفيديو احد الاسواق القديمة في حلب .. لكن للاسف هو مش باين .. بسبب السنة اللهب اللي مغطية السوق.
ONTube: جنازة شهيد ثورة البحرين
من سوريا نروح الي البحرين .. اللي زي ماقلنا قبل كده .. الوضع اشتعل فيها مجددا .. بعد مقتل الصبي (علي حسين نعمة) صاحب ال17 عام.
شارك آلاف البحرينيين فى مسيرة تشييع جثمان على حسين .. زي ماهنشوف في الفيديو التالي .. اللي التقط لهذه المسيرة الحاشدة .. اللي خرجت من مدينة صدد.
وهتف المشيعيين بشعارات مناهضة للحكومة الحمدية .. ولوحوا بعلم البحرين. وقد أثار مقتل المحتج الشاب فى وقت متأخر .. مزيد من التوترات بين قوات الأمن التابعة للنظام الملكى .. وجماعات المعارضة فى البحرين .. اللى بيطالبوا بمزيد من النفوذ السياسى.
جدير بالذكر ان جماعات من المشيعين المحتجين قاموا برشق مراكز الشرطة بالحجارة وزجاجات المولوتوف .. تعبيرا عن غضبهم.
ONTube: أولوية التشغيل في تونس
الي مهد الربيع العربي .. تونس. من قلب ساحة (محمد علي ) بالعاصمة تونس .. وتحت شعار (التشغيل استحقاق ..لا وعود ولا نفاق) .. بنشوف فيديو للمسيرة اللي نظمها (الاتحاد التونسي العام للشغل) .. لتذكير الحكومة الحالية بأولوية التشغيل .. خاصةً إنه بيمثل مطلب رئيسي .. تسبب في اندلاع الثورة في تونس في 17 ديسمبر2010.
وبنشوف في الفيديو لقطات من المسيرة .. والمتظاهرين وهما بيحملوا العديد من اللافتات اللي كتبوا علي بعضها (شغل - حرية - كرامة وطنية). و إنطلقت المسيرة من ساحة محمد علي .. وصولا الي شارع (الحبيب بو رقيبة) .. اللي بيعد احد رموز ثورة الياسمين.
ONTube: مظاهرة الأساتذة المحولين في موريتانيا
الي موريتانيا .. ومن امام وزارة التعليم الاساسي بالعاصمة نواكشوط .. فيديو بيظهر فيه العديد من الاساتذة الموريتانيين الغاضبين .. بسبب قرار وزير الدولة للتهذيب الوطني .. احمد ولد باهيه (اللي بيعد مسئولا عن العملية التعليمية في موريتانيا) .. قراره الخاص بتحويلهم من مواقعهم الي اماكن عمل جديدة. القرار اللي إعتبروا الأساتذة تعسفي جدا .. وبمثابة عقاب جماعي ليهم.
وفي الفيديو بيظهر الاساتذة وهما بيعلقوا علي القرار ده .. ولقطات لتجمعهم امام الوزارة .. قبل ما يقوموا بمحاصرة الوزير في مبني وزارة التعليم الأساسي أثناء تسجيل خطاب له. مما أدى لتدخل قوات الشرطة .. من أجل إخراج الوزير من حصار الأساتذة.
ONTube: التقشف في إسبانيا
و الي اسبانيا. ومن قلب العاصمة مدريد .. حيث خرج آلاف المواطنين الإسبان في مظاهرات .. احتجاجا على الإجراءات التقشفية اللي اتخذتها الحكومة.
وإتجه المتظاهرين مساء أمس إلى مبنى البرلمان للمرة الثالثة خلال اسبوع .. للتعبير عن غضبهم من نسب البطالة وزيادة الضرائب وخفض النفقات الحكومية.
في الفيديو التالي بنشوف لقطات مختلفة لفعاليات المظاهرات و لبعض الاشتباكات اللي وقعت بين الشرطة و المتظاهرين .. واللي أسفرت عن سقوط عدد من الجرحى.
وكانت الشرطة اعتقلت حوالي 30 متظاهر يوم الاربع الماضي .. بعد اندلاع مواجهات بين المحتجين وعناصر الامن.
وتتكرر الاحتجاجات بشكل شبه يومي في أنحاء إسبانيا .. منذ أن أعلنت السلطات عن خفض الرواتب وتعويضات البطالة .. إضافة إلى الإجراءات التقشفية الصارمة اللي اتخذتها الحكومة سابقا.
ONTube: جولة في أخبار تويتر وفيسبوك اليوم 01/10/2012
ده كان أخر فيديو معانا .. قبل مانروح لفاصل .. هنروح لمحمد مرعي الصحفة بوكالة اونا عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير محمد إيه الجديد عندك؟
ONTube: الدفاع عن الحرية
الفن بصفة عامة رسالة .. بيبقي غرضها الاساسي توصيل معني او قيمة بشكل راقي. و ده بالضبط اللي اتعمل في الفيديو اللي حنشوفه دلوقتي.
الفيديو عبارة عن فيلم رسوم متحركة .. مدته ما تزيدش عن 3 دقايق .. عنوانه (الصراع من اجل الحرية). مخرج الفيلم بيحاول إنه يوصل رسالة رمزية عن صراع البشر للحصول علي حقوقهم الادمية في القرن الماضي.
والحقيقة إن كل لقطة في الفيديو فيها رمز ومعني قوي .. يخلي اي حد يشوفه يركز معاه.
ONTube: إختراعات فنية
التجارب العلمية في أغلب الأحيان بتكون مذهلة .. و عشان كده قررنا نعرض على حضراتكم تجربة علمية قام بيها متخصصين في الهندسة المعمارية ومواد البناء في سويسرا .
الفيديو هو لتجربة .. بدات بتكوين الواح من السيليكون .. واضافة مادة الاكريليك مع شريحة كهربائية .. وبعد كده بيتم توصيلها بمولدات كهرباء .. عشان تبدا تتحرك و تكون اشكال مختلفة.
أعتقد المشروع ده لو تم تنفيذه ..ممكن يعمل ثورة جديدة في عالم البناء و الهندسة المعمارية.
ONTube: Guitar Trance Music
نروح لاخر فيديو معانا النهاردة .. و برغم من بساطة تصويره .. إلا إن عدد مرات مشاهدته وصلت لاكثر من 9 مليون مشاهدة علي يوتيوب.
الفيديو هو لشاب .. قام بعزف تراك أو أغنية ترانس اسمها (تايم) .. بشكل منفرد بالجيتار فقط .. في محاولة شبه مستحيلة .. لانه بيقلد كل الطبقات الموسيقية الكثير الموجودة في التراك. لكنه بإحتراف و تمكن شديدين .. قدر ينفذ كل الطبقات .. و ده كان السبب في حصوله علي نسبة مشاهدة عالية.
ONTube: إزدراء الأديان .. إلى أين يتجه ؟
فجأة بقينا كل ما نصحى الصبح نلاقي خبر عن حد اتقدم فيه بلاغ ازدراء أديان .. من فنان مشهور زي عادل إمام .. لحد مواطنين عاديين .. أخرهم اياد .. اللي اتكلمنا عليه في بداية الحلقة .. أو زي القضية الشهيرة لألبير صابر .. اللي بيتحاكم على مادة نشرها على صفحته الخاصة بفسيبوك. الغريب إن احنا ماكناش بنسمع عن قضايا من النوع ده قبل كده. هل احنا أصلا عندنا التهمة دي في القانون وعقوبات خاصة بيها؟ ومين اللي من حقه يقرر إن رأي حد تاني ازدراء أديان؟ هيكون معانا حالا لفضيلة الشيخ مظهر شاهين خطيب الثورة , الأستاذ عادل رمضان .. المسئول القانوني بالمبادرة المصرية للحقوق الشخصية. لكن في الأول هنروح نشوف فيديو لأخر من تم إتهامهم بإزدراء الأديان .. اياد عرابي .. اللي بيحكي عن اللي حصله.
