نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الثلاثاء 4/6/2013 ONTV حلقة يوتيوب كاملة
ريم ماجد: كالعادة لفينا السبع لفات ولا حياة لمن تنادي
يسعد مساكم وحلقة جديدة من بلدنا بالمصري.. هنبدأها وهنختمها على حس المجتمع المدني والمنظمات الحقوقية باللي واللي عليها.. في الختام وبعد اخر اخبار بلدنا، هنناقش قانون الجمعيات الأهلية اللي اتقدمت بيه الرياسة يوم الاربع اللي فات لمجلس الشورى، ومناقشته بدأت فعلاً النهاردة في لجنة التنمية البشرية في المجلس.. هنناقش القانون باللي واللي عليه قدر المستطاع.. لكن عشان تبقوا حضراتكوا على نور من اولها وتكونوا على بينة من أمرنا: اللي على القانون هيكون زيادة شويتين تلاتة عن اللي ليه.. وما باليد حيلة، كان بودنا وجهة النظر التانية تكون ممثلة لكن كالعادة لفينا السبع لفات ولا حياة لمن تنادي وكل غايب حجته معاه
بلدنا بالمصري: الإخوان تضع حجر الأساس لدولة بوليسية جديدة
يسعد مساكم وحلقة جديدة من بلدنا بالمصري.. هنبدأها وهنختمها على حس المجتمع المدني والمنظمات الحقوقية باللي واللي عليها.. في الختام وبعد اخر اخبار بلدنا، هنناقش قانون الجمعيات الأهلية اللي اتقدمت بيه الرياسة يوم الاربع اللي فات لمجلس الشورى، ومناقشته بدأت فعلاً النهاردة في لجنة التنمية البشرية في المجلس.. هنناقش القانون باللي واللي عليه قدر المستطاع.. لكن عشان تبقوا حضراتكوا على نور من اولها وتكونوا على بينة من أمرنا: اللي على القانون هيكون زيادة شويتين تلاتة عن اللي ليه.. وما باليد حيلة، كان بودنا وجهة النظر التانية تكون ممثلة لكن كالعادة لفينا السبع لفات ولا حياة لمن تنادي وكل غايب حجته معاهوبناءاً عليه فاحنا هنناقش القانون النهاردة من وجهة نظر المتحفظين او المعارضين او الرافضين، من العاملين في مجال المجتمع المدني والمنظمات الحقوقية اللي اصدروا بيان مشترك، باين الحقيقة من عنوانه
"جماعة الإخوان المسلمين تضع حجر الأساس لدولة بوليسية جديدة، وتطور آليات نظام مبارك في قمع العمل الأهلي: بيان مشترك بين 40 منظمة حقوقية وتنموية"
بس كمان هنعمل كل اللي نقدر عليه بحيث تكون وجهة النظر التانية ممثلة بشكل ما
م. محمد شكري: خروج المتهمين الأجانب من مصر بناء على قرار من المحكمة
ومعنا عبر الهاتف المستشار محمد شكري القاضي المتنحي عن نظر قضية التمويل الأجنبي: خروج المتهمين الأجانب من مصر بناء على قرار من المحكمة. تنحيت عن القضية نتيجة الضغوط التي تعرضت لها. القضية تداولت في عهد 3 وزراء للعدل وتم ندب أكثر من قاضي تحقيق. وزير العدل الحالي تقدم بشكوى بخصوص القضية قبل توليه الوزارة.
بلدنا بالمصري: السجن للمصريين في قضية التمويل الأجنبي
اما اخر اخبار بلدنا فهنبدأها بالحكم الصادر النهاردة من محكمة جنايات القاهرة في القضية اللي اتسمت اعلامياً قضية التمويل الاجنبي.. واللي قلب علينا النهاردة مواجع مصر لن تركع وبعدين مسافة ما نغمض عينينا وقبل ما نلحق نفتحها، كانوا المتهمين الاجانب في القضية ديه طاروا في الهوا شاشي بقرار ما يعلم بيه الا ربنا لحد النهاردة برفع حظر السفر عنهم وعلى طيارة امريكاني خاصة نزلت مطار القاهرة اربعة وعشرين قيراط تحت سمع وبصر وبمواقفة ورضا السلطات المصرية وعلى راسها المجلس العسكري ويا اهلاً وسهلاً ومرحبتين.. هم طاروا معززين مكرمين ومن ساعتها فص ملح وداب.. وخدوا احكام النهاردة مش هينفذوها واللي هينفذ الاحكام هم المصريين اللي في القضية.... اما اللي اتدخل في شغل القضاء واللي هرب الاجانب في الضلمة في عز الليل واللي مرمط كرامة بلدنا وجاب مناخيرها في التراب لسة حر طليق.. لكن مؤقتاً بس ولحين اشعار اخر.. والحساب يجمع...
رئيس البرلمان الإثيوبي: دعونا مصر والسودان للتعاون في بناء «سد النهضة»
نروح لتطورات ازمة سد النهضة.. النهاردة رئيس المجلس الفيدرالي الإثيوبي «المجلس الأعلى للبرلمان»، عندهم، صرح للتلفزيون الاثيوبي إن المؤتمر السابع لرابطة «مجالس الشيوخ والشورى والمجالس المماثلة في أفريقيا والعالم العربي»، والذي عقد في المنامة بالبحرين، وفّر فرصة لتوضيح المسائل المتعلقة بسد النهضة الإثيوبي الذي يقام على النيل الأزرق.
بلدنا بالمصري: البرادعي يعتذر للسودان وإثيوبيا ويطالب الرئاسة بالاعتذار
اما الدكتور البرادعي فكتر الف خيره بالنيابة عن الشعب المصري حاول انقاذ ما يمكن انقاذه من جراير الجرسة بالجلاجل اللي كانت على الهوا امبارح، والامر فيها ما سلمش ابداً من كتير من الاهانات على التهديدات لدول صديقة وشعوب شقيقة....
بلدنا بالمصري: وثائق ويكيليكس وخطة مبارك لضرب سد النهضة
من ناحية تانية، تسريبات "ويكليكيس" اللي كشفت عن أن الرئيس المخلوع محمد حسني مبارك طلب من الرئيس السودانى عمر البشير فى 2010، إنشاء قاعدة عسكرية جنوب الخرطوم لضرب أى سد تقيمه إثيوبيا على النيل، قومت الدنيا وما قعدتهاش حوالين مدى صحتها من ناحية ومدى خطورتها من ناحية تانية
بلدنا بالمصري: ردود الفعل عقب الحكم في قضية التمويل الأجنبي
بلدنا بالمصري: قبول استئناف أحمد دومة وترحيله للقاهرة
احمد دومة لسة حكايته حكاية..
مثل اليوم الناشط السياسي أحمد دومة أمام المستشار أيمن الورداني، المحامي العام لنيابات استئناف طنطا، لسداد الكفالة المقررة في القضية رقم 8207 جنح أول طنطا، المتهم فيها بإهانة رئيس الجمهورية وتكدير الأمن العام.
وتم دفع الكفالة وتقدم دفاع دومة بدعوى لنيابة استئناف طنطا لاستئناف الحكم الصادر ضد موكلهم، وقبلتها النيابة وتم تحديد جلسة السبت 26 أكتوبر للنظر فيها من قبل رئيس محكمة نيابة استئناف أول طنطا.
وأكد المستشار محمد الطنيخي رئيس نيابة استئناف طنطا، أنه تم ترحيل دومة للقاهرة بعد صدور قرار يفيد اتهامه في أحداث المقطم، وأنه مطلوب ضبطه وإحضاره للتحقيق معه
بلدنا بالمصري: خطف وقتل مجند في مرسى مطروح
المجند مختار عصام مختار، غاب عن وحدته في مرسى مطروح و اختفى من يوم الاربع اللي فات في ظروف لسة غامضة لحد ما تم العثور عليه النهاردة الفجر جنب محطة قطار "المشيفة" فى مركز سيدى برانى.. بس للاسف الشديد ان قوات الجيش اللي تمكنت من العثور عليه، لقيته جثة هامدة وعلى ما يبدو ان عليها اثار تعذيب
بلدنا بالمصري: إزدراء الأديان سيف متسلط على رقاب الخلايق
زيها كدة زي تهمة اهانة الرئيس، تهمة ازدراء الاديان كمان بقت سيف متسلط على الرقاب.. لا اول ولا اخر ضحاياه، دميانة عبد النور المدرسة الصعيدية المتهمة بازدراء الاديان والتبشير واشياء اخرى.. النهاردة محكمة جنح مركز الاقصر قررت حجز الدعوى للنطق بالحكم يوم التلات اللي جاي ١١ يونيو
بلدنا بالمصري: قضية لإلزام الحكومة بإبلاغ المواطنين بمواعيد قطع الكهرباء
أراضي الدقهلية العطشانة وشكوى فلاحينها المرة .. في بلدنا بالمصري
بس كله كوم في البلد ديه، والارض العطشانة كوم تاني خالص.. اراضي الدقهلية والشكوى المرة لفلاحينها مجرد عينة
ورشة عمل الفن البيئى .. في بلدنا بالمصري
خديجة الحناوي: لا يعلم أحد مكان أحمد دومة بعد دفع الكفالة
ومعنا عبر الهاتف خديجة الحناوي الملقبة بأم الثوار: لايعلم أحد مكان أحمد دومة وتوجهت زوجته والمحامي لتقديم بلاغ ضد النائب العام ووزير الداخلية
نهاد أبو القمصان: قانون الجمعيات الذي قدمه الرئيس هو أفضل للإخوان
د. راجية الجزراوي: قانون الجمعيات المقترح يخدم شريحة معينة
مجدي عبد الحميد: العقلية التى تحكم المشرع المصري استبدادية متسلطة
بلدنا بالمصري: مشروع قانون الجمعيات الأهلية باللي ليه واللي عليه
النهاردة بدأ مجلس الشورى في مناقشة مشروع قانون الجمعيات الاهلية اللي قدمته الرياسة بذات نفسها ووصفته بانه "ثمرة من ثمار الثورة في طريقها الى النضوج" والهدف منه دعم دور هذه المنظمات وازالة العقبات الادارية، على أساس ان الدولة لا هي مسيطرة ولا هي بتسعى للسيطرة على المجتمع المدني.. دة الريس اللي بيقول.. ودة كلام جميل وكلام معقول كان ممكن ما نقدرش نقول حاجة عنه، غيرش بس ان ذات نفس الثمرة اللي في طريقها الى النضوج، وصفها عدد كبير من منظمات المجتمع المدني المصرية والدولية بالضربة القاضية للعمل الحقوقي في مصر.... لكن رجع رئيس لجنة التنمية البشرية في مجلس الشورى وقال في المؤتمر الصحفي النهاردة زي ما سمعنا كدة: إن مشروع قانون الجمعيات الأهلية سيكون «مصريا خالصا وطبقا لمصلحة مصر العليا ولن تملى علينا أي ضغوط خارجية لإخراج القانون وفقا للأهواء الخارجية»... وبالتالي السؤال اللي بيطرح نفسه خاصةً بعض الدور اللي لعبته منظمات ومجموعات وحركات ومبادرات وجبهات المجتمع المدني قبل الثورة وبزيادة من بعدها في الدفاع عن المعتقلين وحقوق الشهدا والمصابين والدفاع عن اصحاب الحقوق الاصيلة في السكن وفي الصحة وفي التعليم وفي حرية الرأي والتعبير وفي المعرفة وغيرها من الحقوق الاساسية والاصيلة لأي بني ادم على وش الارض خاصةً لو كان كمان بدرجة مواطن.. فالسؤال، بعد كل دة: ايش حال العمل المدني والحقوقي واحنا على وشك نقطف ثمرة قانون الجمعيات الاهلية؟!!! الثمرة ديه حلوة ولا مرة علقم.. دة السؤال اللي هنستعين عليه بضيوفنا النهاردة
